Just In
- 19 min ago കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- 1 hr ago എല്ലാവർക്കും 'പഞ്ചിനെ' മതി, ടാറ്റയുടെ കുഞ്ഞൻ പ്രിയപ്പെട്ടവനാകുന്നതിൻ്റെ കാരണം എന്ത്
- 2 hrs ago ഈ ബൈക്കിന്റെ കവറിന് വില 16,875 രൂപ, ആക്സസറികളുടെ പൈസയുണ്ടേൽ ഒരു ബുള്ളറ്റ് കൂടി വാങ്ങാം
- 3 hrs ago ADAS ദുരുപയോഗം ചെയ്യുന്നവര് ദേ കാണ്... മഹീന്ദ്ര XUV700 യാത്രക്കാരുടെ ജീവന് രക്ഷിച്ച് സേഫ്റ്റി ഫീച്ചര്
Don't Miss
- Movies 'ദിലീപ് കുഴപ്പിച്ചിരുന്നു, എടീ എന്നൊന്നും വിളിക്കാൻ പറ്റില്ല, സീരിയലിനെ വിമർശിക്കാൻ തോന്നുമായിരുന്നു'
- Sports IPL 2024: സഞ്ജു പ്രതിഭ, 14 വയസ് മുതല് അവനെ അറിയാം; ഇത്തവണ കപ്പ് രാജസ്ഥാനെന്ന് തരൂര്
- News ഒന്നിലധികം ക്രെഡിറ്റ് കാർഡുകൾ ഉണ്ടോ? എങ്കിൽ ഇക്കാര്യങ്ങൾ നിർബന്ധമായും ശ്രദ്ധിക്കണം, ഇല്ലെങ്കിൽ...
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Lifestyle ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള്
- Technology കേറി വാടാ മക്കളെ! എത്തി സാംസങ് ഗാലക്സി F15 5G പുതിയ വേരിയന്റ്
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
40 ദിവസം 14,000 ബുക്കിംഗ്; ഹിറ്റടിച്ച് ഹ്യുണ്ടായി അൽകസാർ എസ്യുവി
ദക്ഷിണ കൊറിയൻ വാഹന നിർമാതാക്കളായ ഹ്യുണ്ടായിയുടെ ഏറ്റവും പുതിയ എസ്യുവിയായ അൽകസാർ വമ്പൻ ഹിറ്റായിരിക്കുകയാണ്. വിപണിയിൽ എത്തി വെറും 40 ദിവസം പിന്നിടുമ്പോഴേക്കും 14,000 യൂണിറ്റ് ബുക്കിംഗാണ് ഈ ഏഴ് സീറ്റർ വാഹനത്തെ തേടിയെത്തിയിരിക്കുന്നത്.
വിപണി സാഹചര്യങ്ങൾ ഏറ്റവും പ്രതികൂലമായി തുടരുന്നതിനിടെയാണ് ഈ നേട്ടമെന്നതും ഏറെ ശ്രദ്ധേയമാണ്. ഇതുവരെ ലഭിച്ച ബുക്കിംഗുകളിൽ അധികവും അൽകസാറിന്റെ ആറ് സീറ്റർ പതിപ്പിനാണെന്നതും കൗതുകമുണർത്തിയേക്കാം.
അതായത് ബുക്കിംഗിന്റെ 60 ശതമാനം ഉപഭോക്താക്കളും ആറ് സീറ്റർ കോൺഫിഗറേഷൻ തെരഞ്ഞെടുക്കുന്നുവെന്ന് സാരം. മാത്രമല്ല അൽകസാറിന്റെ ഡീസൽ വേരിയന്റുകളുടെ ഡിമാന്റും 65 ശതമാനമാനത്തോളമാണ്.
ശരിക്കും ക്രെറ്റയെ അടിസ്ഥാനമാക്കിയാണ് ഹ്യുണ്ടായി ഏറ്റവും പുതിയ അൽകസാറിനെ അണിയിച്ചൊരുക്കിയിരിക്കുന്നത്. ജൂലൈയിൽ ക്രെറ്റ 13,000 യൂണിറ്റുകൾ വിറ്റഴിച്ചപ്പോൾ അൽകസാർ 3001 യൂണിറ്റുകളാണ് ഇന്ത്യൻ നിരത്തുകളിൽ എത്തിച്ചത്.
