Just In
- 3 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 5 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 6 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 6 hrs ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
Don't Miss
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
- Sports IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ?
- News എന്ഡിഎക്ക് പിന്തുണ പ്രഖ്യാപിച്ച് സജി മഞ്ഞക്കടമ്പില്; പുതിയ പാര്ട്ടി 'കേരള കോണ്ഗ്രസ് ഡെമോക്രാറ്റിക്'
- Movies അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഡ്യുവൽ എയർബാഗ് ഇനി സ്റ്റാൻഡേർഡ്, പുതിയ സുരക്ഷാ ഫീച്ചറുകൾ ചേർത്ത് മാരുതി ഈക്കോ; വിലയും കൂടും
ഐതിഹാസിക മോഡലായ ഓമ്നിക്ക് പകരക്കാരനായി എത്തി ജനഹൃദയങ്ങളിലേക്ക് ചേക്കേറിയ വാഹനമാണ് മാരുതി സുസുക്കി ഈക്കോ. പല ആവശ്യങ്ങൾക്കും ഒരേ പോലെ ഉതകുന്ന മികച്ചൊരു മൾട്ടി പർപ്പസ് മോഡലു തന്നെയാണ് ഈ മിടുക്കൻ.
വാൻ മോഡലായി കണക്കാക്കപ്പെടുന്ന മാരുതി സുസുക്കി ഈക്കോ 10 വർഷമായി ഇന്ത്യൻ നിരത്തുകളിലെ നിറ സാന്നിധ്യമാണ്. അതായത് ഒരു പതിറ്റാണ്ടിന്റെ പാരമ്പര്യമാണ് മോഡലിനുള്ളതെന്ന് സാരം. 2010 ജനുവരിയില് വിപണിയില് എത്തിയ ഈക്കോ രണ്ട് വര്ഷത്തിനുള്ളില് ഒരു ലക്ഷത്തിലധികം യൂണിറ്റുകളാണ് വിറ്റഴിച്ചത്.
മൈക്രോവാന് വിഭാഗത്തില് വേഴ്സയ്ക്ക് പകരക്കാരനായാണ് ഈക്കോ വിപണിയിൽ സ്ഥാനംപിടിച്ചതും. തുടര്ന്നുള്ള വര്ഷങ്ങളിലും വില്പ്പന ക്രമാനുഗതമായി ഉയര്ന്നു. ഇക്കാലയളവിനുള്ളിൽ മോഡലിന്റെ 7 ലക്ഷത്തിലധികം യൂണിറ്റുകളാണ് ഉപഭോക്താക്കൾക്ക് കൈമാറിയിരിക്കുന്നത്.
അതിനാൽ തന്നെ രാജ്യത്തെ വാന് ശ്രേണിയുടെ 90 ശതമാനവും കൈയ്യിലൊതുക്കുന്നത് ഈക്കോയാണെന്നുമാണ് മാരുതി സുസുക്കിയുടെ കണക്കുകള്. ദേ ഇപ്പോൾ ഈക്കോ വാനിന്റെ എല്ലാ നോൺ-കാർഗോ വേരിയന്റുകളിലും സ്റ്റാൻഡേർഡ് ഫിറ്റ്മെന്റായി മാരുതി സുസുക്കി ഇന്ത്യ പാസഞ്ചർ സൈഡ് എയർബാഗ് ചേർത്തിരിക്കുകയാണ്.
ഇപ്പോൾ സ്റ്റാൻഡേർഡ് ഫീച്ചറുകളുടെ ഭാഗമായി ഡ്രൈവറും ഫ്രണ്ട് പാസഞ്ചർ സൈഡ് എയർബാഗും ലഭിക്കും. പുതിയ സുരക്ഷാ ഫീച്ചർ അവതരിപ്പിച്ചതോടെ മാരുതി സുസുക്കി ഈക്കോയുടെ വിലയും കമ്പനി 8,000 രൂപ വർധിപ്പിച്ചിട്ടുണ്ട്. നിലവിൽ മാരുതി സുസുക്കി ഈക്കോ മൈക്രോവാൻ ശ്രേണിക്ക് ഇന്ത്യയിൽ 4.30 ലക്ഷം മുതൽ 7.29 ലക്ഷം രൂപ വരെയാണ് എക്സ്ഷോറൂം വില.
