Just In
- 34 min ago മഹീന്ദ്ര 'പപ്പടം' അങ്ങനെ ഇറക്കാത്തതാണല്ലോ..! ഈ എസ്യുവിക്ക് ക്രാഷ് ടെസ്റ്റില് കിട്ടിയത് 1 സ്റ്റാര്
- 1 hr ago സ്കൂട്ടറിനേക്കാൾ ലാഭമാണല്ലോ, 70 കി.മീ. വരെ റേഞ്ചുള്ള ഇലക്ട്രിക് സൈക്കിളുമായി ഹീറോ
- 2 hrs ago വിദേശ മലയാളികളുടെ ശ്രദ്ധയ്ക്ക്, സർപ്രൈസ് വെളളപ്പൊക്കത്തിൽ നിന്ന് വാഹനം എങ്ങനെ സംരക്ഷിക്കാം
- 2 hrs ago 10 പേര്ക്ക് സുഖമായി പോകാം, കിലോമീറ്ററിന് ചെലവ് വെറും 3.5 രൂപ! 'മാജിക്' തുടരാന് ടാറ്റ വാന്
Don't Miss
- Sports IPL 2024: കണക്കുവീട്ടാന് സിഎസ്കെ, ജയം തുടരാന് ലഖ്നൗ- ടോസ് 7 മണിക്ക്
- Lifestyle 18 മാസം കൊണ്ട് 108 കിലോ കുറച്ചത് വെറുതേയായി; വീണ്ടും തടി കൂടി ആനന്ദ് അംബാനി; കാരണം ഇത്
- Finance 1 വർഷത്തെ കാലാവധിയുള്ള എഫ്.ഡിക്ക് മികച്ച പലിശ നേടാം, ഈ ബാങ്കിലേക്ക് പോകൂ
- News കോൺഗ്രസ് ഭരണത്തിൽ ഹനുമാൻ ചാലിസ കേൾക്കുന്നത് പോലും കുറ്റകരം; വിദ്വേഷ പരാമർശം ആവർത്തിച്ച് മോദി
- Movies ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി
- Technology രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ടൊയോട്ട RAV4 എസ്യുവി 2021 പകുതിയോടെ ഇന്ത്യയിൽ എത്തിയേക്കും
ജാപ്പനീസ് കാർ നിർമാതാക്കളായ ടൊയോട്ടയുടെ ആയുധപ്പുരയിലെ ഏറ്റവും വിജയകരമായ വാഹനങ്ങളിലൊന്നാണ് RAV4 എസ്യുവി. 1994-ൽ അരങ്ങേറ്റം കുറിച്ച മോഡൽ ഇപ്പോൾ അതിന്റെ അഞ്ചാം തലമുറ ആവർത്തനത്തിലാണ്.
ജപ്പാൻ, യുഎസ്എ, യൂറോപ്പ്, ഓസ്ട്രേലിയ തുടങ്ങിയ വിപണികളിൽ വിൽക്കുന്ന ആഗോള മോഡലാണിത്. ഇപ്പോൾ ടൊയോട്ട ഇന്ത്യയിലും RAV4 അവതരിപ്പിക്കാൻ ഒരുങ്ങുന്നതായാണ് റിപ്പോർട്ടുകൾ പുറത്തുവരുന്നത്.
4,600 മില്ലീമീറ്റർ നീളവും 1,855 മില്ലീമീറ്റർ വീതിയും 1,685 മില്ലീമീറ്റർ ഉയരവും 2,690 മില്ലീമീറ്റർ നീളമുള്ള വീൽബേസുമുള്ള ഒരു തട്ടുപൊളിപ്പൻ എസ്യുവി തന്നെയാണ് ടൊയോട്ട RAV4. ഷാർപ്പ്-ബോൾഡ് സ്റ്റൈലിംഗാണ് വാഹനത്തിന്റെ പ്രധാന ആകർഷണം.
MOST READ: ഗ്രാന്ഡ് ചെറോക്കിയെ ഇന്ത്യന് വെബ്സൈറ്റില് നിന്നും നീക്കം ചെയ്ത് ജീപ്പ്
നേർത്ത ഹെഡ്ലാമ്പുകളും ടെയിൽലാമ്പുകളും, വലിയ ഫ്രണ്ട് ഗ്രില്ലും വലിയ ബമ്പറുകളും എസ്യുവിയുടെ സ്റ്റൈലിംഗിൽ പ്രധാന പങ്കുവഹിച്ചിരിക്കുന്നു. സാധാരണ ക്രോസ്ഓവർ രീതിയിൽ വാഹനത്തിന് കറുത്ത പ്ലാസ്റ്റിക് ക്ലാഡിംഗും വശങ്ങളിൽ വീൽ ആർച്ചുകളും RAV4-ൽ ഇടംപിടിച്ചിരിക്കുന്നു.
