Just In
- 4 hrs ago 'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ
- 5 hrs ago ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- 5 hrs ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 5 hrs ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
Don't Miss
- Movies 'വര്ഷങ്ങള്ക്ക് ശേഷം മഞ്ഞുമ്മലിനേക്കാള് നല്ല സിനിമ', വിശാഖ് ചോദിച്ചത് 15 കോടി; തമിഴ് നിര്മാതാവ്
- Sports IPL 2024: അഭിഷേക് 218, കോലി 145! ലോകകപ്പ് ടീമില് ഇവരില് ആരെ വേണം?
- Lifestyle ബാച്ചിലര് സ്പെഷ്യല് ചിക്കന് ഫ്രൈ: ക്വിക്ക് ആന്റ് ഈസി റെസിപ്പി
- News ഇന്ദിരയുടെ സ്വത്തുക്കള് നഷ്ടമാവാതിരിക്കാന് രാജീവ് ആ നിയമം ഇല്ലാതാക്കി; പുതിയ ആരോപണവുമായി മോദി
- Technology ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
എസ്യുവി വിപണിയിൽ ഇനി ഹോണ്ടയുടെ ഊഴം; പുതിയ 7 സീറ്റർ മോഡൽ സെപ്റ്റംബർ 21-ന് എത്തും
എസ്യുവി വിപണി കൊടുംപിരി കൊള്ളുമ്പോഴും സെഡാൻ മോഡലുകളിലൂടെ വിൽപ്പന മികച്ചതാക്കുന്ന വാഹന നിർമാണ കമ്പനിയാണ് ഹോണ്ട. എന്നാൽ ഗ്യാലറിയിൽ ഇരുന്നു മാത്രം കളികണ്ട ജാപ്പനീസ് ബ്രാൻഡ് കളത്തിലേക്ക് ഇറങ്ങാൻ തന്നെ തീരുമാനിച്ചിരിക്കുകയാണ്.
ജാപ്പനീസ് വാഹന നിർമാതാക്കളായ ഹോണ്ട 2021 സെപ്റ്റംബർ 21 ന് ഇന്തോനേഷ്യയിലായിരിക്കും ഒരു പുതിയ കാർ അവതരിപ്പിക്കുക. ആഗോളതലത്തിൽ പരിചയപ്പെടുത്തിയ N7X എസ്യുവിയുടെ പ്രൊഡക്ഷൻ പതിപ്പുമായാണ് കമ്പനി ഇത്തവണ എത്തുന്നത്. അതിന്റെ ഭാഗമായി പുതിയ ടീസർ ചിത്രവും കമ്പനി പുറത്തിറക്കിയിരിക്കുകയാണ്.
ഹോണ്ട N7X ഒരു ഏഴ് സീറ്റർ എസ്യുവി ആയിരിക്കുമെന്ന് ടീസർ സൂചിപ്പിക്കുന്നു. പുതുതലമുറ BR-V എന്നപേരിലായിരിക്കും ഇന്തോനേഷ്യയിൽ വാഹനം അറിയപ്പെടുകയെന്നാണ് സൂചന. എന്നാൽ ഇന്ത്യൻ വിപണിയിൽ എലിവേറ്റ് എന്നയാരിക്കും ഈ പുത്തൻ എസ്യുവിയെ കമ്പനി അവതരിപ്പിക്കുക.
നേരത്തെ 2021 ഗൈക്കിൻഡോ ഇന്തോനേഷ്യ ഇന്റർനാഷണൽ ഓട്ടോ ഷോയിൽ (GIIAS) വാഹനത്തെഅവതരിപ്പിക്കാനാണ് കമ്പനി പദ്ധതിയിട്ടിരുന്നത്. എന്നാൽ കൊവിഡ്-19 കാരണം പരിപരാടി നവംബറിലേക്ക് മാറ്റുകയായിരുന്നു.
