Just In
- 6 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 6 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 6 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 7 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- Sports IPL 2024: സഞ്ജുവിന്റെ ധൈര്യം അപാരം, ആ സാഹസം കളി ജയിപ്പിച്ചു! കിടു ക്യാപ്റ്റന്സി
- Lifestyle ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
- Movies നിനക്ക് പോയത് ഗബ്രിയില്, അവനെ മാറ്റി നിര്ത്തണം എന്ന് റസ്മിന്; ഗെയിം കളഞ്ഞത് വീട്ടുകാരെന്ന് ജാസ്മിന്
- News 14 വര്ഷത്തെ ഇടവേളയ്ക്ക് അവസാനം, രാഷ്ട്രീയത്തിലേക്ക് തിരിച്ചെത്തി ഗോവിന്ദ; ശിവസേനയില് ചേര്ന്നു
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
യാത്ര മോഴി ചൊല്ലി Ford -ന്റെ രാജ്യത്തെ അവസാന കാറും സനന്ദ് പ്ലാൻഡിലെ പ്രൊഡക്ഷൻ ലൈനിൽ നിന്ന് പുറത്തിറങ്ങി
രാജ്യത്ത് 25 വർഷത്തെ പ്രവർത്തനത്തിന് ശേഷം, കഴിഞ്ഞ മാസം, ഫോർഡ് ഇന്ത്യയിലെ എല്ലാ നിർമ്മാണ പ്രവർത്തനങ്ങളും നിർത്തുമെന്ന് പ്രഖ്യാപിച്ചു. ഇന്ത്യയിൽ എത്തുന്ന ആദ്യ വിദേശ കാർ നിർമ്മാതാക്കളിൽ ഒരാളായിട്ടും, ഫോർഡ് രാജ്യത്ത് തങ്ങളുടെ വ്യക്തിമുദ്ര പതിപ്പിക്കാൻ കഴിഞ്ഞില്ല.
പ്രാദേശികമായി അഞ്ച് മോഡലുകൾ നിർമ്മിച്ചിരുന്ന ഫോർഡ് മോട്ടോർ കമ്പനിക്ക് പാസഞ്ചർ വാഹന വിഭാഗത്തിൽ 1.7 ശതമാനം വിപണി വിഹിതം മാത്രമേ ഉണ്ടായിരുന്നുള്ളൂ.
ഇക്കോസ്പോർട്ട്, ഫിഗോ, ഫ്രീസ്റ്റൈൽ, എൻഡവർ, ആസ്പയർ എന്നിവയാണ് ഈ അഞ്ച് കാറുകൾ. ഇവയിൽ, ഇക്കോസ്പോർട്ട് ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന മോഡലും ഇന്ത്യയിൽ നിന്ന് ഏറ്റവുമധികം കയറ്റുമതി ചെയ്ത കാറുമായിരുന്നു.
കഴിഞ്ഞ മാസം ഫോർഡ് ഇന്ത്യൻ വിപണിയിൽ നിന്ന് പുറത്തുകടക്കുമെന്ന് പ്രഖ്യാപിച്ചെങ്കിലും ഉത്പാദനം ചെറിയ തോതിൽ തുടർന്നിരുന്നു. ലഭ്യമായ അല്ലെങ്കിൽ സംഭരിച്ചിരിക്കുന്ന ഭാഗങ്ങൾ/ പാർട്സുകളുടെ സ്റ്റോക്ക് അവസാനിച്ചതോടെ സനന്ദ് പ്ലാന്റിൽ ഉൽപാദനവും അവസാനിച്ചിരിക്കുകയാണ്. ലേബർ ന്യൂസ് അനുസരിച്ച്, സനന്ദിലെ ഫോർഡ് ഇന്ത്യ പ്ലാന്റിൽ നിന്ന് അവസാന കാറും പുറത്തിറങ്ങിയിരിക്കുകയാണ്.
സനന്ദ് പ്ലാന്റിൽ നിന്ന് ഫോർഡ് ഫിഗോ, ആസ്പയർ, ഫ്രീസ്റ്റൈൽ എന്നിവ നിർമ്മിച്ചിരുന്നു. മാരുതി സ്വിഫ്റ്റിന്റെയും ഡിസയറിന്റെയും ആധിപത്യത്തെ വെല്ലുവിളിക്കുന്നതിനാണ് ഈ കാറുകൾ സൃഷ്ടിച്ചത്.
Image Courtesy: Labour News - India
ഒരു കാലത്ത് ഇവയ്ക്ക് പ്രതിമാസം 40,000 യൂണിറ്റ് വരെ വിൽപനയുണ്ടാക്കുന്നു. എന്നാൽ ദീർഘ കാലം വിൽപ്പനയിൽ മാരുതി ഇരട്ടകളോട് പോരാടാൻ ഫോർഡ് കാറുകൾക്ക് കഴിഞ്ഞില്ല.
ഒരുപക്ഷേ ഫോർഡിന് ആസൂത്രണം തെറ്റിയത് ഇവിടെയാണ്. മാർക്കറ്റ് ലീഡർ മാരുതിയെ പിന്തുടരുന്നതിനുപകരം, മാരുതിയുടെ സാന്നിധ്യം കുറഞ്ഞതോ ഇല്ലാത്തതോ ആയ വിഭാഗത്തിൽ അവർക്ക് കൂടുതൽ ശ്രദ്ധ കേന്ദ്രീകരിക്കാമായിരുന്നു. കിയ മോട്ടോറിന്റെയും എംജി മോട്ടോറിന്റെയും വിജയം, ആദ്യ കാർ ഉപയോഗിച്ച് ഇന്ത്യൻ വിപണിയിൽ വിജയിക്കാനാകുമെന്ന് നമുക്ക് കാണിച്ചുതന്നു.
