Just In
- 33 min ago 10 പേര്ക്ക് സുഖമായി പോകാം, കിലോമീറ്ററിന് ചെലവ് വെറും 3.5 രൂപ! 'മാജിക്' തുടരാന് ടാറ്റ വാന്
- 1 hr ago ഹൈലക്സിനെ ആണിയടിച്ച് ചുവരിൽ തൂക്കുമോ ഇസൂസു? 2024 V -ക്രോസിന്റെ പുത്തൻ വിശദാംശങ്ങൾ പുറത്ത്
- 1 hr ago മകൾക്ക് 3 കോടിയുടെ പോർഷ കാർ സമ്മാനിച്ച് മലയാളി വ്യവസായി; ഹൈലൈറ്റായ അച്ഛനെയും മകളെയും മനസിലായോ
- 2 hrs ago ബൈക്കുകള്ക്ക് വില കൂട്ടി എന്ഫീല്ഡ് എതിരാളികള്; പേടിക്കണ്ട, ഒരു ഷര്ട്ട് വാങ്ങുന്ന പൈസയേ കൂടിയിട്ടുള്ളൂ...
Don't Miss
- Movies ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി
- News പൊന്നാനിയില് കളിവിട്ട് കാര്യത്തിലേക്ക്; അടിയൊഴുക്കുകള്ക്ക് ശ്രമം, പറഞ്ഞതില് മാറ്റമില്ലെന്ന് ജിഫ്രി തങ്ങള്
- Finance മൂന്ന് വർഷം കൊണ്ട് നൽകിയത് 1430% ലാഭം, ഈ സ്മോൾ ക്യാപ് ഓഹരി പൊളിയല്ലേ, നിങ്ങൾക്ക് നിക്ഷേപമുണ്ടോ..?
- Technology രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി
- Lifestyle വെള്ളത്തില് ഇട്ടുവെക്കാതെ മാങ്ങ കഴിച്ചാല് എന്താണ് പ്രശ്നം, ഇങ്ങനെ പറയാനുള്ള കാരണമെന്ത്?
- Sports IPL 2024: ഇനി ആറു മല്സരം, പ്ലേഓഫ് കളിക്കാന് മുംബൈ എന്തു ചെയ്യണം?
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
നിസാന്റെ തലവര തെളിഞ്ഞു; മെയ്ഡ് ഇൻ ഇന്ത്യ മാഗ്നൈറ്റിന്റെ കയറ്റുമതിക്കും തുടക്കം
പോയ വർഷം ഇന്ത്യൻ നിരത്തുകളിലെത്തി ഹിറ്റായ മാഗ്നൈറ്റ് കോംപാക്ട് എസ്യുവി അന്താരാഷ്ട്ര തലത്തിലും ഒരേ പോലെ തന്നെ തകർത്ത് വിറ്റഴിക്കുകയാണ്. ഇപ്പോൾ ഇന്ത്യയെ എസ്യുവിയുടെ എക്സ്പോർട്ടിംഗ് ഹബ്ബാക്കി മാറ്റുകയാണ് നിസാൻ.
മൂന്ന് അന്താരാഷ്ട്ര വിപണികളിലേക്കാണ് മാഗ്നൈറ്റ് സബ് കോംപാക്ട് എസ്യുവി കയറ്റുമതി ചെയ്യുന്നത്. കഴിഞ്ഞ വർഷം ഉത്പാദനം ആരംഭിച്ചതു മുതൽ ഈ വർഷം മെയ് അവസാനം വരെ 15,010 യൂണിറ്റ് മാഗ്നൈറ്റ് മോഡലുകളാണ് നിസാൻ ഇന്ത്യ നിർമിച്ചിരിക്കുന്നത്.
ചെന്നൈയ്ക്കടുത്തുള്ള നിസാന്റെ നിർമാണ കേന്ദ്രത്തിൽ നിന്നും പുറത്തിറങ്ങിയ 15,010 യൂണിറ്റുകളിൽ 13,790 യൂണിറ്റുകളും ആഭ്യന്തര വിപണിക്കായാണ് വിറ്റഴിച്ചത്. ബാക്കി 1,220 യൂണിറ്റ് നേപ്പാൾ, ഇന്തോനേഷ്യ, ദക്ഷിണാഫ്രിക്ക തുടങ്ങിയ രാജ്യങ്ങളിലേക്കുള്ള കയറ്റുമതിക്ക് വേണ്ടിയാണെന്നും കമ്പനി അറിയിച്ചു.
