Just In
- 2 hrs ago ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
- 2 hrs ago റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം
- 3 hrs ago 69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി
- 4 hrs ago കാറിനും ബൈക്കിനും മാത്രമല്ല വാണിജ്യ വാഹനങ്ങൾക്കും സേഫ്റ്റി തന്നെ പ്രധാനം, കാരണമെന്താണെന്നറിയാമോ
Don't Miss
- Sports T20 World Cup: ഡികെയ്ക്ക് ഇനിയും അവസരം കൊടുക്കണ്ട! യോഗ്യരായ യുവാക്കള് പുറത്തുണ്ട്; തുറന്നടിച്ച് മുന് താരം
- Movies 'ജാസ്മിൻ മുസ്ലീമായതുകൊണ്ട് പുറത്തിറങ്ങിയാൽ എന്താകുമെന്ന് അറിയില്ല, ആര്യയും വീണയുമൊന്നും മൈന്റ് ചെയ്തില്ല'
- Lifestyle മഹാവ്യാധിയും ദുരിതവും അകറ്റാന് ശക്തി തരും കേതു: കലഹം, ദാരിദ്ര്യം, രോഗം പരിഹാരം ഇതെല്ലാം
- News 48 മണിക്കൂര് ഒരു തുള്ളി മദ്യം കിട്ടില്ല, ബിവറേജും ബാറും അടച്ചിടും; കേരളത്തില് നാളെ മുതല് ഡ്രൈ ഡേ
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ടിഗുവാൻ ഇനി ഏഴ് സീറ്റർ എസ്യുവി, അറിയാം കൂടുതൽ വിവരങ്ങൾ
ടിഗുവാൻ ഓൾസ്പേസ് എസ്യുവിയെകുറിച്ചുള്ള പ്രധാന വിവരങ്ങൾ വെളിപ്പെടുത്തി ജർമ്മൻ വാഹന നിർമാതാക്കളായ ഫോക്സ്വാഗണ്. ഈ വർഷം പകുതിയോടെ വിപണിയിൽ എത്താനിരിക്കുന്ന എസ്യുവിയുടെ ഇന്ത്യൻ നിരത്തിലെ പരീക്ഷണം കമ്പനി ഇതിനോടകം തന്നെ ആരംഭിച്ചിരുന്നു.
നിലവിലുള്ള അഞ്ച് സീറ്റർ ടിഗുവാനെ ടിഗുവാൻ ഓൾസ്പേസ് മാറ്റിസ്ഥാപിക്കും. നിലവിൽ 28 മുതൽ 32 ലക്ഷം രൂപ വരെയാണ് വാഹനത്തിന്റെ എക്സ്ഷോറൂം വില. സ്റ്റാൻഡേർഡ് ടിഗുവാന്റെ വിപുലീകൃത വീൽബേസ് പതിപ്പാണ് പുത്തൻ മോഡൽ. ഇതിന് നിലവിലെ മോഡലിനെക്കാൾ 109 mm നീളവുമുണ്ട്. പുതിയ ഓൾസ്പേസിനായുള്ള ബുക്കിംഗ് അംഗീകൃത ഡീലർമാർ ആരംഭിച്ചിട്ടുണ്ട്.
ഡിആർഎല്ലുകളുള്ള എൽഇഡി ഹെഡ്ലൈറ്റുകൾ, പൂർണ ഡിജിറ്റൽ ഇൻസ്ട്രുമെന്റ് ക്ലസ്റ്റർ, പനോരമിക് സൺറൂഫ്, കീലെസ് എൻട്രി, ടച്ച്സ്ക്രീൻ ഇൻഫോടെയിൻമെന്റ് സിസ്റ്റം, 3-സോൺ ഓട്ടോമാറ്റിക് ക്ലൈമറ്റ് കൺട്രോൾ, ബീജ് നിറമുള്ള ‘വിയന്ന' ലെതർ സീറ്റുകൾ എന്നിവ ഇന്ത്യൻ പതിപ്പ് ടിഗുവാൻ ഓൾസ്പെയ്സിന്റെ പ്രധാന സവിശേഷതകളാണ്.
ഏഴ് എയർബാഗുകൾ, ESP, എബിഎസ്, റിയർ പാർക്കിംഗ് ക്യാമറ, ടയർ പ്രഷർ മോണിറ്ററിംഗ് സിസ്റ്റം തുടങ്ങി നിരവധി സുരക്ഷാ സവിശേഷതകളാണ് എസ്യുവിയിൽ ഫോക്സ്വാഗണ് ഉൾപ്പെടുത്തിയിരിക്കുന്നത്.
നിലവിലുള്ള അഞ്ച് സീറ്റർ ടിഗുവാന് 4,486 മില്ലീമീറ്റർ നീളവും 1,839 മില്ലീമീറ്റർ വീതിയും 1,672 മില്ലീമീറ്റർ ഉയരവും 2,677 മില്ലിമീറ്റർ വീൽബേസുമാണ് ഉള്ളത്. അന്താരാഷ്ട്ര വിപണിയിലുള്ള ടിഗുവാൻ ഓൾസ്പേസ് വലിപ്പമേറിയതാണ്.
