Just In
- 10 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 10 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 11 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 11 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- News മുക്താര് അന്സാരി അന്തരിച്ചു, ജയിലില് വെച്ച് ഹൃദയാഘാതം; യുപിയില് വന് ജാഗ്രത
- Sports IPL 2024: സഞ്ജുവിന്റെ ധൈര്യം അപാരം, ആ സാഹസം കളി ജയിപ്പിച്ചു! കിടു ക്യാപ്റ്റന്സി
- Lifestyle ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
- Movies നിനക്ക് പോയത് ഗബ്രിയില്, അവനെ മാറ്റി നിര്ത്തണം എന്ന് റസ്മിന്; ഗെയിം കളഞ്ഞത് വീട്ടുകാരെന്ന് ജാസ്മിന്
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
അൽകസാർ ഡ്യുവൽ-ടോൺ വേരിയന്റുകളുടെയും വില പ്രഖ്യാപിച്ച് ഹ്യുണ്ടായി
ഏഴ് സീറ്റർ എസ്യുവി ശ്രേണിയിലേക്ക് താരപ്പകിട്ടോടെ എത്തിയ ഹ്യുണ്ടായി അൽകസാറിനെ ഇരുകൈയ്യും നീട്ടിയാണ് വിപണി സ്വീകരിച്ചത്. 16.30 ലക്ഷം രൂപയുടെ പ്രാരംഭ വിലയോടെ എത്തിയ മോഡലിനെ ആറ് വേരിയന്റുകളിലായാണ് കമ്പനി പരിചയപ്പെടുത്തിയതും.
സിംഗിൾ ടോൺ, ഡ്യുവൽ ടോൺ കളർ ഓപ്ഷനുകളിലായി എട്ട് നിറങ്ങളിൽ ഹ്യുണ്ടായി അൽകസാറിനെ തെരഞ്ഞെടുക്കാം. നേരത്തെ സിംഗിൾ ടോണുകളുടെ വിലകൾ മാത്രം വെളിപ്പെടുത്തിയ ദക്ഷിണ കൊറിയൻ ബ്രാൻഡ് ഇപ്പോൾ എസ്യുവിയുടെ ഡ്യുവൽ ടോൺ വേരിയന്റുകളുടെ വിലയും പ്രഖ്യാപിച്ചിരിക്കുകയാണ്.
ടോപ്പ്-സ്പെക്ക് സിഗ്നേച്ചർ, സിഗ്നേച്ചർ (O) വകഭേദങ്ങളിലായാണ് അൽകസാർ ഡ്യുവൽ ടോൺ നിറങ്ങൾ ലഭ്യമാക്കിയിരിക്കുന്നത്. പോളാർ വൈറ്റ് വിത്ത് ഫാന്റം ബ്ലാക്ക്, ടൈറ്റൻ ഗ്രേ വിത്ത് ഫാന്റം ബ്ലാക്ക് എന്നിവയാണ് പുതിയ മൂന്നുവരി എസ്യുവിക്കായി ഒരുക്കിയിരിക്കുന്നത്.
നാല് ഡ്യുവൽ ടോൺ വേരിയന്റുകളാണ് അൽകസാർ മോഡൽ ലൈനപ്പിൽ ഉൾപ്പെടുന്നത്. സ്റ്റാൻഡേർഡ് മോണോടോൺ നിറങ്ങളേക്കാൾ 15,000 രൂപ അധികമാണ് ഇവയ്ക്കായി മുടക്കേണ്ടതെന്ന് ഹ്യുണ്ടായി പറയുന്നു.
സിഗ്നേച്ചർ പെട്രോൾ മാനുവലിനായി 18.85 ലക്ഷം രൂപ, സിഗ്നേച്ചർ ഡീസൽ മാനുവലിനായി 19.08 ലക്ഷം രൂപ, സിഗ്നേച്ചർ (O) പെട്രോൾ ഓട്ടോമാറ്റിക്കിനായി 19.99 ലക്ഷം രൂപ, സിഗ്നേച്ചർ (O) ഡീസൽ ഓട്ടോമാറ്റിക്കിനായി 20.14 ലക്ഷം രൂപ എന്നിങ്ങനെയാണ് എക്സ്ഷോറൂം വില.
