Just In
- 1 hr ago ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ
- 12 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 14 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 15 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
Don't Miss
- Lifestyle കാരണമില്ലെങ്കിലും ഉണ്ടാക്കിയെടുത്ത് വഴക്ക്; ദമ്പതികളുടെ വഴക്കിന് 10 സാധാരണ കാരണങ്ങള്
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
- Finance കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം
- News രാമക്ഷേത്ര പരാമർശം; നരേന്ദ്ര മോദിക്ക് ഇലക്ഷൻ കമ്മീഷന്റെ ക്ലീൻ ചിറ്റ്, ചട്ടലംഘനമില്ലെന്ന് കണ്ടെത്തൽ
- Sports IPL 2024:ഫിഫ്റ്റി, 1 വിക്കറ്റ്, 3 ക്യാച്ച്; പക്ഷെ അക്ഷര് കളിയിലെ താരമായില്ല! റിഷഭിനായി ഒതുക്കി?
- Technology സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ
- Movies ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
പ്രൊഡക്ഷൻ റെഡി രൂപത്തിൽ Cybertruck -ന്റെ പുത്തൻ ടീസർ പങ്കുവെച്ച് Tesla
ഏറെ കാലമായി വാഹന വിപണി വളരെ പ്രതീക്ഷയോടെ കാത്തിരിക്കുന്ന മോഡലാണ് ടെസ്ല സൈബർട്രക്ക്. വളരെ വ്യത്യസ്തമായ ശൈലിയും സവിശേഷതകളും കൊണ്ട് ജനഹൃദയങ്ങളിൽ കൗതുകമുണർത്തിയ മോഡൽ എപ്പോൾ വിൽപ്പനയ്ക്കെത്തും എന്ന് ഉറ്റുനോക്കിയിരിക്കുകയാണ് എല്ലാവരും.
പുറത്തിറങ്ങും മുമ്പേ ഇപ്പോൾ പുറത്തു വന്നിരിക്കുന്ന ടെസ്ല സൈബർട്രക്കിന്റെ ഒരു പുതിയ ടീസർ വീഡിയോയാണ് നിലവിൽ ഓൺലൈനിൽ വൈറലായിരിക്കുന്നത്, അതിൽ വാഹനം നഗര-ഗ്രാമാന്തര പരിതസ്ഥിതികളിലും വാഹനത്തിന്റെ നിർമ്മാണം നടക്കുന്ന പൂർത്തിയാകാത്ത ടെക്സാസ് ഗിഗാഫാക്ടറിയുടെ പരിസരത്തും ടെസ്റ്റ് ചെയ്യപ്പെടുന്നത് ഇതിൽ കാണാം.
ടെസ്ല ഷോറൂമുകളിൽ ഒന്ന് സന്ദർശിച്ചപ്പോൾ ഇവി അഭിഭാഷകൻ ഹർസിമ്രാൻ ബൻസാലാണ് ഒരു മിനിറ്റ് ദൈർഘ്യമുള്ള ഔദ്യോഗിക ടീസർ വീഡിയോ റെക്കോർഡ് ചെയ്യുകയും ട്വിറ്ററിൽ പോസ്റ്റ് ചെയ്യുകയും ചെയ്തു.
വീഡിയോയിൽ, സൈബർട്രക്ക് ഒരു ഗോതമ്പ് വയലിൽ ചില ഡ്രിഫ്റ്റുകൾ നടത്തുകയും ഓസ്റ്റിൻ ഫാക്ടറി സൈറ്റിനെ ഒരുതരം ഹൈ-സ്പീഡ് ഓഫ്-റോഡ് കോഴ്സായി കണക്കാക്കുകയും ചെയ്യുന്നു. എന്നിരുന്നാലും, ഏതൊരു ക്രമീകരണത്തിലും, വാഹനം പാരമ്പര്യേതരമായി കാണപ്പെടുന്നു, കൂടാതെ മറ്റൊരു ഗ്രഹത്തിൽ നിന്നുള്ളത് പോലത്തെ ലുക്കുമായി വരുന്നു.
