Just In
- 8 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 11 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 12 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 12 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- Sports IPL 2024: എന്റെ പിഴവല്ല, തോല്വിയില് ബൗളര്മാരെ പഴിച്ച് ഗില്! വിമര്ശിച്ച് ആരാധകര്
- News കണ്ണൂരില് ആവേശം അലകടലായി, കൊട്ടിക്കലാശം സമാധാനപരം; കരുത്തുകാട്ടി മുന്നണികള്
- Movies നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്'
- Lifestyle ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ഥാറിനും ജിംനിക്കും എതിരാളി; മാറ്റങ്ങളുമായി പുതിയ ഫോഴ്സ് ഗൂർഖ വിപണിയിലേക്ക്
ഓഫ്-റോഡ് പ്രേമികളുടെ പ്രിയ വാഹനങ്ങളിലൊന്നാണ് ഫോഴ്സ് ഗൂർഖ. എന്നാൽ പുതിയ ബിഎസ്-VI മോഡലിനായി വിപണി കാത്തിരിക്കാൻ തുടങ്ങിയിട്ട് കൊല്ലം ഒന്നാകുന്നു.
ഒരു പക്കാ ഇന്ത്യൻ ഓഫ്-റോഡ് എസ്യുവിയായ ഗൂർഖയെ ചില മാറ്റങ്ങളുമായി 2020 ഓട്ടോ എക്സ്പോയിൽ ഫോഴ്സ് അവതരിപ്പിച്ചിരുന്നു. കഴിഞ്ഞ വർഷം തന്നെ നിരത്തുകളിൽ ഇടംപിടിക്കേണ്ടതായിരുന്നെങ്കിലും മനുഷ്യരാശിയെ പിടിച്ചുലച്ച കൊവിഡ്-19 എന്ന മഹാമാരി വാഹനത്തിന്റെ അരങ്ങേറ്റം വൈകിപ്പിക്കുകയായിരുന്നു.
കോംപാക്ട് ഓഫ്-റോഡറിന്റെ പുതിയ ആവർത്തനത്തെ ഏറെ പ്രതീക്ഷയോടെയാണ് വിപണി കാത്തിരിക്കുന്നതും. ഒരു വർഷക്കാലമായി എസ്യുവിയെ നിരത്തുകളിൽ പരീക്ഷണയോട്ടത്തിന് വിധേയമാക്കുന്നതല്ലാതെ വിൽപ്പനയ്ക്ക് എത്തുന്ന ഒരു കാര്യവും കമ്പനി ഇതുവരെ പ്രഖ്യാപിച്ചിട്ടുമില്ല.
MOST READ: പ്രാരംഭ വില 51.50 ലക്ഷം രൂപ; പുതിയ 3 സീരീസ് ഗ്രാൻ ലിമോസിൻ വിപണിയിൽ
ഇപ്പോൾ 2021 മോഡലിന്റെ പുതിയ സ്പൈ ചിത്രങ്ങൾ റഷ്ലൈൻ പുറത്തുവിട്ടിട്ടുണ്ട്. പുതിയ ഗൂർഖയുടെ ബോക്സി ഡിസൈൻ നിലവിലുണ്ടായിരുന്ന മോഡലായി നിലനിർത്തും. പുറത്തുനിന്ന് കാര്യമായ പരിഷ്ക്കരണങ്ങളൊന്നും കാണാൻ സാധിക്കില്ലെങ്കിലും അകത്തളം ഏറെ പുതുയുള്ളതായിരിക്കും എന്നതാണ ശ്രദ്ധേയം.
എങ്കിലും കാഴ്ച്ചയിൽ പുതുമ നിലനിർത്താനായി ഫെയ്സ്ലിഫ്റ്റഡ് ഗൂർഖയുടെ മുൻവശത്ത് ഒരു പുതിയ ഗ്രില്ലും ഫ്രണ്ട് ബമ്പറും ലഭിക്കും. പുനർരൂപകൽപ്പന ചെയ്ത ബമ്പറിൽ ഒരു ജോടി പുതിയ ഫോഗ് ലാമ്പുകളും മധ്യഭാഗത്ത് ചതുരാകൃതിയിലുള്ള എയർ ഡാമും ആയിരിക്കും ഇടംപിടിക്കുക.
ക്ലാമ്പ്-ഷെൽ ബോണറ്റിന്റെ വശത്ത് അതിന്റെ റെട്രോ-സ്റ്റൈൽ വിളിച്ചോതുന്ന റൗണ്ട് ഹെഡ്ലാമ്പുകൾക്ക് മുകളിലായി സിഗ്നേച്ചർ ടേൺ ഇൻഡിക്കേറ്ററുകളും കാണാം. സംയോജിത വൃത്താകൃതിയിലുള്ള എൽഇഡി ഡിആർഎല്ലുകളാൽ ബൈ-എൽഇഡി ഹെഡ്ലാമ്പുകൾ പൂർത്തീകരിക്കുന്നു.
