Just In
- 33 min ago ഹൈലക്സിനെ ആണിയടിച്ച് ചുവരിൽ തൂക്കുമോ ഇസൂസു? 2024 V -ക്രോസിന്റെ പുത്തൻ വിശദാംശങ്ങൾ പുറത്ത്
- 1 hr ago മകൾക്ക് 3 കോടിയുടെ പോർഷ കാർ സമ്മാനിച്ച് മലയാളി വ്യവസായി; ഹൈലൈറ്റായ അച്ഛനെയും മകളെയും മനസിലായോ
- 2 hrs ago ബൈക്കുകള്ക്ക് വില കൂട്ടി എന്ഫീല്ഡ് എതിരാളികള്; പേടിക്കണ്ട, ഒരു ഷര്ട്ട് വാങ്ങുന്ന പൈസയേ കൂടിയിട്ടുള്ളൂ...
- 2 hrs ago സംസ്ഥാന സർക്കാർ കൂടുതൽ ഇടപെടേണ്ടെന്ന് ഹൈകോടതി, ഭാരത് രജിസ്ട്രേഷനിൽ കോടതി വിധി
Don't Miss
- Movies 'അർജുൻ-ശ്രീതു കോംമ്പോ പുറത്ത് ഹിറ്റാണെന്നും ജാസ്മിനും ഗബ്രിക്കും നെഗറ്റീവാണെന്നും രസ്മിൻ പറഞ്ഞ് കൊടുത്തു'
- Technology രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി
- Lifestyle വെള്ളത്തില് ഇട്ടുവെക്കാതെ മാങ്ങ കഴിച്ചാല് എന്താണ് പ്രശ്നം, ഇങ്ങനെ പറയാനുള്ള കാരണമെന്ത്?
- News 'തിരഞ്ഞെടുപ്പിന് ശേഷം ഹർജി നൽകൂ'; രാജീവ് ചന്ദ്രശേഖറിന്റെ നാമനിർദേശ പത്രിക തള്ളണമെന്ന ഹർജി തള്ളി
- Sports IPL 2024: ഇനി ആറു മല്സരം, പ്ലേഓഫ് കളിക്കാന് മുംബൈ എന്തു ചെയ്യണം?
- Finance ആദ്യ സെഷനിൽ നേട്ടം കൊയ്ത രണ്ട് കമ്പനികൾ, മുന്നേറ്റം 5 ശതമാനം വരെ, വിപണിയിലും ഉണർവ്വ്
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ജനമനസ്സുകള് കീഴടക്കി സ്വിഫ്റ്റിന്റെ ജൈത്രയാത്ര; വിപണിയില് എത്തിയപ്പോള് വില 3.87 ലക്ഷം രൂപ
ജനപ്രീയ മോഡലായ സ്വിഫ്റ്റിന് ഇന്ത്യയില് ഒരു ആമുഖവും ആവശ്യമില്ലെന്ന് വേണം പറയാന്. വിപണിയില് എത്തിയ നാള് മുതല് ഉപഭോക്താക്കളുടെ മനസ്സറിഞ്ഞ ഒരു മോഡലാണിത്.
ഇന്ധന-സാമ്പത്തിക നേട്ടത്തിനൊപ്പം സ്വിഫ്റ്റിന്റെ പ്രശസ്തി 15 വര്ഷത്തിനിടയില് വളരെ ഉയരുകയും ചെയ്തു. ഈ കാലയളവില് പല ഇടവേളകളില് വാഹനത്തിന് അപ്ഡേറ്റുകള് ലഭിക്കുകയും ചെയ്തു. രാജ്യത്തെ ഏറ്റവും താങ്ങാനാവുന്ന ഹാച്ച്ബാക്കിന്റെ പരിണാമം ഈ നാളുകളില് എങ്ങനെ ആയിരുന്നുവെന്ന് ഒന്ന് പരിശോധിക്കാം.
മാരുതി സുസുക്കി 2005 മെയ് മാസത്തില് ആഭ്യന്തര വിപണിയില് സ്വിഫ്റ്റിനെ ആദ്യമായി അവതരിപ്പിച്ചു. തുടക്കത്തില് എസ്റ്റീമില് നിന്ന് 87 bhp കരുത്ത് ഉത്പാദിപ്പിക്കുന്ന 1.3 ലിറ്റര് പെട്രോള് എഞ്ചിന് ഉപയോഗിച്ച ഹാച്ച്ബാക്കിന് വരവേല്പ്പ നല്കി.
