Just In
- 2 hrs ago ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ
- 13 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 15 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 16 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
Don't Miss
- Lifestyle ജോലിയില് പതിവായി പ്രശ്നങ്ങളോ? വിചാരിച്ച പോലെ ഒന്നും നടക്കുന്നില്ലേ? വാസ്തുവിലുണ്ട് പരിഹാരം
- News പേഴ്സണൽ ലോൺ കൈയെത്തും ദൂരത്ത്; കെഎസ്എഫ്ഇ ഇല്ലേ പിന്നെന്തിന് ടെൻഷൻ, പലിശ ഇത്രയും കുറവോ?
- Technology കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു
- Finance വിലയിലെ ചാഞ്ചാട്ടം തുടർന്ന് സ്വർണം, ഇന്ന് നേരിയ കുറവുണ്ട്, വരും ദിവസങ്ങളിലും വില കുറഞ്ഞേക്കും
- Sports T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര്
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
- Movies ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
ഇന്ത്യക്കാര്ക്ക് വേണ്ടി നിര്മ്മിച്ച ഇന്ത്യന് കാര്; C3 എസ്യുവിയുടെ ടീസര് ചിത്രവുമായി Citroen
ഇന്ത്യന് വിപണിയില് കൂടുതല് ശക്തരാകാനൊരുങ്ങുകയാണ് ഫ്രഞ്ച് കാര് നിര്മാതാക്കളായ സിട്രണ്. നിലവില് C5 എയര്ക്രേസ് എന്നൊരു എസ്യുവി മാത്രമാണ് നിര്മാതാക്കള് രാജ്യത്ത് വില്പ്പനയ്ക്ക് എത്തിച്ചിരിക്കുന്നത്.
എന്നാല് കോംപാക്ട് എസ്യുവി ശ്രേണിയിലേക്ക് വൈകാതെ തന്നെ ഒരു മോഡലിനെ അവതരിപ്പിക്കുമെന്ന് കമ്പനി വ്യക്തമാക്കിയിരുന്നു. ഇന്ന് ഇന്ത്യന് വിപണിയില് ഏറ്റവും കൂടുതല് മത്സരം നടക്കുന്നൊരു ശ്രേണി കൂടിയാണ് കോംപാക്ട് എസ്യുവികളുടേത്.
എല്ലാ ബ്രാന്ഡുകളില് നിന്നുള്ള മോഡലുകളും ഈ ശ്രേണിയില് ഇന്ന് വില്പ്പനയ്ക്ക് എത്തുന്നുണ്ടെന്ന് വേണം പറയാന്. അതുകൊണ്ട് തന്നെ സിട്രണിന്റെ കടന്നുവരവും എതിരാളികള് ആകാംഷയോടെയാണ് നോക്കി കാണുന്നത്.
ഇതിനോടകം തന്നെ വാഹനത്തിന്റെ പരീക്ഷണയോട്ടം നിരത്തുകളില് സജീവമായിരുന്നുവെന്ന് വേണം പറയാന്. ഇപ്പോള് വാഹനത്തിന്റെ അരങ്ങേറ്റം സംബന്ധിച്ച് കൂടുതല് വിവരങ്ങള് പങ്കുവെച്ചിരിക്കുകയാണ് കമ്പനി.
CC21 എന്ന രഹസ്യനാമമുള്ള വരാനിരിക്കുന്ന സബ് കോംപാക്ട് എസ്യുവി സെപ്റ്റംബര് 16 ന് ആഗോളതലത്തില് അരങ്ങേറ്റം കുറിക്കുമെന്ന് കമ്പനി സ്ഥിരീകരിച്ചു. ഇന്ത്യക്കാര്ക്ക് വേണ്ടി നിര്മ്മിച്ച ഇന്ത്യന് കാര് എന്ന് വിശേഷണത്തോടെയാണ് മോഡലിനെ കമ്പനി അവതരിപ്പിക്കുക.
റിപ്പോര്ട്ടുകള് പ്രകാരം, മിക്ക വിപണികളിലും C3 എന്ന് വിളിക്കപ്പെടുന്ന ചെറിയ സിട്രണ് എസ്യുവി ഏഷ്യന് രാജ്യങ്ങളിലും അടുത്ത വര്ഷം ലാറ്റിനമേരിക്കയിലും അവതരിപ്പിക്കും. അവതരണത്തിന് മുന്നോടിയായി വാഹനത്തിന്റെ ഒരു ടീസര് ചിത്രവും കമ്പനി പങ്കുവെച്ചിട്ടുണ്ട്.
ടീസര് ചിത്രം പരിശോധിച്ചാല്, ഗ്രില്ലിന് മുകളിലുള്ള പരമ്പരാഗത ലോഗോ കാണാന് സാധിക്കും. C5 എയര്ക്രോസ് എസ്യുവിയില് കാണുന്നതുപോലുള്ള ബട്ടര്ഫ്ലൈ പാറ്റേണ് C3- ന്റെ ബോണറ്റിന് ലഭിക്കാന് സാധ്യതയുണ്ട്.
