Just In
- 5 min ago സമ്പാദിക്കുന്ന കാശ് പെട്രോളടിച്ച് കളയണോ? 516 കി.മീ. റേഞ്ചുള്ള പുത്തൻ ഇലക്ട്രിക് കാറുമായി ജർമൻ കമ്പനി
- 47 min ago ബജറ്റ് ഇവി പ്ലാനുകൾക്ക് തുടക്കം കുറിച്ച് ഹ്യുണ്ടായി; മെയ്ഡ് ഇൻ ഇന്ത്യ ക്രെറ്റ ഇവി ഉടൻ
- 1 hr ago ആവേശമുയർത്തി 2024 സ്വിഫ്റ്റിൻ്റെ പുത്തൻ പരസ്യവീഡിയോ, വാങ്ങാൻ ഉണ്ട് ഒരുപാട് കാരണങ്ങൾ
- 1 hr ago ലോകം ഇനി ബജാജിനെ ഉറ്റുനോക്കും! ഇതുപോലൊരു ടൂവീലര് ഇതുവരെ ആരും പുറത്തിറക്കിയിട്ടില്ല
Don't Miss
- Lifestyle വിട്ടുമാറാതെ രോഗം അലട്ടുന്നോ, കുടുംബത്തില് വാസ്തുദോഷമുണ്ടാവാം
- Finance 7000 രൂപ നിക്ഷേപിക്കാനുണ്ടോ? 12 ലക്ഷം റിട്ടേൺസ് നേടാം, കൂടുതൽ അറിയാം...
- Movies 'നിർഭാഗ്യം കൊണ്ട് ഇതെല്ലാം സംഭവിച്ചു... എനിക്ക് പ്രധാനം നിന്റെ ആരോഗ്യമാണ്, നീ ഇതിനോടകം വിജയിയായി കഴിഞ്ഞു'
- News 'തൃശൂരിൽ ബിജെപി 28000ത്തിലധികം കള്ളവോട്ടുകൾ ചേർത്തു, പട്ടികയിൽ സുരേഷ് ഗോപിയുടെ ജീവനക്കാരും'; ടിഎൻ പ്രതാപൻ
- Sports T20 World Cup 2024: ഹാര്ദിക് വേണ്ട! പകരം ദുബെ, സഞ്ജു ടീമില്; ഇതാ ഭാജിയുടെ 15 അംഗ സ്ക്വാഡ്
- Technology മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ജൂലൈയില് മോഡല് നിരയിലുടനീളം വലിയ ആനുകൂല്യങ്ങള് പ്രഖ്യാപിച്ച് ഡാറ്റസന്
മോഡലുകളുടെ വില്പ്പന വര്ധിപ്പിക്കുന്നതിനായി കഴിഞ്ഞ കുറച്ച് മാസങ്ങളായി ഡാറ്റ്സന് ഇന്ത്യ അതിന്റെ മുഴുവന് മോഡല് ശ്രേണിയിലും ലാഭകരമായ ആനുകൂല്യങ്ങളാണ് വാഗ്ദാനം ചെയ്യുന്നത്.
ഇപ്പോഴിതാ 2021 ജൂലൈ മാസത്തിലും 40,000 രൂപ വരെ വില വരുന്ന നിരവധി ഓഫറുകള് കാര് നിര്മ്മാതാവ് അവതരിപ്പിച്ചിരിക്കുകയാണ്. ഇതില് ക്യാഷ് ഡിസ്കൗണ്ടുകള്, എക്സ്ചേഞ്ച് ബോണസ്, ഓണ്ലൈന് ബുക്കിംഗ് ബോണസ്, കോര്പ്പറേറ്റ് ഡിസ്കൗണ്ട്, പ്രത്യേക ആനുകൂല്യങ്ങള് എന്നിവ ഉള്പ്പെടുന്നു.
ഈ ഓഫറുകള് 2021 ജൂലൈ 30-നോ അതിനുമുമ്പോ വാങ്ങുമ്പോള് മാത്രമാണ് ബാധകം. അതോടൊപ്പം തന്നെ നിങ്ങള് താമസിക്കുന്ന നഗരം അല്ലെങ്കില് സംസ്ഥാനം അനുസരിച്ച് തുക വ്യത്യാസപ്പെടാമെന്നും കമ്പനി വ്യക്തമാക്കുന്നുണ്ട്.
ബ്രാന്ഡില് നിന്നുള്ള എന്ട്രി ലെവല് കാറായ റെഡി-ഗോയ്ക്ക് 39,000 രൂപ വരെയുള്ള പരമാവധി ആനുകൂല്യങ്ങളോടെയാണ് വില്ക്കുന്നത്. ക്യാഷ് ബെനിഫിറ്റ്, എക്സ്ചേഞ്ച് ബോണസ് എന്നിവ യഥാക്രമം 20,000 രൂപ വരെയും 15,000 രൂപ വരെയും ഉള്പ്പെടുന്നു.
