Just In
- 1 hr ago ഐപിഎല് ശമ്പളം 16 കോടി, ബിസിസിഐ നല്കുന്നത് 7 കോടി; എന്നിട്ടും രോഹിത് ശര്മ കറങ്ങുന്നത് മാരുതി കാറില്
- 1 hr ago സമ്പാദിക്കുന്ന കാശ് പെട്രോളടിച്ച് കളയണോ? 516 കി.മീ. റേഞ്ചുള്ള പുത്തൻ ഇലക്ട്രിക് കാറുമായി ജർമൻ കമ്പനി
- 2 hrs ago ബജറ്റ് ഇവി പ്ലാനുകൾക്ക് തുടക്കം കുറിച്ച് ഹ്യുണ്ടായി; മെയ്ഡ് ഇൻ ഇന്ത്യ ക്രെറ്റ ഇവി ഉടൻ
- 3 hrs ago ആവേശമുയർത്തി 2024 സ്വിഫ്റ്റിൻ്റെ പുത്തൻ പരസ്യവീഡിയോ, വാങ്ങാൻ ഉണ്ട് ഒരുപാട് കാരണങ്ങൾ
Don't Miss
- News ഡബിള് രാജയോഗം പോക്കറ്റ് നിറയ്ക്കും, അടിപൊളി നേട്ടങ്ങള് ലഭിക്കും; ഭാഗ്യം ഈ രാശിക്കാര്ക്കൊപ്പം
- Movies നായികയും പ്രൊഡ്യൂസറും ഉര്വശി തന്നെ, സെറ്റില് വെച്ച് മനോജുമായി പ്രണയത്തിനും ഞാന് സാക്ഷി: വിജി തമ്പി
- Lifestyle നിങ്ങളുടെ അമ്മ ഇങ്ങനെയാണോ, രാശിപ്രകാരം അമ്മമാരറിയേണ്ട കാര്യങ്ങള്
- Sports IPL 2024: ആര്സിബിക്കു ഡു ഓര് ഡൈ, തോറ്റാല് പുറത്ത്; ടോസ് ഏഴു മണിക്ക്
- Technology ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ
- Finance 1 കോടി രൂപ സമ്പാദ്യം എന്നത് യാഥാർത്ഥ്യമാക്കാം, ഇതാണ് നിക്ഷേപ പദ്ധതി, ഇന്ന് തന്നെ തുടങ്ങൂ...
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ജിംനി അഞ്ച് ഡോർ പതിപ്പിന്റെ കൂടുതൽ വിശദാംശങ്ങൾ വെളിപ്പെടുത്തി മാരുതി
സുസുക്കിയെ സംബന്ധിച്ചിടത്തോളം ഏറ്റവും കൂടുതൽ പ്രചരിക്കപ്പെട്ട വാഹനങ്ങളിലൊന്നാണ് ജിംനി. ഓട്ടോ എക്സ്പോ 2020 -ൽ നിർമ്മാതാക്കൾ വാഹനം പ്രദർശിപ്പിച്ചതുമുതൽ, ഇത് സമാരംഭിക്കുന്നതിനെക്കുറിച്ച് ധാരാളം ചോദ്യങ്ങൾ ഉയർന്നിട്ടുണ്ട്.
എന്നാൽ ജിംനിയെ ഇന്ത്യൻ വിപണിയിൽ അവതരിപ്പിക്കാൻ തങ്ങൾക്ക് പദ്ധതിയില്ലെന്ന് പറഞ്ഞ് മാരുതി സുസുക്കി അഭ്യൂഹങ്ങൾക്ക് തടയിട്ടു. എന്നിരുന്നാലും, ജിംനിയുടെ അഞ്ച്-ഡോർ പതിപ്പിൽ സുസുക്കി പ്രവർത്തിക്കുന്നു, ഇതിനെക്കുറിച്ച് കൂടുതൽ വിവരങ്ങൾ ഇപ്പോൾ പുറത്തുവന്നിട്ടുണ്ട്.
തൽക്കാലം, മൂന്ന് ഡോറുകളുള്ള ജിംനിയുടെ വിതരണം ഈ വർഷത്തേക്ക് വിപുലീകരിക്കുന്നതിൽ ശ്രദ്ധ കേന്ദ്രീകരിക്കുന്നതായി സുസുക്കി പറയുന്നു. ഈ കാരണത്താലാണ് ജിംനി ഇന്ത്യയിൽ ഉത്പാദനം ആരംഭിക്കുകയും നിലവിൽ മറ്റ് രാജ്യങ്ങളിലേക്ക് കയറ്റുമതി ചെയ്യുകയും ചെയ്യുന്നത്.
അഞ്ച്-ഡോർ പതിപ്പ് 2022 -ൽ എത്തും. 2022 -ന്റെ തുടക്കത്തിൽ മോഡൽ വെളിപ്പെടുത്തിയേക്കാം, അതിനുശേഷം ജൂലൈയിൽ ലോഞ്ച് പ്രതീക്ഷിക്കാം.
അഞ്ച് ഡോറുകളുള്ള ജിംനിയുടെ വീൽബേസിന് 300 mm നീളമുണ്ടാവും. കൂടുതൽ ക്യാബിൻ സ്പെയിസ് സ്വതന്ത്രമാക്കാൻ ഇത് സഹായിക്കും. അതിനാൽ, യാത്രക്കാർക്ക് കൂടുതൽ ലെഗ് റൂം ഉണ്ടാകും ഒപ്പം യാത്രകൾ അവർക്ക് സുഖകരമായിരിക്കും.
