Alto മുതൽ XL6 വരെ; Maruti മോഡലുകളുടെ സെപ്റ്റംബർ വിൽപ്പന കണക്കുകൾ ഇങ്ങനെ

ഇന്ത്യയിലെ മറ്റേതൊരു വാഹന നിർമാതാക്കളെയും പോലെ മാരുതി സുസുക്കി ഇന്ത്യ ലിമിറ്റഡിനും കാർ വിൽപ്പനയെ ബാധിക്കുന്ന സെമി കണ്ടക്ടറിന്റെ കടുത്ത ക്ഷാമം നേരിടുന്നു. 2020 സെപ്റ്റംബറിൽ വിറ്റ 1,47,912 യൂണിറ്റുകളിൽ നിന്ന് 2021 സെപ്റ്റംബറിൽ വിൽപ്പന 57 ശതമാനം കുറഞ്ഞ് 63,111 യൂണിറ്റായി മാറി.

എന്നിരുന്നാലും, ഹ്യുണ്ടായി, ടാറ്റ മോട്ടോർസ് എന്നിവയെ പിന്നിലാക്കി ഒന്നാം സ്ഥാനം നിലനിർത്താൻ കമ്പനിക്ക് ഇപ്പോഴും കഴിഞ്ഞു. 2021 ഓഗസ്റ്റിൽ വിറ്റ 1,03,187 യൂണിറ്റുകളുമായി താരതമ്യം ചെയ്യുമ്പോൾ MoM വിൽപ്പനയും 39 ശതമാനം കുറഞ്ഞു.

എർട്ടിഗ ഏഴ് സീറ്റർ എംയുവി, XL6 ആറ് സീറ്റർ എംയുവി എന്നിവ ഒഴികെ കമ്പനിയുടെ ലൈനപ്പിലെ എല്ലാ മോഡലുകളും വിൽപ്പന ഇടിവ് രേഖപ്പെടുത്തി. YoY, MoM വിൽപ്പനയുടെ കാര്യത്തിൽ ഈ രണ്ട് മോഡലുകൾക്കും ആവശ്യക്കാർ കൂടുതലായിരുന്നു.

വിൽപ്പന ചാർട്ടുകളിൽ ഒന്നാമത് മാരുതി സുസുക്കി ആൾട്ടോ ഹാച്ച്ബാക്ക് തന്നെയാണ്. കഴിഞ്ഞ മാസം വാഹനത്തിന്റെ 12,143 യൂണിറ്റുകൾ മാരുതി വിറ്റു, എന്നാൽ 2020 ഓഗസ്റ്റിൽ വിറ്റ 18,246 യൂണിറ്റുകളെ അപേക്ഷിച്ച് 33 ശതമാനം വിൽപ്പന കുറഞ്ഞു.

ആൾട്ടോയുടെ MoM വിൽപ്പനയും 2021 ഓഗസ്റ്റിൽ വിറ്റ 13,236 യൂണിറ്റിനേക്കാൾ 8.0 ശതമാനം കുറഞ്ഞു. 2022 ആൾട്ടോ കമ്പനി പ്ലാന്റിനുള്ളിൽ പരീക്ഷണം നടത്തുന്നതായി കണ്ടെത്തിയിരുന്നു. ഒരു പുതിയ പ്ലാറ്റ്‌ഫോമും അതിന്റെ നിലവിലെ എതിരാളിക്കുമേൽ വർധിച്ച വീൽബേസുമായാണ് പുതുതലമുറ മോഡൽ വരുന്നത്.

വിൽപ്പനയുടെ കാര്യത്തിൽ അടുത്തത് 13 ശതമാനം YoY വളർച്ച നേടിയ എർട്ടിഗയാണ്. 2020 സെപ്റ്റംബറിൽ 9,982 യൂണിറ്റായിരുന്ന വിൽപ്പന കഴിഞ്ഞ മാസം 11,308 യൂണിറ്റായി ഉയർന്നു. 2021 ഓഗസ്റ്റിൽ വിറ്റ 6,251 യൂണിറ്റുകളേക്കാൾ 81 ശതമാനം ഉയർന്ന് MoM വിൽപ്പനയും ഗണ്യമായ വളർച്ച നേടി.

മൂന്നാം സ്ഥാനത്താണ് മാരുതി സുസുക്കി ബലേനോയാണ്, 2020 സെപ്റ്റംബറിൽ വിറ്റ 19,433 യൂണിറ്റുകളിൽ നിന്ന് കഴിഞ്ഞ മാസത്തിൽ 58 ശതമാനം ഇടിവോടെ 8,077 യൂണിറ്റായി പ്രീമിയം ഹാച്ചിന്റെ വിൽപ്പന കുറഞ്ഞു. മാരുതി സുസുക്കി ബലേനോയുടേയും പുതുതലമുറ നിർമ്മിക്കുന്നു, അടുത്ത വർഷം ആദ്യം ഇത് വിപണിയിലെത്തും എന്ന് പ്രതീക്ഷിക്കുന്നു. കൂടുതൽ പ്രീമിയം വിലനിർണ്ണയം അനുവദിക്കുന്ന നിരവധി ഫീച്ചർ അപ്‌ഡേറ്റുകളുമായി ഇത് വരും എന്ന് കരുതുന്നു.

