Just In
- 51 min ago ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ
- 1 hr ago തള്ളല്ല, എക്സ്റ്ററിന് കിട്ടുന്നത് 33 കി.മീ. മൈലേജ്; തെളിവ് സഹിതം പുറത്തുവിട്ട് ഉടമകൾ
- 3 hrs ago മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
- 14 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
Don't Miss
- News 'രാഹുല് ഗാന്ധി ലീഗ് പതാക പിടിച്ചു': ഹിന്ദു വിരുദ്ധ വികാരം പടർത്തുന്നുവെന്ന് കേന്ദ്ര മന്ത്രി
- Technology മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട്
- Movies 'നടുക്ക് കേറി നിന്നിട്ടും കാര്യമില്ലാതെയായല്ലോ, ബിഗ് ബോസ് പണവുമായി ചെല്ലുമ്പോൾ സമൂഹത്തിൽ വിലയില്ലാതാകും'
- Sports IPL 2024: 42ലും കിങ്, ഒരൊറ്റ ഓവറില് ധോണിക്ക് ഫിഫ്റ്റി! അപ്പോള് നേരത്തേ ഇറങ്ങിയാല് എന്താവും?
- Travel ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ
- Lifestyle രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
- Finance കുറയാൻ മറന്നിട്ടില്ല, സംസ്ഥാനത്ത് സ്വർണവിലയിൽ നേരിയ കുറവ്, ഇന്നത്തെ നിരക്കറിയാം
Astor എസ്യുവിയുടെ മൈലേജ് കണക്കുകളും പുറത്തുവിട്ട് MG Motors
ഏറെ പ്രത്യേകതയുമായി എത്തുന്ന പുതിയ ആസ്റ്റർ എസ്യുവിയുടെ വില ഈ മാസം ആദ്യമാണ് എംജി മോട്ടോർസ് വെളിപ്പെടുത്തുന്നത്. തുടർന്ന് കഴിഞ്ഞ ദിവസം ഔദ്യോഗിക ബുക്കിംഗ് ആരംഭിച്ച് വെറും 20 മിനിറ്റിനുള്ളിൽ തന്നെ ഈ വർഷത്തേക്ക് കമ്പനി കരുതിവെച്ചിരുന്ന ബാച്ച് പൂർണമായും വിറ്റഴിയുകയും ചെയ്തു.
അതേസമയം കാറിന്റെ ഡെലിവറികൾ 2021 നവംബർ ഒന്നു മുതൽ ആരംഭിക്കുമെന്നാണ് എംജി അറിയിച്ചിരിക്കുന്നത്. 25,000 രൂപ ടോക്കണ് തുകയ്ക്കാണ് മോഡലിന്റെ ബുക്കിംഗ് നടന്നത്. നിലവിൽ സ്റ്റൈൽ, സൂപ്പർ, സ്മാർട്ട്, ഷാർപ്പ്, സാവി എന്നിങ്ങനെ അഞ്ച് വേരിയന്റുകളിലാണ് ആസ്റ്റർ വിപണിയിൽ എത്തുന്നത്.
മൂന്ന് എഞ്ചിൻ, ഗിയർബോക്സ് കോമ്പിനേഷനുകളിലാണ് എസ്യുവി അണിനിരത്തിയിരിക്കുന്നത്. ആസ്റ്ററിന്റെ എഞ്ചിൻ സജ്ജീകരണത്തിൽ 6 സ്പീഡ് മാനുവൽ, 8 സ്പീഡ് സിവിടി ഓട്ടോമാറ്റിക് ഗിയർബോക്സ് ഓപ്ഷനുകളുള്ള 1.5 ലിറ്റർ പെട്രോൾ നാച്ചുറലി ആസ്പിറേറ്റഡ് പെട്രോളും 6 സ്പീഡ് ഓട്ടോമാറ്റിക്കോടു കൂടിയ 1.3 ലിറ്റർ ടർബോ പെട്രോളുമാണ് ഉൾപ്പെടുന്നത്.
ഇപ്പോൾ പുതിയ എംജി ആസ്റ്റർ എസ്യുവിയുടെ മൈലേജ് കണക്കുകളും പുറത്തുവന്നിരിക്കുകയാണ്. വാഹനത്തിന്റെ 1.5 ലിറ്റർ പെട്രോൾ മാനുവൽ ഗിയർബോക്സ് 14-15 കിലോമീറ്റർ ഇന്ധനക്ഷമതയാണ് വാഗ്ദാനം ചെയ്യുന്നത്. അതേസമയം ഓട്ടോമാറ്റിക് ഗിയർബോക്സ് ഓപ്ഷനിൽ 10-12 കിലോമീറ്റർ മൈലേജാണ് കമ്പനി അവകാശപ്പെടുന്നത്.