വാഹനം അവതരിപ്പിച്ച ആദ്യ 30 ദിവസത്തിനുള്ളിൽ 2,292 ബുക്കിംഗുകൾ നടത്തി മാഗ്നൈറ്റ് നേപ്പാളിൽ പ്രാഥമിക വിജയം നേടി. നിസാൻ മാഗ്നൈറ്റിന് ഇന്ത്യയിലും മികച്ച സ്വീകാര്യതയുണ്ട് എന്ന കാര്യം എടുത്തുപറയേണ്ടതില്ലല്ലോ.
നീണ്ട ബുക്കിംഗ് കാലയളവാണ് നിലവിൽ ഈ കോംപാക്ട് എസ്യുവിക്കായുള്ളത്. കഴിഞ്ഞ വർഷം ഡിസംബർ ആദ്യം ആരംഭിച്ച മാഗ്നൈറ്റ് അക്കാലത്തെ ഏറ്റവും താങ്ങാനാവുന്ന സബ് കോംപാക്ട് എസ്യുവിയായിരുന്നു.
ശരിക്കും ഇന്ത്യയിൽ വിൽപ്പനയില്ലാതെ ഇഴഞ്ഞ നിസാന് പുതുജീവൻ സമ്മാനിച്ച വാഹനമാണ് മാഗ്നൈറ്റ്. കിക്സിനും ഡാറ്റ്സൻ കാറുകൾക്കും കൈയ്യെത്തിപ്പിടിക്കാൻ സാധിക്കാതിരുന്ന നേട്ടങ്ങളാണ് ചുരുങ്ങിയ ദിവസങ്ങൾക്കുള്ളിൽ ഈ കോംപാക്ട് മോഡൽ നേടിയെടുത്തത്.
രാജ്യത്ത് തങ്ങളുടെ വിൽപ്പനയും വിൽപ്പനാനന്തര ശൃംഖല വിപുലീകരിക്കാൻ ശ്രമിക്കുകയാണെന്ന് നിസാൻ ആവർത്തിച്ച് വ്യക്തമാക്കുന്നുണ്ട്. അടുത്തിടെ സബ്സ്ക്രിപ്ഷൻ അധിഷ്ഠിത പദ്ധതിയിലും മാഗ്നൈറ്റ് ഉൾപ്പെടുത്തിയതോടെ കൂടുതൽ ചലനങ്ങൾ വിപണിയിൽ നിന്നും നേടാനാകുമെന്നാണ് പ്രതീക്ഷിക്കുന്നത്.
നിലവിൽ ഇന്ത്യയിൽ തന്നെ മാഗ്നൈറ്റിനായുള്ള ബുക്കിംഗ് 50,000 കടന്നിരുന്നു. മൂന്ന് എഞ്ചിൻ, ഗിയർബോക്സ് ഓപ്ഷനുകളിലായി XE, XL, XV, XV പ്രീമിയം (O) എന്നീ അഞ്ച് വേരിയന്റുകളിലാണ് നിസാൻ വാഹനത്തെ വിൽപ്പനയ്ക്ക് എത്തിക്കുന്നത്.
5.6 ലക്ഷം മുതൽ 10 ലക്ഷം രൂപ വരെയാണ് മാഗ്നൈറ്റിനായി മുടക്കേണ്ട എക്സ്ഷോറൂം വില. 1.0 ലിറ്റർ ടർബോചാർജ്ഡ്, ഇൻ-ലൈൻ 3 പെട്രോൾ, 1.0 ലിറ്റർ നാച്ചുറലി ആസ്പിറേറ്റഡ് 3 സിലിണ്ടർ പെട്രോൾ എന്നിവയാണ് എഞ്ചിൻ ഓപ്ഷനുകൾ.