മെച്ചപ്പെട്ട വാട്ടർ വേഡിംഗ് കഴിവുകൾക്കായി ഒരു സ്നോർക്കൽ എസ്യുവിയുടെ ഹൂഡിന്റെ വശത്തായി കമ്പനി നൽകിയിട്ടുണ്ട്. പിൻഭാഗത്ത് ടെയിൽഗേറ്റിൽ വിശാലമായ വിൻഡോ പാനൽ ലഭിക്കുന്നു. അതേസമയം ടെയിൽ ലാമ്പുകൾ തിരശ്ചീനമായി പുനസ്ഥാപിച്ചു.
MOST READ: മുൻനിരയിലേക്ക് ടാറ്റ ഹാരിയറും; വിൽപ്പന കുതിച്ചുയരുന്നു
ടെയിൽഗേറ്റിൽ ഘടിപ്പിച്ച സ്പെയർ വീൽ ഗൂർഖയ്ക്ക് ആവശ്യമായ എല്ലാ പരുഷതയും ഉപയോഗപ്രദവുമായ രൂപം നൽകുന്നു. ടെയിൽഗേറ്റിൽ ഘടിപ്പിച്ചിരിക്കുന്ന ഒരു ചെറിയ ലാഡർ റൂഫിന്റെ മുകളിൽ സ്ഥാപിച്ചിരിക്കുന്ന ലഗേജ് റാക്ക് ആക്സസ് ചെയ്യാൻ ഉടമകളെ സഹായിക്കും.
ചില ആധുനിക സവിശേഷതകൾ വാഗ്ദാനം ചെയ്യുമെങ്കിലും ക്യാബിൻ ലേഔട്ട് വളരെയധികം പ്രയോജനകരമായി തുടരും. ഇന്റീരിയറിനായി ഡ്യുവൽ-ടോൺ നിറം,പുതിയ ടച്ച്സ്ക്രീൻ ഇൻഫോടെയ്ൻമെന്റ് യൂണിറ്റുള്ള പുതുക്കിയ ഡാഷ്ബോർഡ്, എയർ-കോൺ സിസ്റ്റത്തിനായുള്ള പുതിയ നിയന്ത്രണ ഉപരിതലങ്ങൾ എന്നിവ ഉൾപ്പെടുന്നു.
MOST READ: മൂന്ന് പുതിയ ഹൈ സ്പീഡ് മോഡലുകള് അവതരിപ്പിച്ച് കൊമാകി
എന്നിരുന്നാലും ക്യാബിന്റെ പ്രത്യേകത പുതിയ ഫോർവേഡ് ഫേസിംഗ് റിയർ സീറ്റുകളിലേക്കാണ് വരിക. ഇത് വാഹനത്തിന്റെ സുരക്ഷ വർധിപ്പിക്കാൻ സഹായിക്കും. മെർസിഡീസ് ബെൻസിൽ നിന്നുള്ള OM616 2.6 ലിറ്റർ ഡീസൽ എഞ്ചിനാകും എസ്യുവിക്ക് തുടിപ്പേകുക.
എഞ്ചിൻ സവിശേഷതകളെക്കുറിച്ചും പവർ ഔട്ട്പുട്ടുകളെ കുറിച്ച് ഇപ്പോഴും അവ്യക്തത തുടരുകയാണ്. സ്റ്റാൻഡേർഡായി 4×4 ലോ-റേഞ്ച് ട്രാൻസ്ഫർ കേസിന്റെ സഹായത്തോടെ 5 സ്പീഡ് മാനുവൽ ഗിയർബോക്സ് വഴി ഫോർവീൽ ഡ്രൈവ് ഓപ്ഷനും ഫോഴ്സ് വാഗ്ദാനം ചെയ്യും.
പതിവുപോലെ ഗൂർഖ ഫെയ്സ്ലിഫ്റ്റ് ഒരു പരമ്പരാഗത ലാഡർ ഫ്രെയിം ചാസിയിലായിരിക്കും നിർമിക്കുക. വിപണിയിൽ എത്തുമ്പോൾ പുതിയ മഹിന്ദ്ര ഥാറുമായി കിടപിടിക്കാനാനും ഫോഴ്സ് താൽപര്യപ്പെടുക. കൂടാതെ വരാനിരിക്കുന്ന മാരുതി ജിംനിയും എസ്യുവിയുമായി മാറ്റുരയ്ക്കും.