പുതുതലമുറ HR-V -യുടെ ഔദ്യോഗിക ആക്‌സസറികൾ വെളിപ്പെടുത്തി ഹോണ്ട

സമയം പാഴാക്കാതെ, ജാപ്പനീസ് വാഹന നിർമാതാക്കൾ വരാനിരിക്കുന്ന ക്രോസ്ഓവറിന്റെ ഔദ്യോഗിക ആക്‌സസറികളുടെ ലിസ്റ്റ് വെളിപ്പെടുത്തിയിരിക്കുകയാണ്.

അർബൻ സ്റ്റൈൽ, കാഷ്വൽ സ്റ്റൈൽ എന്നീ രണ്ട് പാക്കേജുകളിലാണ് ഈ ജെനുവിൻ ആക്‌സസറികൾ എത്തുന്നത്. ഈ രണ്ട് പാക്കേജുകളും പുതുതലമുറ HR-V യുടെ സൗന്ദര്യം വർധിപ്പിക്കുന്നതിന് ലക്ഷ്യമിട്ടുള്ളതാണ്.

പുതിയ HR-V എസ്‌യുവി എം‌ജി ZS, മാസ്ദ CX -30 എന്നിവയെ പോലെ കാണപ്പെടുന്നു എന്ന് വളരെയധികം വിമർശിക്കപ്പെട്ടിട്ടുണ്ടെങ്കിലും, അത് തീർച്ചയായും അതിന്റെ മുൻഗാമിയേക്കാൾ വൃത്തിയായി തോന്നുന്നു.

വാഹനത്തിന്റെ ബാഹ്യ സ്റ്റൈലിംഗ് വർധിപ്പിക്കുന്നതിന് ഹോണ്ട ഈ ആക്‌സസറികൾ ഹോണ്ട, അർബൻ സ്റ്റൈൽ, കാഷ്വൽ സ്റ്റൈൽ എന്നിങ്ങനെ രണ്ട് വ്യത്യസ്ത കിറ്റുകൾ വാഗ്ദാനം ചെയ്യും:

അർബൻ സ്റ്റൈൽ

അർബൻ‌ സ്റ്റൈലിൽ‌, പാക്കേജിന് പുതുക്കിയ ഫ്രണ്ട്, റിയർ ബമ്പർ ഗാർണിഷുകൾ ലഭിക്കുന്നു, ഇത് രണ്ട് അറ്റത്തും വിശാലമായ വീതിയുള്ള ക്രോം ട്രിം പീസുകൾ ഉപയോഗിച്ച് കൂടുതൽ ആകർഷകമാണ്. ഫ്രണ്ട്, റിയർ ബമ്പറുകൾക്ക് താഴ്ന്ന സ്കേർട്ടുകൾ ലഭിക്കും.

സ്റ്റോക്ക് മൾട്ടി-സ്ലാറ്റഡ് ഡിസൈൻ ഫ്രണ്ട് ഗ്രില്ലിന് പകരം പുതിയ ഹെക്സ്ഗണൽ ആകൃതിയിലുള്ള മെഷ് ഗ്രില്ലാണ് ഈ പാക്കേജിൽ വരുന്നത്.

പിന്നിൽ, ക്രോമിൽ അലങ്കരിച്ച എക്‌സ്‌ഹോസ്റ്റ് ടിപ്പുകൾ ബ്രാൻഡ് നൽകുന്നു. കൂടാതെ, വശങ്ങളിൽ, ഈ പാക്കേജ് കുറച്ച് ലോവൽ ഗാർണിഷും പിന്നിൽ റൂഫ് മൗണ്ടഡ് സ്‌പോയിലറും വാഗ്ദാനം ചെയ്യുന്നു.

കാഷ്വൽ സ്റ്റൈൽ

ക്രോമിന് പകരം കോപ്പർ ബിറ്റുകൾ ഇഷ്ടപ്പെടുന്നവർക്ക് കാഷ്വൽ സ്റ്റൈൽ തിരഞ്ഞെടുക്കാം. മിക്ക ആക്‌സസറികളും അർബൻ സ്റ്റൈലിന് സമാനമാണെങ്കിലും, ഘടകങ്ങൾ ക്രോമിന് പകരം കോപ്പർ ബ്രൗൺനിറത്തിൽ പൂർത്തിയാക്കിയിരിക്കുന്നു.

ഫ്രണ്ട്, റിയർ അണ്ടർ ബമ്പർ സ്കേർട്ടുകളും, ഫ്രണ്ട് ഗ്രില്ല് സറൗണ്ട്, സൈഡ് ലോവർ ഗാർണിഷ് എന്നിവയും ഇതിൽ ഉൾപ്പെടുന്നു.

ഈ പാക്കേജിന്റെ മറ്റൊരു പ്രധാന സവിശേഷത കോപ്പർ ബ്രൗണിൽ പൂർത്തിയാക്കിയ പുതിയ വിംഗ് മിറർ ക്യാപ്പുകളാണ്. എന്നിരുന്നാലും, ജാപ്പനീസ് ഓട്ടോ ഭീമൻ ഈ ആക്സസറി കിറ്റുകളുടെ വില ഇതുവരെ വെളിപ്പെടുത്തിയിട്ടില്ല, അവ ലോഞ്ച് സമയത്ത് പ്രഖ്യാപിക്കുമെന്ന് പ്രതീക്ഷിക്കുന്നു.