MOST READ: 12 ലക്ഷം കിലോമീറ്റർ ഓടിയ 1979 മോഡൽ മെർസിഡീസ് കാർ, പരിചയപ്പെടാം W123 വാഗനെ
എന്ട്രി ലെവല് LXi വേരിയന്റിന് 3.87 ലക്ഷം രൂപയായിരുന്നു അന്ന് വില. എബിഎസ്, ഓട്ടോമാറ്റിക് ക്ലൈമറ്റ് കണ്ട്രോള്, ഡ്യുവല് ഫ്രണ്ട് എയര്ബാഗുകള് തുടങ്ങിയ സവിശേഷതകളുള്ള റേഞ്ച്-ടോപ്പിംഗ് ZXi വേരിയന്റിന് 4.85 ലക്ഷം രൂപയും.
മാരുതി സുസുക്കിയെ സംബന്ധിച്ചിടത്തോളം സ്വിഫ്റ്റ് ഒരു പുതിയ സംവേദനമായിരുന്നു, അതുവരെ ഇന്തോ-ജാപ്പനീസ് ബ്രാന്ഡ് വാഗ്ദാനം ചെയ്തതിന്റെ പൂര്ണ്ണമായ ഒരു മോഡല് എന്ന് വേണം പറയാന്.
2007 ന്റെ തുടക്കത്തില്, ഫിയറ്റ്-സോഴ്സ്ഡ് 1.3 ലിറ്റര് DDiS മള്ട്ടിജെറ്റ് ഡീസല് എഞ്ചിന് ആരംഭിച്ചതോടെ സ്വിഫ്റ്റിന്റെ ശ്രേണി വിപുലീകരിക്കുകയും അത് ഒരു ലക്ഷം വില്പ്പന നാഴികക്കല്ല് നേടുകയും ചെയ്തു.
മൂന്ന് വര്ഷത്തിന് ശേഷം, 1.3 ലിറ്റര് പെട്രോള് എഞ്ചിന് പകരം K-സീരീസ് 1.2 ലിറ്റര് K12M മോട്ടോര് ബിഎസ് IV മലിനീകരണ മാനദണ്ഡങ്ങള്ക്കനുസൃതമായി മാറ്റി. പവര്ട്രെയിന് സുസുക്കിയുടെ കൂടുതല് ആധുനിക യൂണിറ്റായിരുന്നു, അതിനൊപ്പം ഒപ്റ്റിമൈസ് ചെയ്ത ട്രാന്സ്മിഷനും ഉണ്ടായിരുന്നു.
2010 മാര്ച്ചില് അഞ്ച് ലക്ഷത്തില് എത്തുന്നതിനുമുമ്പ് 2008 മാര്ച്ചില് സ്വിഫ്റ്റിന്റെ വില്പ്പന രണ്ട് ലക്ഷം യൂണിറ്റായി ഉയര്ന്നു. പാരീസിലെ ആഗോള പ്രീമിയറിനെ തുടര്ന്ന്, രണ്ടാം തലമുറ സ്വിഫ്റ്റ് 2011 ഓഗസ്റ്റില് കമ്പനി രംഗത്തെത്തിച്ചു.
ഇതിന്റെ പെട്രോളിന് പതിപ്പിന് 4.22-5.53 ലക്ഷം രൂപയും ഡീസല് പതിപ്പിന് 5.17-6.38 ലക്ഷം രൂപ വരെയുമായിരുന്നു എക്സ്ഷോറൂം വില. ബൂട്ട്സ്പെയ്സിലും റിയര് ഒക്യുപെന്ഡന്റ് സ്പെയ്സിലും പരിമിതികള് ഉണ്ടായിരുന്നിട്ടും, 2013 സെപ്റ്റംബറില് ഇത് പത്ത് ലക്ഷം വില്പ്പനയിലേക്ക് നീങ്ങി.
