Just In
- 57 min ago ബെൻസിൻ്റെ ഈ മോഡലിന് എന്താ പ്രത്യേകത... വില അറിയുന്നതിന് മുന്നേ ഇത്രയും ഡിമാൻഡോ
- 1 hr ago സൗജന്യ യാത്ര സ്ത്രീകള്ക്ക് മാത്രം! കെഎസ്ആര്ടിസിയില് 4 ലൗബേര്ഡ്സിന് വാങ്ങിയ ടിക്കറ്റ് നിരക്ക് അറിയണോ?
- 2 hrs ago ടാറ്റയ്ക്ക് ധൈര്യമുണ്ടോ ഇങ്ങനെ ചെയ്യാൻ? എല്ലാ പണിക്കും ഡിസ്കൗണ്ടുമായി ഹ്യുണ്ടായിയുടെ സർവീസ് ക്യാമ്പ്
- 2 hrs ago വീണ്ടും ഭാഗ്യപരീക്ഷണത്തിനൊരുങ്ങി റെനോ-നിസാൻ സഖ്യം; അണിയറിൽ 4 പുത്തൻ മോഡലുകൾ
Don't Miss
- Movies വീട്ടില് പോണം, രാജുവിനെ കാണണം! വികാരഭരിതയായി സുപ്രിയ; ആടുജീവിതം കണ്ടിറങ്ങിയ താരപത്നി
- News കോണ്ഗ്രസിന് കനത്ത തിരിച്ചടി: ഇന്കംടാക്സ് അന്വേഷണത്തിനെതിരായ ഹർജി ഡല്ഹി ഹൈക്കോടതി തള്ളി
- Technology വെറും 395 രൂപ മതി, മൂന്ന് മാസത്തേക്ക് അൺലിമിറ്റഡ് 5ജി ആസ്വദിക്കാം; ജിയോയുടെ പുതിയ പ്ലാൻ
- Sports IPL 2024: മുംബൈക്ക് പിഴക്കുന്നത് എവിടെ? ഈ പ്ലേയിങ് 11നെ ഇറക്കൂ; പുഷ്പം പോലെ ജയിക്കും
- Finance 10,000 രൂപ 1.32 ലക്ഷമാക്കിയ മൾട്ടിബാഗർ സ്റ്റോക്ക്, ഓഹരി വില 40-ൽ താഴെ, നിങ്ങൾ വാങ്ങുന്നോ...?
- Lifestyle ചാണക്യനീതി: വിഡ്ഢിയായ സുഹൃത്തിനേക്കാള് നല്ലത് മിടുക്കനായ ശത്രു; ഇത്തരക്കാര് ദോഷം ചെയ്യും
- Travel ഇതല്ലേ സ്വർഗ്ഗം! ഈ ജീവിതത്തില് ഇതൊക്കെയല്ലേ കാണേണ്ടത്; ജന്നത്ത്- ഇ- കശ്മീര് യാത്രയുമായി ഐആര്സിടിസി
ഹെക്ടറിന്റെ ഉത്പാദനം 50,000 യൂണിറ്റ് പിന്നിട്ടു; ആഘോഷത്തിന്റെ ഭാഗമായി വനിത ജീവനക്കാര്
ജനപ്രീയ മോഡലായ ഹെക്ടറിന്റെ ഉത്പാദനം 50,000 യൂണിറ്റ് പിന്നിട്ടതായി പ്രഖ്യാപിച്ച് എംജി മോട്ടോര്. ഇന്ത്യന് വിപണിയില് ബ്രാന്ഡിന്റെ ആദ്യ ഓഫറാണ് എംജി ഹെക്ടര്.
ഗുജറാത്തിലെ വഡോദരയിലെ ബ്രാന്ഡിന്റെ പ്ലാന്റില് നിന്നാണ് നാഴികക്കല്ലായ എസ്യുവി വനിത ജീവനക്കാര് നിര്മ്മിച്ചിരിക്കുന്നത്. ആദ്യം മുതല് അവസാനം വരെ ഉല്പാദനത്തിന് നേതൃത്വം നല്കിയിരിക്കുന്നത് വനിതാ ജീവനക്കാരാണ്.
ഇതിന്റെ വീഡിയോയും കമ്പനി സമൂഹമാധ്യമങ്ങളില് പങ്കുവെയ്ക്കുകയും ചെയ്തു. എംജി പറയുന്നതനുസരിച്ച്, ഷീറ്റ് മെറ്റല്, വെല്ഡിംഗ്, പെയിന്റിംഗ് ജോലികള്, പ്രൊഡക്ഷന്-പോസ്റ്റ് ടെസ്റ്റ് റണ്സ് എന്നിവ ഉള്പ്പടെ എല്ലാം ചെയ്തിരിക്കുന്നത് വനിതാ ജീവനക്കാര് തന്നെയാണ്.
