Just In
- 17 min ago ലോകം ഇനി ബജാജിനെ ഉറ്റുനോക്കും! ഇതുപോലൊരു ടൂവീലര് ഇതുവരെ ആരും പുറത്തിറക്കിയിട്ടില്ല
- 41 min ago ഥാറിന്റെ 'അപ്പൻ തമ്പുരാൻ'; മുഖംമിനുക്കി ജീപ്പ് റാങ്ലറിന്റെ എഴുന്നള്ളത്ത്; വില കേട്ടാൽ ഞെട്ടും
- 1 hr ago 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ വീഡിയോ റിവ്യൂ കാണാം
- 2 hrs ago എൻഫീൽഡിന്റെ വില്ലനാവാൻ ഓസ്ട്രിയൻ മുതലാളി, കിടിലൻ ബൈക്കുകളുമായി ബ്രിക്സ്റ്റൺ ഇന്ത്യയിലേക്ക്
Don't Miss
- News മുടങ്ങിക്കിടക്കിടന്ന കാര്യങ്ങൾ നടക്കും, പ്രതീക്ഷിക്കാത്ത ചിലവുകൾ വരും, കാത്തിരുന്ന ജോലി കിട്ടും, രാശിഫലം
- Lifestyle ദാമ്പത്യത്തിലെ ഈ അഞ്ച് പ്രശ്നങ്ങളാണ് വിവാഹ മോചനത്തിന് കാരണം
- Movies നിങ്ങളുടെ കൂടെ 13 വര്ഷമായെന്ന് സുപ്രിയ! അന്ന് നമ്മളും കുട്ടികളെങ്കില് ഇന്നൊരു കുട്ടിയുടെ മാതാപിതാക്കളായി!
- Sports IPL 2024: മുംബൈ ശക്തരായ ടീം, പക്ഷെ ഇത് പേപ്പറില് മാത്രമാണ്! പരിഹസിച്ച് എബിഡി
- Technology ഏത് വിലയിലും കിടിലൻ സ്മാർട്ട്ഫോൺ റെഡി! 11 വിലകളിൽ ഫോണുമായി ഐക്യൂ Z9 സീരീസ് ലോഞ്ച് ചെയ്തു
- Finance 260 ശതമാനം ലാഭം, നിക്ഷേപകരുടെ ഹൃദയം കവർന്ന കെമിക്കൽ ഓഹരി, നിങ്ങളുടെ കയ്യിലുണ്ടോ..?
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
എംപിവി ശ്രേണിയിലേക്ക് Kia-യും എത്തുന്നു; Carens-ന്റെ ടീസര് പുറത്ത്
2021 സോനെറ്റിന്റെയും സെല്റ്റോസിന്റെയും അരങ്ങേറ്റ വേളയില് തന്നെ നിര്മാതാക്കളായ കിയ, രാജ്യത്തിനായുള്ള വലിയ പദ്ധതികള് പ്രഖ്യാപിച്ചിരുന്നു. 2022 -ന്റെ തുടക്കത്തില് രാജ്യത്ത് ഒരു പുതിയ മൂന്നു വരി എംപിവി അവതരിപ്പിക്കുമെന്നാണ് നിര്മാതാക്കള് നേരത്തെ വ്യക്തമാക്കിയത്.
KY എന്ന കോഡ് നാമത്തിലുള്ള പുതിയ എംപിവിയെ കാരെന്സ് എന്നായിരിക്കും വിളിക്കുകയെന്നും കമ്പനി വെളിപ്പെടുത്തിയിട്ടുണ്ട്. ഈ പുതിയ മോഡലിനെ 2021 ഡിസംബര് 16-ന് ഇന്ത്യയില് വെളിപ്പെടുത്തുമെന്നും കിയ അറിയിച്ചിട്ടുണ്ട്. ഇപ്പോഴിതാ വാഹനത്തിന്റെ അരങ്ങേറ്റത്തിന് മുന്നോടിയായി ടീസര് ചിത്രം പങ്കുവെച്ചിരിക്കുകയാണ്.
ഈ വരാനിരിക്കുന്ന മൂന്ന് വരി കാറുകളില് ആദ്യത്തേത് കിയ കാരെന്സ് ആയിരിക്കും. ദിവസങ്ങള്ക്കു മുന്പാണ് വാഹനത്തിന്റെ പേര് സംബന്ധിച്ചുള്ള വിവരങ്ങള് പുറത്തുവരുന്നത്. എന്നാല് ഇന്ന്, കിയ ഇന്ത്യ ഔദ്യോഗികമായി ഈ വാഹനം കാരെന്സ് എന്ന് വിളിക്കപ്പെടുമെന്ന് സ്ഥിരീകരിച്ചു. 'കാര് + നവോത്ഥാനം' എന്ന ആശയത്തില് നിന്നാണ് ഈ പേര് ഉരുത്തിരിഞ്ഞതെന്ന് കിയ പറയുന്നു.