മുകളിൽ സൂചിപ്പിച്ചത് പോലെ രാജ്യത്ത് ഏറ്റവും കൂടുതൽ വിറ്റഴിക്കപ്പെട്ടിരുന്ന ഫോർഡ് മോഡലായ ഇക്കോസ്പോർട്ടിന് ഒരു പുതുതലമുറ പതിപ്പും നിർമ്മാതാക്കളുടെ അണിയറയിൽ ഒരുങ്ങിയിരുന്നു. എന്നാൽ ഇന്ത്യന വിപണിയിൽ നിന്ന് പെട്ടെന്നുള്ള ഈ പിൻമാറ്റം കാരണം ഈ മോഡൽ ഇനി നമുക്ക് ലഭിക്കില്ല.
ഇന്ത്യൻ വിപണിയോടൊപ്പം തന്നെ യുഎസ് വിപണിയിൽ നിന്നും ഇക്കോസ്പോർട്ടിനെ പിൻവലിക്കാൻ ഒരുങ്ങുന്നു എന്ന് റിപ്പോർട്ടുകൾ വ്യക്തമാക്കുന്നു. ഇതോടു കൂടെ ഇക്കോസ്പോർട്ടിന്റെ കാര്യത്തിൽ ഒരു തീരുമാനം ആയേക്കാം. യൂറോപ്യൻ വിപണിയിൽ ഒരു ചെറിയ ശതമാനവുമായി മോഡൽ ഒതുങ്ങാനും സാധ്യതയുണ്ട്.
ഫോർഡ് ചെന്നൈ പ്ലാന്റ് ടാറ്റ ഏറ്റെടുക്കുന്നുണ്ടോ?
ഫോർഡ് ഇന്ത്യ അതിന്റെ ഇന്ത്യൻ പ്രവർത്തനങ്ങളും ഗുജറാത്തിലെ സനന്ദ് പ്ലാന്റിന്റെയും ചെന്നൈ പ്ലാന്റിന്റെയും പ്രൊഡക്ഷൻ അവസാനിപ്പിക്കുമ്പോൾ, ചെന്നൈ പ്ലാന്റ് ടാറ്റ മോട്ടോർസ് ഏറ്റെടുക്കുമെന്ന് ഇപ്പോൾ റിപ്പോർട്ടുകൾ സൂചിപ്പിക്കുന്നു. ഈ രണ്ട് പ്ലാന്റുകളിലേക്കും ഫോർഡ് ഗ്രൂപ്പ് 2.5 ബില്യൺ ഡോളർ നിക്ഷേപിച്ചിരുന്നു.
സോഫ്റ്റ്വെയർ, ടീ, കെമിക്കൽസ്, പവർ എന്നീ മേഖലകളിൽ ടാറ്റ ഗ്രൂപ്പിന് തമിഴ്നാട്ടിൽ ശക്തമായ സാന്നിധ്യമുണ്ട്. ഫോർഡ് പ്ലാന്റ് ടാറ്റ ഏറ്റെടുക്കുകയാണെങ്കിൽ, ഫോർഡ് ചെന്നൈ പ്ലാന്റുമായി ബന്ധപ്പെട്ട ആയിരക്കണക്കിന് തൊഴിലാളികൾക്കും മറ്റ് നിരവധി പേർക്കും ഇത് ഒരു സന്തോഷവാർത്തയായിരിക്കും.
ഇന്ത്യയിൽ ഉൽപ്പാദനം ഉപേക്ഷിക്കുന്ന ആറാമത്തെ വാഹന നിർമ്മാതാവായി ഫോർഡ് മാറിയിരിക്കുകയാണ്. മാൻ ട്രക്കുകൾ, ഫിയറ്റ്, ജനറൽ മോട്ടോർസ്, ഹാർലി ഡേവിഡ്സൺ, യുഎം മോട്ടോർസൈക്കിളുകൾ എന്നിവയാണ് ഇതിന് മുമ്പ് പ്രാദേശിക ഉത്പാദനം നിർത്തിയ മറ്റ് ബ്രാൻഡുകൾ.
അടുത്തിടെ ഹോണ്ട കാർസ് ഇന്ത്യയും ഉത്തർപ്രദേശിലെ ഗ്രേറ്റർ നോയിഡയിലെ ഉത്പാദന കേന്ദ്രം അടച്ചുപൂട്ടിയിരുന്നു, എന്നാൽ ബ്രാൻഡിന്റെ രാജസ്ഥാനിലെ തപുകര പ്ലാന്റിൽ ഇപ്പോഴും ഉത്പാദനം തുടരുന്നുണ്ട്.
ഈ മാസത്തെ വിൽപ്പന കണക്കുകളും വാഹന വ്യവസായത്തിന് അത്ര നല്ല വാർത്തകൾ അല്ല സമ്മാനിക്കുന്നത്. ഹാച്ച്ബാക്ക് വിഭാഗത്തിൽ പോലും 36 ശതമാനത്തോളം ഇടിവാണ് വിപണിയിൽ നേരിട്ടിരിക്കുന്നത്.
വ്യാപകമായ സെമി കണ്ടക്ടർ ക്ഷാമവും കൊവിഡ് മഹാമാരിയുടെ അനന്തരഫലങ്ങളും ഇന്നും വിപണിയെ അലട്ടുകയാണ്. ഈ അവസ്ഥ തുടരുകയാണ് എങ്കിൽ ഇന്ത്യൻ വിപണിയിലെ സ്ഥിതിഗതികൾ ആകെ തകിടം മറിയാനുള്ള എല്ലാ ചാൻസുമുണ്ട്.