ഒരു റോഡ് ഷോയിലൂടെ NX7 ഏഴ് സീറ്റർ എസ്യുവിയെ ഇന്തോനേഷ്യയിലെ പല നഗരങ്ങളിലും ഹോണ്ട പ്രദർശിപ്പിച്ചിരുന്നു. തുടർന്ന് വാഹനത്തിന് പൊതുജനങ്ങളിൽ നിന്ന് മികച്ച പ്രതികരണമാണ് ലഭിച്ചതെന്നും കമ്പനി അഭിപ്രായപ്പെട്ടു. ആന്തരികമായി DG3 എന്ന് വിളിക്കപ്പെടുന്ന പുതിയ എസ്യുവി ഒന്നിലധികം വേരിയന്റുകളിൽ വാഗ്ദാനം ചെയ്യുമെന്ന് പ്രതീക്ഷിക്കുന്നു.
ഇന്തോനേഷ്യൻ വിപണിയിൽ പുതിയ ഹോണ്ട N7X അധിഷ്ഠിത എസ്യുവി ടൊയോട്ട അവാൻസ, ഡൈഹത്സു ക്സെനിയ, സുസുക്കി XL7 മുതലായവയോടായിരിക്കും മാറ്റുരയ്ക്കുക. വരാനിരിക്കുന്ന ഹോണ്ടയുടെ ഈ മോഡൽ എസ്യുവി, എംപിവി ബോഡി ശൈലികൾ വാഗ്ദാനം ചെയ്യുകയും ചെയ്യും. കൂടാതെ എല്ലാത്തരം റോഡ് അവസ്ഥകൾക്കും ഇത് അനുയോജ്യമാണ്.
ഇത് സിറ്റി സെഡാനുമായി പ്ലാറ്റ്ഫോമും മെക്കാനിക്കൽ ഘടകങ്ങളും പങ്കിടുകയും ചെയ്യും. 1.5 ലിറ്റർ 4 സിലിണ്ടർ നാച്ചുറലി ആസ്പിറേറ്റഡ് പെട്രോൾ എഞ്ചിനാണ് എസ്യുവിക്ക് തുടിപ്പേകുക. ഈ എഞ്ചിൻ 121 bhp കരുത്തിൽ 145 Nm torque ഉത്പാദിപ്പിക്കാൻ പ്രാപ്തമായിരിക്കുമെന്നാണ് അനുമാനം.
ഗിയർബോക്സ് ഓപ്ഷനുകളിൽ 6 സ്പീഡ് മാനുവലും സിവിടി ഓട്ടോമാറ്റിക്കും ഉൾപ്പെടുമെന്നാണ് വിവരം. ഇതുകൂടാതെ എസ്യുവിക്ക് ഇന്ധനക്ഷമതയുള്ള ഹൈബ്രിഡ് എഞ്ചിനും ജാപ്പനീസ് ബ്രാൻഡ് സമ്മാനിക്കാൻ സാധ്യതയുണ്ട്. ഇത് ഇപ്പോൾ തന്നെ തെരഞ്ഞെടുത്ത ഏഷ്യൻ വിപണികളിൽ സിറ്റി സെഡാനിനൊപ്പം വാഗ്ദാനം ചെയ്യുന്നുണ്ട്.
S, E, പ്രസ്റ്റീജ്, പ്രസ്റ്റീജ് HSഎന്നിങ്ങനെ നാല് വേരിയന്റ് ലെവലുകളിൽ പുതിയ മോഡൽ വാഗ്ദാനം ചെയ്യുമെന്ന് ഇന്തോനേഷ്യൻ മാധ്യമങ്ങൾ റിപ്പോർട്ട് ചെയ്യുന്നു. എസ്യുവിയുടെ എൻട്രി ലെവൽ പതിപ്പ് മാനുവൽ ഗിയർബോക്സ് ഓപ്ഷനിൽ മാത്രമേ വരികയുള്ളൂ എന്നും സൂചനയുണ്ട്. അതേസമയം ഉയർന്ന മോഡലുകൾ ഓപ്ഷണൽ സിവിടി യൂണിറ്റിനൊപ്പം വരും.
