Just In
- 3 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 5 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 6 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 6 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- Movies ആരെക്കുറിച്ചും ഗോസിപ്പ് പറയില്ല, രണ്ബീറിന്റെ ഭാഗ്യമാണവള്; ആലിയ ഭട്ടിനെ പ്രശംസിച്ച് റിദ്ധിമ കപൂര്
- Sports IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ
- Lifestyle ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
- News തിരഞ്ഞെടുപ്പ് ദിനത്തില് പൊതു അവധി, എന്തെല്ലാം അടയ്ക്കും, തുറന്നിരിക്കുന്നത് ഇവ; അറിയാം വിവരങ്ങള്
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ആസ്പയര് ബിഎസ് VI സിഎന്ജി പതിപ്പിന്റെ പരീക്ഷണയോട്ടം ആരംഭിച്ച് ഫോര്ഡ്; അവതരണം ഉടന്
2019-ലാണ് കോംപാക്ട് സെഡാന് മോഡലായ ആസ്പയറിന്റെ സിഎന്ജി പതിപ്പിനെ അമേരിക്കന് നിര്മ്മാതാക്കളായ ഫോര്ഡ് അവതരപ്പിക്കുന്നത്. വില്പ്പനയില് കാര്യമായ നേട്ടങ്ങളൊന്നും മോഡല് സ്വന്തമാക്കിയിട്ടില്ലെന്ന് പറയുന്നതാകും ശരി.
മികച്ച എഞ്ചിന് ഓപ്ഷനൊപ്പം, മനോഹമായ രൂപവും സ്പോര്ട്ടി ഡിസൈനും വാഹനത്തെ വ്യത്യസ്തനാക്കുന്നു. ഓട്ടോമാറ്റിക് ഗിയര്ബോക്സിനായുള്ള ഒരു ഓപ്ഷന് ഇത് നഷ്ടപ്പെടുത്തുന്നുവെന്നതും ഒരു പോരായ്മയാണ്.
വാഹനത്തിന്റെ ബിഎസ് VI സിഎന്ജി പവര്ട്രെയിനിന്റെ ഓപ്ഷന് ഉടന് അവതരിപ്പിക്കാനൊരുങ്ങുകയാണ് ഫോര്ഡ്. പരീക്ഷണയോട്ടം നടത്തുന്ന വാഹനത്തിന്റെ ചിത്രങ്ങള് പുറത്തുവരുകയും ചെയ്തു.
MOST READ: കാത്തിരിപ്പ് അവസാനിച്ചു, സഫാരിയെ വില്പ്പനയ്ക്കെത്തിച്ച് ടാറ്റ; വില 14.69 ലക്ഷം രൂപ
പരീക്ഷണയോട്ടം നടത്തുന്ന വാഹനത്തിന്റെ പിന്നിലായി സിഎന്ജി ടെസ്റ്റിംഗ് കിറ്റ് ഘടിപ്പിച്ചിരിക്കുന്നത് കാണാം. ഫോര്ഡിന്റെ നിര്മ്മാണ കേന്ദ്രത്തിന് സമീപമുള്ള ചെന്നൈയിലായിരുന്നു വാഹനത്തിന്റെ പരീക്ഷണയോട്ടം.
നിലവില് വിപണിയില് ഇള്ള ആസ്പയറിന് സമാനമാണ് പരീക്ഷണയോട്ടം നടത്തുന്ന മോഡലും. കോസ്മെറ്റിക് മാറ്റങ്ങളോ ഫീച്ചര് നവീകരണങ്ങളോ വാഹനത്തിന് ലഭിക്കില്ലെന്ന് ഇത് സൂചിപ്പിക്കുന്നു.
ആസ്പയറിനൊപ്പം നേരത്തെ ഒരു സിഎന്ജി വേരിയന്റ് വാഗ്ദാനം ചെയ്തിരുന്നുവെങ്കിലും, ഇത് കഴിഞ്ഞ വര്ഷം ബിഎസ് VI മലിനീകരണ മാനദണ്ഡങ്ങള് ശക്തമാക്കിയതോടെ നിര്ത്തലാക്കിയിരുന്നു.
സിഎന്ജി വേരിയന്റ് പ്രാഥമികമായി ലക്ഷ്യമിടുന്നത് ഇന്ധനക്ഷമതയുള്ള സവാരി തേടുന്ന ഉപഭോക്താക്കളെയും ക്യാബ് ഡ്രൈവര്മാരെയും ആണ്. നിലവില് സിഎന്ജി ഓപ്ഷന് വാഗ്ദാനം ചെയ്യുന്ന സെഡാനിലെ ഒരേയൊരു സെഡാനാണ് ഹ്യുണ്ടായി ഓറ.
