Just In
- 53 min ago ഇന്ത്യയ്ക്ക് പപ്പടം പായസം, UK-യ്ക്ക് ബീഫ് സ്റ്റീക്കും; 2024 സ്വിഫ്റ്റിന്റെ കാര്യത്തിൽ സുസുക്കിയുടെ നയം ഇങ്ങനെ
- 1 hr ago 'കുടുംബം' നോക്കാന് ഏഥര്! രാജ്യം കാത്തിരുന്ന ഫാമിലി സ്കൂട്ടറിനായുള്ള ബുക്കിംഗ് തുടങ്ങി
- 2 hrs ago ഒരു ഇന്നോവയ്ക്കും തരാൻ പറ്റാത്ത യാത്രാസുഖം, പ്രേമലു നായകന്റെ 'സൂപ്പർബ് കാർ' തിരിച്ചുവരുന്നു
- 3 hrs ago 20 വര്ഷത്തിന് ശേഷം ലംബോര്ഗിനി മാറ്റിയ ലോഗോ കണ്ടോ? ഒരമ്മ പെറ്റ അളിയന്മാരെന്നേ പറയൂ...
Don't Miss
- Finance 1 വർഷം കൊണ്ട് 50% അധികം നേട്ടം, 10,000 രൂപയുടെ എസ്ഐപി 1.5 ലക്ഷം രൂപയായി, വിശദമായി അറിയാം
- Sports IPL 2024: ജയം തുടരാന് ആര്സിബിയും കെകെആറും, ഗംഭീര്-കോലി നേര്ക്കുനേര്; ടോസ് 7 മണിക്ക്
- Movies ദീലിപിനെതിരെ പരാതിപ്പെടാന് നിര്ബന്ധിച്ചത് സിദ്ധീഖ്; വിനയന് പെട്ടുപോയതാണ്; തുറന്ന് പറഞ്ഞ് തുളസീദാസ്
- Lifestyle 200-ല് ഒരു പുരുഷന് വീതം തൊണ്ടയില് ക്യാന്സര് സാധ്യത: ചെറിയ തൊണ്ട വേദന പോലും ശ്രദ്ധിക്കണം
- News ഇഡി കെജ്രിവാളിന്റെ ഫോൺ ആവശ്യപ്പെടുന്നത് എഎപിയുടെ തിരഞ്ഞെടുപ്പ് തന്ത്രമറിയാൻ; അതിഷി
- Technology വേറൊന്നും ചിന്തിക്കാനില്ല, തട്ടി പോക്കറ്റിൽ കേറ്റ്! എസ് 24 സ്മാർട്ട്ഫോണുമായി ഐടെൽ
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
ടി-റോക്കിനെ അവതരിപ്പിച്ച് ഫോക്സ്വാഗണ്; വില 19.99 ലക്ഷം രൂപ
കോംപാക്ട് എസ്യുവി ശ്രേണിയിലേക്ക് ടി-റോക്കിനെ അവതരിപ്പിച്ച് ജര്മ്മന് വാഹന നിര്മ്മാതാക്കളായ ഫോക്സ്വാഗണ്. 19.99 ലക്ഷം രൂപയാണ് വാഹനത്തിന്റെ എക്സ്ഷോറും വില.
വിപണിയില് ജീപ്പ് കോമ്പസ്, എംജി ഹെക്ടര് എന്നിവരാണ് ഈ പുതിയ വാഹനത്തിന്റെ മുഖ്യ എതിരാളികള്. 2020 ഓട്ടോ എക്സ്പോയിലാണ് വാഹനത്തെ ആദ്യമായി കമ്പനി അവതരിപ്പിക്കുന്നത്. ആഭ്യന്തര വിപണിയില് ഫോക്സ്വാഗണ് ഈ മാസം പുറത്തിറക്കുന്ന രണ്ടാമത്തെ മോഡലാണ് കോംപാക്ട് എസ്യുവിയായ ടി-റോക്ക്.
ഇന്ത്യയ്ക്കായുള്ള ബ്രാന്ഡിന്റെ പുതിയ ഉല്പ്പന്ന പദ്ധതിയുടെ ഭാഗമാണ് ഈ മോഡലുകള്. ഒരു CBU ഉല്പ്പന്നമായാകും വാഹനം ഇന്ത്യയിയിലേക്ക് എത്തുന്നത്. കാറിനായുള്ള ബുക്കിങ് നേരത്തെ തന്നെ കമ്പനി ആരംഭിച്ചിരുന്നു.