ഉത്സവകാലത്തിലേക്ക് കടക്കുമ്പോൾ അൽകസാറിന്റെയും ക്രെറ്റയുടെയും ഉറച്ച വിൽപ്പന സ്ഥാനം ഏകീകരിക്കുന്നതിലാണ് കമ്പനി ഇപ്പോൾ ശ്രദ്ധ കേന്ദ്രീകരിച്ചിരിക്കുന്നത്. തെരഞ്ഞെടുക്കുന്ന വേരിയന്റ് അനുസരിച്ച് അൽകസാറിനായുളള കാത്തിരിപ്പ് കാലയളവ് ഒന്നു മുതൽ രണ്ട് മാസം വരെയാണെന്നും റിപ്പോർട്ടുകളുണ്ട്.
പ്രസ്റ്റീജ്, പ്ലാറ്റിനം, സിഗ്നേച്ചർ എന്നീ മൂന്ന് വേരിയന്റുകളിലായാണ് അൽകസാറിനെ വിപണിയിൽ അവതരിപ്പിച്ചിരിക്കുന്നത്. മാനുവൽ, ഓട്ടോമാറ്റിക് ഗിയർബോക്സ് ഓപ്ഷനുകൾക്കിടയിൽ എസ്യുവിയെ അണിനിരത്തിയതും സ്വീകാര്യത കൂടാൻ സഹായിച്ചിട്ടുണ്ട്.
2.0 ലിറ്റർ പെട്രോൾ, 1.5 ലിറ്റർ ഡീസൽ എഞ്ചിനുകളാണ് ഹ്യുണ്ടായി അൽകസാറിന്റെ ഹൃദയം. ഇവ 6 സ്പീഡ് മാനുവൽ അല്ലെങ്കിൽ 6 സ്പീഡ് ഓട്ടോമാറ്റിക് ഗിയർബോക്സ് ഓപ്ഷനിലും യഥേഷ്ടം തെരഞ്ഞെടുക്കാനാവും. ഇക്കോ, സിറ്റി, സ്പോർട്ട് എന്നിങ്ങനെ മൂന്ന് ഡ്രൈവിംഗ് മോഡുകളും വാഹനത്തിലുണ്ട്.
അതോടൊപ്പം തന്നെ സ്നോ, സാൻഡ്, മഡ് എന്നീ ട്രാക്ഷൻ മോഡുകളും ഹ്യുണ്ടായി പരിചയപ്പെടുത്തിയിട്ടുണ്ടെന്നതും ശ്രദ്ധേയമാണ്. അൽകാസറിന് 4500 നീളവും 1790 വീതിയും 2760 വീൽബേസുമാണുള്ളത്. ഇന്ത്യൻ വിപണിയിൽ ടാറ്റ സഫാരി, എംജി ഹെക്ടർ പ്ലസ് എന്നിവയുമായാണ് ഹ്യുണ്ടായി അൽകസാർ മാറ്റുരയ്ക്കുന്നത്.
16.30 മുതൽ 20.14 ലക്ഷം രൂപ വരെയാണ് ഈ കൊറിയൻ എസ്യുവിയുടെ രാജ്യത്തെ എക്സ്ഷോറൂം വില. ഫാന്റം ബ്ലാക്ക്, പോളാർ വൈറ്റ്, സ്റ്റാർറി നൈറ്റ്, ടൈഗ ബ്രൗൺ, ടൈറ്റൻ ഗ്രേ, ടൈഫൂൺ സിൽവർ എന്നിവയാണ് വാഹനത്തിലെ സിംഗിൾ ടോൺ കളർ ഓപ്ഷനുകൾ.
മറുവശത്ത് ബ്ലാക്ക് ഫാന്റം മേൽക്കൂരയുള്ള പോളാർ വൈറ്റിന്റെ ഡ്യുവൽ ടോണുകളും ഫാന്റം ബ്ലാക്ക് റൂഫുള്ള ടൈറ്റൻ ഗ്രേ എന്നീ ഡ്യുവൽ-ടോൺ കളർ ഓപ്ഷനിലും അൽകസാർ എസ്യുവിയെ സ്വന്തമാക്കാനാകും.