Just In
- 7 min ago സമ്പാദിക്കുന്ന കാശ് പെട്രോളടിച്ച് കളയണോ? 516 കി.മീ. റേഞ്ചുള്ള പുത്തൻ ഇലക്ട്രിക് കാറുമായി ജർമൻ കമ്പനി
- 49 min ago ബജറ്റ് ഇവി പ്ലാനുകൾക്ക് തുടക്കം കുറിച്ച് ഹ്യുണ്ടായി; മെയ്ഡ് ഇൻ ഇന്ത്യ ക്രെറ്റ ഇവി ഉടൻ
- 1 hr ago ആവേശമുയർത്തി 2024 സ്വിഫ്റ്റിൻ്റെ പുത്തൻ പരസ്യവീഡിയോ, വാങ്ങാൻ ഉണ്ട് ഒരുപാട് കാരണങ്ങൾ
- 1 hr ago ലോകം ഇനി ബജാജിനെ ഉറ്റുനോക്കും! ഇതുപോലൊരു ടൂവീലര് ഇതുവരെ ആരും പുറത്തിറക്കിയിട്ടില്ല
Don't Miss
- Lifestyle വിട്ടുമാറാതെ രോഗം അലട്ടുന്നോ, കുടുംബത്തില് വാസ്തുദോഷമുണ്ടാവാം
- Finance 7000 രൂപ നിക്ഷേപിക്കാനുണ്ടോ? 12 ലക്ഷം റിട്ടേൺസ് നേടാം, കൂടുതൽ അറിയാം...
- Movies 'നിർഭാഗ്യം കൊണ്ട് ഇതെല്ലാം സംഭവിച്ചു... എനിക്ക് പ്രധാനം നിന്റെ ആരോഗ്യമാണ്, നീ ഇതിനോടകം വിജയിയായി കഴിഞ്ഞു'
- News 'തൃശൂരിൽ ബിജെപി 28000ത്തിലധികം കള്ളവോട്ടുകൾ ചേർത്തു, പട്ടികയിൽ സുരേഷ് ഗോപിയുടെ ജീവനക്കാരും'; ടിഎൻ പ്രതാപൻ
- Sports T20 World Cup 2024: ഹാര്ദിക് വേണ്ട! പകരം ദുബെ, സഞ്ജു ടീമില്; ഇതാ ഭാജിയുടെ 15 അംഗ സ്ക്വാഡ്
- Technology മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഹ്യുണ്ടായിയിൽ നിന്നും ഇനി എത്തുന്നത് ക്രെറ്റയുടെ ഏഴ് സീറ്റർ എസ്യുവി; കാത്തിരിപ്പ് അധികം നീളില്ല
കഴിഞ്ഞ വർഷം ഇന്ത്യൻ വിപണിയിൽ ഏറ്റവുമധികം വിറ്റഴിക്കപ്പെട്ട എസ്യുവിയായിരുന്നു ഹ്യുണ്ടായി ക്രെറ്റ. പ്രധാനമായും രണ്ടാം തലമുറ മോഡലിന്റെ വരവാണ് ഹ്യുണ്ടായിക്ക് കരുത്തായതും. പുതിയ സ്റ്റൈലിംഗ്, മികച്ച ഉപകരണങ്ങൾ, ധാരാളം എഞ്ചിൻ ഓപ്ഷനുകൾ എന്നിവ വാഹനത്തിൽ ഇടംപിടിച്ചതും വിജയത്തിന് മാറ്റുകൂട്ടി.
അതിനാൽ വാഹനത്തിലുള്ള ഉപഭോക്തൃ താൽപര്യം പെട്ടെന്ന് ഉയർന്നുവെന്ന് വേണം പറയാൻ. ഇത് മുതലെടുത്ത് ഹ്യുണ്ടായി ഇപ്പോൾ തങ്ങളുടെ ഏറ്റവും കൂടുതൽ വിറ്റുപോകുന്ന എസ്യുവിയുടെ 7 സീറ്റർ പതിപ്പിനെ കൂടി പുറത്തിറക്കാൻ ഒരുങ്ങുകയാണ്.
ഏഴ് സീറ്റർ ക്രെറ്റയെ അൽകാസർ എന്നായിരിക്കും ഹ്യുണ്ടായി വിളിക്കുക. കമ്പനിയുടെ ജന്മനാടായ ദക്ഷിണ കൊറിയയിലും ഇന്ത്യയിലും വാഹനം പരീക്ഷണയോട്ടത്തിന് വിധേയമായിരുന്നു. അഞ്ച് സീറ്റർ മോഡലിൽ നിന്നും എളുപ്പത്തിൽ വേർതിരിച്ചറിയാനായി ടെയിൽ ലൈറ്റുകളും റിയർ ബമ്പറും ഫ്രണ്ട് ഗ്രില്ലും കമ്പനി പുതുക്കിയിട്ടുണ്ട്.
MOST READ: മോഡൽ നിരയിലുടനീളം 26,000 രൂപ വരെ വില വർധനയുമായി ടാറ്റ
എന്നാൽ ഹെഡ്ലൈറ്റ് ഡിസൈൻ സാധാരണ ക്രെറ്റയ്ക്ക് സമാനമായിരിക്കുമെന്നാണ് മുമ്പ് പുറത്തുവന്ന സ്പൈ ചിത്രങ്ങൾ സൂചിപ്പിക്കുന്നത്. വശങ്ങളിൽ 7 സീറ്റർ ക്രെറ്റയുടെ രൂപകൽപ്പന സി-പില്ലർ വരെ സാധാരണ 5 സീറ്റർ മോഡലിന് സമാനമായിരിക്കും.