കമ്പനി ലൈനപ്പിൽ ഏറ്റവും കൂടുതൽ വിറ്റഴിക്കപ്പെടുന്ന നാലാമത്തെ മോഡൽ ഈക്കോ വാൻ ആണ്. എന്നാൽ 2020 സെപ്റ്റംബറിൽ വിറ്റ 11,220 യൂണിറ്റുകളിൽ നിന്ന് വിൽപ്പന 30 ശതമാനം കുറഞ്ഞ് കഴിഞ്ഞ മാസം 7,844 യൂണിറ്റായി മാറി.

2021 സെപ്റ്റംബറിൽ വിറ്റ 7,632 യൂണിറ്റുകളുടെ വിൽപ്പനയാണ് വാഗൺആർ നേടിയത്. 2020 സെപ്റ്റംബറിൽ വിറ്റ 17,581 യൂണിറ്റുകളിൽ നിന്ന് 57 YoY വിൽപ്പന ഇടിവാണ് വാഹനം രേഖപ്പെടുത്തിയത്. ഹാച്ച്ബാക്കിന്റെ MoM വിൽപ്പനയും 21 ശതമാനം കുറഞ്ഞു. 2021 ഓഗസ്റ്റിൽ വിറ്റ 9,628 യൂണിറ്റുകളിൽ നിന്ന് ഇത് താഴേക്ക് പോയി.

അടുത്ത തലമുറ വാഗൺആറിനായി മാരുതി സുസുക്കി ഇപ്പോൾ ഒരുങ്ങിയിരിക്കുന്നു, കൂടുതൽ കർവ്വി ബോഡിയും പരിഷ്കരിച്ച എക്സ്റ്റീരിയർ, ഇന്റീരിയർ സവിശേഷതകളും വാഹനത്തിൽ വരും. വൃത്തങ്ങൾ തരുന്ന വിവരങ്ങൾ അനുസരിച്ച്, മാരുതി വാഗൺആർ 2021 ഡിസംബറിൽ ആഗോളതലത്തിൽ അരങ്ങേറ്റം കുറിക്കും.

കൂടുതൽ അനുകൂലമായി, മാരുതി സുസുക്കി XL6 കഴിഞ്ഞ വർഷം വിറ്റ 3,848 യൂണിറ്റുകളുമായി താരതമ്യപ്പെടുത്തുമ്പോൾ 2020 സെപ്റ്റംബറിൽ വിറ്റ 2,087 യൂണിറ്റുകളിൽ നിന്നും 80 ശതമാനം വളർച്ച നേടി. 2021 ഓഗസ്റ്റിൽ വിറ്റ 2,658 യൂണിറ്റിനേക്കാൾ 41 ശതമാനം വളർച്ചയാണ് എംയുവി കൈവരിച്ചത്.

മാരുതി സുസുക്കി സ്വിഫ്റ്റ് വിൽപ്പനയും കഴിഞ്ഞ മാസം ഗണ്യമായി കുറഞ്ഞു. ഇത് 2,520 യൂണിറ്റുകളായി കുറഞ്ഞു, 2020 സെപ്റ്റംബറിൽ വിറ്റ 22,643 യൂണിറ്റുകളേക്കാൾ 89 ശതമാനം വിൽപ്പന ഇടിവാണ് മോഡലിനുണ്ടായത്. MoM വിൽപ്പന 80 ശതമാനം കുറഞ്ഞു.

മാരുതി സ്വിഫ്റ്റിനെ പിന്തുടർന്ന് ഒമ്പതാം സ്ഥാനത്ത് കഴിഞ്ഞ മാസം 2,141 യൂണിറ്റുകൾ വിറ്റഴിച്ച ഡിസയർ സെഡാനാണ്, 2020 സെപ്റ്റംബറിൽ വിറ്റ 13,988 യൂണിറ്റുകളേക്കാൾ 85 ശതമാനം ഇടിവാണ് വാഹനത്തിനുണ്ടായത്. MoM വിൽപ്പനയും 2021 ഓഗസ്റ്റിൽ വിറ്റ 5,714 യൂണിറ്റുകളിൽ നിന്ന് 63 ശതമാനം കുറഞ്ഞു.

വിറ്റാര ബ്രെസ്സയുടെയും എസ്-ക്രോസിന്റെയും യഥാക്രമം 1,874 യൂണിറ്റുകളും 1,529 യൂണിറ്റുകളും നിർമ്മാതാക്കൾ വിറ്റഴിച്ചു. സിയാസ് വിൽപ്പന 981 യൂണിറ്റിലും ഇഗ്നിസ് വിൽപ്പന 84 ശതമാനം കുറഞ്ഞ് 522 യൂണിറ്റിലുമാണ് കഴിഞ്ഞ മാസം അവസാനിച്ചത്.