Just In
- 7 hrs ago ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ്
- 10 hrs ago ഇതൊരു ബൂം ചിക്കാ വാവ മൊമെന്റ്; കേരളത്തിന് ആദ്യമായി ഡബിൾ ഡക്കർ ട്രെയിൻ
- 11 hrs ago ഉന്നം നെക്സോണും ബ്രെസയും തന്നെ, ഹൈപ്പുയർത്തി മഹീന്ദ്രയുടെ കുഞ്ഞൻ എസ്യുവിയുടെ പുത്തൻ ടീസർ
- 11 hrs ago 150 രൂപക്ക് വിമാനത്തില് പറക്കാം! സിനിമ ടിക്കറ്റിന്റെ പൈസക്ക് വിമാനയാത്ര സാധ്യമാകുന്ന റൂട്ട് കേരളത്തിലുമുണ്ട്
Don't Miss
- Movies മകൻ അച്ഛനെ കാണാറുണ്ട്; ആദ്യ വിവാഹ ബന്ധം പിരിഞ്ഞപ്പോൾ; തനിക്ക് മാത്രമല്ല ഇത് സംഭവിച്ചതെന്നും മേതിൽ ദേവിക
- News ശൈലജക്കെതിരായ ദുഷ്പ്രചരണം; പിന്നില് ഈ മൂവര്സംഘമെന്ന് വികെ സനോജ്
- Lifestyle അവധിക്കാലം കുട്ടികള്ക്ക് ഉഷാറാക്കാന് സ്വീറ്റ് സോഫ്റ്റ് കേക്ക്
- Sports IPL 2024: ഗില്ലിനെക്കൊണ്ടാവില്ല! ഹാര്ദിക് പാണ്ഡ്യ മടങ്ങി വരൂ..., ആവശ്യപ്പെട്ട് ജിടി ആരാധകര്
- Finance എല്ലാ മാസവും ഉറപ്പായ വരുമാനം, റിട്ടയർമെന്റ് ജീവിതം അടിപൊളിയാക്കൂ, ഇതാണ് പദ്ധതി
- Technology 2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും
- Travel ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
Alcazar എസ്യുവിക്ക് പുതിയ പ്ലാറ്റിനം (O) ഏഴ് സീറ്റർ ഡീസൽ വേരിയന്റുമായി Hyundai
രാജ്യത്ത് ഏഴ് സീറ്റർ എസ്യുവികളുടെ ജനപ്രീതി വർധിക്കുന്ന സാഹചര്യത്തിൽ ഹ്യുണ്ടായി വിപണിയിൽ എത്തിച്ച മോഡലായിരുന്നു അൽകസാർ. രാജ്യത്ത് ഏറ്റവും കൂടുൽ വിറ്റഴിക്കപ്പെടുന്ന എസ്യുവിയായ ക്രെറ്റയെ അടിസ്ഥാനമാക്കി ഒരുങ്ങിയ മൂന്നുവരി വാഹനത്തെ ഇരുകൈയ്യും നീട്ടിയാണ് വിപണി സ്വീകരിച്ചതും.
വിപണിയിൽ എത്തി വെറും ദിവസങ്ങൾ പിന്നിടുമ്പോഴേക്കും 15,000 ബുക്കിംഗുകൾക്ക് മുകളിൽ സ്വന്തമാക്കാനും ഹ്യുണ്ടായി അൽകസാറിന് സാധിച്ചിട്ടുണ്ട്. പ്രസ്റ്റീജ്, പ്ലാറ്റിനം, സിഗ്നേച്ചർ എന്നീ മൂന്ന് വേരിയന്റുകളിലായാണ് എസ്യുവി വിപണിയിലെത്തിച്ചിരുന്നത്.
എന്നാൽ വാഹനം ഹിറ്റായതോടെ അൽകസാർ എസ്യുവിക്കായി ഹ്യുണ്ടായി ഇന്ത്യ ഒരു പുതിയ വകഭേദത്തെ കൂടി പരിചയപ്പെടുത്തിയിരിക്കുകയാണിപ്പോൾ. പുതിയ ഉപഭോക്താക്കൾക്ക് പ്ലാറ്റിനം (O) എന്ന പുതിയ മിഡിൽ വേരിയന്റു കൂടി ഇനിമുതൽ ലഭ്യമാകും. 19.64 ലക്ഷം രൂപയാണ് ഈ പതിപ്പിനായി മുടക്കേണ്ടി വരുന്ന എക്സ്ഷോറൂം വില.