വീൽബേസിൽ മാറ്റം വരുത്തിയിട്ടുണ്ടോയെന്ന് ഉറപ്പില്ലെങ്കിലും പിൻവശത്ത് അധിക സീറ്റുകൾ ഉൾക്കൊള്ളുന്നതിന് എസ്യുവിയുടെ നീളം വർധിപ്പിച്ചിട്ടുണ്ട്. മൂന്ന് എഞ്ചിൻ ഓപ്ഷനുകളിലാണ് ക്രെറ്റ നിലവിൽ ലഭ്യമാകുന്നത്. ആദ്യത്തേത് 115 bhp പവറും 144 Nm torque ഉം ഉത്പാദിപ്പിക്കാൻ ശേഷിയുള്ള 1.5 ലിറ്റർ പെട്രോൾ എഞ്ചിനാണ്.
MOST READ: തിളക്കം മങ്ങി; മഹീന്ദ്ര മറാസോയുടെ വിൽപ്പനയിൽ 88 ശതമാനം ഇടിവ്
ഇത് ആറ് സ്പീഡ് മാനുവൽ അല്ലെങ്കിൽ സിവിടി ഗിയർബോക്സിലേക്കാണ് ജോടിയാക്കിയിരിക്കുന്നത്. രണ്ടാമത്തെ ഓപ്ഷൻ 1.5 ലിറ്റർ ടർബോ-ഡീസൽ എഞ്ചിനാണ്. ഇത് 115 bhp കരുത്തിൽ 250 Nm torque വാഗ്ദാനം ചെയ്യും. ആറ് സ്പീഡ് മാനുവൽ അല്ലെങ്കിൽ ആറ് സ്പീഡ് ഓട്ടോമാറ്റിക്കുമായി തെരഞ്ഞെടുക്കാം.
അവസാന ഓപ്ഷൻ 1.4 ലിറ്റർ ടർബോ-പെട്രോളാണ്. ഇത് 140 bhp കരുത്തിൽ 242 Nm torque വികസിപ്പിക്കും. ക്രെറ്റയിൽ ഇത് 7 സ്പീഡ് ഡിസിടി ഗിയർബോക്സുമായാണ് ജോടിയാക്കിയിരിക്കുന്നത്.
MOST READ: നാല് പതിറ്റാണ്ടുകൾക്കുമേൽ വിപണിയിൽ തിളങ്ങിയ ഗോൾഫ് ഹാച്ച്ബാക്ക് നിർത്തലാക്കി ഫോക്സ്വാഗൺ
സ്റ്റിയറിംഗ് വീലിനു പിന്നിൽ പാഡിൽ ഷിഫ്റ്ററുകളും ഈ വേരിയന്റിന്റെ പ്രത്യേകതയാണ്. ഇതേ മൂന്ന് എഞ്ചിനുകൾ 7 സീറ്റർ മോഡലിലും ലഭ്യമാകുമെന്നാണ് സൂചന.ചെലവ് കുറയ്ക്കുന്നതിനായി ഇന്റീരിയർ ഡിസൈനിൽ വലിയ മാറ്റമൊന്നും വരുത്തില്ലെന്നും പ്രതീക്ഷിക്കാം.
7 സീറ്റർ ക്രെറ്റയ്ക്ക് സാധാരണ മോഡലിന് സമാനമായ 10.24 ഇഞ്ച് ഇൻഫോടെയ്ൻമെന്റും സെമി ഡിജിറ്റൽ ഇൻസ്ട്രുമെന്റ് ക്ലസ്റ്ററും (7 ഇഞ്ച് എംഐഡിയുള്ള) ലഭിക്കും. കൂടാതെ പനോരമിക് സൺറൂഫ്, ഓട്ടോമാറ്റിക് ക്ലൈമറ്റ് കൺട്രോൾ, വയർലെസ് സ്മാർട്ട്ഫോൺ ചാർജർ മുതലായവയും വാഹനത്തിലെ സാന്നിധ്യമായിരിക്കും.
MOST READ: കോമ്പസിന്റെ ഹൈബ്രിഡ് മോഡലിനെ കൂടി ഇന്ത്യയിൽ അവതരിപ്പിക്കാൻ ജീപ്പ്
ഇന്ത്യൻ വിപണിയിൽ മൂന്ന് നിര എസ്യുവികളുടെ ആവശ്യം വർധിക്കുന്നതോടെ 7 സീറ്റർ അൽകാസർ അവതരിപ്പിക്കുന്നത് ഹ്യൂണ്ടായിയിൽ നിന്നുള്ള മികച്ച നീക്കമായിരിക്കും. എസ്യുവി ഈ വർഷാവസാനം വിപണിയിലെത്തുമെന്ന് പ്രതീക്ഷിക്കുന്നത്.
എംജി ഹെക്ടർ പ്ലസ്, ഉടൻ പുറത്തിറങ്ങാനിരിക്കുന്ന ടാറ്റ സഫാരി, വരാനിരിക്കുന്ന പുതുതലമുറ മഹീന്ദ്ര XUV500 മോഡലുകളുമായാകും ഹ്യുണ്ടായി അൽകാസർ ഇന്ത്യയിൽ മാറ്റുരയ്ക്കുക.