Just In
- 7 min ago സ്കോഡയുടെ ബജറ്റ് ഇവി; വരാനിരിക്കുന്ന എപിക്കിന്റെ ഹൈലൈറ്റുകൾ ഇവയൊക്കെ
- 10 hrs ago കേന്ദ്ര ഇവി പോളിസിയിൽ സന്തോഷം അറിയിച്ച് ബ്രാൻഡുകൾ, ടെസ്ല എത്താൻ ഇനി വൈകില്ല
- 14 hrs ago ഏറ്റവും ഡിമാന്റുള്ള മാരുതി കാറിന് 77,000 രൂപ വിലക്കുറവ്, ഫ്രോങ്ക്സ് വാങ്ങാൻ ഏറ്റവും നല്ലസമയം ഇതു തന്നെ
- 14 hrs ago കാത്തിരിപ്പ് അവസാനിപ്പിക്കാമെന്ന് ആർടിഒ... ഓഫീസുകളിലേക്ക് എത്തുന്നത് എട്ട് ലക്ഷം ലൈസൻസുകളും ആർസി ബുക്കുകളും
Don't Miss
- Technology പോക്കറ്റ് കാലിയാക്കാത്ത ഒരു എഐ ക്യാമറാ ഫോൺ; മോട്ടോ എഡ്ജ് 50 പ്രോയുടെ ഇന്ത്യൻ ലോഞ്ച് സ്ഥിരീകരിച്ചു
- Movies 'ഞാൻ തന്ന ദാനവമാണെടീ നിന്റെ ജീവിതമെന്ന് പറഞ്ഞു; സുഹൃത്തുക്കളുടെ വ്യക്തി ജീവിതത്തിൽ ആവശ്യപ്പെട്ടാലേ ഇടപെടൂ'
- News 'നന്നായി ഒലത്തിക്കോ, വെള്ള പൂശി പടവും എടുത്ത് നടപ്പാണ് ഷണ്ഡൻ'; ഡീൻ കുര്യാക്കോസിനെ അധിക്ഷേപിച്ച് എംഎം മണി
- Travel മംഗലാപുരത്ത് നിന്ന് രാമേശ്വരത്തേയ്ക്ക് നേരിട്ട് ട്രെയിൻ; പഴനി, മധുരൈ, കൊടൈക്കനാൽ യാത്രകൾ ഇനി എളുപ്പം
- Sports IPL 2024: രോഹിത് ഫാന്സ് അതിരുവിടുന്നോ? ഹാര്ദിക്കിന് ചിലത് പറയാനുണ്ട്! മുന്നറിയിപ്പോ?
- Lifestyle സ്ത്രീകളെ അപകടത്തിലാക്കും അണുബാധകള്: അറിയേണ്ടത് ഇതെല്ലാം
- Finance നിക്ഷേപത്തിന് ഉയർന്ന പലിശ വേണോ, നൽകാൻ പോസ്റ്റ് ഓഫീസ് റെഡിയാണ്, നോക്കുന്നോ
കുഷാഖിലൂടെ സ്കോഡയുടെ രാശിയും തെളിഞ്ഞു; കൂടുതൽ ഡീലർഷിപ്പുകൾ തേടിയെത്തുന്നു
കുഷാഖ് എസ്യുവി പുറത്തിറക്കിയതോടെ ചെക്ക് റിപ്പബ്ളിക്കൻ ബ്രാൻഡായ സ്കോഡയ്ക്കും ശോഭനീയമായ ഭാവിയാണ് ഇന്ത്യൻ വിണിയിൽ ഉണ്ടായിരിക്കുന്നത്. വാഹനം വമ്പൻ ഹിറ്റായതോടെ രാജ്യത്തെ സാന്നിധ്യം കൂടുതൽ വിപുലീകരിക്കാൻ തയാറെടുക്കുകയാണ് സ്കോഡ ഓട്ടോ ഇന്ത്യ.
കുഷാഖ് എസ്യുവിക്ക് രാജ്യത്തിന്റെ വിവിധ ഭാഗങ്ങളിൽ നിന്ന് മികച്ച പ്രതികരണം ലഭിച്ചതിനെത്തുടർന്ന് ഇന്ത്യയിലുടനീളം പുതിയ ഷോറൂമുകൾക്കായി കൂടുതൽ ആപ്ലിക്കേഷനുകൾ ബ്രാൻഡിനെ തേടിയെത്തുകയാണെന്ന് കമ്പനി ഔദ്യോഗികമായി പ്രഖ്യാപിക്കുകയും ചെയ്തു.
