Just In
- 37 min ago 'കുടുംബം' നോക്കാന് ഏഥര്! രാജ്യം കാത്തിരുന്ന ഫാമിലി സ്കൂട്ടറിനായുള്ള ബുക്കിംഗ് തുടങ്ങി
- 1 hr ago ഒരു ഇന്നോവയ്ക്കും തരാൻ പറ്റാത്ത യാത്രാസുഖം, പ്രേമലു നായകന്റെ 'സൂപ്പർബ് കാർ' തിരിച്ചുവരുന്നു
- 2 hrs ago 20 വര്ഷത്തിന് ശേഷം ലംബോര്ഗിനി മാറ്റിയ ലോഗോ കണ്ടോ? ഒരമ്മ പെറ്റ അളിയന്മാരെന്നേ പറയൂ...
- 3 hrs ago പുതിയത് അങ്ങനെയാരും വാങ്ങുന്നില്ല, പക്ഷേ സെക്കൻഡ് ഹാൻഡ് വിപണിയിൽ ഈ കാർ വാങ്ങാൻ ലേഡീസിന്റെ കൂട്ടിയിടി
Don't Miss
- Technology വേറൊന്നും ചിന്തിക്കാനില്ല, തട്ടി പോക്കറ്റിൽ കേറ്റ്! എസ് 24 സ്മാർട്ട്ഫോണുമായി ഐടെൽ
- Movies നിങ്ങളുടെ കാമുകനെക്കാള് 4 വയസ് കൂടുതലുണ്ടെനിക്ക്, സര് എന്ന് വിളിക്കരുത്, കത്രീനയോട് കബീര് ഖാന്
- Sports IPL 2024: രണ്ട് വര്ഷത്തിനുള്ളില് ഈ 22 കാരന് ഇന്ത്യന് ടീമിലെത്തും; യുവതാരത്തെക്കുറിച്ച് ഇര്ഫാന് പഠാന്
- Lifestyle നിങ്ങള് എപ്പോള് മരിക്കും, മരണം പ്രവചിക്കുന്ന എഐ അല്ഗോരിതവുമായി ഡാനിഷ് ഗവേഷകര്, പ്രവര്ത്തനം ഇങ്ങനെ
- Finance ഇതിലും മികച്ച പലിശ സ്വപ്നങ്ങളിൽ മാത്രം, പോസ്റ്റ് ഓഫീസ് നിക്ഷേപങ്ങളുടെ പലിശ നിരക്കറിയാം, ഇപ്പോൾ തന്നെ തുടങ്ങൂ
- News ആദ്യമായി വോട്ട് ചെയ്യുകയാണോ? രീതികൾ അറിയില്ലേ, ആശങ്കവേണ്ട; അറിയേണ്ടതെല്ലാം ഇതാ
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
തലമുറ മാറ്റത്തിനൊരുങ്ങി ഫോർച്യൂണറും; കൂട്ടിന് പുത്തൻ സാങ്കേതികവിദ്യകളും
വിദേശത്തായാലും ഇന്ത്യയിലായാലും ഫുൾ-സൈസ് എസ്യുവി സെഗ്മെന്റിൽ ടൊയോട്ട ഫോർച്യൂണറിനുള്ളത് ഒരു പ്രത്യേകസ്ഥാനം തന്നെയാണ്. കുറച്ച് ദിവസങ്ങൾക്ക് മുമ്പ് ടൊയോട്ട ഫെയ്സ്ലിഫ്റ്റ് ചെയ്ത മോഡലും വിപണിയിൽ എത്തിച്ച് ഒന്ന് മിനുങ്ങി.
ഫോർച്യൂണറിനും ഒരു തലമുറമാറ്റം സമ്മാനിക്കാൻ ഒരുങ്ങുകയാണ് ജാപ്പനീസ് വാഹന നിർമാതാക്കളായ ടൊയോട്ട. നിലവിലുള്ള മോഡൽ നാല് വർഷത്തിലേറെയായി ഇന്ത്യൻ നിരത്തുകൾ വാഴുകയാണ്.
ടൊയോട്ടയുടെ iMV പ്ലാറ്റ്ഫോമിനെ അടിസ്ഥാനമാക്കി നിർമിച്ചിരിക്കുന്ന എസ്യുവിയുടെ പുതിയ ആവർത്തനം അടുത്ത വർഷത്തോടെ വിപണിയിൽ എത്തുമെന്ന് ടൊയോട്ട മോട്ടോർ കോർപ്പറേഷന്റെ ചീഫ് എഞ്ചിനീയർ യോഷികി കോനിഷിയാണ് സ്ഥിരീകരിച്ചത്.
MOST READ: സബ്സ്ക്രിപ്ഷന് പദ്ധതിയിലേക്ക് ഉപയോഗിച്ച കാറുകളും ഉള്പ്പെടുത്താനൊരുങ്ങി മാരുതി
സെഗ്മെന്റിൽ വളരുന്ന മത്സരത്തിന് മറുപടിയായി അകത്തും പുറത്തും മാറ്റങ്ങൾ വരുത്തിയാകും ടൊയോട്ട അടുത്ത തലമുറ ഫോർച്യൂണറിനെ ഒരുക്കുക. അതിൽ മെച്ചപ്പെട്ട സുരക്ഷ, കണക്റ്റിവിറ്റി, സൗകര്യം, ഓഫ്-റോഡ് ശേഷി എന്നിവയ്ക്കായി പുതിയ സാങ്കേതികവിദ്യകൾ ചേർക്കും.