1.2 ലിറ്റര് പെട്രോള് ത്രീ സിലിണ്ടര് ഡ്രാഗണ് സീരീസ് എഞ്ചിന് ഉപയോഗിച്ച് ഇത് ലഭ്യമാകും. ബിഎസ് IV പതിപ്പില്, ഈ സിഎന്ജി പവര്ട്രെയിന് അതിന്റെ സ്റ്റോക്ക് പെട്രോള് എഞ്ചിനു സമാനമായ 95 bhp കരുത്തും 119 Nm torque ഉം ഉത്പാദിപ്പിച്ചിരുന്നു.
പെട്രോള് യൂണിറ്റിന് പുറമെ 1.5 ലിറ്റര് ടിഡിസി ഡീസല് യൂണിറ്റും ബിഎസ് VI ആസ്പയര് ലഭ്യമാണ്, ഇത് 99 bhp കരുത്തും 215 Nm torque ഉം ആണ് പുറത്തെടുക്കുന്നത്. രണ്ട് യൂണിറ്റുകളും 5 സ്പീഡ് മാനുവല് ഗിയര്ബോക്സില് സ്റ്റാന്ഡേര്ഡായി ലഭ്യമാണ്.
MOST READ: മനംകവർന്ന് ടാറ്റ സഫാരി അഡ്വഞ്ചർ പേഴ്സണ എഡിഷൻ; വ്യത്യസ്തമാവുന്നത് ഇങ്ങനെ
ബിഎസ് IV പതിപ്പില് നിന്ന് വ്യത്യസ്തമായി, ആംബിയന്റ് വേരിയന്റ് അടുത്തിടെ നിര്ത്തലാക്കിയതിനാല് ബിഎസ് VI ആസ്പയര് സിഎന്ജി ടൈറ്റാനിയം, ടൈറ്റാനിയം പ്ലസ് ട്രിമ്മുകളില് ലഭ്യമാക്കുമെന്ന് പ്രതീക്ഷിക്കുന്നു.
ഓട്ടോ ഹെഡ്ലാമ്പുകള്, ഓട്ടോ-ഡിമ്മിംഗ് ഐആര്വിഎം, മൊബൈല് സെന്സിംഗ് വൈപ്പറുകള്, പവര് വിന്ഡോകള്, ക്ലൈമറ്റ് കണ്ട്രോള്, പുഷ്-ബട്ടണ് സ്റ്റാര്ട്ട് / സ്റ്റോപ്പ് തുടങ്ങിയ സവിശേഷതകളോടെയാണ് ആസ്പയര് ടൈറ്റാനിയം പ്ലസ് വരുന്നത്. ഫോര്ഡ് പാസ് കണക്റ്റുചെയ്ത കാര് ടെക്കിന് അനുയോജ്യമായ 6.5 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സംവിധാനവും ഇത് വാഗ്ദാനം ചെയ്യുന്നു.
സുരക്ഷയുടെ കാര്യത്തില്, ആറ് എയര്ബാഗുകള്, ഇബിഡിയുള്ള എബിഎസ്, റിയര് പാര്ക്കിംഗ് സെന്സറുകള്, റിയര് പാര്ക്കിംഗ് ക്യാമറ, ഡേ & നൈറ്റ് റിയര് വ്യൂ മിറര്, ഫോഴ്സ് ലിമിറ്റര് സീറ്റ് ബെല്റ്റുകള് എന്നിവ ഇതില് ഉള്ക്കൊള്ളുന്നു.
പെട്രോള് വേരിയന്റിനേക്കാള് 20,000 രൂപ അധികം മുടക്കണമെന്നും കമ്പനി പറയുന്നു. വൈകാതെ തന്നെ മോഡലിനെ വിപണിയില് അവതരിപ്പിക്കാനാണ് കമ്പനി പദ്ധതിയിടുന്നത്.
ഇന്ത്യയില് എക്കാലത്തെയും ഉയര്ന്ന നിരക്കിലുള്ള പെട്രോള്, ഡീസല് വിലകള് വരും മാസങ്ങളില് സിഎന്ജി ഓഫറുകള് വര്ദ്ധിപ്പിക്കുകയാണ് കാര് നിര്മ്മാതാക്കള് ലക്ഷ്യമിടുന്നത്. മാരുതി, ഹ്യുണ്ടായി, ടാറ്റ എന്നിവയ്ക്ക് നിലവിലുള്ള മാസങ്ങളില് സിഎന്ജി ഓപ്ഷനുകള് അവതരിപ്പിക്കാന് പദ്ധതിയുണ്ടെന്നും റിപ്പോര്ട്ടുകള് വ്യക്തമാക്കുന്നു.
Source: Rushlane