Just In
- 2 min ago എൻഫീൽഡിന്റെ വില്ലനാവാൻ ഓസ്ട്രിയൻ മുതലാളി, കിടിലൻ ബൈക്കുകളുമായി ബ്രിക്സ്റ്റൺ ഇന്ത്യയിലേക്ക്
- 31 min ago ഓഫ്റോഡറുകളുടെ രാജാവിൻ്റെ പുതിയമുഖം! 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ റിവ്യൂ വായിക്കാം
- 42 min ago ആക്ടിവ ഇവിയ്ക്ക് വെല്ലുവിളിയായി സുസുക്കി രംഗത്ത്; കട്ട കോംപറ്റീഷനായി ഇ -ആക്സസും അണിയറയിൽ
- 1 hr ago വിദേശത്ത് തരംഗമായി മെയിഡ് ഇന് ഇന്ത്യ കാറുകള്! ജപ്പാനില് എലിവേറ്റ് വാങ്ങാൻ അപ്രതീക്ഷിത തള്ളിക്കയറ്റം
Don't Miss
- Sports IPL 2024: സഞ്ജുവിന്റെ വിക്കറ്റ് ഞാനും നേടിയിട്ടുണ്ട്, അന്ന് അവന് 16 വയസ്; ഓര്മ പുതുക്കി അക്രം
- Finance 15x15x15 - കോടിപതിയാകാൻ ഒരു സൂത്രവാക്യം
- Movies മൂപ്പര്ക്ക് ആരെയും ഒന്നിനെയും പേടിയില്ല! മോഹന്ലാലില് നിന്നും ഇനിയും അത്ഭുതം പ്രതീക്ഷിക്കാമെന്ന് ഹരീഷ് പേരടി
- Lifestyle മേയ് 2024: ഭാഗ്യ സംഖ്യകളില് ജീവിതം രക്ഷപ്പെടുന്നവര്
- News അനധികൃത ഐപിഎൽ സ്ട്രീമിംഗ് കേസ്; നടി തമന്നയ്ക്ക് നോട്ടീസ്, ചോദ്യം ചെയ്യലിന് ഹാജരാകാൻ നിർദ്ദേശം
- Technology കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ശ്രേണിയില് കരുത്ത് തെളിയിച്ച് കുഷാഖ്; ആദ്യ ആഴ്ചയിലെ ബുക്കിംഗ് കണക്കുകള് പുറത്ത്
കഴിഞ്ഞയാഴ്ചയാണ് ചെക്ക് നിര്മാതാക്കളായ സ്കോഡ, കുഷാഖിനെ ഇന്ത്യന് വിപണിയില് വില്പ്പനയ്ക്ക് എത്തിക്കുന്നത്. ഹ്യുണ്ടായി ക്രെറ്റ, കിയ സെല്റ്റോസ്, ടാറ്റ ഹാരിയര് എന്നിവരുടെ എതിരാളിയായിട്ടാണ് വാഹനം വിപണിയില് എത്തിയിരിക്കുന്നത്.
വിപണിയില് എത്തി ഏകദേശം ഒരാഴ്ച പിന്നിടുമ്പോള് മിഡ്-സൈസ് എസ്യുവിക്ക് വലിയ സ്വീകാര്യതയാണ് ലഭിക്കുന്നതെന്നാണ് റിപ്പോര്ട്ട്. പുറത്തുവരുന്ന റിപ്പോര്ട്ട് അനുസരിച്ച് വാഹനത്തിന് ഇതുവരെ രണ്ടായിരത്തിലധികം ബുക്കിംഗുകള് ലഭിച്ചുവെന്നാണ് കണക്കുകള്.
1.0 ലിറ്റര് TSI എഞ്ചിനാണ് കുഷാഖില് വാഗ്ദാനം ചെയ്യുന്നത്. 6 സ്പീഡ് മാനുവല്, ഓട്ടോമാറ്റിക് എന്നിങ്ങനെയാണ് ഗിയര്ബോക്സ് ഓപ്ഷനുകള്. കൂടുതല് ശക്തമായ 1.5 ലിറ്റര് TSI ഫോര് സിലിണ്ടര് ടര്ബോചാര്ജ്ഡ് പെട്രോള് എഞ്ചിന് ഈ മാസം വിപണിയില് എത്തുമെന്നാണ് പ്രതീക്ഷിക്കുന്നത്.
പ്രാരംഭ പതിപ്പിന് 10.50 ലക്ഷം രൂപ എക്സ്ഷോറൂം വില ആരംഭിക്കുമ്പോള് 1.5 ലിറ്റര് എഞ്ചിന്, 7 സ്പീഡ് DST ഓട്ടോമാറ്റിക് ട്രാന്സ്മിഷന് ഉള്ള ടോപ്പ് എന്ഡ് വേരിയന്റിന് 17.60 ലക്ഷം രൂപയോളമാണ് എക്സ്ഷോറൂം വില.
