Just In
- 39 min ago ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ
- 1 hr ago ഇവനിങ്ങ് വന്നാൽ വിയർക്കുന്നത് ഹാരിയർ, ടെറിട്ടറി പിടിച്ചെടുക്കാൻ ഫോർഡിന്റെ ഈ എസ്യുവി
- 4 hrs ago കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
- 16 hrs ago പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
Don't Miss
- News ഇറാന്റെ ആണവ നഗരം വിറച്ചു; ഡ്രോണുകള് വെടിവച്ചിട്ട് സൈന്യം... എണ്ണവില കുതിക്കുന്നു
- Movies രണ്ടാമത്തെ കുട്ടിയ്ക്ക് വേണ്ടി ചികിത്സ ചെയ്തോ എന്ന് ചോദിച്ചു, കുഞ്ഞിനെ എടുത്ത് നടക്കാനാകില്ല: അജയകുമാര്
- Finance 485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...?
- Lifestyle വൃത്തിയുള്ള തലയോട്ടി, മുടി വളര്ച്ച ഉറപ്പ്; ഈ നാച്ചുറല് സ്ക്രബ് നല്കും ഗുണം
- Travel പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
- Sports IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത്
- Technology ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
വിപണി തിരിച്ചുപിടിക്കാൻ പ്രാപ്തം; കൈ നീറയെ ഫീച്ചറുകൾ, ആകെ മാറി ജീപ്പ് കോമ്പസ് ഫെയ്സ്ലിഫ്റ്റ്
പുത്തൻ പ്രതീക്ഷകളുമായി കോമ്പസ് ഫെയ്സ്ലിഫ്റ്റിനെ ജീപ്പ് അടുത്തിടെയാണ് ഇന്ത്യൻ വിപണിക്കായി അവതരിപ്പിച്ചത്. വരും ദിവസം വില കൂടി പ്രഖ്യാപിക്കുന്നതോടെ എസ്യുവി വിൽപ്പനയ്ക്ക് ഇറങ്ങുകയും ചെയ്യും.
എന്തായാലും പോരായ്മകളെല്ലാം വെട്ടിയൊതുക്കിയാണ് ജീപ്പ് കോമ്പസ് ഇത്തവണ എത്തുന്നത്. കാഴ്ച്ചയിൽ പണ്ടേ മിടുക്കാനായിരുന്ന എസ്യുവി ഫെയ്സ്ലിഫ്റ്റ് മോഡലിലൂടെ പുറംമോടിയിൽ ചെറിയ മാറ്റങ്ങൾ വരുത്തിയിട്ടുമുണ്ട്. എന്നാൽ അകത്തളത്തിലാണ് വാഹനത്തിന് ഗംഭീര പുതുമകൾ ഒരുക്കിയിരിക്കുന്നത്.
പുതിയ കോമ്പസ് തീർച്ചയായും പഴയ മോഡലിനെ അപേക്ഷിച്ച് ഒരു മെച്ചപ്പെടുത്തലാണെങ്കിലും ജീപ്പിന് ഇന്ത്യയിലെ വിൽപ്പന ഉയർത്താൻ പറ്റുമോയെന്നാണ് ഏവരും ഉറ്റുനോക്കുന്നത്. 2017-ൽ കോമ്പസുമായി അമേരിക്കൻ ബ്രാൻഡ് ആദ്യമായി ഇന്ത്യൻ വിപണിയിൽ പ്രവേശിച്ചപ്പോൾ മികച്ച തുടക്കമാണ് ലഭിച്ചത്.
MOST READ: ആൾട്രോസിനായി ഒരു പുതിയ ടോപ്പ്-എൻഡ് വേരിയന്റുകൂടി XZ+; പ്രാരംഭ വില 8.25 ലക്ഷം രൂപ
തുടക്കത്തിലെ ശക്തമായ വിൽപ്പന ജീപ്പിന് തുടരാനായില്ല. പുതിയ ഉൽപ്പന്നങ്ങളൊന്നും പിന്നീട് അവതരിപ്പിക്കാൻ ബ്രാൻഡ് തയാറാകാത്തതാണ് ഇതിന് പ്രധാന കാരണമായി ചൂണ്ടിക്കാണിക്കാൻ സാധിക്കുന്നത്. കൂടാതെ പുതിയ വേരിയന്റുകൾ ചേർത്തതൊഴിച്ചാൽ കോമ്പസ് വർഷങ്ങളായി മാറ്റമില്ലാതെ തുടർന്നതും തിരിച്ചടിയായി.
അതുപോലെ ഉപഭോക്താക്കൾക്ക് ബ്രാൻഡിനോടുള്ള താൽപര്യം പതുക്കെ നഷ്ടപ്പെടാനും വിൽപ്പന കുറയാനും തുടങ്ങി. കഴിഞ്ഞ വർഷം അതായത് 2020-ൽ ഇന്ത്യയിൽ 5,239 യൂണിറ്റുകൾ മാത്രമാണ് ജീപ്പിന് നിരത്തിലെത്തിക്കാൻ കഴിഞ്ഞത്. 2019-നെ അപേക്ഷിച്ച് 52 ശതമാനത്തിലധികം വിൽപ്പന ഇടിവാണ് രേഖപ്പെടുത്തിയത്.