2,250 mm വീൽബേസുള്ള മൂന്ന് ഡോർ ജിംനിയെ അപേക്ഷിച്ച് അഞ്ച് ഡോർ മോലിന് 2,550 mm ലഭിക്കും. കൂടുതൽ വീൽബേസ് അർത്ഥമാക്കുന്നത് പിൻ ഡോറുകൾ ആളുകളെ എളുപ്പത്തിൽ കയറാനും ഇറങ്ങാനും സഹായിക്കും. നിലവിൽ മുൻവശത്തെ സീറ്റുകൾ മുന്നോട്ട് മാറ്റി വേണം പിന്നിലുള്ളവർക്ക് വാഹനത്തിൽ പ്രവേശിക്കാൻ.
ഇക്കാരണത്താൽ, അഞ്ച് ഡോറുകളുള്ള ജിംനിയുടെ ഭാരം 100 കിലോ വർധിക്കും. മൂന്ന് ഡോറുകളുള്ള ജിംനിയുടെ ഭാരം 1,090 കിലോഗ്രാമാണ് അഞ്ച് ഡോറുകളുള്ള പതിപ്പിന് ഭാരം 100 കിലോ കൂടെ ചേർത്ത് 1,190 കിലോഗ്രാമാകാം.
എഞ്ചിൻ
ഇപ്പോൾ, ചോർന്ന രേഖയിൽ അഞ്ച്-ഡോർ ജിംനി മൂന്ന്-ഡോർ ജിംനിയുടെ അതേ 1.5 ലിറ്റർ K15B നാച്ചുറലി ആസ്പിറേറ്റഡ് പെട്രോൾ എഞ്ചിൻ ഉപയോഗിക്കുമെന്ന് വ്യക്തമാക്കി. എഞ്ചിൻ 102 bhp പരമാവധി കരുത്തും 130 Nm torque ഉം ഉത്പാദിപ്പിക്കുന്നു.
എന്നിരുന്നാലും, അധിക ഭാരം കൈകാര്യം ചെയ്യാൻ നിർമ്മാതാക്കൾ ഒരു ടർബോചാർജർ എഞ്ചിനിലേക്ക് കൂട്ടിച്ചേർക്കുമെന്ന അഭ്യൂഹങ്ങളുണ്ട്. ഇന്ത്യയിൽ, ലോവർ വേരിയന്റുകൾക്കായി ചെലവ് കുറയ്ക്കുന്നതിന് ഒരു ഫ്രണ്ട്-വീൽ-ഡ്രൈവ് കോൺഫിഗറേഷനും ലഭിച്ചേക്കാം. ഉയർന്ന വേരിയന്റുകളിൽ 4×4 സംവിധാനമുണ്ട്, അത് നാല് വീലുകളിലേക്കും പവർ കൈമാറും.
വിലനിർണ്ണയം
മൂന്ന് ഡോറുകളുള്ള ജിംനിയുടെ വില 1,793,000 യെൻ മുതൽ 2,057,000 യെൻ വരെയാണ്. അതേസമയം ജിംനി അഞ്ച്-ഡോർ പതിപ്പിന്റെ വില 300,000 യെൻ വർധിക്കുമെന്നാണ് പ്രതീക്ഷിക്കുന്നത്.
ലുക്ക്
ലോംഗ് വീൽബേസ് ജിംനിയുടെ പുറത്തുവന്ന ഷോട്ട് മൂന്ന് ഡോർ പതിപ്പുകളുടേതിന് സമാനമാണ്. എന്നിരുന്നാലും, ഊഹാപോഹങ്ങൾ അനുസരിച്ച്, അഞ്ച് ഡോറുകളുള്ള ജിംനിയുടെ ഗ്രില്ല് ഡിസൈൻ സുസുക്കി മാറ്റിയേക്കാം. മൂന്ന് ഡോറുകളുള്ള ജിംനിയിൽ നിന്ന് എളുപ്പത്തിൽ വേർതിരിച്ചറിയാൻ ഇത് സഹായിക്കും.
പ്രീമിയം ക്യാബിൻ
അഞ്ച് ഡോറുകളുകളുള്ള ജിംനിയുടെ ക്യാബിൻ ചില പ്രീമിയം ടച്ചുകൾ ഉപയോഗിച്ച് പുനർരൂപകൽപ്പന ചെയ്യാം. പുതുക്കിയ അപ്ഹോൾസ്റ്ററിയും ലഭിച്ചേക്കാം. മൂന്ന് ഡോറുകളുള്ള ജിംനിയുടെ ക്യാബിൻ വളരെ അടിസ്ഥാനപരമാണ്.
ത്രീ സ്പോക്ക് സ്റ്റിയറിംഗ് വീൽ, ഇൻസ്ട്രുമെന്റ് ക്ലസ്റ്ററിനായുള്ള അനലോഗ് ഡയലുകൾ, ഓട്ടോമാറ്റിക് ക്ലൈമറ്റ് കൺട്രോൾ, മാനുവൽ ഇന്റീരിയർ റിയർവ്യൂ മിറർ, മാനുവൽ പാർക്കിംഗ് ബ്രേക്ക് എന്നിവയുണ്ട്. ഭാഗ്യവശാൽ, ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയുമായി വരുന്ന 7.0 ഇഞ്ച് സ്മാർട്ട്പ്ലേ ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം സുസുക്കി ഇതിൽ വാഗ്ദാനം ചെയ്യുന്നു.
Source: Autoc One