MOST READ: വിറ്റാര ബ്രെസ്സയേക്കാൾ മികച്ചതാണോ ടൊയോട്ട അർബൻ ക്രൂയിസർ? റോഡ് ടെസ്റ്റ് റിവ്യൂ
സംഭവത്തെക്കുറിച്ച് എംജി മോട്ടോര് ഇന്ത്യ പ്രസിഡന്റും മാനേജിംഗ് ഡയറക്ടറുമായ രാജീവ് ചബ പറയുന്നതിങ്ങനെ, ''എംജി എല്ലായ്പ്പോഴും ഒരു പുരോഗമന ബ്രാന്ഡാണ്. ഇത് ഒരു ബ്രാന്ഡ് എന്ന നിലയില് ഞങ്ങളുടെ കാഴ്ചപ്പാടിനെ വിശാലമാക്കുകയും ഞങ്ങളുടെ ബിസിനസ്സ് പ്രവര്ത്തനങ്ങളുടെ എല്ലാ മേഖലകളിലും അണ്ലോക്ക് ചെയ്ത കാര്യക്ഷമമാക്കുകയും ചെയ്യുന്നു.
തങ്ങളുടെ സംഘടനയില് 50 ശതമാനം ലിംഗവൈവിധ്യം കൈവരിക്കാനാണ് ലക്ഷ്യമിടുന്നത്. വിവിധ സംരംഭങ്ങളിലൂടെ നിരവധി വനിതാ സഹകാരികളെ ഉല്പ്പാദന കേന്ദ്രത്തില് നിയമിച്ചിട്ടുണ്ടെന്നും അദ്ദേഹം പറഞ്ഞു.
MOST READ: സ്വിഫ്റ്റ് ഫെയ്സ്ലിഫ്റ്റിലെ മാറ്റങ്ങള് കാണാം; പരസ്യ വിഡിയോ പങ്കുവെച്ച് മാരുതി
എംജിയുടെ അത്യാധുനിക സൗകര്യത്തില് വാഹന നിര്മാണത്തിന് ആധുനിക അടിസ്ഥാന സൗകര്യങ്ങളുണ്ട്. വിവിധ വര്ക്ക്ഷോപ്പുകള്ക്കായി ഓട്ടോമേറ്റഡ് ഗൈഡഡ് വെഹിക്കിള്സ് (AGV), റോബോട്ടിക് പ്രോസസ് ഓട്ടോമേഷന് (RPA) എന്നിവ ഇതിലുണ്ട്. തങ്ങളുടെ എല്ലാ വകുപ്പുകളിലും വനിതാ തൊഴിലാളികള് സജീവമാണെന്ന് കമ്പനി പറയുന്നു.
കഴിഞ്ഞ മാസമാണ് നവീകരണങ്ങളോടെ ഹെക്ടറിനെ കമ്പനി വിപണിയില് അവതരിപ്പിക്കുന്നത്. 12.89 ലക്ഷം രൂപ മുതല് 18.42 ലക്ഷം രൂപ വരെയാണ് പുതിയ മോഡലിന്റെ എക്സ്ഷോറൂം വില.
നവീകരിച്ച ഫ്രണ്ട് ബമ്പര്, പുനര്രൂപകല്പ്പന ചെയ്ത 18 ഇഞ്ച് അലോയ് വീലുകള്, വെന്റിലേറ്റഡ് ഫ്രണ്ട് സീറ്റുകള്, വയര്ലെസ് സ്മാര്ട്ട്ഫോണ് ചാര്ജിംഗ്, ഡ്യുവല്-ടോണ് ബീജ്, ബ്ലാക്ക് അപ്ഹോള്സ്റ്ററി, ഇന്ഫോടെയ്ന്മെന്റ് സിസ്റ്റത്തിനായി ഹിംഗ്ലിഷ് (ഹിന്ദി + ഇംഗ്ലീഷ്) വോയ്സ് കമാന്ഡ് പിന്തുണ എന്നിവ പുതിയ വാഹനത്തിന്റെ സവിശേഷതകളാണ്.
ഹെക്ടറിന്റെ 1.5 ലിറ്റര് ടര്ബോ പെട്രോള് യൂണിറ്റ് 141 bhp കരുത്തും 250 Nm torque ഉം ഉത്പാദിപ്പിക്കുന്ന പുതിയ സിവിടി ട്രാന്സ്മിഷനും എംജി അവതരിപ്പിച്ചു. ആറ് സ്പീഡ് മാനുവല്, ഡിസിടി യൂണിറ്റ് എന്നിവയിലും ഇതേ എഞ്ചിന് ഉണ്ടായിരിക്കും.
MOST READ: ടാറ്റ സഫാരി vs സഫാരി അഡ്വഞ്ചർ എഡിഷൻ; പ്രധാന മാറ്റങ്ങൾ ഇങ്ങനെ
അതേസമയം, 2.0 ലിറ്റര് ഡീസല് എഞ്ചിന് 168 bhp കരുത്തും 350 Nm torque ഉം ആണ് ഉത്പാദിപ്പിക്കുന്നത്. ആറ് സ്പീഡ് മാനുവല് ഗിയര്ബോക്സ് ഉപയോഗിച്ചാണ് ഈ യൂണിറ്റ് വാഗ്ദാനം ചെയ്യുന്നത്.