വളരെ വൈവിധ്യമാര്ന്ന MQB A0 IN പ്ലാറ്റ്ഫോമിനെ അടിസ്ഥാനമാക്കിയാണ് സ്കോഡ കുഷാഖിനെ നിര്മിച്ചിരിക്കുന്നത്. പ്രാഥമികമായി ഇന്ത്യന് കാര് വിപണിയില് രൂപകല്പ്പന ചെയ്ത് വികസിപ്പിച്ചെടുത്തിട്ടുണ്ട്. വില പിടിച്ച് നിര്ത്തുക എന്ന ലക്ഷ്യത്തോടെയാണ് വാഹനത്തെ കൂടുതല് പ്രാദേശികവല്ക്കരിച്ച് പ്ലാറ്റ്ഫോമില് നിര്മ്മിച്ചിരിക്കുന്നത്.
ടോറാന്ഡോ റെഡ് മെറ്റാലിക്, കാന്ഡി വൈറ്റ്, ബ്രില്യന്റ് സില്വര്, കാര്ബണ് സ്റ്റീല് മെറ്റാലിക്, ഹണി ഓറഞ്ച് മെറ്റാലിക് എന്നീ അഞ്ച് കളര് ഓപ്ഷനുകളില് വാഗ്ദാനം ചെയ്യുന്ന കുഷാഖ് സവിശേഷതകളുടെ കാര്യത്തിലും മുന്നില് തന്നെയാണ്.
വാഹനത്തിന് പുറത്തുനിന്നുള്ള പ്രീമിയം രൂപവും ഭാവവും നല്കുന്നതിന് ക്രോം ധാരാളമായി ഉപയോഗിക്കുന്ന ശക്തമായ നിലപാടാണ് കുഷാഖ് അവതരിപ്പിക്കുന്നത്. ഓള്റൗണ്ട് ബോഡി ക്ലാഡിംഗ് കുഷാഖിന്റെ എസ്യുവി രൂപം വര്ദ്ധിപ്പിക്കുന്നു.
സ്കോഡയുടെ ബട്ടര്ഫ്ലൈ ഗ്രില്, എല്ഇഡി ഹെഡ്ലാമ്പുകള്, എല്ഇഡി ടെയില് ലാമ്പുകള്, 17 ഇഞ്ച് ഡ്യുവല്-ടോണ് അലോയ് വീലുകള്, റൂഫ് റെയിലുകള്, ഫോക്സ് സ്കിഡ് പ്ലേറ്റുകള്, സംയോജിത റൂഫ് സ്പോയിലര് എന്നിവ പുറമെയുള്ള സവിശേഷതകളാണ്.
നിരവധി സവിശേഷതകള് കുഷാഖിന്റെ അകത്തളത്തെയും മനോഹരമാക്കുന്നു. പിയാനോ-ബ്ലാക്ക് ഉള്പ്പെടുത്തലുകളുള്ള ഒരു മള്ട്ടി-ലെയര് ഡിസൈന് ഡാഷ്ബോര്ഡിന്റെ മനോഹാരിത വര്ധിപ്പിക്കുന്നു. ഒക്ടാവിയായില് കാണുന്ന അതേ 2-സ്പോക്ക് സ്റ്റിയറിംഗ് വീല് ഡിസൈന് കുഷാഖിനും ലഭിക്കുന്നു.
10.1 ഇഞ്ച് ഇന്ഫോടെയ്ന്മെന്റ് സ്ക്രീന്, സെമിഡിജിറ്റല് സെമി-ഡിജിറ്റല് ഇന്സ്ട്രുമെന്റ് ക്ലസ്റ്റര്, സ്റ്റിയറിംഗ് മൗണ്ട് ചെയ്ത നിയന്ത്രണങ്ങള്, വെന്റിലേറ്റഡ് സീറ്റുകള്, ക്ലൈമറ്റ് കണ്ട്രോള്, വയര്ലെസ് ചാര്ജര്, പിന് എസി വെന്റുകള്, ഇലക്ട്രിക് സണ്റൂഫ്, 6-സ്പീക്കര് സ്കോഡ ഓഡിയോ സിസ്റ്റം, സ്വമേധയാ ക്രമീകരിക്കാവുന്ന ഡ്രൈവര് സീറ്റ് എന്നിവ അകത്തളത്തെ സവിശേഷതകളാണ്.
സുരക്ഷയുടെ കാര്യത്തിലും ഒട്ടും പിന്നിലല്ല വാഹനം. എല്ലാ വകഭേദങ്ങള്ക്കും ഡ്യുവല് എയര്ബാഗുകള്, എബിഎസ്, ഇലക്ട്രോണിക് സ്റ്റെബിലിറ്റി കണ്ട്രോള് (ESC) എന്നിവ സ്റ്റാന്ഡേഡായി ലഭിക്കുന്നു.
Source: Autocarindia