Just In
- 1 hr ago കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- 4 hrs ago ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
- 4 hrs ago റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം
- 5 hrs ago 69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി
Don't Miss
- Movies വീട്ടിൽ ഇൻകം ടാക്സ് റെയ്ഡ്; കൂസലില്ലാതെ രേഖ; നടിക്കൊപ്പം ഇന്റിമേറ്റ് രംഗങ്ങളിൽ അഭിനയിച്ചപ്പോൾ; ശേഖർ സുമൻ
- News അംബേദ്കറെ അപമാനിച്ചു, രാജ്യത്തെ തകര്ക്കാന് നോക്കുന്നു; കോണ്ഗ്രസിനെ വിടാതെ പ്രധാനമന്ത്രി
- Sports IPL 2024: തലയെ വീഴ്ത്തി റുതുരാജ്, ധോണിയുടെ വമ്പന് റെക്കോഡ് തകര്ന്നു! ഇനി ഒന്നാമന്
- Lifestyle പങ്കാളിയെ ചേര്ത്ത് പിടിച്ച് ഉറങ്ങുന്നവരാണോ? ദമ്പതികള്ക്കിടയിലെ ദാമ്പത്യരഹസ്യങ്ങള്
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
അമേസ് ഫെയ്സ്ലിഫ്റ്റിന്റെ അനൗദ്യോഗിക ബുക്കിംഗ് ആരംഭിച്ചു; സ്ഥിരീകരിക്കാതെ ഹോണ്ട
ഇന്ത്യയിലെ ഏറ്റവും ജനപ്രിയമായ സബ് കോംപാക്ട് സെഡാനുകളിലൊന്നാണ് ഹോണ്ട അമേസ്. എസ്യുവി ശ്രേണിയിലേക്ക് ആളുകള് ചേക്കേറിയതോടെ വില്പ്പന തിരിച്ചുകൊണ്ടുവരാനുള്ള പുതിയ പദ്ധതികളൊരുക്കുകയാണ് ജാപ്പനീസ് ബ്രാന്ഡ്.
ഇതിന്റെ ഭാഗമായിട്ടാണ് തങ്ങളുടെ ജനപ്രീയ മോഡലായ അമേസിന് ഇപ്പോള് ഒരു നവീകരണം നല്കാന് കമ്പനി ഒരുങ്ങുന്നത്. അടുത്ത മാസം പകുതിയോടെ ഈ മോഡല് വിപണിയില് എത്തിയേക്കുമെന്നാണ് സൂചന.
ഇതിന്റെ ഭാഗമായി ചില ഡീലര്ഷിപ്പുകള് വാഹനത്തിനായുള്ള അനൗദ്യോഗിക ബുക്കിംഗും ആരംഭിച്ചുവെന്നാണ് റിപ്പോര്ട്ട്. ഒരു മിഡ്-സൈക്കിള് അപ്ഡേറ്റായതിനാല്, അതിന്റെ രൂപകല്പ്പനയില് (എക്സ്റ്റീരിയര്, ഇന്റീരിയര്) കുറച്ച് സൂക്ഷ്മമായ മാറ്റങ്ങളും, ലൈനപ്പില് കുറച്ച് സവിശേഷതകളും കൂടി പ്രതീക്ഷിക്കാം.
എന്നിരുന്നാലും, ഈ അപ്ഡേറ്റ് ചെയ്ത കോംപാക്ട് സെഡാന് പുറത്തിറക്കുന്നതുമായി ബന്ധപ്പെട്ട് ജാപ്പനീസ് നിര്മാതാവ് ഇതുവരെ ഔദ്യോഗിക അറിയിപ്പുകള് ഒന്നും തന്നെ നല്കിയിട്ടില്ല. 2018 ഓട്ടോ എക്സ്പോയില് പ്രാദേശികമായി അരങ്ങേറ്റം കുറിച്ച അമേസിന്റെ രണ്ടാം തലമുറ മോഡലാണ് നിലവില് ഇന്ത്യയില് വില്പ്പനയ്ക്കെത്തുന്നത്.
