കൂടുതൽ കരുത്താനായി എത്തും, പുതിയ എലാൻട്രയുടെ N പതിപ്പിന്റെ ടീസർ ചിത്രവുമായി ഹ്യുണ്ടായി

പെർഫോമൻസ് കാറുകൾക്ക് പേരുകേട്ട N സീരീസിലേക്ക് ചേക്കേറുന്ന മോഡലിന്റെ ടീസർ ചിത്രം പുറത്തുവിട്ട് എലാൻട്ര N ലൈൻ ഉടൻ നിരത്തിലേക്ക് എത്തുമെന്നാണ് ഹ്യുണ്ടായി തരുന്ന സന്ദേശം.

N മോഡലുകളെ പുതുക്കുകയും വിപുലീകരിക്കുകയുമാണ് ഹ്യുണ്ടായി ഇപ്പോൾ. അതിന്റെ ഭാഗമായി ഈ വർഷം ആദ്യം കോന N പുറത്തിറക്കിയിരുന്നു. ഇതിനു പിന്നോടിയായാണ് എലാൻട്ര എത്തുന്നത്.

വരാനിരിക്കുന്ന പെർഫോമൻസ് സെഡാനെക്കുറിച്ചുള്ള ഔദ്യോഗിക വിവരങ്ങളൊന്നും ബ്രാൻഡ് പുറത്തുവിട്ടിട്ടില്ല. എന്നാൽ ടീസർ ചിത്രങ്ങൾ അറിയേണ്ട ചില പരിഷ്ക്കാരങ്ങളെ കുറിച്ചുള്ള വ്യക്തമായ ധാരണ നൽകുന്നുണ്ട്.

കഴിഞ്ഞ വർഷം ആദ്യം അവതരിപ്പിച്ച ഏറ്റവും പുതുതലമുറ എലാൻട്രയെ അടിസ്ഥാനമാക്കിയാണ് ഇത് ഒരുങ്ങുന്നത്. സാധാരണ മോഡലിൽ നിന്ന് സ്വയം വേർതിരിച്ചറിയാൻ എന്തായാലും വിഷ്വൽ റിവിഷനുകൾ ഹ്യുണ്ടായി എലാൻട്ര N പതിപ്പിന് സമ്മാനിക്കുമെന്നും ഉറപ്പാണ്.

ബൂട്ട് മൗണ്ട് ചെയ്ത സ്‌പോയിലർ, ഷാർക്ക് ഫിൻ ആന്റിന, റാക്ക്ഡ് റിയർ വിൻഡ്‌സ്ക്രീൻ, താഴത്തെ വശത്തേക്ക് ഓടുന്ന സിഗ്നേച്ചർ റെഡ് ഹൈലൈറ്റുകൾ, പൂർണ വീതിയുള്ള എൽഇഡി ടെയിൽ ലാമ്പുകൾ, N-ബ്രാൻഡഡ് റെഡ് ബ്രേക്ക് കാലിപ്പറുകൾ, ബ്ലാക്ക് ഫിനിഷ്ഡ് ബി-പില്ലറുകൾ തുടങ്ങിയ സജ്ജീകരണങ്ങൾ ടീസറിൽ വ്യക്തമായി കാണാം.

റിയർ ബമ്പറിൽ ചുവന്ന ആക്സന്റുകളും പ്രയോഗിക്കുക കൂടി ചെയ്യുന്നതോടെ എലാൻട്ര N കൂടുതൽ സ്പോർട്ടിയറാകും. എയറോഡൈനാമിക് മെച്ചപ്പെടുത്തലുകൾ പ്രതീക്ഷിക്കുകയും വായുപ്രവാഹം കാര്യക്ഷമമാക്കാൻ വെന്റൂറി ഇഫക്റ്റ് സൃഷ്ടിക്കുകയും ചെയ്യും.

കൂടാതെ ലിഫ്റ്റ് കുറയ്ക്കുന്നതിനും ഉയർന്ന വേഗതയിൽ സ്ഥിരത നൽകുന്നതിനുമായി റിയർ സ്‌പോയ്‌ലർ വരാനിരിക്കുന്ന സെഡാനെ സഹായിക്കും. പിന്നിൽ ഓവൽ ആകൃതിയിലുള്ള എക്‌സ്‌ഹോസ്റ്റ് ഔട്ട്‌ലെറ്റുകളും ഹ്യുണ്ടായി സ്ഥാപിക്കും.

ഹ്യുണ്ടായി എലാൻട്ര N 245/55 മിഷേലിൻ പൈലറ്റ് സ്പോർട്ട് 4S ടയറുകളും 19 ഇഞ്ച് അലോയ് വീലുകളുമായിരിക്കും ഉപയോഗിക്കുക. പെർഫോമൻസിനെ സംബന്ധിച്ചിടത്തോളം അതേ 2.0 ലിറ്റർ ടർബോചാർജ്ഡ് നാല് സിലിണ്ടർ പെട്രോൾ എഞ്ചിൻ തന്നെയാകും ബ്രാൻഡ് കാറിന് നൽകുക.

പരമാവധി പവർ 275 bhp കരുത്ത് ഉത്പാദിപ്പിക്കാൻ ഈ എഞ്ചിൻ പ്രാപ്‌തമായിരിക്കും. എട്ട് സ്പീഡ് ഡ്യുവൽ ക്ലച്ച് ഓട്ടോമാറ്റിക് ഗിയർബോക്‌സുമായി എഞ്ചിൻ ജോടിയാക്കാം. ആറ് സ്പീഡ് മാനുവലും സ്റ്റാൻഡേർഡായി നൽകാം.

ഡ്രൈവിംഗ് സ്വഭാവസവിശേഷതകൾ വാഗ്ദാനം ചെയ്യുന്നതിനായി റീട്യൂൺ ചെയ്‌ത ചാസി, റീകാലിബ്രേറ്റഡ് സ്റ്റിയറിംഗ്, കർശനമാക്കിയ സസ്പെൻഷൻ എന്നിവ ലഭിക്കുമെന്ന് പ്രതീക്ഷിക്കുന്നു.