Just In
- 11 min ago വിദേശ മലയാളികളുടെ ശ്രദ്ധയ്ക്ക്, സർപ്രൈസ് വെളളപ്പൊക്കത്തിൽ നിന്ന് വാഹനം എങ്ങനെ സംരക്ഷിക്കാം
- 45 min ago 10 പേര്ക്ക് സുഖമായി പോകാം, കിലോമീറ്ററിന് ചെലവ് വെറും 3.5 രൂപ! 'മാജിക്' തുടരാന് ടാറ്റ വാന്
- 1 hr ago ഹൈലക്സിനെ ആണിയടിച്ച് ചുവരിൽ തൂക്കുമോ ഇസൂസു? 2024 V -ക്രോസിന്റെ പുത്തൻ വിശദാംശങ്ങൾ പുറത്ത്
- 2 hrs ago മകൾക്ക് 3 കോടിയുടെ പോർഷ കാർ സമ്മാനിച്ച് മലയാളി വ്യവസായി; ഹൈലൈറ്റായ അച്ഛനെയും മകളെയും മനസിലായോ
Don't Miss
- Sports IPL 2024: സഞ്ജുവിന്റെ തന്ത്രം പാളിയേനെ, ആ മണ്ടത്തരം മുംബൈ മുതലാക്കി! രക്ഷിച്ചത് സന്ദീപ്
- Lifestyle ചാണക്യനീതി: അഗ്നിയേക്കാള് നിങ്ങളെ പൊള്ളിക്കും ഈ മൂന്ന് കാര്യങ്ങള്, ചങ്ക് തകരും
- Movies ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി
- News പൊന്നാനിയില് കളിവിട്ട് കാര്യത്തിലേക്ക്; അടിയൊഴുക്കുകള്ക്ക് ശ്രമം, പറഞ്ഞതില് മാറ്റമില്ലെന്ന് ജിഫ്രി തങ്ങള്
- Finance മൂന്ന് വർഷം കൊണ്ട് നൽകിയത് 1430% ലാഭം, ഈ സ്മോൾ ക്യാപ് ഓഹരി പൊളിയല്ലേ, നിങ്ങൾക്ക് നിക്ഷേപമുണ്ടോ..?
- Technology രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ഇനി വൈകിയേക്കില്ല, മത്സരം കൊഴുപ്പിക്കാൻ XUV700 ജൂലൈയിൽ അവതരിപ്പിച്ചേക്കും
അടുത്തിടെയായി ഏറെ ജനപ്രീതി നേടിയെടുത്ത സെഗ്മെന്റാണ് ഏഴ് സീറ്റർ മൂന്നുവരി എസ്യുവികളുടേത്. എംജി ഹെക്ടർ പ്ലസ് തുടങ്ങിവെച്ച ഈ ട്രെൻഡിന് ഇപ്പോൾ മേമ്പൊടിയേകി ഹ്യുണ്ടായി അൽക്കസാറും എത്തുന്നു.
എന്നാൽ ഈ ശ്രേണിയിൽ ഏറെനാളായി രൂപംകൊണ്ടും ഭാവംകൊണ്ടും ശ്രദ്ധേയനായ മിടുക്കനായിരുന്നു മഹീന്ദ്ര XUV500. എന്നാൽ കാലത്തിനൊത്ത് യാത്ര ചെയ്യാനായി മഹീന്ദ്ര തീരുമാനിച്ചപ്പോൾ അണിയറയിൽ ഒരുങ്ങുന്നത് മോഡലിന്റെ പുതുതലമുറ ആവർത്തനമാണ്.
പലകുറി അവതരണം മാറ്റിവെച്ച പിൻതലമുറക്കാരനെ ഇനി അധികം വൈകിക്കാതെ വിപണിയിലെത്തിക്കാനുള്ള ശ്രമത്തിലാണ് കമ്പനി. നിലവിലെ ചൂടാറുന്നതിനു മുമ്പുതന്നെ എതിരാളികൾക്ക് ഒപ്പമെത്താൻ XUV500 എസ്യുവിയുടെ പിൻഗാമിയായി XUV700 ജൂലൈ അവസാനത്തോടെ അരങ്ങേറ്റം കുറിക്കുമെന്നാണ് സൂചന.
ഏഴ് സീറ്റർ എസ്യുവിയായ മഹീന്ദ്ര XUV700 നിലവിൽ അതിന്റെ അവസാന പരീക്ഷണ ഘട്ടത്തിലാണ്. പുതിയ റിപ്പോർട്ടുകൾ അനുസരിച്ച് എസ്യുവിയുടെ പ്രൊഡക്ഷൻ പതിപ്പ് ജൂലൈ മാസത്തിൽ അരങ്ങേറാം. അതിനുശേഷമായിരിക്കും ഔദ്യോഗിക അവതരണം നടക്കുക.
