ആറ് വേരിയന്റ്, ആറ് കളർ ഓപ്ഷൻ; ഹ്യുണ്ടായി അൽകാസറിന്റെ കൂടുതൽ വിവരങ്ങൾ പുറത്ത്

Updated: Wednesday, June 30, 2021, 0:43 [IST]

ഈ വർഷം ഏപ്രിലിൽ ഹ്യുണ്ടായി പരിചയപ്പെടുത്തിയ അൽകാസർ ഏഴ് സീറ്റർ എസ്‌യുവിക്കായുള്ള കാത്തിരിപ്പ് നീളുകയാണ്. 2021 മെയ് മാസത്തിൽ വാഹനത്തെ വിപണിയിൽ അവതരിപ്പിക്കാനാണ് കൊറിയൻ ബ്രാൻഡ് പദ്ധതിയിട്ടിരുന്നതെങ്കിലും കൊവിഡ് രണ്ടാംതരംഗം വില്ലനായി അവതരിക്കുകയായിരുന്നു.

ആറ് വേരിയന്റ്, ആറ് കളർ ഓപ്ഷൻ; ഹ്യുണ്ടായി അൽകാസറിന്റെ കൂടുതൽ വിവരങ്ങൾ പുറത്ത്

രണ്ടാംതരംഗത്തെ പിടിച്ചുകെട്ടാനായി വിവിധ സംസ്ഥാനങ്ങൾ ലോക്ക്ഡൗൺ നിയന്ത്രണങ്ങൾ നടപ്പിലാക്കുകയും ചെയ്‌തതോടെ അൽകാസറിന്റെ അവതരണം ജൂണിലേക്ക് നീട്ടിയതായാണ് സൂചന. രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന ഹ്യുണ്ടായി ക്രെറ്റയെ അടിസ്ഥാനമാക്കിയാണ് ഈ മോഡൽ എത്തുന്നത് എന്നതും ശ്രദ്ധേയമാണ്.

എന്നാൽ അൽകാസറിനൊപ്പം കൂടുതൽ സാങ്കേതികവിദ്യയും സുരക്ഷാ ഉപകരണങ്ങളും ഉപയോഗിച്ച് പ്രീമിയം, പെർഫോമൻസ് എന്നിവയിലൂടെ ഹ്യുണ്ടായി ഉപഭോക്താക്കളുടെ ശ്രദ്ധ ആകർഷിക്കാനാണ് ശ്രമിക്കുന്നത്.

MOST READ: ജീപ്പ് കോമ്പസിന് ഒരു ചൈനീസ് എതിരാളി 'ഹവാൽ ജോലിയോൺ'

മോഡൽ മൂന്ന് വരി ഇരിപ്പിടം നൽകുന്ന ഇന്ത്യയിലെ ഹ്യുണ്ടായിയിൽ നിന്നുള്ള ആദ്യ എസ്‌യുവിയാണിത്. ക്രെറ്റയെ അടിസ്ഥാനമാക്കിയുള്ള വാഹനം 6, 7 സീറ്റർ ഓപ്ഷനുകളുമായി വരും. അരങ്ങേറ്റം അടുക്കുമ്പോൾ വാഹനത്തെക്കുറിച്ചുള്ള കൂടുതൽ വിശദാംശങ്ങളും റഷ്‍ലൈൻ ഇപ്പോൾ പുറത്തുവിട്ടിരിക്കുകയാണ്.

സിഗ്നേച്ചർ, സിഗ്നേച്ചർ (O), പ്രസ്റ്റീജ്, പ്രസ്റ്റീജ് (O), പ്ലാറ്റിനം, പ്ലാറ്റിനം (O) എന്നിങ്ങനെ ഒന്നിലധികം വേരിയന്റുകളിൽ ഹ്യുണ്ടായി അൽകാസർ വാഗ്ദാനം ചെയ്യും. സിഗ്നേച്ചർ അടിസ്ഥാന വേരിയന്റായിരിക്കുമ്പോൾ പ്ലാറ്റിനം (O) ആയിരിക്കും ടോപ്പ് എൻഡ് വകഭേദം.

Alcazar Variants	P 2.0 MT	P 2.0 AT	D 1.5 MT	D 1.5 AT
Signature	Y (6S)	N	Y (6S)	N
Signature (O)	N	Y (6S)	N	Y (6S)
Prestige	Y (6S / 7S)	N	Y (6S / 7S)	N
Prestige (O)	N	Y (6S)	N	Y (7S)
Platinum	Y (7S)	N	Y (7S)	N
Platinum (O)	N	Y (6S)	N	Y (6S)

MOST READ: പിക്കപ്പ് ട്രക്ക് ശ്രേണിയിലെ മത്സരം കടുപ്പിക്കാന്‍ ടൊയോട്ട; ഹിലക്സ് ഇന്ത്യയിലേക്കും

സീറ്റിംഗ് ഓപ്ഷനുകൾ, എഞ്ചിൻ, ഗിയർബോക്സ് കോമ്പിനേഷനുകൾ എന്നിവയെ ആശ്രയിച്ച് ഈ ആറ് മോഡലുകളെ 17 വേരിയന്റുകളായി തിരിക്കും. 6 സീറ്റർ ഓപ്ഷനും മാനുവൽ ഗിയർബോക്‌സ് ഓപ്ഷനും മാത്രമേ ഹ്യുണ്ടായി അൽകാസാർ സിഗ്നേച്ചർ വാഗ്ദാനം ചെയ്യൂ.