പുതിയ ഹോണ്ട N7X ഏഴ് സീറ്റർ എസ്യുവിക്ക് ഹോണ്ട സെൻസിംഗ് (HS) സാങ്കേതികവിദ്യയും സമ്മാനിക്കും. ഇത് ബ്രാൻഡ് സ്വയം വികസിപ്പിച്ച അഡ്വാൻസ്ഡ് ഡ്രൈവർ അസിസ്റ്റന്റ് സിസ്റ്റം (ADAS) ആണ്. കൊളിഷൻ മിറ്റിഗേഷൻ ബ്രേക്കിംഗ് സിസ്റ്റം, റോഡ് ഡിപ്പാർച്ചർ ലഘൂകരണ സംവിധാനം, അഡാപ്റ്റീവ് ക്രൂയിസ് കൺട്രോൾ, ലെയ്ൻ കീപ്പിംഗ് അസിസ്റ്റ് സിസ്റ്റം തുടങ്ങിയ ഡ്രൈവർ സഹായ സാങ്കേതികവിദ്യകൾ വാഗ്ജാനം ചെയ്യും.
ഇതോടൊപ്പം തന്നെ എസ്യുവിയിൽ ട്രാഫിക് സൈൻ റെക്കഗ്നിഷൻ, ഹോണ്ട ലെയ്ൻ വാച്ച്, ബ്ലൈൻഡ് സ്പോട്ട് ഡിറ്റക്ഷൻ, ഓട്ടോ ഹൈ-ബീം ഹെഡ്ലൈറ്റുകൾ മുതലായ സവിശേഷതകളും ഹോണ്ട കൂട്ടിച്ചേർക്കും. പ്രൊഡക്ഷൻ പതിപ്പിലേക്ക് എത്തുമ്പോൾ കൺസെപ്റ്റ് മോഡലിന് സമാനമായിരിക്കും N7X മോഡലിന്റെ രൂപഘടന.
ചരിഞ്ഞ മേൽക്കൂരയുള്ള എസ്യുവി-ഇഷ് പ്രൊഫൈലിലാണ് വാഹനത്തിന്റെ പ്രധാന ആകർഷണം. എസ്യുവി ബോണറ്റ്, സിഗ്നേച്ചർ ഫ്രണ്ട് ഗ്രില്ലിൽ കട്ടിയുള്ള ക്രോം ബാർ, എൽഇഡി ഹെഡ്ലാമ്പുകൾ, ഡ്യുവൽ-എൽഇഡി ഡിആർഎൽ സെറ്റപ്പ്, വിശാലമായ എയർ-ഡാം, ഫാക്സ് സ്കിഡ് പ്ലേറ്റ്, ബ്രഷ്ഡ് അലുമിനിയം ഉൾപ്പെടുത്തലുകൾ എന്നിവയും N7X-ൽ ഉണ്ടാകും.
പുതിയ എസ്യുവിയിൽ വലിയ ഗ്ലാസ്ഹൗസ് ഏരിയ, ശക്തമായ ബെൽറ്റ്ലൈൻ, കറുത്ത പ്ലാസ്റ്റിക് ക്ലാഡിംഗുള്ള റൗണ്ട് വീൽ ആർച്ചുകൾ, സ്പ്ലിറ്റ് എൽഇഡി ടെയിൽ ലാമ്പുകൾ എന്നിവയുണ്ട്. പുതിയ ഹോണ്ട ഏഴ് സീറ്റർ എസ്യുവിയുടെ ഇന്റീരിയറും സിറ്റി പ്രീമിയം സെഡാനുമായി സമാനതകൾ പങ്കുവെച്ചേക്കും.
ജനപ്രിയമായിരുന്ന CR-Vഅടുത്തിടെ പടിയിറങ്ങിയതോടെ നിലവിൽ ഇന്ത്യയിൽ എസ്യുവി മോഡലുകൾ ഒന്നുമില്ലാത്ത പ്രമുഖരാണ് ജാപ്പനീസ് വാഹന നിർമാതാക്കളായ ഹോണ്ട. എലിവേറ്റ് എന്നപേരിൽ അടുത്ത വർഷം അവസാനത്തോടെ NX7 വിൽപ്പനയ്ക്ക് എത്തുമെന്നാണ് പ്രതീക്ഷിക്കുന്നത്.