എല്ഇഡി ഡിആര്എല്ലുകള് ടീസര് ഇമേജില് വളരെ ഭംഗിയായി കാണപ്പെടുന്നു, കൂടാതെ ഫ്രഞ്ച് ഓട്ടോ ഭീമന്റെ ഇന്ത്യയിലെ ആദ്യ ഓഫറില് കാണുന്നതില് നിന്ന് അല്പം വ്യത്യസ്തമാണ് മോഡലെന്നും മുന്വശത്തെ കാഴ്ചയില് നിന്ന് വ്യക്തമാണ്.
സിട്രണ് C3, ഇന്ത്യയിലെത്തുമ്പോള്, ഫ്രഞ്ച് ഓട്ടോ ഭീമന് കഴിഞ്ഞ വര്ഷം C5 എയര്ക്രോസ് എസ്യുവി അവതരിപ്പിച്ചതിന് ശേഷം രാജ്യത്തെ രണ്ടാമത്തെ ഓഫറാണ്. C3 എസ്യുവി മാരുതി സുസുക്കി വിറ്റാര ബ്രെസ്സ, ഹ്യുണ്ടായി വെന്യൂ, കിയ സോനെറ്റ്, നിസാന് മാഗ്നൈറ്റ്, റെനോ കൈഗര്, മഹീന്ദ്ര XUV300 എന്നിവര്ക്കെതിരെയാകും വിപണിയില് മത്സരിക്കുക.
CC21 എന്ന രഹസ്യനാമമുള്ള സിട്രണ് C3, എഥനോള് അടിസ്ഥാനമാക്കിയുള്ള ഇന്ധനവുമായി പൊരുത്തപ്പെടുന്ന ഒരു ഫ്ലെക്സ്-ഫ്യുവല് എഞ്ചിനുള്ള ഇന്ത്യയിലെ ആദ്യത്തെ എസ്യുവി കൂടിയാണ്.
റിപ്പോര്ട്ടുകള് പ്രകാരം, C3 എസ്യുവിയ്ക്ക് 1.2-ലിറ്റര് ശേഷിയുള്ള ടര്ബോചാര്ജ് എഞ്ചിനാകും ലഭിക്കുക. ഈ യൂണിറ്റ് 5-സ്പീഡ് മാനുവല് അല്ലെങ്കില് ഓട്ടോമാറ്റിക് ഗിയര്ബോക്സുമായി ജോടിയാക്കാനും സാധ്യതയുണ്ട്.
എഞ്ചിന് പരമാവധി 130 bhp കരുത്ത് ഉത്പാദിപ്പിക്കാന് കഴിവുള്ളതാണ്. 1.6 ലിറ്റര് നാച്ചുറലി ആസ്പിറേറ്റഡ് എഞ്ചിന്റെ ഓപ്ഷനും എസ്യുവിക്ക് ലഭിച്ചേക്കാം. എന്നാല് ഇക്കാര്യത്തില് നിലവില് ഔദ്യോഗിക സ്ഥിരീകരണം ഒന്നും തന്നെ ഇല്ലെന്ന് വേണം പറയാന്.
സിട്രണ് അതിന്റെ പുതിയ കോമണ് മോഡുലാര് പ്ലാറ്റ്ഫോമിലായിരിക്കും (CMP) വാഹനം നിര്മിക്കുക. ഇത് വാഹനത്തിന്റെ വില കഴിയുന്നത്ര കുറയ്ക്കാനും നാല് മീറ്റര് വിഭാഗത്തിന് കീഴിലുള്ള എസ്യുവികള് കണ്ട ഇന്ത്യ പോലുള്ള വിപണികളില് കൂടുതല് താങ്ങാനാവുന്നതാക്കാനും കമ്പനിക്ക് സാധിക്കും.
ഈ വർഷം ഏപ്രിൽ മാസത്തിലാണ് C5 എയർക്രോസ് പ്രീമിയം എസ്യുവിയെ സിട്രൺ ഇന്ത്യയിൽ അവതരിപ്പിക്കുന്നത്. നിർമാതാക്കൾ പറയുന്നതനുസരിച്ച് മോഡലിന് 1000 ലധികം ബുക്കിംഗുകൾ ലഭിച്ചതായും കമ്പനി വ്യക്തമാക്കിയിട്ടുണ്ട്.
പ്രാരംഭ പതിപ്പിന് 29.90 ലക്ഷം രൂപയാണ് എക്സ്ഷോറൂം വില. വില ഉയർന്നതാണെങ്കിലും അതിന് അനുസരിച്ചുള്ള സവിശേഷതകളും ഫീച്ചറുകളുമാണ് വാഹനത്തിൽ കമ്പനി അവതരിപ്പിക്കുന്നതെന്നതുമാണ് മറ്റൊരു സവിശേഷത.
2.0 ലിറ്റർ ഡീസൽ എഞ്ചിനാണ് സിട്രൺ C5 എയർക്രോസ് എസ്യുവിയുടെ കരുത്ത്. ഈ യൂണിറ്റ് 175 bhp കരുത്തും പരമാവധി 400 Nm torque ഉത്പാദിപ്പിക്കാൻ ശേഷിയുള്ളതാണ്. എട്ട് സ്പീഡ് ഓട്ടോമാറ്റിക് ഗിയർബോക്സുമായാണ് എഞ്ചിൻ ജോടിയാക്കിയിരിക്കുന്നത്.