കമ്പനിയുടെ വാഹന നിരയിൽ പുതിയ XUV700 നിലവിലെ XUV500 മോഡലിന് മുകളിലായി ആയിരിക്കും സ്ഥാനംപിടിക്കുക. ഇത് ടാറ്റ സഫാരി, എംജി ഹെക്ടർ പ്ലസ്, വരാനിരിക്കുന്ന ഹ്യുണ്ടായി അൽക്കസാർ എന്നിവയ്ക്കെതിരെയായിരിക്കും മാറ്റുരയ്ക്കുക.
എസ്യുവിയുടെ എക്സ്ഷോറൂം വില 15 ലക്ഷം രൂപ മുതൽ ആരംഭിക്കാനാണ് സാധ്യത. പ്രീമിയം ഓഫറിംഗ് ആയതിനാൽ പുതിയ മഹീന്ദ്ര ഏഴ് സീറ്റർ എസ്യുവിയിൽ നിരവധി നൂതന സാങ്കേതിക സവിശേഷതകളും ഉണ്ടായിരിക്കും.
അതിൽ അഡ്വാൻസ്ഡ് ഡ്രൈവർ അസിസ്റ്റ് സിസ്റ്റം (ADAS), ഓട്ടോണമസ് എമർജൻസി ബ്രേക്കിംഗ് തുടങ്ങിയ സംവിധാനങ്ങളെല്ലാം കമ്പനി ഒരുക്കും. കൂടാതെ ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റത്തിനുള്ള ഡ്യുവൽ ഡിസ്പ്ലേ യൂണിറ്റ്, ഡിജിറ്റൽ ഇൻസ്ട്രുമെന്റ് ക്ലസ്റ്റർ, പവർ അഡ്ജസ്റ്റ് ചെയ്യാവുന്ന ഡ്രൈവർ സീറ്റ് മെമ്മറി ഫംഗ്ഷൻ എന്നിവയും ലഭ്യമാകും.
തീർന്നില്ല, ഈ സവിശേഷതകൾക്കൊപ്പം ലെയ്ൻ കീപ്പിംഗ് അസിസ്റ്റ്, അഡാപ്റ്റീവ് ക്രൂയിസ് കൺട്രോൾ എന്നിവ ഉപയോഗിച്ച് പുത്തൻ എസ്യുവി വാഹനത്തെ അത്യാഢംബരമാക്കുകുയും ചെയ്യും.
ഡാഷ്ബോർഡിൽ ക്രീം ലെതർ, സിൽവർ ആക്സന്റ്, വുഡൻ ഫിനിഷ് ഡോർ പാനലുകൾ, പുതിയ ഫ്ലാറ്റ് ബോട്ടം സ്റ്റിയറിംഗ് വീൽ എന്നിവയുമെല്ലാം വാഗ്ദാനം ചെയ്യുമെന്നും XUV700 എസ്യുവിയുടെ പരീക്ഷണ ചിത്രങ്ങൾ വെളിപ്പെടുത്തിയിരുന്നു.
പുതിയ മോണോകോക്ക് പ്ലാറ്റ്ഫോമിൽ രൂപകൽപ്പന ചെയ്യുന്ന ബ്രാൻഡിന്റെ ആദ്യ മോഡലായിരിക്കും മഹീന്ദ്ര XUV700. ഇതിന്റെ എഞ്ചിൻ സജ്ജീകരണം ഥാറിന് സമാനമായിരിക്കും. അതായത് 2.0 ലിറ്റർ ടർബോ പെട്രോൾ, 2.2 ലിറ്റർ ഡീസൽ എന്നിവ വ്യത്യസ്ത ട്യൂൺ അവസ്ഥയിൽ വാഗ്ദാനം ചെയ്തേക്കും.
ഗിയർബോക്സ് ഓപ്ഷനിൽ 6-സ്പീഡ് മാനുവലും 6-സ്പീഡ് ടോർഖ് കൺവെർട്ടർ ഓട്ടോമാറ്റിക്കും ഉപഭോക്താക്കൾക്ക് തെരഞ്ഞെടുക്കാൻ സാധിക്കും. 7 സീറ്റർ എസ്യുവി വരാനിരിക്കുന്ന കർശനമായ CAFÉ 2 (കോർപ്പറേറ്റ് ശരാശരി ഇന്ധനക്ഷമത) മാനദണ്ഡങ്ങൾ പാലിക്കും. പുതിയ CAFÉ II, BS6 സ്റ്റേജ് II മാനദണ്ഡങ്ങൾ യഥാക്രമം 2022 ലും 2023 ഏപ്രിലിലും നടപ്പാക്കും.