സിഗ്നേച്ചർ വേരിയന്റ് ഉള്ള ഓട്ടോമാറ്റിക് ഓപ്ഷൻ ഓഫറിൽ ഉണ്ടാകില്ല. എന്നാൽ പെട്രോൾ, ഡീസൽ എഞ്ചിൻ എന്നിവ വാഗ്ദാനം ചെയ്യും. അൽകാസാർ സിഗ്നേച്ചർ (O) 2.0 ഡീസൽ ഓട്ടോമാറ്റിക്, 1.5 പെട്രോൾ ഓട്ടോമാറ്റിക് എന്നിവയും അണിനിരത്തും. രണ്ടും 6 സീറ്റർ ഫോർമാറ്റിലായിരിക്കും തെരഞ്ഞെടുക്കാനാവുക. മാനുവലും ഓഫറിൽ ഇല്ല.

MOST READ: സുരക്ഷയില്‍ കരുത്തനെന്ന് തെളിയിച്ച് റെനോ ട്രൈബര്‍

6, 7 സീറ്റർ ഓപ്ഷനുകളുമായാണ് ഹ്യുണ്ടായി അൽകാസർ പ്രസ്റ്റീജ് വരുന്നത്. പെട്രോൾ, ഡീസൽ ഓപ്ഷനും ഇതിൽ ഉണ്ടാകും. പക്ഷേ മാനുവൽ ഗിയർബോക്സ് മാത്രമായിരിക്കും ഇതിൽ ഒരുക്കുക. എസ്‌യുവിയുടെ പ്രസ്റ്റീജ് (O) ഓട്ടോമാറ്റിക് ഉപയോഗിച്ചാണ് വാഗ്ദാനം ചെയ്യുന്നത്. പെട്രോളിൽ ഇത് 6 സീറ്ററായി വരുമ്പോൾ ഡീസലിൽ ഈ വേരിയന്റിന് 7 സീറ്റർ ഓപ്ഷൻ ലഭിക്കും.

പെട്രോൾ, ഡീസൽ എഞ്ചിൻ ഓപ്ഷനുകളിൽ മാനുവൽ ഗിയർബോക്‌സുമായി ഹ്യുണ്ടായി അൽകാസാർ പ്ലാറ്റിനം മോഡൽ ലഭ്യമാകും. രണ്ടിലും ഇതിന് 7 സീറ്റർ ഓപ്ഷൻ ലഭിക്കും. പ്ലാറ്റിനം (O) പതിപ്പിൽ ഇത് ഓട്ടോമാറ്റിക് ഗിയർബോക്സും 6 സീറ്റർ ഓപ്ഷനുമാകും ലഭ്യമാവുക.

ടൈഫൂൺ സിൽവർ, ടൈറ്റൻ ഗ്രേ, ടൈഗ ബ്രൗൺ, സ്റ്റാർറി നൈറ്റ്, പോളാർ വൈറ്റ്, ഫാന്റം ബ്ലാക്ക് എന്നീ ആറ് എക്സ്റ്റീരിയർ കളർ ഓപ്ഷനുകളിലാകും ഹ്യുണ്ടായി അൽകാസറിനെ അണിയിച്ചൊരുക്കുക. കോഗ്നാക് ബ്ര .ൺ ആയിരിക്കും ഇന്റീരിയർ കളർ ഓപ്ഷൻ.

പെട്രോൾ, ഡീസൽ എഞ്ചിനുകളോടെയാകും ഈ മൂന്ന് വരി എസ്‌യുവി വിപണിയിൽ എത്തുക. പെട്രോൾ എഞ്ചിൻ എലാൻട്ര, ട്യൂസോൺ എന്നിവയിൽ നിന്നും കടമെടുത്ത 2.0 ലിറ്റർ, 4 സിലിണ്ടർ യൂണിറ്റാണ്. ഇത് 159 bhp പവറും 192 Nm torque ഉം ഉത്പാദിപ്പിക്കാൻ പ്രാപ്‌തമായിരിക്കും.

ഈ എഞ്ചിൻ 10 സെക്കൻഡിനുള്ളിൽ 100 കിലോമീറ്റർ വേഗത കൈവരിക്കാനും സഹായിക്കും.

മറുവശത്ത് ക്രെറ്റയിൽ നിന്നെടുത്ത 1.5 ലിറ്റർ, 4 സിലിണ്ടർ, ടർബോചാർജ്ഡ് ഡീസൽ എഞ്ചിനും അൽകാസറിൽ ഇടംപിടിക്കും. ഇത് 115 bhp കരുത്തിൽ 250 Nm torque വികസിപ്പിക്കാൻ ശേഷിയുള്ളതാണ്.

രണ്ട് എഞ്ചിൻ ഓപ്ഷനുകളും മാനുവൽ, ഓട്ടോമാറ്റിക് ഗിയർബോക്സ് എന്നിവ ഉപയോഗിച്ച് വാഗ്ദാനം ചെയ്യും. ഇക്കോ, സിറ്റി, സ്‌പോർട്ട് എന്നിങ്ങനെ മൂന്ന് ഡ്രൈവ് മോഡുകളും എസ്‌യുവിയിലുണ്ടാകും.