ടെസ്ല ഷോറൂമുകളിൽ ഇപ്പോൾ പങ്കുവെക്കുന്ന ഒഫീഷ്യൽ ടീസർ വീഡിയോ വാഹനം ലോഞ്ച് ചെയ്യാൻ കാത്തിരിക്കുന്ന എല്ലാവരെയും എളുപ്പത്തിൽ ആവേശഭരിതരാക്കും. ഏകദേശം രണ്ട് വർഷം മുമ്പ് ടെസ്ല സൈബർട്രക്ക് അനാച്ഛാദനം ചെയ്തിരുന്നു, അടുത്തിടെ ഇവി നിർമ്മാതാക്കൾ വാഹനത്തിന്റെ ലോഞ്ച് 2022 വരെ നീട്ടി.
വീഡിയോയിൽ കാണുന്ന സൈബർട്രക്ക് 2019 നവംബറിൽ അനാച്ഛാദനം ചെയ്ത പ്രോട്ടോടൈപ്പിനോട് സാമ്യമുള്ളതാണ്. എന്നിരുന്നാലും, പ്രൊഡക്ഷൻ പതിപ്പിൽ ചെറിയ മാറ്റം വരുത്തിയ അനുപാതങ്ങൾ, സ്റ്റാഗേർഡ് വീലുകൾ, സൈഡ് മിററുകൾ, വിൻഡ്ഷീൽഡ് വൈപ്പറുകൾ, ഡേടൈം റണ്ണിംഗ് ലൈറ്റുകൾ തുടങ്ങി നിരവധി പരിഷ്ക്കരണങ്ങൾ ഉണ്ടാകുമെന്നാണ് പ്രതീക്ഷിക്കുന്നത്.
അടുത്തിടെ, കാലിഫോർണിയയിലെ മെഴ്സ്ഡ് കൺട്രി കാസിൽ എയർപോർട്ടിൽ വരാനിരിക്കുന്ന ഓൾ-ഇലക്ട്രിക് പിക്കപ്പ് ട്രക്കിന്റെ ഒരു പ്രോട്ടോടൈപ്പ് കണ്ടെത്തിയിരുന്നു. വൈപ്പറുകളും ഒആർവിഎമ്മുകളും ഉപയോഗിച്ചാണ് ടെസ്റ്റ് മോഡലിനെ കണ്ടെത്തിയത്. ഉൽപ്പാദനവും ലോഞ്ചും വൈകിയാണെങ്കിലും, പാരമ്പര്യേതര ഇലക്ട്രിക് പിക്കപ്പിനായുള്ള ജനങ്ങളുടെ ഡിമാൻഡ് ശക്തമായി തുടരുകയാണ്.
ഇലക്ട്രിക് പിക്കപ്പിന്റെ പ്രാരംഭ എക്സോസ്കലെട്ടന്റെ കാസ്റ്റിംഗ് ആരംഭിച്ചുകഴിഞ്ഞു, കൂടാതെ സൈബർട്രക്കിന്റെ "ഇൻഡസ്ട്രിയലൈസേഷൻ" പുരോഗമിക്കുകയാണെന്നും ടെസ്ല അടുത്തിടെ പ്രഖ്യാപിച്ചിരുന്നു.
ടെസ്ലയുടെ മുൻ വെളിപ്പെടുത്തലുകൾ അനുസരിച്ച്, സൈബർട്രക്കിന് 6.5 സെക്കൻഡിനുള്ളിൽ മണിക്കൂറിൽ 0-96 കിലോമീറ്റർ വേഗത കൈവരിക്കാനും ഒറ്റ ചാർജിൽ 402 കിലോമീറ്ററിലധികം ദൂരം സഞ്ചരിക്കാനും ഇതിന് കഴിയും.