ഹ്യുണ്ടായി അൽകസാറിന്റെ എഞ്ചിൻ സജ്ജീകരണത്തിൽ 2.0 ലിറ്റർ പെട്രോളും 1.5 ലിറ്റർ ഡീസൽ യൂണിറ്റും ഉൾപ്പെടുന്നു. ഗ്യാസോലിൻ മോട്ടോർ പരമാവധി 151 bhp കരുത്തിൽ 191 Nm torque ഉത്പാദിപ്പിക്കുമ്പോൾ ഓയിൽ ബർണർ 115 bhp പവറും 250 Nm torque ഉം വികസിപ്പിക്കാൻ പ്രാപ്തമാണ്.
ആറ് സ്പീഡ് മാനുവൽ, ആറ് സ്പീഡ് ഓട്ടോമാറ്റിക് ഗിയർബോക്സ് എന്നിവ ഗിയർബോക്സ് ഓപ്ഷനിലും യഥേഷ്ടം തെരഞ്ഞെടുക്കാം. കംഫർട്ട്, ഇക്കോ, സ്പോർട്ട് എന്നിങ്ങനെ മൂന്ന് ഡ്രൈവ് മോഡുകൾ എസ്യുവി വാഗ്ദാനം ചെയ്യുമ്പോൾ സാൻഡ്, സ്നോ, മഡ് എന്നിങ്ങനെ മൂന്ന് ട്രാക്ഷൻ മോഡുകളും വാഹനത്തിനുണ്ട്.
ഈ മോഡുകൾ പ്രസ്റ്റീജ് (O), പ്ലാറ്റിനം (O), സിഗ്നേച്ചർ (O) വേരിയന്റുകളിൽ മാത്രമേ ലഭ്യമാകൂ എന്നത് ശ്രദ്ധിക്കേണ്ടതാണ്. ആൻഡ്രോയിഡ് ഓട്ടോ, ആപ്പിൾ കാർപ്ലേ, ഹ്യുണ്ടായി ബ്ലൂലിങ്ക് കണക്റ്റുചെയ്ത കാർ ടെക്, സ്റ്റിയറിംഗ് മൗണ്ട് ചെയ്ത ഓഡിയോ, ഫോൺ കൺട്രോൾ എന്നിവയും വാഹനത്തിന്റെ പ്രത്യേകതകളാണ്.
തീർന്നില്ല, ഇവയോടൊപ്പം വോയ്സ് കൺട്രോൾ പനോരമിക് സൺറൂഫ്, 64 നിറങ്ങളുള്ള ആംബിയന്റ് ലൈറ്റിംഗ്, ഉയരം ക്രമീകരിക്കാവുന്ന ഡ്രൈവർ സീറ്റുകൾ, 10.25 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം എന്നിവ അൽകസാറിന്റെ സ്റ്റാൻഡേർഡ് ഫീച്ചർ നിരയിൽ ഉൾപ്പെടുന്നു.
മോഡലിനെ ഫീച്ചർ റിച്ചാക്കുന്നതിനായി ഓട്ടോ ക്ലൈമറ്റ് കൺട്രോൾ, ക്രൂയിസ് കൺട്രോൾ, ലെതർ പൊതിഞ്ഞ ഫ്ലാറ്റ്-ബോട്ടം സ്റ്റിയറിംഗ്, ഗിയർ നോബ്, മുൻവശത്ത് വയർലെസ് സ്മാർട്ട്ഫോൺ ചാർജർ, റിയർ സെന്റർ ആംറെസ്റ്റ് (7-സീറ്റർ മാത്രം), വയർലെസ് സ്മാർട്ട്ഫോൺ ചാർജറുള്ള പിൻ സെന്റർ കൺസോൾ എന്നിവയും ഹ്യുണ്ടായി വാഗ്ദാനം ചെയ്യുന്നുണ്ട്.