MOST READ: മെയ് മാസത്തിൽ തെരഞ്ഞെടുത്ത മോഡലുകൾക്ക് ഡിസ്കൗണ്ടുകൾ പ്രഖ്യാപിച്ച് ടൊയോട്ട
ഒരു വര്ഷത്തിനുശേഷം ഒക്ടോബറില് ഇതിന് മിഡ് ലൈഫ് ഫെയ്സ്ലിഫ്റ്റ് ലഭിച്ചു, ബ്ലൂടൂത്ത് കണക്ടിവിറ്റി, കീലെസ് ഗോ തുടങ്ങിയ സവിശേഷതകള്ക്കൊപ്പം പുതിയ നിറങ്ങള്, കോസ്മെറ്റിക്, മെക്കാനിക്കല് പുനരവലോകനങ്ങള് എന്നിവയും വാഹനത്തിന് ലഭിച്ചു.
2015 ഏപ്രിലില് വാഹനത്തിന്റെ വില്പ്പന 13 ലക്ഷം നാഴികക്കല്ല് പിന്നിട്ടതായും കമ്പനി അറിയിച്ചു. ഫെയ്സ്ലിഫ്റ്റ് ഹാച്ച്ബാക്കിന് 4.42 ലക്ഷം രൂപ മുതല് 6.70 ലക്ഷം രൂപ വരെയായിരുന്നു എക്സ്ഷോറൂം വില.
ആഗോളതലത്തില് സുസുക്കിക്കായി ഏറ്റവും കൂടുതല് വിറ്റഴിക്കപ്പെട്ട സ്വിഫ്റ്റ് 2014 ഓഗസ്റ്റില് നാല് ദശലക്ഷം യൂണിറ്റായി ഉയര്ന്നു. നാലാം തലമുറയെ സമഗ്രമായി മാറ്റിയ സ്വിഫ്റ്റ് 2016 ഡിസംബറില് ജപ്പാനില് അരങ്ങേറി.
2018 ഓട്ടോ എക്സ്പോയില് മൂന്നാം തലമുറ മാരുതി സുസുക്കി സ്വിഫ്റ്റ് അവതരിപ്പിച്ചു. പ്രാരംഭ പതിപ്പിന് 4.99 ലക്ഷം രൂപയായി വില ഉയര്ന്നു. ടോപ്പ്-സ്പെക്ക് ട്രിമിനായി 7.96 ലക്ഷം രൂപയോളം നല്കണം.
ആദ്യമായി, സ്പോര്ട്ടിയര് എക്സ്റ്റീരിയറും കൂടുതല് പ്രീമിയം ഇന്റീരിയറും ഉള്ള ഡീസല് ഓട്ടോമാറ്റിക് പതിപ്പ് ഹാച്ച്ബാക്ക് നേടി. വെറും 145 ദിവസത്തിനുള്ളില് ഒരു ലക്ഷം വില്പ്പനയിലെത്തിയ ഇന്ത്യയിലെ ഏറ്റവും വേഗതയേറിയ കാറായി ഇത് മാറി.
ഈ പ്രക്രിയയില് പുതിയ വില്പ്പന റെക്കോര്ഡുകള് സൃഷ്ടിച്ച് ഇത് ഇന്നും വില്പ്പനയില് തുടരുന്നു. എല്ഇഡി ഡിആര്എല്, പ്രൊജക്ടര് ഹെഡ്ലാമ്പുകള്, ഡയമണ്ട് കട്ട് അലോയ് വീലുകള്, എല്ഇഡി ടെയില് ലാമ്പുകള്, ഡ്യുവല്-പോഡ് ഇന്സ്ട്രുമെന്റ് ക്ലസ്റ്റര്, ഫ്ലാറ്റ്-ബോട്ടം സ്റ്റിയറിംഗ് വീല്, ആപ്പിള് കാര്പ്ലേയും ആന്ഡ്രോയിഡ് ഓട്ടോയുമുള്ള സ്മാര്ട്ട്പ്ലേ ഇന്ഫോടെയ്ന്മെന്റ് സിസ്റ്റം, ഓട്ടോ ക്ലൈമറ്റ് കണ്ട്രോള് എന്നിവയാണ് പ്രധാന സവിശേഷതകള്.