അതേസമയം ആസ്റ്ററിലെ ടർബോ പെട്രോൾ യൂണിറ്റ് ലിറ്ററിന് പരമാവധി 9-12 കിലോമീറ്റർ മൈലേജാണ് വാഗ്ദാനം ചെയ്യുന്നത്. ഇന്ധനക്ഷമത കണക്കുകൾ വിവിധ സാഹചര്യങ്ങളിൽ ആന്തരിക പരിശോധനയെ അടിസ്ഥാനമാക്കിയുള്ളതാണെന്നാണ് പുറത്തുവരുന്ന റിപ്പോർട്ടുകൾ സൂചിപ്പിക്കുന്നത്.
ട്രാഫിക് സാഹചര്യങ്ങളും വ്യക്തിഗത ഡ്രൈവിംഗ് മുൻഗണനകളും അനുസരിച്ച് ഇത് വ്യത്യാസപ്പെടാം. അഡ്വാസ്ഡ് ഡ്രൈവർ അസിസ്റ്റ് സിസ്റ്റം വാഗ്ദാനം ചെയ്യുന്ന ഇന്ത്യയിലെ ആദ്യത്തെ മിഡ്-സൈസ് സ്പോർട്സ് യൂട്ടിലിറ്റി വാഹനം കൂടിയാണ് എംജി ആസ്റ്റർ. അതോടൊപ്പം വ്യക്തിഗത ആർട്ടിഫ്യൽ ഇന്റലിജൻസ് സംവിധാനവും വാഹനത്തിന്റെ പ്രത്യേകതയാണ്.
ലെവൽ 2 ADAS, ബ്ലൈൻഡ് സ്പോട്ട് ഡിറ്റക്ഷൻ, 360 ഡിഗ്രി സറൗണ്ട് വ്യൂ ക്യാമറ, പനോരമിക് സൺറൂഫ്, റിയർ ക്രോസ് ട്രാഫിക് അലേർട്ട്, ലെയ്ൻ ചേഞ്ച് അസിസ്റ്റ്, റെയിൻ സെൻസിംഗ് വൈപ്പറുകൾ, ലെതർ അപ്ഹോൾസ്റ്ററി എന്നിവയുൾപ്പെടെയുള്ള ചില നൂതന സവിശേഷതകളാണ് ആസ്റ്റർ എസ്യുവിയുടെ ഉയർന്ന വേരിയന്റുകളിൽ നിറഞ്ഞിരിക്കുന്നത്.
കൂടാതെ ടയർ പ്രഷർ മോണിറ്ററിംഗ് സിസ്റ്റം, 6 സ്പീക്കറുകൾ ഓഡിയോ സിസ്റ്റം, 80-ലധികം ഫീച്ചറുകളുള്ള iSmart കണക്റ്റഡ് കാർ ടെക്, 6 തരത്തിൽ ക്രമീകരിക്കാവുന്ന ഡ്രൈവർ സീറ്റ്, അഡാപ്റ്റീവ് ക്രൂയിസർ കൺട്രോൾ, ഓട്ടോമാറ്റിക് എമർജൻസി ബ്രേക്കിംഗ് എന്നിവയും അതിലേറെയും സവിശേഷതകളും എംജിയുടെ മിഡ്-സൈസ് എസ്യുവിയിലുണ്ട്.
ചൈനീസ് ഉടമസ്ഥതയിലുള്ള ബ്രിട്ടീഷ് കാര് നിര്മ്മാതാക്കളില് നിന്നുള്ള പുതിയ സ്മാര്ട്ട് കോംപാക്ട് എസ്യുവി ഒക്ടോബര് 11-നാണ് ഇന്ത്യയിൽ അവതരിപ്പിക്കുന്നത്. ഇതിനു മുമ്പു തന്നെ പല കാരണങ്ങളാലും ആസ്റ്റർ ശ്രദ്ധനേടിയെടുത്തതും എംജി മോട്ടോർസിന് ഏറെ ഗുണകരമായിട്ടുണ്ട്. അതിൽ ഏറ്റവും പ്രധാനം AI അടിസ്ഥാനമാക്കിയുള്ള വ്യക്തിഗത സഹായി തന്നെയാണ്.