MOST READ: ടാറ്റ സഫാരി; പുതിയതും പഴയതും തമ്മിലൊന്ന് മാറ്റുരയ്ക്കാം
ഫെയ്സ്ലിഫ്റ്റ് മോഡലിലൂടെ കോമ്പസിന്റെ ഉപഭോക്തൃ താൽപ്പര്യം പുനരുജ്ജീവിപ്പിക്കാമെന്ന പ്രതീക്ഷയിലാണ് ജീപ്പ്. വയർലെസ് ആൻഡ്രോയിഡ് ഓട്ടോയോടുകൂടിയ യുകണക്ട് 5 ഇൻഫോടെയ്ൻമെന്റ് സിസ്റ്റത്തിനായുള്ള 10.1 ഇഞ്ച് ടച്ച്സ്ക്രീൻ പോലെ എസ്യുവിക്ക് ഇപ്പോൾ ധാരാളം പുതിയ സവിശേഷതകൾ ലഭിക്കുന്നു.
തീർന്നില്ല, ഇതോടൊപ്പം പുതിയ 4-സ്പോക്ക്, മൾട്ടിഫംഗ്ഷൻ സ്റ്റിയറിംഗ് വീലിനു മുന്നിൽ ഇരിക്കുന്ന 10.25 ഇഞ്ച് പൂർണ ഡിജിറ്റൽ ഇൻസ്ട്രുമെന്റ് ക്ലസ്റ്ററും എസ്യുവിയുടെ പ്രീമിയംനെസ് വർധിപ്പിക്കും. കോമ്പസിന്റെ പ്രീമിയം അനുഭൂതി ഉയർത്തുന്ന ഡാഷ്, ഡോർ പാനലുകൾ മുതലായവ ഉൾപ്പെടെ ക്യാബിന് ചുറ്റും സോഫ്റ്റ്-ടച്ച് മെറ്റീരിയലുകൾ ഉണ്ട്.
MOST READ: ഇന്ത്യൻ വിപണിയിൽ തലമുറ മാറ്റത്തിനൊരുങ്ങുന്ന പ്രമുഖ മോഡലുകൾ
പുതിയ കോമ്പസിന് കണക്റ്റുചെയ്ത കാർ സാങ്കേതികവിദ്യയും ലഭിക്കുന്നത് ശ്രദ്ധേയമാണ്. ഇത് എതിരാളികളുമായി മാറ്റുരയ്ക്കുമ്പോൾ കാറിനെ കൂടുതൽ കാലികമാക്കുന്നു. ഡ്യുവൽ-സോൺ ക്ലൈമറ്റ് കൺട്രോൾ, ആൽപൈൻ 9-സ്പീക്കർ ഓഡിയോ സിസ്റ്റം, വയർലെസ് സ്മാർട്ട്ഫോൺ ചാർജർ, പനോരമിക് സൺറൂഫ്, 360 ഡിഗ്രി ക്യാമറ എന്നിവയാണ് ഓഫറിലെ മറ്റ് ആകർഷകമായ സവിശേഷതകൾ.
മുമ്പത്തെ മോഡലിൽ നിന്ന് എഞ്ചിൻ ഓപ്ഷനുകൾ കമ്പനി അതേപടി മുന്നോട്ടു കൊണ്ടുപോയി. 1.4 ലിറ്റർ ടർബോ-പെട്രോൾ, 2.0 ലിറ്റർ ടർബോ-ഡീസൽ എന്നിവയാണ് ജീപ്പ് കോമ്പസ് ഫെയ്സ്ലിഫ്റ്റിലും ലഭ്യമാവുക.
MOST READ: ക്രെറ്റയുടെ വില ഉയര്ത്തി ഹ്യുണ്ടായി; പുതിയ വില വിവരങ്ങള് അറിയാം
ആറ് സ്പീഡ് മാനുവൽ ഗിയർബോക്സ് സ്റ്റാൻഡേർഡായി വാഗ്ദാനം ചെയ്യുമ്പോൾ പെട്രോൾ പതിപ്പിന് 7 സ്പീഡ് ഡിസിടിയും ഡീസൽ പതിപ്പിന് 9 സ്പീഡ് ഓട്ടോമാറ്റിക് ഗിയർബോക്സും ഓപ്ഷനായി തെരഞ്ഞെടുക്കാം.
കോമ്പസിന്റെ ഏറ്റവും ശക്തമായ പോയിന്റുകളിൽ ഒന്നാണ് ഈ എഞ്ചിൻ ഓപ്ഷനുകൾ. അതിനാൽ ആ വിഭാഗത്തിൽ പരാതികളൊന്നും ഉയരാൻ സാധ്യതയില്ല. അതോടൊപ്പം ആധുനികമായ എല്ലാ പുതിയ സവിശേഷതകളും ഇപ്പോൾ ഉൾച്ചേർത്തിരിക്കുന്നതിനാൽ എസ്യുവി മുമ്പത്തേതിനേക്കാൾ കൂടുതൽ ശ്രദ്ധനേടുമെന്നാണ് പ്രതീക്ഷിക്കുന്നത്.