വിശാലമായ ബോഡിയും നീളമുള്ള വീല്ബേസും ഉള്ള ബൂട്ട് ശേഷി മുന് തലമുറ മോഡലിനെ അപേക്ഷിച്ച് 268 ലിറ്ററായി ഉയര്ന്നു. 1.2 ലിറ്റര് K-സീരീസ് പെട്രോള് എഞ്ചിന് 82 bhp കരുത്തും 115 Nm torque ഉം ഉത്പാദിപ്പിക്കുമ്പോള് 1.3 ലിറ്റര് DDiS ഡീസല് 74 bhp കരുത്തും 190 Nm torque ഉം ആണ് പുറപ്പെടുവിക്കുന്നത്.
എഞ്ചിനുകള് അഞ്ച് സ്പീഡ് മാനുവല് ഗിയര്ബോക്സിലേക്ക് സ്റ്റാന്ഡേര്ഡ് അല്ലെങ്കില് അഞ്ച് സ്പീഡ് എഎംടി (ഓട്ടോമേറ്റഡ് മാനുവല് ട്രാന്സ്മിഷന്) ആയി ബന്ധിപ്പിച്ചിരിക്കുന്നു. ബിഎസ് VI മലിനീകരണ മാനദണ്ഡങ്ങള് അതിവേഗം നടപ്പാക്കിയപ്പോള്, മാരുതി സുസുക്കി വേഗത്തില് പ്രതികരിക്കുകയും സ്വിഫ്റ്റ് മിഡ്വേ ഉള്പ്പെടെയുള്ള ബിഎസ് VI കാറുകള് പുറത്തിറക്കുകയും ചെയ്തു.
രണ്ട് എഞ്ചിനുകളും കര്ശനമായ മലിനീകരണ മാനദണ്ഡങ്ങള്ക്കനുസൃതമായി അപ്ഡേറ്റുചെയ്തു, അതിന്റെ വില വില LXi മാനുവലിന് 5.14 ലക്ഷം രൂപ. ZDi AGS വേരിയന്റിന് 8.89 ലക്ഷം രൂപയുമായിരുന്നു. 2020 ജൂണ് ആയപ്പോഴേക്കും സ്വിഫ്റ്റ് വിപണിയില് 15 വര്ഷത്തെ സാന്നിധ്യത്തില് 22 ലക്ഷം യൂണിറ്റുകള് പിന്നിട്ടതായി പ്രഖ്യാപിച്ചു.
നിലവില്, സ്വിഫ്റ്റിന്റെ അടിസ്ഥാന വേരിയന്റിന് 5.73 ലക്ഷം രൂപയും ഉയര്ന്ന പതിപ്പിന് 8.41 ലക്ഷം രൂപയുമാണ് എക്സ്ഷോറൂം വില. മൂന്ന് പുതിയ ഡ്യുവല്-ടോണ് കളര് സ്കീമുകള് ഉപയോഗിച്ച് അപ്ഡേറ്റുചെയ്തിനൊപ്പം ഒരു പുതിയ ഗ്രില്ലും കമ്പനി സമ്മാനിച്ചു.
അതിലും പ്രധാനമായി പഴയ 1.2 ലിറ്റര് പെട്രോളിന് പകരം കൂടുതല് കരുത്തുറ്റ 1.2 ലിറ്റര് ഡ്യുവല് ജെറ്റ് പെട്രോള് എഞ്ചിന് (90 bhp, 113 Nm) നല്കി. ഗിയര്ബോക്സ് അഞ്ച് സ്പീഡ് എംടി അല്ലെങ്കില് എഎംടിയുമായി ജോടിയാക്കുന്നു.
മത്സരം വര്ദ്ധിച്ചിട്ടും അതിന്റെ വിഭാഗത്തില് സിഫ്റ്റ് ഇന്നും ആധിപത്യം തുടരുന്നു, മാത്രമല്ല ഇത് രാജ്യത്ത് മൊത്തത്തില് ഏറ്റവും കൂടുതല് വിറ്റഴിക്കപ്പെടുന്ന മോഡലായി പ്രതിമാസ വില്പ്പന ചാര്ട്ടുകളില് ഒന്നാമതായി നില്ക്കുകയും ചെയ്യുന്നു.