Just In
- 4 min ago എൻഫീൽഡിന്റെ വില്ലനാവാൻ ഓസ്ട്രിയൻ മുതലാളി, കിടിലൻ ബൈക്കുകളുമായി ബ്രിക്സ്റ്റൺ ഇന്ത്യയിലേക്ക്
- 32 min ago ഓഫ്റോഡറുകളുടെ രാജാവിൻ്റെ പുതിയമുഖം! 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ റിവ്യൂ വായിക്കാം
- 44 min ago ആക്ടിവ ഇവിയ്ക്ക് വെല്ലുവിളിയായി സുസുക്കി രംഗത്ത്; കട്ട കോംപറ്റീഷനായി ഇ -ആക്സസും അണിയറയിൽ
- 1 hr ago വിദേശത്ത് തരംഗമായി മെയിഡ് ഇന് ഇന്ത്യ കാറുകള്! ജപ്പാനില് എലിവേറ്റ് വാങ്ങാൻ അപ്രതീക്ഷിത തള്ളിക്കയറ്റം
Don't Miss
- Sports IPL 2024: സഞ്ജുവിന്റെ വിക്കറ്റ് ഞാനും നേടിയിട്ടുണ്ട്, അന്ന് അവന് 16 വയസ്; ഓര്മ പുതുക്കി അക്രം
- Finance 15x15x15 - കോടിപതിയാകാൻ ഒരു സൂത്രവാക്യം
- Movies മൂപ്പര്ക്ക് ആരെയും ഒന്നിനെയും പേടിയില്ല! മോഹന്ലാലില് നിന്നും ഇനിയും അത്ഭുതം പ്രതീക്ഷിക്കാമെന്ന് ഹരീഷ് പേരടി
- Lifestyle മേയ് 2024: ഭാഗ്യ സംഖ്യകളില് ജീവിതം രക്ഷപ്പെടുന്നവര്
- News അനധികൃത ഐപിഎൽ സ്ട്രീമിംഗ് കേസ്; നടി തമന്നയ്ക്ക് നോട്ടീസ്, ചോദ്യം ചെയ്യലിന് ഹാജരാകാൻ നിർദ്ദേശം
- Technology കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഓടിത്തളർന്നു; ഇന്ത്യയിൽ നിന്നും പിൻവാങ്ങുന്നോ ഫോർഡ്?
ഫോർഡിന് ഇന്ത്യൻ വിപണിയിൽ കാര്യങ്ങളൊന്നും വിചാരിച്ചപോലെ അത്ര സുഖകരമല്ല. ഇക്കോസ്പോർട്ടിന്റെയും എൻഡവറിന്റെയും ചെറിയ വിൽപ്പനയിൽ മാത്രമാണ് അമേരിക്കൻ ബ്രാൻഡ് ആഭ്യന്തര വിപണിയിൽ താത്ക്കാലികമായി പിടിച്ചുനിൽക്കുന്നത്.
അടുത്തിടെ മാത്രം ഇന്ത്യയിൽ എത്തിയ കിയയും എംജിയുമെല്ലാം വിപണി പിടിച്ചടക്കി മുന്നേറിയപ്പോൾ ഒരു കാലത്ത് താരമായിരുന്ന ബ്ലൂ ഓവൽ ആകെ പിൻനിരയിലേക്ക് തഴയപ്പെട്ടു. ഫിഗോ, ആസ്പയർ, ഫ്രീസ്റ്റൈൽ, ഇക്കോസ്പോർട്ട്, എൻഡോവർ എന്നിങ്ങനെ അഞ്ച് മോഡലുകളാണ് ഫോർഡിന്റെ ലൈനപ്പിൽ നിലവിൽ വിൽപ്പനയ്ക്ക് എത്തുന്നത്.
ഇവരാരും ആധുനിക എതിരാളികളോട് കിടപിടിക്കുന്നവരുമല്ല. ആകെ ഓടി തളർന്ന അവസ്ഥയിൽ നീങ്ങുന്ന അമേരിക്കൻ ബ്രാൻഡ് ഇന്ത്യയിലെ തങ്ങളുടെ നിർമാണ സൗകര്യങ്ങൾ വിൽക്കുന്നതായി റിപ്പോർട്ടുകൾ പുറത്തുവന്നിരുന്നു. മഹീന്ദ്രയുമായുള്ള കൂട്ടുകച്ചവടം പൊളിഞ്ഞതോടെയാണ് ഫോർഡ് അങ്കലാപ്പിലായതും.