ഏഴ് സീറ്റുകളുള്ള എസ്യുവിക്ക് 4,701 mm നീളവും 1,839 mm വീതിയും 1,674 mm ഉയരവും 2,787 mm വീൽബേസുമാണ് ഇപ്പോൾ കമ്പനി നൽകിയിരിക്കുന്നത്. വാഹനത്തിന്റെ അളവുകൾ വർധിപ്പിച്ചത് അധിക മൂന്നാം നിരയെ ഉൾക്കൊള്ളാൻ വേണ്ടിയായിരുന്നു.
എന്നിരുന്നാലും മൂന്നാം വരിയിൽ, ബൂട്ട് സ്പേസ് വെറും 230 ലിറ്ററായി പരിമിതപ്പെടുത്തിയിരിക്കുന്നു. നിലവിലുള്ള ടിഗുവാന്റെ 615 ലിറ്റർ ബൂട്ട് സ്ഥലവുമായി താരതമ്യപ്പെടുത്തുമ്പോൾ ഇത് വളരെ കുറവായി വിലയിരുത്തപ്പെടും.
ബൂട്ട് സ്പേസ് വർധിപ്പിക്കാൻ ആഗ്രഹിക്കുന്ന ടിഗുവാൻ ഓൾസ്പേസ് ഉപയോക്താക്കൾക്ക് പിൻ സീറ്റുകൾ മടക്കേണ്ടിവരും. ഇങ്ങനെ ചെയ്താൽ ബൂട്ട് സ്പേസ് 700 ലിറ്ററായി ഉയർത്താൻ സാധിക്കും.
ഏപ്രിൽ ഒന്നു മുതൽ ബിഎസ്-VI മാനദണ്ഡങ്ങൾ പ്രാബല്യത്തിൽ വരുന്നതോടെ ഫോക്സ്വാഗൺ തങ്ങളുടെ എല്ലാ ഡീസൽ എഞ്ചിനുകളും നിർത്തലാക്കുമ്പോൾ ഇന്ത്യൻ പതിപ്പ് ടിഗുവാൻ ഓൾസ്പേസ് എസ്യുവി ഒരു പെട്രോൾ എഞ്ചിനിൽ മാത്രമാകും വിപണിയിൽ എത്തുക.
നിലവിലുള്ള അഞ്ച് സീറ്റർ ടിഗുവാനിൽ 2.0 ലിറ്റർ ഡീസൽ എഞ്ചിനാണ് വാഗ്ദാനം ചെയ്യുന്നത്. ഇത് പരമാവധി 143 bhp കരുത്താണ് ഉത്പാദിപ്പിക്കുന്നത്. ഇതിന് പകരം എത്തുന്ന 2.0 ലിറ്റർ ടർബോ-പെട്രോൾ യൂണിറ്റ് 190 bhp പവറാകും സൃഷ്ടിക്കുക. ഏഴ് സ്പീഡ് ഡ്യുവൽ ക്ലച്ച് ഓട്ടോമാറ്റിക് ഗിയർബോക്സുമായി എഞ്ചിൻ ഘടിപ്പിക്കും. അത് സ്റ്റാൻഡേർഡായി വാഗ്ദാനം ചെയ്യും.
ടിഗുവാൻ ഓൾസ്പെയ്സിലെ മറ്റൊരു സ്റ്റാൻഡേർഡ് സവിശേഷതയായിരിക്കും ഓൾ-വീൽ ഡ്രൈവ്. ഫോക്സ്വാഗന്റെ 4 മോഷൻ സിസ്റ്റമായിരിക്കും ഓൾ വീൽ ഡ്രൈവിന് കരുത്തേകും.
അന്താരാഷ്ട്ര വിപണികളിലെ എസ്യുവിയുടെ വിലയുമായി താരതമ്യപ്പെടുത്തുമ്പോൾ ടിഗുവാൻ ഓൾസ്പെയ്സ് വാങ്ങാൻ ഉദ്ദേശിക്കുന്ന ഉപഭോക്താക്കൾക്ക് ഉയർന്ന തുക നൽകേണ്ടിവരും. സിബിയു റൂട്ടിലൂടെ ഓൾസ്പേസ് ഇന്ത്യയിൽ ഇറക്കുമതി ചെയ്യുന്നതിനാലാണ് വാഹനത്തിന് ഉയർന്ന വില.
ഇറക്കുമതി തീരുവയോടെ എസ്യുവിയുടെ വില ഏകദേശം 35 മുതൽ 40 ലക്ഷം രൂപ വരെയായിരിക്കും. ഇത് ആഭ്യന്തര വിപണിയിലെ എതിരാളികളായ സ്കോഡ കോഡിയാക്, ഹോണ്ട സിആർ-വി, ഇസുസു MU-X, മഹീന്ദ്ര ആൾട്രൂറാസ് G4, ഫോർഡ് എൻഡോവർ, ടൊയോട്ട ഫോർച്യൂണർ തുടങ്ങിയ മോഡലുകളേക്കാൾ വിലയേറിയതാക്കും.