അമേസ് ഇന്ത്യയില് മാത്രം നിര്മിക്കുകയും കുറച്ച് അന്താരാഷ്ട്ര വിപണികളിലേക്ക് കയറ്റുമതി ചെയ്യുകയും ചെയ്യുന്ന ഒരു വാഹനം കൂടിയാണ്. സെഡാന്റെ ബാഹ്യ സ്റ്റൈലിംഗില് പുതിയ കോസ്മെറ്റിക് അപ്ഡേറ്റുകള് കമ്പനി അവതരിപ്പിക്കും.
പുതിയ ഫുള്-എല്ഇഡി ഹെഡ്ലാമ്പുകള്, പുതിയ അലോയ് വീല് ഡിസൈന്, പുനര്രൂപകല്പ്പന ചെയത് ഫ്രണ്ട്, റിയര് ബമ്പറുകള് എന്നിവ ഇതില് ഉള്പ്പെടാമെന്നും റിപ്പോര്ട്ടില് പറയുന്നു. പുതിയ എക്സ്റ്റീരിയര് കളര് സ്കീമുകളും ഓപ്ഷനുകളായി ബ്രാന്ഡ് വാഗ്ദാനം ചെയ്തേക്കാം. കമ്പനിക്ക് പുറമേയുള്ള ചില ക്രോം ബിറ്റുകളും നല്കാം.
ക്യാബിനകത്ത്, പുതിയ ഫാബ്രിക് അപ്ഹോള്സ്റ്ററി, പുതിയ ഇന്റീരിയര് ട്രിം പീസുകള് എന്നിവയുടെ രൂപത്തില് പുതിയ അപ്ഡേറ്റുകള് പ്രതീക്ഷിക്കാം. ഡാഷ്ബോര്ഡ് ലേ ഔട്ട് സമാനമായിരിക്കുമെന്ന് പ്രതീക്ഷിക്കുമ്പോള്, ഹോണ്ടയ്ക്ക് ഇലക്ട്രിക് സണ്റൂഫ് പോലുള്ള ഉപകരണങ്ങളില് കുറച്ച് സവിശേഷതകള് കൂടി ചേര്ക്കാനാകും. കൂടാതെ, എന്ട്രി ലെവല് വേരിയന്റുകളില് കുറച്ച് സ്റ്റാന്ഡേര്ഡ് സവിശേഷതകളും ഓഫര് ചെയ്തേക്കും.
എഞ്ചിന്, ഗിയര്ബോക്സ് ഓപ്ഷനുകള് നിലവിലെ മോഡലില് നിന്ന് മുന്നോട്ട് കൊണ്ടുപോകും. 1.2 ലിറ്റര് i-Vtec പെട്രോള് എഞ്ചിന് അമേസിന്റെ ഫെയ്സ്ലിഫ്റ്റ് പതിപ്പില് അവതരിപ്പിക്കും. ഇത് 89 bhp കരുത്തും 110 Nm torque ഉം സൃഷ്ടിക്കും.
5 സ്പീഡ് മാനുവല് അല്ലെങ്കില് CVT ഓട്ടോമാറ്റിക് ഗിയര്ബോക്സ് ഉപയോഗിച്ച് എഞ്ചിന് ജോടിയാക്കും. 1.5 ലിറ്റര് i-DTEC ഡീസല് യൂണിറ്റും ഇത് വാഗ്ദാനം ചെയ്യും. 5 സ്പീഡ് മാനുവല് ഗിയര്ബോക്സുമായി ജോടിയാക്കുമ്പോള് 99 bhp കരുത്തും 200 Nm torque ഉം ഉത്പാദിപ്പിക്കും.
CVT ഗിയര്ബോക്സുമായി ജോടിയാക്കുമ്പോള് ഈ യൂണിറ്റ് 79 bhp കരുത്തും 160 Nm torque ഉം ഉത്പാദിപ്പിക്കും. അമേസിലെ ഡീസല്-CVT കോംബോ അതിന്റെ വിഭാഗത്തില് സവിശേഷമാണ്. എതിരാളികളാരും ഈ ജോഡി വാഗ്ദാനം ചെയ്യുന്നില്ല.