നേരത്തെ 2021 ഏപ്രിൽ മാസത്തിൽ മാരുതി ഈക്കോയുടെ കാർഗോ വേരിയന്റുകളിൽ റിവേഴ്സ് പാർക്കിംഗ് അസിസ്റ്റൻസ് സിസ്റ്റം (RPAS) കമ്പനി അവതരിപ്പിച്ചിരുന്നു. അന്നും കാർഗോ വേരിയന്റുകളുടെ വിലയും കമ്പനി പരിഷ്ക്കരിച്ചിരുന്നു.
വാൻ മോഡലിന്റെ നോൺ-കാർഗോ വേരിയന്റുകൾ 5, 7 സീറ്റർ ഓപ്ഷനുകളിലാണ് വാഗ്ദാനം ചെയ്യുന്നത്. കൂടാതെ അടിസ്ഥാന വേരിയന്റിന് എയർ കണ്ടീഷനിംഗ് യൂണിറ്റ് ഇല്ലാതെ വരുമ്പോൾ ഉയർന്ന വേരിയന്റിന് സ്റ്റാൻഡേർഡ് ഫിറ്റ്മെന്റിന്റെ ഭാഗമായി എസിയും ലഭിക്കുന്നുണ്ട്.
ഈക്കോയുടെ ഓഫറിലുള്ള മറ്റ് സ്റ്റാൻഡേർഡ് സുരക്ഷാ ഫീച്ചറുകളിൽ ഇബിഡി ഉള്ള എബിഎസ്, റിവേഴ്സ് പാർക്കിംഗ് സെൻസറുകൾ, മുൻ സീറ്റ് ബെൽറ്റ് റിമൈൻഡർ, ഹെഡ്ലാമ്പ് ലെവലിംഗ് ഫംഗ്ഷൻ, എല്ലാ യാത്രക്കാർക്കും സീറ്റ് ബെൽറ്റുകൾ, ഉയർന്ന മൗണ്ടഡ് സ്റ്റോപ്പ് ലാമ്പ്, സ്ലൈഡിംഗ് ഡോറിനും വിൻഡോയ്ക്കുമുള്ള ചൈൽഡ് ലോക്ക് എന്നിവയും ഉൾപ്പെടുന്നുണ്ട്.
മാരുതിയുടെ ബിഎസ്-VI മോഡലുകൾക്ക് കരുത്ത് പകരുന്ന അതേ 1.2 ലിറ്റർ, നാല് സിലിണ്ടർ എഞ്ചിനാണ് മാരുതി സുസുക്കി ഈക്കോയുടെ ഹൃദയവും. ഇത് പരമാവധി 73 bhp കരുത്തിൽ 101 Nm torque ഉത്പാദിപ്പിക്കാൻ ശേഷിയുള്ളതാണ്. അഞ്ചു സ്പീഡ് മാനുവല് ഗിയര്ബോക്സുമായാണ് എഞ്ചിൻ ജോടിയാക്കിയിരിക്കുന്നത്.
അതേസമയം 21.8 കിലോമീറ്ററിന്റെ എന്ന ഉയർന്ന ഇന്ധനക്ഷമത നൽകുന്ന ഒരു സിഎൻജി വേരിയന്റും മൈക്രോ വാൻ ശ്രേണിയിലുണ്ട്. ഈക്കോയുടെ ബിഎസ്-VI നിലവാരത്തിലുള്ള പതിപ്പ് കഴിഞ്ഞ വർഷം ജനുവരിയിലാണ് ഇന്ത്യൻ വിപണിയിൽ അവതരിപ്പിച്ചിട്ടുണ്ട്.
തുടർന്ന് ബിഎസ്-VI എസ്-സിഎൻജി മോഡൽ മാർച്ചിലും വിൽപ്പനയ്ക്കെത്തി. സ്വതന്ത്ര മുന് സസ്പെന്ഷനും ലീഫ് സ്പ്രിങ് യൂണിറ്റുള്ള പിന് സസ്പെന്ഷനും മാരുതി ഈക്കോയുടെ സവിശേഷതയാണ്.
നിലവില് ശരാശരി 6,000 യൂണിറ്റുകളുടെ പ്രതിമാസ വില്പ്പന മുടക്കംകൂടാതെ ഈക്കോ രാജ്യത്ത് കുറിക്കുന്നുണ്ട്. എന്തായാലും നിലവിലെ പരിഷ്ക്കാരത്തിലൂടെ നേടിയ വില വർധനവ് മോഡലിന്റെ വിൽപ്പനയെ ബാധിക്കില്ലെന്നാണ് കരുതുന്നത്.