തീർന്നില്ല, അതോടൊപ്പം ഫോർച്യൂണറിന് മെക്കാനിക്കൽ മെച്ചപ്പെടുത്തലും ടൊയോട്ട സമ്മാനിക്കുമെന്നാണ് സൂചന. എളുപ്പമുള്ള ഡ്രൈവിനായി നിലവിലെ മോഡലിലെ ഹൈഡ്രോളിക് പവർ സ്റ്റിയറിംഗ് ഒരു പുതിയ ഇലക്ട്രിക് പവർ സ്റ്റിയറിംഗിന് വഴിമാറും.
MOST READ: കരുത്തൻ ആൾട്രോസ് ജനുവരി 13-ന് വിപണിയിലേക്ക്; വ്യത്യസ്തനാവാൻ ഐടർബോ ബാഡ്ജിംഗും
ചീഫ് എഞ്ചിനീയർ പറയുന്നതനുസരിച്ച് ട്രാഫിക് സാഹചര്യങ്ങളിലൂടെ എളുപ്പത്തിൽ കൈകാര്യം ചെയ്യാൻ ഇലക്ട്രിക് പവർ സ്റ്റിയറിംഗ് ഉപയോഗപ്രദമാകുമ്പോൾ സ്റ്റിയറിംഗ് ഫീഡ്ബാക്കിലും മോശം റോഡുകളിലെ പ്രതികരണശേഷിയിലും ഇത് വലിയ സ്വാധീനം ചെലുത്തും.
ജാപ്പനീസ് ബ്രാൻഡ് ഏത് തരത്തിലുള്ള സജ്ജീകരണമാണ് മുന്നോട്ട് കൊണ്ടുപോകുന്നത് എന്നത് കാത്തിരുന്നു തന്നെ കാണേണ്ടി വരും. മൂന്നാം തലമുറ ടൊയോട്ട ഫോർച്യൂണറിൽ ഇലക്ട്രോണിക്കലി കൺട്രോൾഡ് വെഹിക്കിൾ സ്റ്റൈബിലിറ്റി കൺട്രോളിന്റെ സാന്നിധ്യവും യോഷികി കോനിഷി സ്ഥിരീകരിച്ചിട്ടുണ്ട്.
MOST READ: പുതിയ അവൻസ ഈ വർഷം തന്നെ വിപണിയിലെത്തിക്കാനൊരുങ്ങി ടൊയോട്ട
നിലവിലുള്ള മോഡലിൽ കാണാൻ കഴിയുന്നതിന്റെ മെച്ചപ്പെടുത്തിയ പതിപ്പായിരിക്കും ഇതെന്നതിൽ സംശയമൊന്നും വേണ്ട. കൂടാതെ കണക്റ്റിവിറ്റി സവിശേഷതകൾ ഇന്ത്യൻ ഉപഭോക്താക്കൾക്കായി "ഘട്ടം ഘട്ടമായി" പരിചയപ്പെടുത്തുകയും ചെയ്യും.
അഡ്വാൻസ്ഡ് ഡ്രൈവർ അസിസ്റ്റൻസ് സംവിധാനം (ADAS) ഉപയോഗിച്ച് അടുത്തിടെ വിപണിയിൽ എത്തിയ മികച്ച സ്വീകാര്യത നേടിയതുമായ എംജി ഗ്ലോസ്റ്ററുമായി മാറ്റുരയ്ക്കാൻ ടൊയോട്ട തയാറാകും.
MOST READ: മഹീന്ദ്ര ഥാറിനും ഇനി അധികം മുടക്കണം; പുതുക്കിയ വില ഇങ്ങനെ
ആക്ടിവ് ക്രൂയിസ് കൺട്രോൾ, പ്രീ-കൊളീഷൻ വാർണിംഗ്, ലെയ്ൻ ഡിപ്പാർച്ചർ വാർണിംഗ്, വിദേശ വിപണികളിലെ മറ്റ് സഹായ സംവിധാനങ്ങൾ എന്നിവയെല്ലാം ഉപയോഗിച്ച് ഫോർച്യൂണർ അത്യാധുനികമാക്കും.
നിലവിലെ മോഡലിൽ ഈ സാങ്കേതികവിദ്യകളൊന്നും ഇന്ത്യൻ ഉപഭോക്താക്കൾക്ക് ടൊയോട്ട ലഭ്യമാക്കിയിട്ടില്ല. ടൊയോട്ട സേഫ്റ്റി സെൻസ് സ്യൂട്ടും ആക്ടിവ് ഡ്രൈവർ അസിസ്റ്റീവ് സാങ്കേതികവിദ്യകളും വരാനിരിക്കുന്ന ഫോർച്യൂണറിന്റെ പുതിയ ആവർത്തനത്തിൽ ഇടംപിടിക്കുമെന്ന് പ്രതീക്ഷിക്കാം.
അതേസമയം 2022 ഫോർച്യൂണർ ലാഡർ ഫ്രെയിം ചാസിയിൽ തന്നെയാകും ഒരുങ്ങുക. ലോകമെമ്പാടുമുള്ള കർശനമായ വികിരണ മാനദണ്ഡങ്ങൾ പരിഹരിക്കുന്നതിന് ഒരു ഹൈബ്രിഡ് സിസ്റ്റവുമായി ജോടിയാക്കിയ ഡീസൽ എഞ്ചിനും ടൊയോട്ട മോഡലിൽ ഉപയോഗപ്പെടുത്തിയേക്കാം.