Just In
- 8 min ago കുട്ടികളോട് നിങ്ങൾ ഇങ്ങനെ ചെയ്യരുത്, കാറിൽ ഒറ്റയ്ക്ക് ഇരുത്തരുതെന്ന് ദുരന്ത നിവാരണ അതോറിറ്റിയുടെ മുന്നറിയിപ്
- 1 hr ago സ്റ്റെഡി ലൈക്ക് എ വടി! 3 വർഷം തുടർച്ചയായി മികച്ച നേട്ടം; ഇന്ത്യയിൽ മാഗ്നൈറ്റുമായി നാഴികക്കലുകൾ കീഴടക്കി നിസാൻ
- 1 hr ago ചുവപ്പ് മാത്രമല്ല, 'വെള്ള' കണ്ടാലും കലിപ്പ്! വൈറ്റ് എല്ഇഡി ലൈറ്റുള്ള വാഹനങ്ങള്ക്ക് പണി കിട്ടും
- 2 hrs ago ആഡംബര കാറിനായി മുടക്കിയത് 1.50 കോടി രൂപ, ചലിക്കുന്ന കൊട്ടാരം സ്വന്തമാക്കി ഹിന്ദി സിനിമയുടെ 'വിക്കി ഡോണർ'
Don't Miss
- News ഹാട്രിക്ക് പോരില് ഡീന് ഉറപ്പിച്ചോ..? അതോ ജോയ്സ് കയറിവരുമോ? സഭാ പിന്തുണ നിര്ണായകമാകും
- Movies ഞാന് കെട്ടാന് ആഗ്രഹിച്ചിരുന്ന കുട്ടിയാണ്, വിവാഹിതയായെങ്കില് അണ്ഫോളോ ചെയ്യുന്നു! അപര്ണയോട് ആരാധകര്
- Technology തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
- Lifestyle ചര്മ്മത്തിലെ വെളുത്ത പാടുകള് കൂടുന്നോ? വെള്ളപ്പാണ്ട് അല്ല, പക്ഷേ ശ്രദ്ധിക്കണം
- Sports IPL 2024: ജയം തുടരാന് ഡല്ഹി, കണക്കുവീട്ടാന് ഗുജറാത്ത്; ടോസ് 7 മണിക്ക്
- Finance ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം
- Travel ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
സിട്രൺ C21 കോംപാക്ട് എസ്യുവിയെക്കുറിച്ച് അറിഞ്ഞിരിക്കേണ്ട കാര്യങ്ങൾ
ഫ്രഞ്ച് കാർ നിർമാതാക്കളായ PSA ഗ്രൂപ്പ് 2021 -ന്റെ ആദ്യ പാദത്തിൽ സിട്രൺ C5 എയർക്രോസ് അഞ്ച് സീറ്റർ പ്രീമിയം എസ്യുവി ഔദ്യോഗികമായി ഇന്ത്യൻ വിപണിയിൽ അവതരിപ്പിക്കും. പുതിയ മോഡൽ CBU റൂട്ടിലൂടെയെത്തും, ഇതിന് 28-30 ലക്ഷം രൂപയോളം വില പ്രതീക്ഷിക്കുന്നു.
പ്രാദേശികമായി വികസിപ്പിച്ച ഉൽപന്നങ്ങൾ 2021 -ന്റെ രണ്ടാം പകുതി മുതൽ ഇന്ത്യയിൽ പുറത്തിറക്കുമെന്ന് സിട്രൺ സ്ഥിരീകരിച്ചു. പ്രാദേശികമായി വികസിപ്പിച്ച ആദ്യത്തെ ഗ്രൂപ്പ് PSA ഉൽപ്പന്നം സിട്രൺ C21 എന്ന രഹസ്യനാമമുള്ള പുതിയ സബ് ഫോർ മീറ്റർ എസ്യുവിയാകും.
സിട്രൺ C21 മോഡലിനെക്കുറിച്ച് നിലവിൽ അറിയാവുന്ന് അഞ്ച് പ്രധാന കാര്യങ്ങളാണ് ഈ ലേഖനത്തിൽ ഞങ്ങൾ പങ്കുവെക്കുന്നത്.
1. സിട്രൺ C21 പ്രാദേശിക പരിശോധന ആരംഭിച്ചു
വരാനിരിക്കുന്ന സിട്രൺ C21 കോംപാക്ട് എസ്യുവിയുടെ പ്രാദേശിക പരിശോധന കമ്പനി ആരംഭിച്ചു. കനത്ത മറവുകളോടെ വാഹനം പരീക്ഷണം നടത്തുന്നത് കണ്ടെത്തിയിരുന്നു. എന്നിരുന്നാലും, വരാനിരിക്കുന്ന മോഡലിന് ഫ്ലേഡ് വീൽ ആർച്ചുകൾ, അപ്പ്റൈറ്റ് ഫ്രണ്ട്, വലിയ ബമ്പർ എന്നിവയുൾപ്പെടെ ബോൾഡ് സാന്നിധ്യമുണ്ടാവുമെന്ന് കാണാം.
