വിൽപ്പനയ്ക്ക് സജ്ജമായി ബിഎസ്-VI D-മാക്സ് V-ക്രോസ്; ഡീലർഷിപ്പുകളിൽ എത്തിത്തുടങ്ങി

ഏപ്രിലിൽ വിപണിയിലെത്തുന്നതിനു മുന്നോടിയായി മോഡൽ ഷോറൂമുകളിൽ എത്തിത്തുടങ്ങിയിട്ടുമുണ്ട്. രാജ്യത്തെ ലൈഫ് സ്റ്റൈൽ പിക്കപ്പ് ശ്രേണിയിൽ തരംഗം സൃഷ്‌ടിച്ച ഇസൂസു D-മാക്സ് V-ക്രോസിന്റെ അവതരണം വിൽപ്പനയിൽ നേട്ടം കൊയ്യാൻ ഇസൂസുവിനെ ഏറെ സഹായിക്കും.

കാർദേഖോ പുറത്തുവിട്ട ചിത്രങ്ങളിൽ രണ്ട് ഡി-മാക്സ് പിക്കപ്പ് മോഡലുകൾ കാണാൻ കഴിയും. ഒന്ന് ബ്ലൂ നിറത്തിലും മറ്റൊന്ന് സിൽവർ നിറത്തിലുമാണ് പൂർത്തിയാക്കിയിരിക്കുന്നത്. സൈഡ് സ്റ്റെപ്പുകളുടെയും മേൽക്കൂര റെയിലുകളുടെയും സിംഗിൾ-ടോൺ അലോയ് വീലുകളുടെയും അഭാവം സിൽവർ മോഡൽ ഒരു ബേസ് വേരിയന്റായിരിക്കുമെന്ന സൂചനയാണ് നൽകുന്നത്.

MOST READ: 3 വര്‍ഷത്തിനിടെ ഏറ്റവും ഉയര്‍ന്ന വില വര്‍ദ്ധനവ് ലഭിച്ചത് കോംപാക്ട് എസ്‌യുവികള്‍ക്ക്

എന്നിരുന്നാലും ബി‌എസ്-VI പരിഷ്ക്കരണത്തിലേക്ക് പുതുക്കിയ മോഡലിന്റെ മൊത്തത്തിലുള്ള രൂപകൽപ്പനയിൽ ജാപ്പനീസ് ബ്രാൻഡ് മാറ്റങ്ങളൊന്നും വരുത്തിയിട്ടില്ല. രണ്ട് മോഡലുകളുടെയും പിന്നിൽ നിങ്ങൾക്ക് dDI ബാഡ്‌ജിംഗ് കണ്ടെത്താനാകും.

മുമ്പത്തെപ്പോലെ തന്നെ 1.9 ലിറ്റർ ഡീസൽ എഞ്ചിൻ ഉപയോഗിച്ച് ഇസൂസു D-മാക്‌സിനെ സജ്ജമാക്കുമെന്ന സൂചനയിലേക്കാണ് ഇത് വിരൽ ചൂണ്ടുന്നത്. ബി‌എസ്-IV അവതാരത്തിൽ ഈ യൂണിറ്റ് പരമാവധി 150 bhp കരുത്തും 350 Nm torque ഉം ഉത്പാദിപ്പിക്കാൻ ശേഷിയുള്ളതായിരുന്നു.

MOST READ: 2021 കോഡിയാക്കിന്റെ ഡിസൈന്‍ സ്‌കെച്ചുകള്‍ വെളിപ്പെടുത്തി സ്‌കോഡ; ആഗോള അരങ്ങേറ്റം ഉടന്‍

ആറ് സ്പീഡ് ഓട്ടോമാറ്റിക് ഗിയർ‌ബോക്‌സുമായി ജോടിയാക്കിയിരുന്ന എഞ്ചിൻ ഇത്തവണ ഒരു മാനുവൽ ഗിയർബോക്‌സ് ഓപ്ഷനും നൽകുമെന്ന് ചിത്രങ്ങൾ വ്യക്തമാക്കുന്നുണ്ട്. നേരത്തെ ബി‌എസ്-IV മോഡലിൽ നൽകിയിരുന്ന 2.5 ലിറ്റർ ഡീസൽ എഞ്ചിൻ പുതിയ മോഡലിൽ അവതരിപ്പിക്കാൻ സാധ്യതയില്ല എന്നതും ശ്രദ്ധേയമാണ്.

ഇന്റീരിയറും ബി‌എസ്-IV മോഡലിന് ഏതാണ്ട് സമാനമാണ്. ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റത്തിൽ നിന്നും ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവ നഷ്ടപ്പെടാൻ സാധ്യതയുണ്ട്.

MOST READ: വരാനിരിക്കുന്ന ഫോർഡ് ടെറിട്ടറി എസ്‌യുവിയുടെ പ്രധാന ഹൈലൈറ്റുകൾ

സ്റ്റിയറിംഗ് മൗണ്ട് ചെയ്ത ഓഡിയോ നിയന്ത്രണങ്ങൾ, ഓട്ടോ എസി എന്നിവയും അകത്തളത്തെ പ്രത്യേകതയാണ്. പുഷ്-ബട്ടൺ സ്റ്റാർട്ട് /സ്റ്റോപ്പ്, ക്രൂയിസ് കൺട്രോൾ, പവർഡ് ഡ്രൈവർ സീറ്റ് എന്നിവ പോലുള്ള സവിശേഷതകൾ ഇത് മുന്നോട്ട് കൊണ്ടുപോകും.

സുരക്ഷാ സവിശേഷതകളിൽ ഡ്യുവൽ ഫ്രണ്ട് എയർബാഗുകൾ, ഇബിഡിയുള്ള എബിഎസ്, ഇലക്ട്രോണിക് സ്റ്റെബിലിറ്റി കൺട്രോൾ, ട്രാക്ഷൻ കൺട്രോൾ, റിയർ പാർക്കിംഗ് സെൻസറുകൾ എന്നിവ ഉപയോഗിച്ച് പിക്കപ്പ് വാഗ്‌ദാനം ചെയ്യും.

16.55 ലക്ഷം മുതൽ 20 ലക്ഷം രൂപ വരെയായിരുന്നു ഇസൂസു D-മാക്സ് V-ക്രോസിന്റെ വില. എന്നാൽ പുതിയ പരിഷ്ക്കരണങ്ങളുടെ ഭാഗമായി വാഹനത്തിന് ഒരു ലക്ഷം രൂപയുടെ വില വർധനവ് ഉണ്ടാകുമെന്നും റിപ്പോർട്ടുകളുണ്ട്.

D-മാക്സ് പിക്കപ്പിന് ഇന്ത്യയിൽ നേരിട്ടുള്ള എതിരാളികളില്ല. എന്നാൽ സമീപഭാവിയിൽ ടൊയോട്ട ഹിലക്‌സ്, ഫോർഡിന്റെ ഒരു മോഡൽ തുടങ്ങിയ ആഭ്യന്തര വിപണിയിൽ ചുവടുവെക്കുന്നതോടെ സെഗ്മെന്റ് കൂടുതൽ ശ്രദ്ധിക്കപ്പെടും.