എന്നിരുന്നാലും ഡീസൽ ഓട്ടോമാറ്റിക് എഞ്ചിനിൽ മാത്രമായാണ് പുതിയ മോഡൽ വാഗ്ദാനം ചെയ്യുന്നത്. നിലവിൽ പെട്രോളിനേക്കാൾ ഡീസൽ വേരിയന്റുകൾക്ക് കൂടുൽ ബുക്കിംഗ് ലഭിക്കുന്നത് കണക്കാക്കിയാകാം അൽകസാറിന് പ്ലാറ്റിനം (O) എന്ന മോഡലിനെ സമ്മാനിക്കാനും കാരണമായത്.
പ്രസ്റ്റീജ്, പ്ലാറ്റിനം, സിഗ്നേച്ചർ എന്നിങ്ങനെ മൊത്തം മൂന്ന് വകഭേദങ്ങളിലാണ് എത്തുന്ന നിലവിലെ വേരിയന്റുകൾക്ക് ഒരു അധിക (O) അക്ഷരം ഉപയോഗിച്ച് ഓട്ടോമാറ്റിക് പതിപ്പുകളും കമ്പനി വാഗ്ദാനം ചെയ്യുന്നുണ്ട്. പുതിയ പ്ലാറ്റിനം (O) ഏഴ് സീറ്ററിന്റെ വില ആറ് സീറ്റർ പതിപ്പിനേക്കാൾ 15,000 രൂപ കുറവാണ്. അതേസമയം അതേ സവിശേഷതകളെല്ലാം മോഡൽ നിലനിർത്തുന്നു എന്ന കാര്യവും ശ്രദ്ധേയമാണ്.
നേരത്തെ രണ്ടാം നിരയിലെ ക്യാപ്റ്റൻ സീറ്റുകൾ മാത്രമായിരുന്നു ഈ വേരിയന്റ് വാഗ്ദാനം ചെയ്തിരുന്നത്. പെട്രോൾ, ഡീസൽ എഞ്ചിനുകളിലും ഇത് ലഭിക്കുമായിരുന്നു. പ്ലാറ്റിനം (O) പതിപ്പിന്റെ പ്രധാന സവിശേഷതകളിൽ 360 ഡിഗ്രി ക്യാമറ, 18 ഇഞ്ച് ഡയമണ്ട് കട്ട് അലോയ് വീലുകൾ എന്നിവയെല്ലാം ഉൾപ്പെടുന്നുണ്ട്.
തീർന്നില്ല, ഇതോടൊപ്പംആംബിയന്റ് ലൈറ്റിംഗ്, ബോസ് സൗണ്ട് സിസ്റ്റം, ഒരു വയർലെസ് ചാർജർ, 10.25 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, ഒരു ഇലക്ട്രിക് ടെയിൽ ഗേറ്റ്, ഇലക്ട്രിക്കലി ക്രമീകരിക്കാവുന്ന ഡ്രൈവർ സീറ്റ് എന്നിവയും ഏഴ് സീറ്ററിന്റെ പ്രത്യേകതകളാണ്.
1.5 ലിറ്റർ ഡീസൽ എഞ്ചിനാണ് അൽകസാറിന്റെ പ്ലാറ്റിനം (O) പതിപ്പിൽ ഹ്യുണ്ടായി വാഗ്ദാനം ചെയ്യുന്നത്. ഇത് പരമാവധി 113 bhp കരുത്തിൽ 250 Nm torque ഉത്പാദിപ്പിക്കാൻ പ്രാപ്തമാണ്. കൂടാതെ പാഡിൽ ഷിഫ്റ്ററുകളുള്ള ആറ് സ്പീഡ് ഓട്ടോമാറ്റിക് ഗിയർബോക്സുമായാണ് ഈ എഞ്ചിൻ ജോടിയാക്കിയിരിക്കുന്നത്.