2. PSA -യുടെ CMP മോഡുലാർ പ്ലാറ്റ്ഫോം
ഗ്രൂപ്പ് PSA CMP (EMP 1) പ്ലാറ്റ്ഫോമിനെ അടിസ്ഥാനമാക്കിയായിരിക്കും സബ് ഫോർ മീറ്റർ എസ്യുവി ഒരുങ്ങുന്നത്. ഈ പൊതു മോഡുലാർ പ്ലാറ്റ്ഫോം നിലവിൽ ഗ്രൂപ്പ് PSA -യിൽ നിന്നുള്ള നിരവധി ആഗോള ഉൽപ്പന്നങ്ങൾക്ക് അടിവരയിടുന്നു. വാസ്തവത്തിൽ, ജനപ്രിയ പൂഷോ 208 ഹാച്ച്ബാക്കും ഈ പ്ലാറ്റ്ഫോമിനെ അടിസ്ഥാനമാക്കിയുള്ളതാണ്.
ഹാച്ച്ബാക്ക്, സെഡാൻ, എസ്യുവി എന്നിവയുൾപ്പെടെ വ്യത്യസ്ത ബോഡിസ്റ്റൈലുകളുമായി പുതിയ CMP പ്ലാറ്റ്ഫോം പൊരുത്തപ്പെടുന്നു. പെട്രോൾ, ഡീസൽ, ഹൈബ്രിഡ്, ഇലക്ട്രിക് തുടങ്ങി വിവിധ തരം എഞ്ചിനുകൾ ഉൾക്കൊള്ളാനും ഈ പ്ലാറ്റ്ഫോമിന് കഴിയും.
3. 1.2 ലിറ്റർ ടർബോചാർജ്ഡ് പെട്രോൾ എഞ്ചിൻ
1.2 ലിറ്റർ ടർബോചാർജ്ഡ് പെട്രോൾ എഞ്ചിനുമായി സിട്രൺ കോംപാക്ട് എസ്യുവി വരുമെന്ന് പ്രതീക്ഷിക്കുന്നു. 130 bhp കരുത്ത് ഉത്പാദിപ്പിക്കാൻ സാധ്യതയുള്ള ഈ എഞ്ചിൻ മാനുവൽ, ഓട്ടോമാറ്റിക് ഗിയർബോക്സ് ഓപ്ഷനുകൾ വാഗ്ദാനം ചെയ്യും. 1.2 ലിറ്റർ നാച്ചുറലി ആസ്പിറേറ്റഡ് പെട്രോളിനൊപ്പം 1.5 ലിറ്റർ ഡീസൽ എഞ്ചിനുമുള്ള C21 മോഡലും സിട്രണിന് നൽകാൻ കഴിയും.
4. 2021 രണ്ടാം പാദത്തിൽ സമാരംഭം
പ്രാദേശികമായി വികസിപ്പിച്ച സിട്രൺ ഉൽപന്നങ്ങൾ 2021 -ന്റെ രണ്ടാം പകുതിയിൽ വിപണിയിലെത്തുമെന്നാണ് റിപ്പോർട്ട്. 2021 ഉത്സവ സീസണിൽ പുതിയ മോഡൽ വിപണിയിൽ എത്താൻ സാധ്യതയുണ്ട്. മിഡ് സൈസ് സെഡാൻ, പ്രീമിയം ഹാച്ച്ബാക്ക്, പുതിയ ഇലക്ട്രിക് മിനി എസ്യുവി എന്നിവയെല്ലാം ഇന്ത്യയിൽ ഉത്പാദിപ്പിക്കാനുള്ള ഒരുക്കത്തിലാണ് നിർമ്മാതാക്കൾ.
5. സിട്രൺ C21 എതിരാളികൾ
ഹ്യുണ്ടായി വെന്യു, മഹീന്ദ്ര XUV300, ടാറ്റ നെക്സോൺ, ഫോർഡ് ഇക്കോസ്പോർട്ട്, മാരുതി സുസുക്കി വിറ്റാര ബ്രെസ്സ എന്നിവയ്ക്കെതിരെയാണ് വരാനിരിക്കുന്ന സിട്രൺ C21 കോംപാക്ട് എസ്യുവി മത്സരിക്കുന്നത്.
Images are for Representative Purpose Only