കുഷാഖിന്റെ അരങ്ങേറ്റത്തിന് ശേഷം പുതിയ ഡീലർഷിപ്പുകൾക്കായി 200 ലധികം ആപ്ലിക്കേഷൻ ലഭിച്ചതായി സ്കോഡ പ്രസ്താവനയിലൂടെയാണ് വ്യക്തമാക്കിയത്. 2021 ഓഗസ്റ്റോടെ വിൽപ്പനയും വിൽപ്പനാനന്തര സൗകര്യങ്ങളും ഉൾപ്പെടെ 170 ലധികം ഉപഭോക്തൃ ടച്ച്പോയിന്റുകളിൽ എത്തിച്ചേരാനാണ് കമ്പനി ലക്ഷ്യമിടുന്നത്.
അടുത്ത വർഷത്തോടെ ഇത് 225 കടക്കും. ജൂൺ 27 നാണ് മിഡ്-സൈസ് എസ്യുവി ശ്രേണിയിലേക്ക് സ്കോഡ കുഷാഖ് എത്തുന്നത്. 10.49 ലക്ഷം രൂപ പ്രാരംഭ വില നിശ്ചയിച്ചതോടെ ഹ്യുണ്ടായി ക്രെറ്റയ്ക്കും കിയ സെൽറ്റോസിനും ഒത്ത ബദലാകാനും ഈ യൂറോപ്യൻ മോഡലിന് സാധിച്ചു.
വിൽപ്പനയ്ക്ക് എത്തി ഒരാഴ്ചയ്ക്കുള്ളിൽ കുഷാഖിനായി രണ്ടായിരത്തിലധികം ബുക്കിംഗുകൾ ലഭിച്ച സ്കോഡ ഒരു മികച്ച തുടക്കത്തിലേക്കാണ് നീങ്ങിയതും. ഈ പുതിയ ഡീലർഷിപ്പുകളുടെ സഹായത്തോടെ രാജ്യത്ത് പുതിയ ഉൽപ്പന്നങ്ങൾ സമാരംഭിക്കുക, പുതിയ സേവനങ്ങൾ അവതരിപ്പിക്കുക, ഉപഭോക്തൃ കേന്ദ്രീകൃതത എന്നീ ത്രിമുഖ തന്ത്രങ്ങൾ സ്വീകരിക്കാനാണ് കമ്പനിയുടെ പദ്ധതി.
സ്കോഡ തങ്ങളുടെ സാന്നിധ്യം വർധിപ്പിക്കാൻ ഉദ്ദേശിക്കുന്ന 100 നഗരങ്ങളിൽ സാംഗ്ലി, ഭിൽവാര, ഫരീദാബാദ്, പഞ്ചകുല, നവസാരി, വാപ്പി, ഹാർഡോയി തുടങ്ങിയ ചെറിയ നഗരങ്ങളും ഉൾപ്പെടും.
പട്യാല, സിർസ, ഗാസിയാബാദ്, അൽവാർ, അലിഗഢ്, സിലിഗുരി, ഭാവ് നഗർ, സതാര, അഹമ്മദ്നഗർ, ബെൽഗാം, ഷിമോഗ, കണ്ണൂർ, അല്ലെപ്പി, ദിണ്ടിഗുൾ, കരൂർ, നെല്ലൂർ, ഭീമവാരം തുടങ്ങി 90 ലധികം നഗരങ്ങളിൽ ഇത് ബ്രാൻഡിന്റെ നിലവിലുള്ള സാന്നിധ്യം വർധിപ്പിക്കും.
എല്ലാ മെട്രോ, തലസ്ഥാന നഗരങ്ങൾക്കും പുറമെ ടയർ II-III നഗരങ്ങളിലും പുതിയ സെയിൽസ്, സർവീസ് കേന്ദ്രങ്ങളും സ്കോഡ ആരംഭിക്കും. ഇന്ത്യൻ വിപണിക്കായി മാത്രം സ്കോഡ തയാറാക്കിയ വാഹനമാണ് കുഷാഖ് എന്നതും ശ്രദ്ധേയമാണ്.
നിലവിൽ 1.0 ടിഎസ്ഐ, 1.5 ടിഎസ്ഐ പെട്രോൾ എഞ്ചിൻ ഓപ്ഷനുകളിലാണ് കുഷാഖ് എസ്യുവി വാഗ്ദാനം ചെയ്യുന്നത്. ഭാവിയിൽ എസ്യുവിയുടെ ഒരു മോണ്ടെ കാർലോ എഡിഷനും വിപണിയിൽ എത്തിയേക്കാം. നിലവിൽ ഇന്ത്യൻ ഉപഭോക്താക്കൾക്കായി ഒക്ടാവിയ, റാപ്പിഡ്, സൂപ്പർബ് സെഡാനുകളും സ്കോഡ വാഗ്ദാനം ചെയ്യുന്നുണ്ട്.