1.5 ലിറ്റർ ഡീസൽ എഞ്ചിന് പുറമെ എലാൻട്രയിൽ നിന്നുള്ള 2.0 ലിറ്റർ നാല് സിലിണ്ടർ MPi ടർബോ പെട്രോൾ എഞ്ചിനും എസ്യുവിയിൽ തെരഞ്ഞെടുക്കാനാകും. ഈ യൂണിറ്റ് 6500 rpm-ൽ 157 bhp പവറും 4500 rpm-ൽ 191 Nm torque ഉം വികസിപ്പിക്കാൻ ശേഷിയുള്ളതാണ്. ആറു സ്പീഡ് മാനുവൽ അല്ലെങ്കിൽ ആറു സ്പീഡ് ഓട്ടോമാറ്റിക് ഗിയർബോക്സ് ഓപ്ഷനിൽ ഇത് സ്വന്തമാക്കാം.
പെട്രോൾ, ഡീസൽ പതിപ്പുകളിൽ മാനുവൽ, ഓട്ടോമാറ്റിക് ഗിയർബോക്സ് ഓപ്ഷനുകളിൽ എസ്യുവിയെ അണിനിരത്തിയതും സ്വീകാര്യത കൂടാൻ സഹായിച്ചിട്ടുണ്ട്. ഇക്കോ, സിറ്റി, സ്പോർട്ട് എന്നിങ്ങനെ മൂന്ന് ഡ്രൈവിംഗ് മോഡുകളും അൽകസാറിനുണ്ട്. അതോടൊപ്പം തന്നെ സ്നോ, സാൻഡ്, മഡ് എന്നീ ട്രാക്ഷൻ മോഡുകളും ഹ്യുണ്ടായി എസ്യുവിയിൽ പരിചയപ്പെടുത്തിയിട്ടുണ്ടെന്നതും ശ്രദ്ധേയമാണ്.
ഇന്ത്യൻ വിപണിയിൽ ടാറ്റ സഫാരി, എംജി ഹെക്ടർ പ്ലസ് എന്നിവയുമായാണ് മാറ്റുരയ്ക്കുന്ന ഹ്യുണ്ടായി അൽകസാറിന് 4500 നീളവും 1790 വീതിയും 2760 വീൽബേസുമാണുള്ളത്. 16.30 മുതൽ 20.14 ലക്ഷം രൂപ വരെയാണ് ഈ കൊറിയൻ എസ്യുവിയുടെ രാജ്യത്തെ എക്സ്ഷോറൂം വില.
എല്ലാ ഹ്യുണ്ടായി കാറുകളെയും പോലെ തന്നെ സിംഗിൾ, ഡ്യുവൽ ടോൺ കളർ ഓപ്ഷനുകളിലാണ് അൽകസാർ അണിഞ്ഞൊരുങ്ങി എത്തുന്നത്. അതിൽ ഫാന്റം ബ്ലാക്ക്, പോളാർ വൈറ്റ്, സ്റ്റാർറി നൈറ്റ്, ടൈഗ ബ്രൗൺ, ടൈറ്റൻ ഗ്രേ, ടൈഫൂൺ സിൽവർ എന്നിവ സിംഗിൾ ടോണിൽ ലഭ്യമാകുമ്പോൾ ലാക്ക് ഫാന്റം മേൽക്കൂരയുള്ള പോളാർ വൈറ്റിന്റെ ഡ്യുവൽ ടോണുകളും ഫാന്റം ബ്ലാക്ക് റൂഫുള്ള ടൈറ്റൻ ഗ്രേ എന്നീ ഡ്യുവൽ-ടോൺ നിറങ്ങളും കമ്പനി വാഗ്ദാനം ചെയ്യുന്നുണ്ട്.
ഇന്ത്യൻ വിപണി ഉത്സവ സീസണിലേക്ക് കടക്കുമ്പോൾ അൽകസാറിന്റെയും ക്രെറ്റയുടെയും ഈ മികച്ച വിൽപ്പന കണക്കുകൾ ഏകീകരിക്കുന്നതിലാണ് കമ്പനി ശ്രദ്ധ കേന്ദ്രീകരിച്ചിരിക്കുന്നത്. ഏഴ് സീറ്റർ എസ്യുവിയുടെ വേരിയന്റ് അനുസരിച്ച് കാത്തിരിപ്പ് കാലയളവ് ഒന്നു മുതൽ രണ്ട് മാസം വരെയാണ്.