Just In
- 11 min ago കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- 2 hrs ago ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
- 3 hrs ago റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം
- 3 hrs ago 69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി
Don't Miss
- Sports IPL 2024: 19 പന്തില് 17, 9 ഡോട്ട് ബോള്! ടെസ്റ്റ് കളിച്ച് ജഡേജ, മോയിന് അലി എവിടെ? വിമര്ശനം
- News ഈ രാശിക്കാർക്ക് സമയം ശരിയല്ല, ദമ്പതികള് തമ്മില് വഴക്ക്, സ്വര്ണാഭരണങ്ങള് കൈവശമെത്തും, രാശിഫലം
- Lifestyle പങ്കാളിയെ ചേര്ത്ത് പിടിച്ച് ഉറങ്ങുന്നവരാണോ? ദമ്പതികള്ക്കിടയിലെ ദാമ്പത്യരഹസ്യങ്ങള്
- Movies 'ഇനിയൊരു വിവാഹം കഴിക്കാൻ താൽപര്യമുണ്ട്, മകനുള്ളതുകൊണ്ട് മടിച്ച് നിൽക്കുന്നു, 50 വയസായിട്ട് ഇനി ചിന്തിക്കാം'
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ആഢംബര ഇലക്ട്രിക് വാഹന നിരയിലേക്ക് Q4 ഇ-ട്രോൺ മോഡലുകൾ, ടീസർ പങ്കുവെച്ച് ഔഡി
ആഢംബര ഇലക്ട്രിക് വാഹന ശ്രേണി കീഴടക്കാൻ പുതിയ മോഡലുകളുമായി എത്തുകയാണ് ജർമൻ പ്രീമിയം കാർ നിർമാതാക്കളായ ഔഡി. അതിന്റെ ഭാഗമായി ഏപ്രിൽ 14-ന് Q4 ഇ-ട്രോൺ, Q4 ഇ-ട്രോൺ സ്പോർട്ബാക്ക് എന്നിങ്ങനെ രണ്ട് വേരിയന്റുകൾ അരങ്ങേറ്റം കുറിക്കും.
ഇ-ട്രോൺ ഓൾ-ഇലക്ട്രിക് നിര വികസിപ്പിക്കുകയാണ് ഔഡിയുടെ പ്രധാന ലക്ഷ്യം. അരങ്ങേറ്റത്തിന് മുന്നോടിയായി കമ്പനി രണ്ട് മോഡലുകളുടെയും പുതിയ ടീസർ ചിത്രങ്ങൾ പുറത്തുവിട്ടിരിക്കുകയാണ്.
ഡിജിറ്റൽ ഇവന്റിലൂടെയായിരിക്കും എസ്യുവികളെ ബ്രാൻഡ് ലോകത്തിന് പരിചയപ്പെടുത്തുക. ഔഡിയുടെ ഇ-ട്രോൺ ശ്രേണിയിലെ നാലാമത്തെ ഉൽപ്പന്നമാണിത്. ഇ-ട്രോൺ, ഇ-ട്രോൺ സ്പോർട്ട്ബാക്ക്, ഇ-ട്രോൺ ജിടി എന്നിവയാണ് മറ്റ് മോഡലുകൾ.
ഓൾ-ഇലക്ട്രിക് Q4 ഇ-ട്രോൺ എസ്യുവിയുടെ ഉത്പാദനം കഴിഞ്ഞ മാസം ഫോക്സ്വാഗന്റെ സ്വിക്കാവോ പ്ലാന്റിൽ ആരംഭിച്ചിരുന്നു. ഫോക്സ്വാഗൺ ID.4 മോഡലിന്റെ അതേ ഉത്പാദന നിരയിൽ നിന്നാണ് പുതിയ വേരിയന്റുകളും തയാറാക്കുന്നത്.
Q4 ഇ-ട്രോൺ മോഡലുകൾ ഫോക്സ്വാഗൺ നിർമിത മോഡുലാർ ഇലക്ട്രിക് ഡ്രൈവ് മാട്രിക്സിനെ (MEB) അടിസ്ഥാനമാക്കിയുള്ളതായിരിക്കും. കഴിഞ്ഞ വർഷം പുറത്തിറക്കിയ മെർസിഡീസ് ബെൻസ് EQC, ജാഗ്വർ ഐ-പേസും അരങ്ങുവാഴുന്ന ശ്രേണിയിൽ ഇ-ട്രോണിനും തന്റേതായ സ്ഥാനം കണ്ടെത്താനാകുമെന്നാണ് കമ്പനിയുടെ വിശ്വാസം.
MOST READ: സിഎൻജി കരുത്തിൽ മാരുതി മാത്രമല്ല ബെൻസും അധികം ചെലവില്ലാതെ ഓടിക്കാം
പുതിയ Q4 ഇലക്ട്രിക് മോഡലുകൾക്ക് സമാനമായ വലിപ്പമാണുള്ളത്. എസ്യുവിക്കും, കൂപ്പെ എസ്യുവി സ്പോർട്ബാക്കിനും 4600 മില്ലീമീറ്റർ നീളവും 1600 മില്ലീമീറ്റർ ഉയരവും 1900 മില്ലീമീറ്റർ വീതിയും വീൽബേസ് സ്റ്റാൻഡും 2770 മില്ലീമീറ്ററുമാണുള്ളത്.
രണ്ട് വേരിയന്റുകളും ഒരേ 82 കിലോവാട്ട് മണിക്കൂർ ബാറ്ററി പായ്ക്കാണ് വാഗ്ദാനം ചെയ്യുക. കമ്പനിയുടെ ക്വാട്രോ ഓൾ-വീൽ ഡ്രൈവ് സിസ്റ്റത്തോടൊപ്പം 225 കിലോവാട്ട് (302 bhp) പരമാവധി കരുത്ത് ഉത്പാദിപ്പിക്കുന്ന രണ്ട് ഇലക്ട്രിക് മോട്ടോറുകളുമായി ഔഡി Q4 ഇ-ട്രോൺ മോഡലുകൾ വരും.
MOST READ: വിപണിയിൽ ഇന്നും താരമായി തിളങ്ങി മഹീന്ദ്ര ബൊലേറോ
ബാറ്ററിയിൽ പ്രവർത്തിക്കുന്ന എസ്യുവികൾക്ക് കേവലം 6.3 സെക്കൻഡിനുള്ളിൽ പൂജ്യത്തിൽ നിന്ന് 100 കിലോമീറ്റർ വേഗത കൈവരിക്കാൻ കഴിയുമെന്നതാണ് മറ്റൊരു ആകർഷണീയത. അതേസമയം പരമാവധി വേഗത 180 കിലോമീറ്ററാണ്.
ഫോർ റിംഗ്സ് ബ്രാൻഡിൽ നിന്നുള്ള രണ്ട് ഓൾ-ഇലക്ട്രിക് വാഹനങ്ങൾക്ക് 450 കിലോമീറ്റർ ശ്രേണിയാകും ലഭിക്കുക. ഇന്ത്യൻ വിപണിയെ സംബന്ധിച്ചിടത്തോളം ഇ-ട്രോൺ എസ്യുവി ഈ വർഷം പകുതിയോടെ വിപണിയിലെത്തുമെന്ന് ഔഡി സ്ഥിരീകരിച്ചിട്ടുണ്ട്.