Just In
- 10 hrs ago 'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ
- 11 hrs ago ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- 11 hrs ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 11 hrs ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
Don't Miss
- Movies എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ
- News ലോക്സഭ തിരഞ്ഞെടുപ്പ് 2024 രണ്ടാം ഘട്ടം Live: കേരളം അടക്കം 13 സംസ്ഥാനങ്ങള് ബൂത്തിലേക്ക്
- Sports IPL 2024: ഡുപ്ലെസിയുടെ മാരക പ്ലാന്! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം
- Lifestyle മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള്
- Technology ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഫീച്ചറിൽ സമ്പന്നൻ; XUV700 എസ്യുവിയിൽ ‘സ്മാർട്ട് എയർ ഫിൽട്ടർ’ സാങ്കേതികവിദ്യയും
സുരക്ഷാ സവിശേഷതകളുടെ തൃശൂർ പൂരവുമായാണ് മഹീന്ദ്രയുടെ പുതിയ XUV700 വിപണിയിലേക്ക് എത്തുന്നത്. ഇതിനോടകം തന്നെ നിരവധി സുരക്ഷാ സംവിധാനങ്ങൾ പരിചയപ്പെടുത്തിയ കമ്പനി എസ്യുവിയുടെ അടുത്ത ഫീച്ചറും പുറത്തുവിട്ടിരിക്കുകയാണ്.
99 ശതമാനം ബാക്ടീരിയകളും 95 ശതമാനം വൈറസുകളും ഫിൽട്ടർ ചെയ്യുമെന്ന് അവകാശപ്പെടുന്ന ‘സ്മാർട്ട് എയർ ഫിൽട്ടർ' സാങ്കേതികവിദ്യ XUV700 എസ്യുവിക്ക് ലഭിക്കുമെന്നാണ് പുതിയ ടീസറിലൂടെ മഹീന്ദ്ര വെളിപ്പെടുത്തിയിരിക്കുന്നത്.
എന്നാൽ കൊറോണ വൈറസിനെതിരെ ഇത് പരീക്ഷിച്ചിട്ടില്ല. കൈനിറയെ ഫീച്ചറുമായി അണിനിരക്കുന്ന ഈ പ്രീപമിയം എസ്യുവി ഇതിനോടകം തന്നെ പനോരമിക് സൺറൂഫ്, ഫ്ലഷ് ഫിറ്റിംഗ് ഡോർ ഹാൻഡിലുകൾ, ഹൈ ബീം അസിസ്റ്റ്, ഡ്രൈവർ ഡ്രൗസിനെസ് ഡിറ്റക്ഷൻ എന്നിവ ഉൾപ്പെടുന്ന സെഗ്മെന്റ് ഫസ്റ്റ് സവിശേഷതകൾ പരിചയപ്പെടുത്തി കഴിഞ്ഞിരുന്നു.
അതോടൊപ്പം 360 ഡിഗ്രി ക്യാമറ, ടച്ച്സ്ക്രീനിനും ഇൻസ്ട്രുമെന്റ് ക്ലസ്റ്ററിനുമുള്ള ഇരട്ട ഡിസ്പ്ലേ സജ്ജീകരണം, പ്രീമിയം സൗണ്ട് സിസ്റ്റം, ഡ്യുവൽ സോൺ ക്ലൈമറ്റ് കൺട്രോൾ, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ, വെന്റിലേറ്റഡ് ഫ്രണ്ട് സീറ്റുകൾ, കണക്റ്റുചെയ്ത കാർ സാങ്കേതികവിദ്യ എന്നിവയും XUV500 എസ്യുവിയുടെ പിൻഗാമിയിൽ അണിനിരക്കും.
ലെയ്ൻ കീപ്പ് അസിസ്റ്റ്, അഡാപ്റ്റീവ് ക്രൂയിസ് കൺട്രോൾ, ക്രോസ്-ട്രാഫിക് അലേർട്ട്, ഓട്ടോ എമർജൻസി ബ്രേക്കിംഗ് ഉപയോഗിച്ച് ബ്ലൈൻഡ്-സ്പോട്ട് ഡിറ്റക്ഷൻ എന്നിവ ഉൾപ്പെടുന്ന അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റവും മഹീന്ദ്രയുടെ വരാനിരിക്കുന്ന എസ്യുവിക്ക് ലഭിക്കും.
റീ-ട്യൂൺ ചെയ്ത ഥാറിലെ 2.0 ലിറ്റർ ടർബോ-പെട്രോൾ, 2.2 ലിറ്റർ ഡീസൽ എഞ്ചിനുകൾ XUV700 ഉപയോഗിക്കും. എന്നാൽ ഉയർന്ന പവർഔട്ട്പുട്ട് കണക്കുകളാകും വാഹനം വാഗ്ദാനം ചെയ്യുക. രണ്ട് എഞ്ചിനും 6-സ്പീഡ് മാനുവൽ, ഓട്ടോമാറ്റിക് ഗിയർബോക്സ് ഓപ്ഷനുമായാകും ജോടിയാക്കുക.
ഒരു സെഗ്മെന്റ് എക്സ്ക്ലൂസീവ് ഓൾ-വീൽ ഡ്രൈവ് സംവിധാനവും XUV700 എസ്യുവിയിൽ ഓപ്ഷണലായി വാഗ്ദാനം ചെയ്യുക. ഇങ്ങനെ ഫീച്ചറുകളാൽ സമ്പന്നനാകും വരാനിരിക്കുന്ന XUV700 എസ്യുവിയെന്ന് തെളിയിച്ചുകൊണ്ടിരിക്കുകയാണ് മഹീന്ദ്ര.
ജൂലൈ അവസാനത്തോടെ വാഹനത്തിന്റെ പ്രൊഡക്ഷൻ പതിപ്പിനെ കമ്പനി പരിചയപ്പെടുത്തുമെന്നാണ് റിപ്പോർട്ടുകൾ. തുടർന്ന് ഒക്ടോബർ രണ്ടിന് വാഹനത്തെ പൂർണമായും വിപണിയിൽ എത്തിക്കും. അതായത് പോയ വർഷം രണ്ടാം തലമുറ ഥാർ എസ്യുവിയിൽ പ്രവർത്തിച്ച അതേ തന്ത്രമാണിതെന്ന് സാരം.
എങ്കിലും കമ്പനി ഇത് ഔദ്യോഗികമായി സ്ഥിരീകരിച്ചിട്ടില്ല. ഇന്ത്യയിൽ 16 മുതൽ 22 ലക്ഷം രൂപ വരെയായിക്കും പുതിയ XUV700 മോഡലിനായി മുടക്കേണ്ടി വരുന്ന എക്സ്ഷോറൂം വില. എംജി ഹെക്ടർ പ്ലസ്, ടാറ്റ സഫാരി, ഹ്യുണ്ടായി അൽകാസർ എന്നീ ശക്തരായ എതിരാളികൾക്കെതിരെയാകും പുതിയ എസ്യുവി മാറ്റുരയ്ക്കുക.