പേര് സ്ഥിരീകരിക്കുന്നതിനൊപ്പം, കാരെന്സ് എംപിവിയുടെ ആദ്യ ടീസറും കിയ വെളിപ്പെടുത്തി. പങ്കുവെച്ച ടീസര് ചിത്രം വാഹനത്തിന് ഒരു ഫോര്വേഡ് ഡിപ്പിംഗ് ബോണറ്റ് ഘടനയുണ്ടെന്ന് വ്യക്തമാക്കുന്നു. കുടുംബ പ്രേക്ഷകരെ ലക്ഷ്യമിട്ട്, വരാനിരിക്കുന്ന കാരെന്സിന് ഉയരമുള്ള വലിയ പില്ലറുകളും ലഭിക്കുന്നു.
അത് ഏഴ് യാത്രക്കാര്ക്ക് വിശാലമായ ക്യാബിന് ഉറപ്പാക്കുമെന്നാണ് കമ്പനി അവകാശപ്പെടുന്നത്. ഷാഡോഡ് ടീസര് ചിത്രം കിയ കാരെന്സിന്റെ സില്ഹൗറ്റിനെ ചെറുതായി ചരിഞ്ഞ റൂഫ് ലൈനും റൂഫ് റെയിലുകളും വെളിപ്പെടുത്തുന്നു.
ടീസറില് നിന്ന് നമുക്ക് മനസ്സിലാക്കാന് കഴിയുന്ന മറ്റ് ഡിസൈന് വിശദാംശങ്ങള്, ഷാര്പ്പായിട്ടുള്ള എല്ഇഡി ഡേ ടൈം റണ്ണിംഗ് ലൈറ്റുകള്, നേര്ത്ത തിരശ്ചീന ലൈറ്റിംഗ് ബാറുള്ള നേരായ ഫ്രണ്ട് ഫാസിയ, വിന്ഡ് ഷീല്ഡ്, ക്രോം ചെയ്ത ഡോര് ഹാന്ഡിലുകള്, റാപ്പറൗണ്ട് എല്ഇഡി ടെയില് ലാമ്പുകള് എന്നിവയാണ്.
എംജി ഹെക്ടര് പ്ലസ്, മഹീന്ദ്ര XUV700, ടാറ്റ സഫാരി തുടങ്ങിയ ഏഴ് സീറ്റര് എസ്യുവികള് ഇതിനകം തന്നെ വികസിപ്പിച്ച ശക്തമായ മത്സരമുള്ള മിഡ്സൈസ് മൂന്ന്-വരി വിഭാഗത്തില് കിയ കാരെന്സ് മത്സരിക്കുമെന്നാണ് പ്രതീക്ഷിക്കുന്നത്.
മഹീന്ദ്ര മറാസോയുടെ സ്ഥാനത്തുള്ള മാരുതി സുസുക്കി XL6-നും ടൊയോട്ട ഇന്നോവ ക്രിസ്റ്റയ്ക്കും ഇടയില് ഇത് ഇടംപിടിക്കും, കാരണം ഇത് താങ്ങാവുന്ന വിലയില് എത്തി ഉപഭോക്താക്കളെ എംപിവിയില് ആകര്ഷിക്കാനും ശ്രമിക്കുക.
കിയ കാരെന്സിന്, ബാന്ഡ് നിരയിലെ സെല്റ്റോസുമായി, നിരവധി സാമ്യതകള് ഉണ്ടാകുമെന്ന് പ്രതീക്ഷിക്കുന്നു. ആന്ഡ്രോയിഡ് ഓട്ടോ, ആപ്പിള് കാര്പ്ലേ കണക്റ്റിവിറ്റി, ബ്ലൂലിങ്ക് എന്നിവയ്ക്കൊപ്പം വലിയ 10.25 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റമാണ് കാരെന്സിന് ലഭിക്കുക.
