Just In
- 38 min ago ഇവനിങ്ങ് വന്നാൽ വിയർക്കുന്നത് ഹാരിയർ, ടെറിട്ടറി പിടിച്ചെടുക്കാൻ ഫോർഡിന്റെ ഈ എസ്യുവി
- 3 hrs ago കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
- 15 hrs ago പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- 16 hrs ago അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി
Don't Miss
- News 400 കിലോ തനി തങ്കവും 15 കോടിയും: കാനഡയുടെ ചരിത്രത്തിലെ ഏറ്റവും വലിയ കവർച്ച, ഇന്ത്യക്കാരും പിടിയിലായി
- Sports IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത്
- Technology ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
- Movies ഞാന് വീണ്ടും വിവാഹിതയാവുകയാണ്, വരന് പോലീസ്! അദ്ദേഹത്തിന്റെയും രണ്ടാം വിവാഹമാണെന്ന് ദയ അച്ചു
- Lifestyle 900 വര്ഷം പഴക്കമുള്ള മമ്മി, 1000 തൂണുകളുള്ള ഹാള്; അത്ഭുതം ഈ രംഗനാഥസ്വാമി ക്ഷേത്രം
- Finance സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം
- Travel അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ
മാർച്ച് 18-ന് കാണാം കുഷാഖിനെ; ഔദ്യോഗിക അവതരണം സ്ഥിരീകരിച്ച് സ്കോഡ
ഇന്ത്യയിൽ എസ്യുവി സെഗ്മെന്റിലേക്ക് ശ്രദ്ധകേന്ദ്രീകരിക്കുന്ന സ്കോഡ തങ്ങളുടെ ഏറ്റവും പുതിയ മോഡലായ കുഷാഖിനെ വരുന്ന മാർച്ച് 18-ന് വിപണിയിൽ അവതരിപ്പിക്കും.
2020 ഓട്ടോ എക്സ്പോയിൽ വിഷൻ ഇൻ കൺസെപ്റ്റ് പതിപ്പായി അരങ്ങേറ്റം കുറിച്ചതു മുതൽ ഏറെ പ്രതീക്ഷയോടെ കാത്തിരിക്കുന്ന വാഹനം കൂടിയായി ഇത് മാറിയിരുന്നു. മിഡ്-സൈസ് എസ്യുവി സെഗ്മെന്റിൽ ഹ്യുണ്ടായി ക്രെറ്റ, കിയ സെൽറ്റോസ് തുടങ്ങീ വമ്പൻമാർക്കെതിരിയാണ് കുഷാഖ് ഏറ്റുമുട്ടുക.
ഫോക്സ്വാഗൺ ഗ്രൂപ്പിന്റെ ഇന്ത്യ 2.0 പ്രോജക്ടിന്റെ ഭാഗമായി നിർമിച്ച ആദ്യത്തെ കാറായി കുഷാഖ് മാറും എന്ന വസ്തുതയും ശ്രദ്ധേയമാണ്. വളരെയധികം പ്രാദേശികവൽക്കരിച്ച MQB A0 IN പ്ലാറ്റ്ഫോമിനെ അടിസ്ഥാനമാക്കി നിർമിച്ചിരിക്കുന്ന ഉയർന്ന പ്രാദേശിക ഉള്ളടക്കത്തിനാണ് കുഷാഖിലൂടെ സ്കോഡ പ്രാധാന്യം നൽകുന്നത്.
MOST READ: പുതിയ രൂപവും ഭാവവും, ആകെ മാറി പുത്തൻ മിത്സുബിഷി ഔട്ട്ലാൻഡർ എസ്യുവി വിപണിയിൽ
തൽഫലമായി മത്സരാധിഷ്ഠിതമായി വില നിശ്ചയിക്കാനും സ്കോഡക്ക് സാധിക്കും. 93 ശതമാനം പ്രാദേശികവൽക്കരണത്തോടുകൂടിയ ഇന്ത്യ-നിർദ്ദിഷ്ട MQB A0 IN പ്ലാറ്റ്ഫോമിന് കീഴിലുള്ള സ്കോഡ കുഷാഖിന്റെ ഡെലിവറികൾ ഈ വർഷം പകുതിയോടെ ആരംഭിക്കുകയും ചെയ്യും.
പ്രകടനത്തെ സംബന്ധിച്ചിടത്തോളം രണ്ട് ടർബോചാർജ്ഡ് പെട്രോൾ എഞ്ചിനുകളാണ് എസ്യുവിയിൽ ബ്രാൻഡ് വാഗ്ദാനം ചെയ്യുക. അതിൽ 1.0 ലിറ്റർ ത്രീ സിലിണ്ടർ പെട്രോൾ യൂണിറ്റായിരിക്കും പ്രാരംഭ മോഡലുകളിൽ ഇടംപിടിക്കുക. ഇത് പരമാവധി 110 bhp കരുത്ത് ഉത്പാദിപ്പിക്കാൻ പ്രാപ്തമായിരിക്കും.
