Just In
- 1 hr ago ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ
- 11 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 14 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 15 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
Don't Miss
- Lifestyle സര്വ്വദുരിതങ്ങളും നീക്കുന്ന സങ്കടഹര ചതുര്ത്ഥി വ്രതം; ഗണേശ ആരാധനയ്ക്ക് വിശേഷ ഫലം
- Finance കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം
- News രാമക്ഷേത്ര പരാമർശം; നരേന്ദ്ര മോദിക്ക് ഇലക്ഷൻ കമ്മീഷന്റെ ക്ലീൻ ചിറ്റ്, ചട്ടലംഘനമില്ലെന്ന് കണ്ടെത്തൽ
- Sports IPL 2024:ഫിഫ്റ്റി, 1 വിക്കറ്റ്, 3 ക്യാച്ച്; പക്ഷെ അക്ഷര് കളിയിലെ താരമായില്ല! റിഷഭിനായി ഒതുക്കി?
- Technology സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ
- Movies ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
- Travel ഇന്ത്യയിലെ ഏറ്റവും മികച്ച സൂര്യോദ കാഴ്ചകൾ.. ഇതിലൊന്ന് ഏറ്റവും കൂടുതൽ കണ്ടത് മലയാളികളായിരിക്കും
കഴിഞ്ഞ മാസം ഏറ്റവും കൂടുതൽ വിറ്റഴിച്ച എസ്യുവി മോഡലുകൾ
2020 മാർച്ച് മാസത്തിൽ ഇന്ത്യൻ വിപണിയിൽ ഏറ്റവുമധികം വിറ്റഴിക്കപ്പെട്ട മികച്ച പത്ത് എസ്യുവികളുടെ പട്ടിക പുറത്തിറങ്ങി. തുടർച്ചയായ മൂന്നാം തവണയും കിയ സെൽറ്റോസ് തന്നെയാണ് ഒന്നാംസ്ഥാനത്ത്.
മിഡ് സൈസ് എസ്യുവി കഴിഞ്ഞ മാസം 7,466 യൂണിറ്റ് വിൽപ്പനയാണ് രേഖപ്പെടുത്തിയത്. 2019 ഓഗസ്റ്റിലാണ് രാജ്യത്ത് കിയ സെൽറ്റോസ് അരങ്ങേറ്റം കുറിക്കുന്നത്. അതിനുശേഷം ഇന്ത്യൻ വിപണിയിൽ മികച്ച പ്രതികരണമാണ് മോഡലിന് ലഭിച്ചത്. വിപണിയിലെത്തിയതിനുശേഷം 80,000 യൂണിറ്റ് സെൽറ്റോസുകൾ വിറ്റഴിക്കാൻ സാധിച്ചെന്ന് കിയ മോട്ടോർസ് അടുത്തിടെ പ്രഖ്യാപിച്ചിരുന്നു.
സെൽറ്റോസിന്റെ പ്രധാന എതിരാളിയായ ഹ്യുണ്ടായി ക്രെറ്റയാണ് മാർച്ചിൽ ഏറ്റവും കൂടുതൽ വിൽപ്പന നേടിയ രണ്ടാമത്തെ എസ്യുവി. ഒരിടയ്ക്ക് ഈ വിഭാഗത്തിലെ രാജാവായിരുന്ന മോഡൽ പുതിയ എതിരാളികൾ വിപണിയിൽ ഇടംപിടിച്ചതോടെ വിൽപ്പനയുടെ കാര്യത്തിൽ ക്രെറ്റയുടെ വിപണി ഇടിഞ്ഞു.
എന്നാൽ അടിമുടി മാറ്റങ്ങളോടെ രണ്ടാംതലമുറയിലേക്ക് കടന്ന് കഴിഞ്ഞ മാസം വിൽപ്പന ആരംഭിച്ച ക്രെറ്റ ആദ്യ മാസത്തിൽ തന്നെ 6,706 യൂണിറ്റുകളുടെ വിൽപ്പന രേഖപ്പെടുത്തിയാണ് കരുത്തുകാട്ടിയത്.
ഹ്യുണ്ടായിയുടെ തന്നെ കോംപാക്ട് എസ്യുവിയായ വെന്യുവാണ് പട്ടികയിൽ മൂന്നാംസ്ഥാനത്ത് ഇടംനേടിയത്. ഈ വിഭാഗത്തിലെ ഏറ്റവും മികച്ച മോഡലെന്ന പദവിയും വെന്യുവിന് അർഹതപ്പെട്ടതാണ്. 2020 മാർച്ച് മാസത്തിൽ 6,127 യൂണിറ്റ് വിൽപ്പനയാണ് ഹ്യുണ്ടായിയുടെ സബ്-4 മീറ്റർ എസ്യുവിക്ക് ലഭിച്ചത്.