ബ്ലൈന്ഡ് സ്പോട്ട് മോണിറ്ററിംഗ്, അഡാപ്റ്റീവ് ക്രൂയിസ് കണ്ട്രോള്, ഓട്ടോമാറ്റിക് എമര്ജന്സി ബ്രേക്കിംഗ് തുടങ്ങിയവ ഉള്പ്പെടുന്ന ഫീച്ചറുകളുള്ള ADAS (അഡ്വാന്സ്ഡ് ഡ്രൈവര് അസിസ്റ്റന്സ് സിസ്റ്റം) എസ്യുവിക്ക് ലഭിക്കും.
പുതിയ ഡിജിറ്റല് ഇന്സ്ട്രുമെന്റ് ക്ലസ്റ്റര്, സണ്റൂഫ്, 360 ഡിഗ്രി ക്യാമറ, വയര്ലെസ് സ്മാര്ട്ട്ഫോണ് ചാര്ജര് എന്നിവയും ഇതിലുണ്ടാകും. റിയര് പാര്ക്കിംഗ് സെന്സറുകള്, ഹില് സ്റ്റാര്ട്ട് അസിസ്റ്റ്, ക്രൂയിസ് കണ്ട്രോള്, ESC, പുഷ് ബട്ടണ് സ്റ്റാര്ട്ട്/സ്റ്റോപ്പ് ഫീച്ചര്, 6 എയര്ബാഗുകള് എന്നിവ ഇതിന്റെ സുരക്ഷ ഫീച്ചറുകളില് ഉള്പ്പെടും.
സെല്റ്റോസില് കാണുന്ന അതേ എഞ്ചിനുകളായിരിക്കും ഈ 6/7 സീറ്റര് എംപിവിക്ക് കരുത്തേകുക. 115 bhp കരുത്തും 144 Nm torque ഉം ഉത്പാദിപ്പിക്കുന്ന അതേ 1.5-ലിറ്റര് ഫോര് സിലിണ്ടര് പെട്രോളും 115 bhp കരുത്തും 250 Nm torque ഉം പുറപ്പെടുവിക്കുന്ന 1.5-ലിറ്റര് ഫോര്-പോട്ട് ഡീസല് ആയിരിക്കും ഇതിന് കരുത്തേകുക.
തങ്ങളുടെ നാലാമത്തെ ഉല്പ്പന്നമായ കിയ കാരെന്സ് ഇന്ത്യന് വിപണിയിലേക്ക് കൊണ്ടുവരുന്നതില് തങ്ങള് വളരെ ആവേശഭരിതരാണെന്ന് കിയ ഇന്ത്യ മാനേജിംഗ് ഡയറക്ടറും സിഇഒയുമായ ടെ-ജിന് പാര്ക്ക് പറഞ്ഞു.
മൂന്ന്-വരി സീറ്റിംഗ് കോണ്ഫിഗറേഷനും ഇന്ത്യയിലെ നഗര ജീവിതശൈലിയും റോഡ് സാഹചര്യങ്ങളുമായി തികച്ചും യോജിച്ച സവിശേഷതകളും ഉള്ള ഒരു പ്രീമിയവും സൗകര്യപ്രദവുമായ ഫാമിലി വാഹനം വാഗ്ദാനം ചെയ്യാന് കിയ ആഗ്രഹിക്കുന്നു. കിയ കാരെന്സ് ഈ വിഭാഗത്തില് ഒരു ഗെയിം ചേഞ്ചര് ആണെന്ന് തെളിയിക്കുമെന്ന് തങ്ങള്ക്ക് ഉറപ്പുണ്ട്, മാത്രമല്ല ഇത് ബാക്കി കുറച്ച് സെഗ്മെന്റുകളെകൂടി ആകര്ഷിക്കുമെന്നും ടെ-ജിന് പാര്ക്ക് അഭിപ്രായപ്പെട്ടു.
കാരെന്സ് എന്ന പേര് യഥാര്ത്ഥത്തില് കിയയുടെ ആഗോള ലൈനപ്പില് നിന്നുള്ളതാണെന്ന് വേണം പറയാന്. യഥാര്ത്ഥത്തില് 1999 ല് ആദ്യമായി സമാരംഭിച്ച ഒരു കോംപാക്ട് എംപിവിയായിരുന്നു ഇത്, കൂടാതെ 2018 വരെ നിരവധി വിപണികളില് ഈ മോഡല് വില്പ്പനയ്ക്കുണ്ടായിരുന്നു. ആ മോഡല് നിര്ത്തലാക്കിയപ്പോള്, ഈ പേര് ഇപ്പോള് ഇന്ത്യയില് പുനരുജ്ജീവിപ്പിച്ചുവെന്ന് വേണമെങ്കില് പറയാം.