തെരഞ്ഞെടുത്ത കോര്പ്പറേറ്റ്, സര്ക്കാര് ജീവനക്കാര്ക്ക് 4,000 രൂപയുടെ ആനുകൂല്യങ്ങളും ഡാറ്റ്സന് നല്കുന്നുണ്ട്. ഇതിനുപുറമെ, 5,000 രൂപ വിലമതിക്കുന്ന ഒരു ഓണ്ലൈന് ബുക്കിംഗ് ബോണസും ഉണ്ട്, ഇത് ഡാറ്റ്സന്റെ ഔദ്യോഗിക വെബ്സൈറ്റ് വഴി നടത്തിയ ബുക്കിംഗിന് ബാധകമാണ്. ചില്ലറ വില്പ്പന സമയത്ത് ഈ ആനുകൂല്യം കൈമാറുമെന്നും കമ്പനി അറിയിച്ചു.
ഡോക്ടര്മാര്ക്കും ചാര്ട്ടേഡ് അക്കൗണ്ടന്റുമാര്ക്കും 4,000 രൂപ വരെയുള്ള പ്രത്യേക ഓഫറും ഉണ്ട്. കൂടാതെ, റെഡി-ഗോ വാങ്ങുന്ന ഉപഭോക്താക്കള്ക്കായി കാര് നിര്മ്മാതാവ് 3 മാസത്തിന് ശേഷം മാത്രം ഇഎംഐ അടച്ച് തുടങ്ങുന്ന പദ്ധതിയും വാഗ്ദാനം ചെയ്യുന്നുണ്ട്.
ബ്രാന്ഡില് നിന്നുള്ള 5-സീറ്റര് ഹാച്ച്ബാക്ക് മോഡലായ ഗോയ്ക്കും ഈ മാസം ഡാറ്റ്സന് ആനുകൂല്യങ്ങള് വാഗ്ദാനം ചെയ്യുന്നുണ്ട്. ഇതിന് മൊത്തം 40,000 രൂപ വരെയുള്ള ആനുകൂല്യങ്ങള് ലഭിക്കും. അതില് 20,000 രൂപയോളം ക്യാഷ് ഡിസ്കൗണ്ടും എക്സ്ചേഞ്ച് ആനുകൂല്യവും ഉള്പ്പെടുന്നു.
ഗോ പ്ലസ് സെവന് സീറ്റര് എംപിവിയിലും സമാന ആനുകൂല്യങ്ങള് വാഗ്ദാനം ചെയ്യുന്നു. ഇതിന് മൊത്തം ആനുകൂല്യങ്ങള് 40,000 രൂപ വരെയാണ്. അതില് 20,000 രൂപ ക്യാഷ് ഡിസ്കൗണ്ടും 20,000 ഡോളര് എക്സ്ചേഞ്ച് ഓഫറും ഉള്പ്പെടുന്നു. ഡാറ്റ്സന് കാറുകളില് എക്സ്ചേഞ്ച് ആനുകൂല്യങ്ങള് NIC പ്രാപ്തമാക്കിയ ഡീലര്ഷിപ്പുകളില് മാത്രമേ ലഭിക്കുകയുള്ളു.
കൊവിഡ് പ്രതിസന്ധിയും, ലോക്ക്ഡൗണും സൃഷ്ടിച്ച പ്രതിസന്ധികള് തരണം ചെയ്യുക എന്ന ലക്ഷ്യത്തോടെയാണ് നിര്മാതാക്കള് മോഡലുകള്ക്ക് ഓഫറുകളുമായി രംഗത്തെത്തിയിരിക്കുന്നത്. മറ്റ് നിര്മാതാക്കളും ഇതിനോടകം തന്നെ ഓഫറുകളും ആനുകൂല്യങ്ങളുമായി രംഗത്തെത്തി കഴിഞ്ഞു.
രണ്ട് പെട്രോള് എഞ്ചിനുകളാണ് റെഡി-ഗോയ്ക്ക് വിപണിയില് കരുത്ത് നല്കുന്നത്. 0.8 ലിറ്റര് എഞ്ചിന് 54 bhp കരുത്തും 72 Nm torque ഉം ഉത്പാദിപ്പിക്കുന്നു. 1.0 ലിറ്റര് എഞ്ചിനും വാഹനത്തിന് ലഭിക്കുന്നു.
ഈ യൂണിറ്റ് 67 bhp കരുത്തും 91 Nm torque ഉം ആണ് ഉത്പാദിപ്പിക്കുന്നത്. അഞ്ച് സ്പീഡ് മാനുവല് ഗിയര്ബോക്സ് സ്റ്റാന്ഡേര്ഡായി ഇടംപിടിക്കുമ്പോള് 1.0 ലിറ്റര് എഞ്ചിനില് അഞ്ച് സ്പീഡ് AMT ഓപ്ഷനായും കമ്പനി വാഗ്ദാനം ചെയ്യുന്നുണ്ട്.
ഗോ, ഗോ പ്ലസ് മോഡലുകള്ക്ക് 1.2 ലിറ്റര് പെട്രോള് എഞ്ചിനാണ് കരുത്ത് നല്കുന്നത്. ഈ യൂണിറ്റ് 67 bhp കരുത്തും 104 Nm torque ഉം സൃഷ്ടിക്കുന്നു. അഞ്ച് സ്പീഡ് മാനുവല് ഗിയര്ബോക്സിനൊപ്പം CVT യൂണിറ്റും ഇടംപിടിച്ചിട്ടുണ്ട്.