ചെന്നൈ, സനന്ദ് യൂണിറ്റുകൾ വിൽക്കാൻ ഫോർഡ് മോട്ടോർ കമ്പനി വീണ്ടും ആലോചിക്കുന്നുവെന്നാണ് പുതിയ വാർത്തകൾ. ഇതിന്റെ ഭാഗമായി ബ്രാൻഡ് ഫോർഡ് ഓലയുമായി ചർച്ച നടത്തിവരികയാണ്. അതോടൊപ്പം തന്നെ സിട്രണുമായും കൂടിക്കാഴ്ച്ച നടത്തിയതായാണ് സൂചന.
നിലവിൽ ഇന്ത്യയിലെ മൂലധന വിഹിതം വിലയിരുത്തുകയാണ് തങ്ങളെന്നാണ് ഫോർഡ് ഇന്ത്യയുടെ വക്താവ് ഈ അഭ്യൂഹങ്ങളോട് പ്രതികരിച്ചത്. ഈ വർഷം രണ്ടാം പകുതിയോടെ ഇതിനുള്ള ഉത്തരം ലഭിക്കുമെന്നും അദ്ദേഹം കൂട്ടിച്ചേർത്തു.
നിലവിൽ മൂലധന നിക്ഷേപത്തിനായുള്ള നീക്കങ്ങൾ വളരെ മന്ദഗതിയിലാണ് ഫോർഡ് വിലയിരുത്തുന്നത്. മഹീന്ദ്രയ്ക്ക് പുറമെ കഴിഞ്ഞ വർഷം ചൈനീസ് കാർ നിർമാതാക്കളായ ചങ്കൻ, എംജി, ഗ്രേറ്റ് വാൾ എന്നിവരുമായും ഫോർഡ് ചർച്ചകൾ നടത്തിയിരുന്നു.
തുടർന്ന് ചൈനീസ് ബ്രാൻഡുകൾ തുടക്കത്തിൽ ഇന്ത്യൻ വിപണിയിൽ നിക്ഷേപം നടത്താനും ധാരാളം ഉൽപ്പന്നങ്ങൾ അവതരിപ്പിക്കാനും താത്പര്യം പ്രകടിപ്പിച്ചിരുന്നെങ്കിലും ഇന്ത്യയും ചൈനയും തമ്മിലുള്ള ഭൗമരാഷ്ട്രീയ സംഘർഷങ്ങൾ കാരണം അവർ പദ്ധതികളെല്ലാം വേണ്ടെന്നുവെക്കുകയായിരുന്നു.
നിലവിൽ സനന്ദ്, ചെന്നൈ എന്നിവിടങ്ങളിൽ രണ്ട് നിർമാണ സൗകര്യങ്ങളാണ് ഫോർഡിനുള്ളത്. ചെന്നൈ ആസ്ഥാനമായുള്ള യൂണിറ്റിന് വാർഷിക ഉത്പാദന ശേഷി 2 ലക്ഷം കാറുകളും 3.5 ലക്ഷം എഞ്ചിനുകളുമാണ്.
സനന്ദ് ആസ്ഥാനമായുള്ള ഫാക്ടറിക്ക് പ്രതിവർഷം 2.4 ലക്ഷം കാറുകളും 2.7 ലക്ഷം എഞ്ചിനുകളും ഉത്പാദിപ്പിക്കാൻ കഴിയും. എന്നിരുന്നാലും അമേരിക്കൻ ബ്രാൻഡിന് ഈ വർഷം ജൂണിൽ മൊത്തം 2,800 യൂണിറ്റുകൾ മാത്രമേ വിൽക്കാൻ കഴിഞ്ഞിട്ടുള്ളൂ.
ഫിഗോയുടെ ഒരു മോഡൽ പോലും വിൽക്കാനും കമ്പനിക്ക് സാധിച്ചിരുന്നില്ല. ആസ്പയറിന്റെ 120 യൂണിറ്റ്, ഫ്രീസ്റ്റൈലിന്റെ 413 യൂണിറ്റ്, 892 യൂണിറ്റ് എൻഡവർ, 3,511 യൂണിറ്റ് ഇക്കോസ്പോർട്ട് എന്നിവയാണ് വിൽപ്പനയിൽ ഫോർഡിനെ സഹായിച്ചത്.