യുവാക്കളെ ലക്ഷ്യം വച്ച് പുറത്തിറക്കുന്ന ടി-റോക്കിനായി ഇപ്പോള് തന്നെ 300-ല് അധികം ബുക്കിങ് ലഭിച്ചിട്ടുണ്ടെന്നാണ് വിവരം. MQB പ്ലാറ്റ്ഫോമിനെ അടിസ്ഥാനമാക്കിയാണ് വാഹനം നിര്മ്മിച്ചിരിക്കുന്നത്. 4,234 mm നീളവും 1,819 mm വീതിയും, 1,573 mm ഉയരവും, 2,590 mm വീല്ബേസുമുണ്ട് വാഹനത്തിന്.
ഫോക്സ്വാഗന്റെ ടിഗ്വാനേക്കാളും, ടിഗ്വാന് ഓള് സ്പെയ്സിനേക്കാളും ചെറുതാണ് ടി-റോക്ക്. വീല്ബേസും ടിഗ്വാന് ഓള്സ്പെയ്സിനേക്കാള് 200 mm കുറവാണ്.
ക്രോം ലൈനുകളുള്ള ഗ്രില്, എല്ഇഡി ഹെഡ്ലാമ്പുകള്, ടെയില് ലാമ്പുകള്, അലോയ് വീലുകള്, മുന്നിലും പിന്നിലും പാര്ക്കിങ് സെന്സറുകള്, പിന് പാര്ക്കിങ ക്യാമറ, ലെതര് സീറ്റുകള്, പൂര്ണ ഡിജിറ്റല് ഇന്സ്ട്രുമെന്റ് ക്ലസ്റ്റര് തുടങ്ങിയവ കാറിന്റെ സവിശേഷതകളാണ്.
ആറ് എയര്ബാഗുകള്, എബിഎസ്, ഇലക്ട്രോണിക് സ്ഥിരത നിയന്ത്രണം, ട്രാക്ഷന് കണ്ട്രോള് സിസ്റ്റം, ഇലക്ട്രോണിക് ഡിഫറന്ഷ്യല് ലോക്ക്, മോട്ടോര് സ്ലിപ്പ് റെഗുലേഷന്, ഹില്-സ്റ്റാര്ട്ട് അസിസ്റ്റ് തുടങ്ങിയ ഫീച്ചറുകള് സുരക്ഷക്കായി വാഹനത്തില് ലഭ്യമാക്കിയിട്ടുണ്ട്.
ഫ്ലാറ്റ്-ബോട്ടം സ്റ്റിയറിങ് വീല്, ആപ്പിള് കാര്പ്ലേ ആന്ഡ്രോയിഡ് ഓട്ടോ എന്നിവയുടെ പിന്തുണയുള്ള 8.0 ഇഞ്ച് ടച്ച്സ്ക്രീന് ഇന്ഫോടെയിന്മെന്റ് സിസ്റ്റം, ഓട്ടോമാറ്റിക് ഡ്യുവല് സോണ് ക്ലൈമറ്റ് കണ്ട്രോള്, ലതര് സീറ്റുകള്, പനോരമിക് സണ്റൂഫ് എന്നിവയും വാഹനത്തിലെ മറ്റ് സവിശേഷതകളാണ്.
1.5 ലിറ്റര് TSI പെട്രോള് എഞ്ചിനില് മാത്രമാണ് വാഹനം വിപണിയില് എത്തുന്നത്. ഈ എഞ്ചിന് 150 bhp കരുത്തും 250 Nm torque ഉം സൃഷ്ടിക്കും. ഏഴ് സ്പീഡ് DSG ഓട്ടോമാറ്റിക് ഗിയര്ബോക്സ് ഓപ്ഷന് മാത്രമായിരിക്കും വാഹനത്തില് വാഗ്ദാനം ചെയ്യുക.
8.4 സെക്കന്ഡിനുള്ളില് 205 കിലോമീറ്റര് വേഗത കൈവരിക്കാന് കോംപാക്ട് എസ്യുവിക്ക് സാധിക്കുമെന്നും കമ്പനി അവകാശപ്പെടുന്നു. കൊറോണ വൈറസ് ഭീതിയെ തുടര്ന്ന് വാഹനത്തിന്റെ ഇന്ത്യയിലെ അവതരണം ഡിജിറ്റല് വഴിയാണ് കമ്പനി നടത്തിയത്.