മാന്യമായ വലിപ്പം കാരണം എസ്യുവിക്ക് ധാരാളം ഇന്റീരിയർ ഇടം തന്നെയാണ് ലഭിക്കുന്നത്. ഇത് രണ്ട്-വരി 5-സീറ്റർ വാഹനമാണെന്നത് ശ്രദ്ധിക്കേണ്ട ഘടകമാണ്. പുറംമോടിയിൽ നിന്നും വ്യത്യസ്തമായി ഇന്റീരിയർ ഡിസൈൻ വളരെ ലളിതമാണ്.
MOST READ: മിത്സുബിഷി എക്ലിപ്സ് ക്രോസ് ഫെയ്സ്ലിഫ്റ്റ് ഒരുങ്ങി; കാണാം പുതിയ ടീസർ വീഡിയോ
ആൻഡ്രോയിഡ് ഓട്ടോ, ആപ്പിൾ കാർപ്ലേ, ആമസോൺ അലക്സാ കണക്റ്റിവിറ്റി വാഗ്ദാനം ചെയ്യുന്ന 7 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റത്തിനായി ഒരു ഫ്ലോട്ടിംഗ് ഡിസൈൻ ഉൾപ്പെടുത്തിയിരിക്കുന്നു. കൂടാതെ 8 ഇഞ്ച് യൂണിറ്റ് ഓപ്ഷണലായും തെരഞ്ഞെടുക്കാൻ സാധിക്കും.
ഇൻസ്ട്രുമെന്റ് ക്ലസ്റ്ററിന് ഒരു വലിയ MID ഉപയോഗിച്ച് പരമ്പരാഗത ഡയലുകൾ ലഭിക്കുന്നു. ഒപ്പം ഒരു മൾട്ടി-ഫംഗ്ഷൻ സ്റ്റിയറിംഗ് വീലും അകത്തളത്തെ മനോഹാരിത വർധിപ്പിക്കുന്നു. ഇതിൽ കീലെസ് എൻട്രി, വയർലെസ് ഫോൺ ചാർജിംഗ്, പനോരമിക് ഗ്ലാസ് റൂഫ്, 11 സ്പീക്കർ ജെബിഎൽ മ്യൂസിക് സിസ്റ്റം എന്നിവയും ഇടംപിടിച്ചിരിക്കുന്നു.
MOST READ: റൂമി മിനിവാനിനെയും ഗാസോ റേസിംഗ് പതിപ്പിലേക്ക് ഒരുക്കി ടൊയോട്ട
ബൂട്ടിൽ ഏകദേശം 1065 ലിറ്റർ സ്ഥലമാണ് ടൊയോട്ട വാഗ്ദാനം ചെയ്യുന്നത്. ടൊയോട്ട RAV4 2.5 ലിറ്റർ പെട്രോൾ എഞ്ചിനൊപ്പമാണ് വിപണിയിൽ എത്തുന്നത്. ഇത് 203 bhp പവറും 250 Nm torque ഉം ഉത്പാദിപ്പിക്കും. എട്ട് സ്പീഡ് ഓട്ടോമാറ്റിക് ഗിയർബോക്സുമായാണ് എഞ്ചിൻ ജോടിയാക്കിയിരിക്കുന്നത്.
2.5 ലിറ്റർ പെട്രോൾ എഞ്ചിനൊപ്പം രണ്ട് ഇലക്ട്രിക് മോട്ടോറുകളും പ്രവർത്തിക്കുന്ന ഒരു ഹൈബ്രിഡ് പതിപ്പും ഓപ്ഷണലായി കമ്പനി വാഗ്ദാനം ചെയ്യുന്നുണ്ട്. ഇതിന്റെ സംയോജിത പവർ ഔട്ട്പുട്ട് 219 bhp ആണ്. മാത്രമല്ല ഇത് ഒരു സിവിടി ഗിയർബോക്സുമായാണ് വിൽപ്പനയ്ക്ക് എത്തുന്നത്.
MOST READ: ടിവിഎസ് സുസുക്കി സമുറായി; അന്നും ഇന്നും ഒരു നോ പ്രോബ്ലം ബൈക്ക്
2021 പകുതിയോടെ ടൊയോട്ട RAV4 ഇന്ത്യയിൽ എത്തുമെന്നാണ് പ്രതീക്ഷിക്കുന്നത്. വെൽഫയർ പോലെ ഹോമോലോഗേഷൻ ഒഴിവാക്കുന്നതിനായി RAV4 ഒരു സിബിയു ഇറക്കുമതിയായി ആഭ്യന്തര വിപണിയിൽ എത്തും. 40 ലക്ഷം മുതൽ 60 ലക്ഷം രൂപ വരെ എസ്യുവിക്ക് പ്രതീക്ഷിക്കാം.