MOST READ: ZS എസ്യുവിയുടെ പെട്രോൾ പതിപ്പ് പുതിയ പേരിൽ അറിയപ്പെടും; വിപണിയിലേക്ക് ഈ വർഷം തന്നെ
അതേസമയം 1.5 ലിറ്റർ നാല് സിലിണ്ടർ ടിഎസ്ഐ പെട്രോൾ യൂണിറ്റായിരിക്കും ടോപ്പ് എൻഡ് വേരിയന്റുകളിൽ വാഗ്ദാനം ചെയ്യുക. പ്രീമിയം കരോക്ക് എസ്യുവിയിലെന്നപോലെ എഞ്ചിൻ 150 bhp പവറായിരിക്കും സൃഷ്ടിക്കുക.
സ്റ്റാൻഡേർഡായി രണ്ട് യൂണിറ്റുകളും ഒരു ആറ് സ്പീഡ് മാനുവൽ ഗിയർബോക്സുമായി ജോടിയാക്കുമെങ്കിലും 1.0 ലിറ്ററിന് ആറ് സ്പീഡ് ടോർഖ് കൺവെർട്ടർ ഓട്ടോമാറ്റിക് ഓപ്ഷനായി ലഭിക്കും. അതേസമയം മറുവശത്ത് 1.5 ലിറ്റർ ടോപ്പ്-എൻഡ് വേരിയന്റുകളിൽ ഏഴ് സ്പീഡ് ഡിഎസ്ജി ഓട്ടോമാറ്റിക്കും ഉപഭോക്താക്കൾക്ക് തെരഞ്ഞെടുക്കാൻ സാധിച്ചേക്കും.
MOST READ: സബ് -ഫോർ മീറ്റർ സെഡാനുള്ള പ്ലാനുകൾ റദ്ദാക്കി റെനോ
കുഷാഖിന്റെ ഉത്പാദനത്തിനടുത്തുള്ള പതിപ്പ് സ്കോഡ ഇതിനകം വെളിപ്പെടുത്തിയിട്ടുണ്ട്. രൂപത്തിലേക്ക് നോക്കിയാൽ സ്പോർട്ടി ഡിസൈൻ ഘടകങ്ങളുടെ ധീരമായ ആധിഖ്യം കാണാൻ സാധിക്കും.
മുൻവശത്ത് ക്രോമിൽ പൂർത്തിയാക്കിയ ബട്ടർഫ്ലൈ ഗ്രില്ലായിരിക്കും ശ്രദ്ധാകേന്ദ്രം. അതോടൊപ്പംഎൽഇഡി ഡേടൈം റണ്ണിംഗ് ലൈറ്റുകളുള്ള ഷാർപ്പ് എൽഇഡി ഹെഡ്ലാമ്പുകളും വാഹനത്തിലുണ്ടാകും.
ഫ്രണ്ട് ബമ്പർ, മതിയായ ഇന്റീരിയർ ഇടം ഉറപ്പാക്കുന്ന ഒരു വലിയ ഗ്രീൻഹൗസ്, സ്കോഡ ലെറ്ററിംഗുള്ള സ്കൾപ്പഡ് ബൂട്ട് ഘടന, ഷാർപ്പ് കട്ടുകളുള്ള ക്രീസുകൾ, തിരശ്ചീന എൽഇഡി ടെയിൽ ലാമ്പുകൾ തുടങ്ങിയവ സ്കോഡ കുഷാഖിന്റെ പുറംമോടിയിലെ സവിശേഷതകളായിരിക്കും.
മിഡ്-സൈസ് എസ്യുവിയുടെ അകത്തളം ഒരു ഡിജിറ്റൽ ഇൻസ്ട്രുമെന്റ് ക്ലസ്റ്റർ പോലുള്ള പ്രീമിയം സവിശേഷതകളാൽ നിറഞ്ഞിരിക്കുന്നു. അതിൽ ആപ്പിൾ കാർപ്ലേയും ആൻഡ്രോയിഡ് ഓട്ടോ കോംപാറ്റിബിലിറ്റിയുമുള്ള ഒരു വലിയ ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, ഇൻ-കാർ കണക്റ്റിവിറ്റി ഓപ്ഷനുകൾ, വയർലെസ് ചാർജിംഗ് തുടങ്ങിയ ഫീച്ചറുകളാൽ സമ്പന്നമായിരിക്കും.
സുരക്ഷാ സവിശേഷതകളിൽ ടയർ പ്രഷർ മോണിറ്ററിംഗ് സിസ്റ്റം, ആറ് എയർബാഗുകൾ, ഇലക്ട്രോണിക് സ്റ്റെബിലിറ്റി കൺട്രോൾ, പനോരമിക് സൺറൂഫ്, ഓട്ടോമാറ്റിക് ക്ലൈമറ്റ് കൺട്രോൾ സിസ്റ്റം, ഹിൽ ഹോൾഡ് കൺട്രോൾ എന്നിവയും ഉൾപ്പെടും.