പ്രധാന എതിരാളിയായ മാരുതി സുസുക്കി വിറ്റാര ബ്രെസ നാലാം സ്ഥാനത്താണ്. അടുത്തിടെ ഒരു ഫെയ്സ്ലിഫ്റ്റ് നവീകരണം ലഭിച്ചബ്രെസ ഇപ്പോൾ പെട്രോൾ അവതാരത്തിലും ലഭ്യമാണ്. ഡീസൽ പതിപ്പിനെ കമ്പനി വിപണിയിൽ നിന്നും പിൻവലിക്കുകയും ചെയ്തിരുന്നു. മാരുതിയിൽ നിന്നുള്ള കോംപാക്ട് എസ്യുവി മാർച്ചിൽ 5,513 യൂണിറ്റ് വിൽപ്പനയാണ് സ്വന്തമാക്കിയത്.
ടാറ്റ നെക്സോൺ പട്ടികയിലെ ആദ്യ അഞ്ച് സ്ഥാനങ്ങൾ പൂർത്തിയാക്കുന്നു. നെക്സോൺ എസ്യുവിക്കും അടുത്തിടെ ഫെയ്സ്ലിഫ്റ്റ് ലഭിച്ചിരുന്നു. ഇത് ഇപ്പോൾ മുമ്പത്തേതിനേക്കാൾ ആകർഷകവും ആധുനികവുമായി കാണപ്പെടുന്നു. ഫോർഡ് ഇക്കോസ്പോർട്ടാണ് വിൽപ്പന കണക്കുകളിൽ ആറാം സ്ഥാനത്തുള്ളത്.
രണ്ട് എസ്യുവികളും 2020 മാർച്ച് മാസത്തിൽ സമാനമായ വിൽപ്പന കണക്കുകൾ രേഖപ്പെടുത്തി. നെക്സോൺ 2,646 യൂണിറ്റുകളും ഇക്കോസ്പോർട്ട് 2,197 യൂണിറ്റ് വിൽപ്പനയുമാണ് സ്വന്തമാക്കിയത്.
മിഡ്-സൈസ് എസ്യുവി ശ്രേണിയിൽ കിയ സെൽറ്റോസിന്റെയും പുതിയ ഹ്യുണ്ടായി ക്രെറ്റയുടെയും പ്രധാന എതിരാളിയായ എംജി ഹെക്ടറാണ് പട്ടികയിൽ ഏഴാമത്. 2020 മാർച്ചിൽ 1,402 യൂണിറ്റ് വിൽപ്പന നേടാൻ സാധിച്ചെങ്കിലും എസ്യുവിയുടെ ശരാശരി വിൽപ്പനയിൽ നിന്ന് 2000 യൂണിറ്റുകളുടെ വിൽപ്പന കുറഞ്ഞത് ശ്രദ്ധേയമായി.
ടൊയോട്ട ഫോർച്യൂണർ, മഹീന്ദ്ര XUV300, ടാറ്റ ഹാരിയർ എന്നിവയാണ് പട്ടികയുടെ അവസാന മൂന്ന് സ്ഥാനങ്ങളിലുള്ളത്. ഫോർച്യൂണർ കഴിഞ്ഞ മാസത്തിൽ മികച്ച പ്രകടനം കാഴ്ചവെച്ചു 1,100 യൂണിറ്റ് വിൽപ്പനയാണ് ബ്രാൻഡിനായി നേടിക്കൊടുത്തത്. 814 യൂണിറ്റുമായി XUV300 ഉം 632 യൂണിറ്റ് വിൽപ്പനയുള്ള ടാറ്റ ഹാരിയറും 2020 മാർച്ച് മാസത്തിലെ വിൽപ്പനയിൽ വലിയ ഇടിവ് നേരിട്ടു.
ലോകത്തെ മൊത്തത്തിൽ ബാധിച്ചിരിക്കുന്ന കൊവിഡ്-19 പകർച്ചവ്യാധിക്കിടയിൽ മുഴുവൻ വാഹന വ്യവസായവും പ്രതിസന്ധി നേരിടുകയാണ്. മിക്ക കമ്പനികളും അടച്ചുപൂട്ടിയതിനാൽ വരും മാസങ്ങളിൽ കമ്പനികൾക്ക് വൻ നഷ്ടം നേരിടേണ്ടി വരും. ഇതിൽ നിന്നും കരകയറാൻ കുറച്ചുമാസങ്ങൾ എടുക്കുമെന്നാണ് കണക്കുകൂട്ടലുകൾ.