Just In
- 5 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 7 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 8 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 9 hrs ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
Don't Miss
- Movies അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ
- News കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില്
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
- Sports IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ?
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
വിപണിയിൽ ഇടംപിടിക്കാൻ തയാറായി ടൊയോട്ട ഹാരിയർ
ടൊയോട്ട ഹാരിയറിന്റെ പുതുതലമുറ മോഡൽ വിപണിയിൽ ഇടംപിടിക്കാൻ ഒരുങ്ങുന്നു. പേടിക്കേണ്ട പേര് കൃത്യമായി തന്നെയാണ് നിങ്ങൾ വായിച്ചത്. ഹാരിയർ എന്നൊരു ക്രോസ്ഓവർ എസ്യുവിയും ടൊയോട്ടയുടെ അന്താരാഷ്ട്ര നിരയിൽ ഉണ്ട്.
ഇന്ത്യയിൽ വിൽക്കുന്ന ടാറ്റയുടെ മിഡ്-സൈസ് എസ്യുവിയായ ഹാരിയറുമായി യാതൊരു ബന്ധവും ഇതിനില്ല. ടൊയോട്ട ഹാരിയർ 1997 മുതൽ വിൽപ്പനയ്ക്കെത്തുന്ന മോഡലണെന്ന് നിങ്ങൾക്കറിഞ്ഞിരിക്കേണ്ട കാര്യമാണ്. നിലവിലെ തലമുറ മോഡൽ 2013 മുതൽ വിൽപ്പനയ്ക്കെത്തുന്നുമുണ്ട്.
ടൊയോട്ട കാറിന്റെ അവതരണത്തെക്കുറിച്ചുള്ള ഔദ്യോഗിക വിവരങ്ങളൊന്നും കമ്പനി ഇതുവരെ പുറത്തുവിട്ടിട്ടില്ലെങ്കിലും വരാനിരിക്കുന്ന ഹാരിയറിന്റെ വിശദാംശങ്ങളൊല്ലാം കാണിക്കുന്ന ഒരു വീഡിയോ ഓൺലൈനിലൂടെ പുറത്തുവന്നു.
രൂപകൽപ്പനയുടെ കാര്യത്തിൽ എസ്യുവിക്ക് ചരിഞ്ഞ മേൽക്കൂരയും നീളമുള്ള ഹുഡും ലഭിക്കും. 2021 ഹാരിയറിന്റെ മുൻവശത്ത് ഷാർപ്പ് എൽഇഡി ഹെഡ്ലാമ്പുകളും സ്ലീക്കർ ക്രോം അപ്പർ ഗ്രില്ലും ഇടംപിടിക്കുന്നു.
ബൂട്ടിലുടനീളം പ്രവർത്തിക്കുന്ന പൂർണ വീതിയിലുള്ള എൽഇഡി ടെയിൽ ലാമ്പുകൾ എസ്യുവിയുടെ പിൻഭാഗത്തെ മനോഹരമാക്കുന്നു. അധിക സവിശേഷതകളുടെ കാര്യത്തിൽ പുതുമ നിലനിർത്താൻ കഴിയുന്ന ഒരു ഇലക്ട്രോക്രോമിക് സൺറൂഫും ഐആർവിഎമ്മിൽ സംയോജിപ്പിച്ച ഒരു ഡാഷ് ക്യാമും ടൊയോട്ട ക്രോസ്ഓവർ എസ്യുവിയിൽ സജ്ജമാക്കുമെന്നാണ് പ്രതീക്ഷിക്കുന്നത്.
ടൊയോട്ട ന്യൂ ഗ്ലോബൽ ആർക്കിടെക്ചറിനെ (TNGA) അടിസ്ഥാനമാക്കിയുള്ളതാണ് 2021 ഹാരിയർ. ടൊയോട്ടയുടെ ഏറ്റവും പുതിയ മോഡലുകളായ കാമ്രി, RAV4, അവലോൺ എന്നിവയ്ക്കും ഇതേ പ്ലാറ്റ്ഫോമാണ് അടിവരയിടുന്നത്. ക്രോസ്ഓവർ എസ്യുവിയിൽ 2.0 ലിറ്റർ ഡയറക്ട് ഇഞ്ചക്റ്റ് ഡൈനാമിക് ഫോഴ്സ് പെട്രോൾ എഞ്ചിനാകും വാഗ്ദാനം ചെയ്യുക. ഇത് പരമാവധി 172 bhp കരുത്തും 203 Nm torque ഉം ഉത്പാദിപ്പിക്കുന്നു.
ഇതേ യൂണിറ്റാണ് RAV4-ലും ഉപയോഗിക്കുന്നത്. മറുതലം നോക്കിയാൽ കാമ്രി ഹൈബ്രിഡിന്റെ 2.5 ലിറ്റർ പെട്രോൾ എഞ്ചിനൊപ്പവും ഹാരിയർ വിപണിയിൽ ഇടംപിടിക്കാൻ സാധ്യതയുണ്ട്. അത് ഒരു ജോഡി ഇലക്ട്രിക് മോട്ടോറുകൾ സംയോജിപ്പിച്ച് പമാവധി 211 bhp പവർ ഔട്ട്പുട്ട് നൽകും.
മൂന്നാംതലമുറ ഹാരിയറിനൊപ്പം നിലവിൽ വാഗ്ദാനം ചെയ്യുന്ന 2.0 ലിറ്റർ ടർബോ-പെട്രോൾ എഞ്ചിൻ ടൊയോട്ട നിർത്തലാക്കുമെന്ന് അറിയിച്ചിട്ടുണ്ട്. ടൊയോട്ട ഹാരിയർ സിംഗപ്പൂരിലും മലേഷ്യയിലും മാത്രമാണ് വിൽപ്പനക്ക് എത്തുന്നത്. മൂന്നാംതലമുറ മോഡൽ ആദ്യമായി ജാപ്പനീസ് വിപണിയിലും ഇത്തവണ അരങ്ങേറ്റം കുറിക്കും.
ഇവിടുത്തെ വിജയം കണക്കിലെടുത്താകും മറ്റ് ആഗോളവിപണികളിൽ ടൊയോട്ട ഹാരിയർ ക്രോസ്ഓവറിനെ അവതരിപ്പിക്കണോ എന്ന കാര്യം കമ്പനി പരിഗണിക്കുകയുള്ളൂ. എങ്കിലും ഇന്ത്യൻ വിപണിയിൽ മോഡലിനെ പുറത്തിറക്കാനുള്ള സാധ്യതകൾ വളരെ കുറവാണ്.
Source: Autocorsa/Instagram