ഈ ട്രക്കിന്റെ ബോഡി 30X കോൾഡ്-റോൾഡ് സ്റ്റീൽ മെറ്റീരിയൽ ഉപയോഗിച്ചാണ് കമ്പനി നിർമ്മിച്ചിരിക്കുന്നത്. ഭാവിയിലെ ബഹിരാകാശ പേടകങ്ങളിൽ ടെസ്ല ഉപയോഗിക്കാനൊരുങ്ങുന്ന അതേ മെറ്റീരിയലാണിത്.
ട്രക്കിന് 406.5 mm ഗ്രൗണ്ട് ക്ലിയറൻസ് ലഭിക്കുന്നതിനായി പൂർണ്ണമായും ലിഫ്റ്റ് ചെയ്യാൻ കഴിയുന്ന അഡാപ്റ്റീവ് എയർ സസ്പെൻഷൻ സിസ്റ്റത്തിമാണ് നിർമ്മാതാക്കൾ ഒരുക്കിയിരിക്കുന്നത്. ഹൈവേകളിലും മറ്റും ടാർമാക്കിൽ ഹൈ സ്ൽപീഡുകളിൽ മികച്ച ഗ്രിപ്പ് നേടുന്നതിന് ഇത് താഴ്ത്താനും സാധിക്കും.
മൂന്ന് വ്യത്യസ്ത മോട്ടോറുകളുമായി വാഹനം ലഭ്യമാണ്. ടെസ്ല സൈബർട്രക്കിന്റെ ബേസ് മോഡലിന് ട്രക്കിന്റെ പിൻ വീലുകളിൽ ഒരൊറ്റ ഇലക്ട്രിക് മോട്ടോറാണ് ലഭിക്കുന്നത്. മറ്റ് രണ്ട് വേരിയന്റുകൾക്കും ഇരട്ട മോട്ടോർ സജ്ജീകരണം ലഭിക്കുന്നു.
വളരെ മിനിമലിസ്റ്റിക് ലുക്കിലാണ് വാഹനം ഒരുക്കിയിരിക്കുന്നത്. ബോഡിയിലുടനീളം നേർരേഖകളും ക്രീസുകളും മാത്രം ഉൾക്കൊള്ളുന്ന വ്യത്യസ്ത രൂപകൽപ്പനയാണ് ടെസ്ല അവതരിപ്പിക്കുന്നത്.
വാഹനത്തിന്റെ ബോഡിയിൽ മിനുസമാർന്നതോ റൗണ്ട് ഷേപ്പിൽ ഉള്ളതോ ആയ ഘടകങ്ങൾ ഒന്നും തന്നെയില്ല എന്നതാണ് ശ്രദ്ധേയം. ട്രക്കിന്റെ വീൽ ആർച്ചുകൾ പോലും കോണാകൃതിയിലാണ് ഒരുക്കിയിരിക്കുന്നത്.
വാഹനത്തിന്റെ ഇന്റീരിയർ പോലും ഇതേ ഡിസൈൻ ശൈലി പിന്തുടരുന്നു. ഫ്രണ്ടിൽ സൈബർട്രക്കിന് ഒരു എഡ്ജ്-ടു-എഡ്ജ് ലൈറ്റ്ബാർ ലഭിക്കുന്നു, ഈ യൂണിറ്റ് ഹെഡ്ലാമ്പ്, ഫോഗ് ലാമ്പ്, ടേൺ ഇൻഡിക്കേറ്റർ എന്നിവയായി പ്രവർത്തിക്കുന്നു. ട്രക്കിന്റെ പിന്നിലും സമാനമായ തരത്തിലുള്ള ടെയിൽ ലാമ്പുകളുണ്ട്. ഇതേ ലൈറ്റ് ബാർ തന്നെയാണ് ടേൺ ഇൻഡിക്കേറ്ററുകളായി പ്രവർത്തിക്കുന്നത്.