വാലന്റൈന്‍സ് ഡേ മനോഹരമാക്കാം; മാഗ്നൈറ്റ് ഉപഭോക്താക്കള്‍ക്കായി പുതിയ പ്രോഗ്രാം പ്രഖ്യാപിച്ചു

ഈ ദിവസങ്ങളില്‍ ജാപ്പനീസ് കാര്‍ നിര്‍മ്മാതാവ് ഒരു ലക്കി നറുക്കെടുപ്പ് നടത്തും. ഈ നറുക്കെടുപ്പില്‍ നൂറ് ഉപഭോക്താക്കള്‍ക്കും കൈനിറയെ സമ്മാനം ലഭിക്കുമെന്നും കമ്പനി പ്രസ്താവനയില്‍ പറഞ്ഞു.

ആദ്യത്തെ വിജയിക്ക് - എക്‌സ്‌ഷോറൂം വിലയുടെ 100 ശതമാനം ക്യാഷ്ബാക്ക് ലഭിക്കുന്നു

അടുത്ത 8 ഉപയോക്താക്കള്‍ക്ക് - ഒരു വേരിയന്റ് ഉപയോഗിച്ച് നവീകരിക്കുക

25 ഉപയോക്താക്കള്‍ക്ക് - 1 വര്‍ഷത്തെ വിപുലീകൃത വാറന്റി

66 ഉപഭോക്താക്കള്‍ക്ക് - 2 വര്‍ഷം / 20,000 കിലോമീറ്റര്‍ മെയിന്റനന്‍സ് പാക്കേജ്, എന്നിങ്ങനെയാകും ലഭിക്കുക.

MOST READ: 500 കിലോമീറ്റര്‍ വരെ ശ്രേണി വാഗ്ദാനം ചെയ്യുന്ന ഇലക്ട്രിക് വാഹനം അവതരിപ്പിക്കുമെന്ന് എംജി

'പുതിയ മാഗ്‌നൈറ്റിന് മികച്ച ഉപഭോക്തൃ പ്രതികരണമാണ് ലഭിച്ചത്. ഉപേഭോക്താക്കള്‍ എല്ലാ പുതിയ നിസാന്‍ മാഗ്‌നൈറ്റിനെയും സ്‌നേഹിക്കുന്നു, അവരുടെ കാത്തിരിപ്പിന് നന്ദി അറിയിച്ചുകൊണ്ടാണ് ഞങ്ങള്‍ ഈ വാലന്റൈന്‍സ് പ്രോഗ്രാം അവതരിപ്പിച്ചതെന്ന് നിസാന്‍ മോട്ടോര്‍ ഇന്ത്യ മാനേജിംഗ് ഡയറക്ടര്‍ രാകേഷ് ശ്രീവാസ്തവ പറഞ്ഞു.

2020 ഡിസംബറില്‍ നിസാന്‍ മാഗ്‌നൈറ്റ് ഇന്ത്യന്‍ വിപണിയില്‍ വില്‍പ്പനയ്ക്കെത്തി, സമാരംഭിച്ച 30 ദിവസത്തിനുള്ളില്‍ 32,800 ബുക്കിംഗുകള്‍ നേടാനും വാഹനത്തിന് സാധിച്ചു.

MOST READ: പുതുക്കിയ 2021 മോഡൽ ജാവ 42 വിപണിയിൽ; വില 1.84 ലക്ഷം രൂപ

2021 ജനുവരിയില്‍ മാഗ്‌നൈറ്റ് എസ്‌യുവി ഡീലര്‍ഷിപ്പുകളിലേക്ക് അയയ്ക്കാനും ആരംഭിച്ചു, 72-ാം റിപ്പബ്ലിക് ദിനത്തില്‍ 720 യൂണിറ്റ് മാഗ്‌നൈറ്റ് എസ്‌യുവികളുടെ ഡെലിവറികളും കമ്പനി നടത്തുകയും വാര്‍ത്തകളില്‍ ഇടംപിടിക്കുകയും ചെയ്തിരുന്നു.

വര്‍ദ്ധിച്ചുവരുന്ന ആവശ്യം നിറവേറ്റുന്നതിനായി തങ്ങളുടെ പ്ലാന്റിലുടനീളം ആയിരത്തിലധികം ജീവനക്കാരെയും ഡീലര്‍ഷിപ്പ് ശൃംഖലയില്‍ 500-ല്‍ അധികം ജീവനക്കാരെയും നിയമിച്ചുകൊണ്ട് അധിക ഷിഫ്റ്റ് ആരംഭിച്ചതായും കമ്പനി അറിയിച്ചു.

MOST READ: മറാസോയ്ക്ക് എഎംടി പതിപ്പൊരുങ്ങുന്നു; അവതരണം ഉടനെന്ന് മഹീന്ദ്ര

ഉപഭോക്താക്കള്‍ക്ക് വേഗത്തിലും സമഗ്രവുമായ സേവന അനുഭവം നല്‍കുമെന്ന് വാഗ്ദാനം ചെയ്യുന്ന 'നിസാന്‍ എക്‌സ്പ്രസ് സര്‍വീസ്' ബ്രാന്‍ഡ് അടുത്തിടെ അവതരിപ്പിക്കുകയും ചെയ്തിരുന്നു.

20 ഗ്രേഡ് ലൈനപ്പുകളിലും 36 ലധികം കോമ്പിനേഷനുകളിലും മാഗ്‌നൈറ്റ് എസ്‌യുവി ലഭ്യമാണ്. 5.49 ലക്ഷം മുതല്‍ 9.59 ലക്ഷം വരെയാണ് നിലവില്‍ വാഹനത്തിന്റെ എക്‌സ്‌ഷോറൂം വില. മാഗ്നൈറ്റിന്റെ അവതരണത്തോടെ വിപണിയില്‍ ബ്രാന്‍ഡിന് കൂടുതല്‍ കരുത്ത് ലഭിച്ചുവെന്ന് വേണം പറയാന്‍.

MOST READ: പുതുതലമുറ എൻ‌ഡവർ 2022 -ൽ പുറത്തിറക്കാനൊരുങ്ങി ഫോർഡ്

കഴിഞ്ഞ മാസത്തെ വില്‍പ്പനയുടെ കാര്യത്തില്‍ നിസാന്‍ ഇന്ത്യ വര്‍ഷത്തിലെ ഏറ്റവും മികച്ച മാസമാണ് കടന്നുപോയതെന്ന് വേണം പറയാന്‍. കഴിഞ്ഞ വര്‍ഷത്തെ ഇതേ കാലയളവിലെ വില്‍പ്പനയുമായി താരതമ്യം ചെയ്യുമ്പോള്‍ 185 ശതമാനം വളര്‍ച്ചയാണ് രേഖപ്പെടുത്തിയത്. ഈ മൂന്നിരട്ടി വര്‍ധനവിന് പിന്നിലെ ഏക കാരണം മാഗ്‌നൈറ്റ് എസ്‌യുവിയാണെന്ന് പ്രത്യേകം പറയേണ്ടതില്ല.