ഇത് നിരവധി ഇന്റര്നെറ്റ് അധിഷ്ഠിത ആപ്പുകളും പ്രവര്ത്തനങ്ങളും വോയ്സ് കമാന്ഡുകളുമാണ് ആസ്റ്ററിലേക്ക് ചേർത്തിരിക്കുന്നത്. എസ്യുവിയിലെ 1.5 ലിറ്റര് എഞ്ചിൻ 108 bhp കരുത്തിൽ 144 Nm torque ഉത്പാദിപ്പിക്കാൻ ശേഷിയുള്ളതാണ്. അതേസമയം 1.4 ടർബോ യൂണിറ്റ് 138 bhp പവറിൽ 220 Nm torque ആണ് വികസിപ്പിക്കുന്നത്.
ഡിസൈനിലേക്ക് നോക്കിയാലും ആരേയും ആകർഷിക്കുന്ന ശൈലിയിലാണ് ആസ്റ്ററിനെ എംജി മോട്ടോർസ് ഒരുക്കിയിരിക്കുന്നത്. എല്ഇഡി ഡേ ടൈം റണ്ണിംഗ് ലൈറ്റുകളുള്ള എല്ഇഡി പ്രൊജക്ടര് ഹെഡ്ലാമ്പുകള്, 17 ഇഞ്ച് മെഷീന് അലോയ് വീലുകള്, ഹീറ്റഡ് ഒആര്വിഎം, എല്ഇഡി ടെയില്ലാമ്പുകള്, ക്രോം ആക്സന്റേറ്റഡ് ഡ്യുവല് എക്സ്ഹോസ്റ്റ് എന്നിവയെല്ലാം വാഹനത്തിൽ ഇടംപിടിച്ചിട്ടുണ്ട്.
ADAS സംവിധാനം എത്തുന്നതോടെ സുരക്ഷയുടെ കാര്യത്തിലും ഒട്ടും ആശങ്കവേണ്ടന്ന് കമ്പനി പറയാതെ പറയുന്നു. എസ്യുവിയിൽ 6 എയര്ബാഗുകള്, ഇബിഡ്, ഇഎസ്പി, ട്രാക്ഷന് കണ്ട്രോള്, ഹില് ഡിസന്റ് കണ്ട്രോള്, ഹില് ഹോള്ഡ് കണ്ട്രോള്, എമര്ജന്സി സ്റ്റോപ്പ് സിഗ്നല്, ISOFIX മൗണ്ടുകള്, TPMS, നാല് വീലിലും ഡിസ്ക് ബ്രേക്കുകള്, 360 ഡിഗ്രി ക്യാമറ, കോര്ണറിംഗ് അസിസ്റ്റുള്ള ഫ്രണ്ട് ഫോഗ് ലാമ്പ് എന്നിവയും എംജി മോട്ടോർസ് ഒരുക്കിയിട്ടുണ്ട്.
ആസ്റ്റർ പെട്രോൾ മാനുവലിന്റെ വില 9.78 ലക്ഷം രൂപ മുതൽ 13.98 ലക്ഷം രൂപ വരെയാണ്. കാറിന്റെ പെട്രോൾ ഓട്ടോമാറ്റിക് വേരിയന്റുകൾക്ക് 12.68 ലക്ഷം മുതൽ 17.38 ലക്ഷം രൂപ വരെയും എക്സ്ഷോറൂം വിലയായി മുടക്കേണ്ടി വരും.
മിഡ്-സൈസ് എസ്യുവി നിരയിലെ മിക്ക എതിരാളികളുമായി താരതമ്യപ്പെടുത്തുമ്പോൾ ആസ്റ്റർ കൂടുതൽ താങ്ങാനാകുന്നതാണ് എന്ന കാര്യം വിപണിയിൽ ചലനങ്ങളുണ്ടാക്കാൻ സഹായിക്കും. ഈ സെഗ്മെന്റിൽ എംജിയുടെ പുതിയ എസ്യുവി ഹ്യുണ്ടായി ക്രെറ്റ, കിയ സെൽറ്റോസ്, ഫോക്സ്വാഗൺ ടൈഗൂൺ, സ്കോഡ കുഷാഖ് എന്നിവയുമായാണ് നേരിട്ട് മത്സരിക്കുന്നത്.