Just In
- 6 min ago എൻഫീൽഡിന്റെ വില്ലനാവാൻ ഓസ്ട്രിയൻ മുതലാളി, കിടിലൻ ബൈക്കുകളുമായി ബ്രിക്സ്റ്റൺ ഇന്ത്യയിലേക്ക്
- 35 min ago ഓഫ്റോഡറുകളുടെ രാജാവിൻ്റെ പുതിയമുഖം! 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ റിവ്യൂ വായിക്കാം
- 47 min ago ആക്ടിവ ഇവിയ്ക്ക് വെല്ലുവിളിയായി സുസുക്കി രംഗത്ത്; കട്ട കോംപറ്റീഷനായി ഇ -ആക്സസും അണിയറയിൽ
- 1 hr ago വിദേശത്ത് തരംഗമായി മെയിഡ് ഇന് ഇന്ത്യ കാറുകള്! ജപ്പാനില് എലിവേറ്റ് വാങ്ങാൻ അപ്രതീക്ഷിത തള്ളിക്കയറ്റം
Don't Miss
- Technology ഇനി ഡാഷ് ക്യാം വാങ്ങേണ്ട! പഴയ ഫോൺ ഉണ്ടെങ്കിൽ എല്ലാം സെറ്റ്!
- Sports IPL 2024: സഞ്ജുവിന്റെ വിക്കറ്റ് ഞാനും നേടിയിട്ടുണ്ട്, അന്ന് അവന് 16 വയസ്; ഓര്മ പുതുക്കി അക്രം
- Finance 15x15x15 - കോടിപതിയാകാൻ ഒരു സൂത്രവാക്യം
- Movies മൂപ്പര്ക്ക് ആരെയും ഒന്നിനെയും പേടിയില്ല! മോഹന്ലാലില് നിന്നും ഇനിയും അത്ഭുതം പ്രതീക്ഷിക്കാമെന്ന് ഹരീഷ് പേരടി
- Lifestyle മേയ് 2024: ഭാഗ്യ സംഖ്യകളില് ജീവിതം രക്ഷപ്പെടുന്നവര്
- News അനധികൃത ഐപിഎൽ സ്ട്രീമിംഗ് കേസ്; നടി തമന്നയ്ക്ക് നോട്ടീസ്, ചോദ്യം ചെയ്യലിന് ഹാജരാകാൻ നിർദ്ദേശം
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
അടുത്ത തലമുറ വിറ്റാര എസ്യുവി ഉടൻ വെളിപ്പെടുത്താനൊരുങ്ങി സുസുക്കി
ജാപ്പനീസ് വാഹന നിർമാതാക്കളായ സുസുക്കി അടുത്ത പുതുതലമുറ വിറ്റാര എസ്യുവിക്ക് ഫിനിഷിംഗ് ടച്ചുകൾ നൽകുകയാണെന്നാണ് റിപ്പോർട്ടുകൾ സൂചിപ്പിക്കുന്നത്.
അതിവേഗം വളരുന്ന കോംപാക്ട് എസ്യുവി വിഭാഗത്തിൽ മികച്ച രീതിയിൽ മത്സരിക്കുന്നതിന് സമഗ്രമായ മാറ്റങ്ങളും വിശാലമായ അപ്ഡേറ്റുകളും പുതിയ മോഡലിന് ലഭിക്കും.
ഒക്ടോബറിൽ പുതിയ വിറ്റാര പുറത്തിറക്കുമെന്ന് റിപ്പോർട്ട് അവകാശപ്പെടുന്നു, ആഗോള തലത്തിൽ വാഹനത്തിന്റെ വിൽപ്പന വർഷാവസാനത്തോടെയോ 2022 -ന്റെ തുടക്കത്തിലോ ആരംഭിക്കുമെന്ന് പ്രതീക്ഷിക്കുന്നു.
2022 സുസുക്കി വിറ്റാര ഔട്ട്ഗോയിംഗ് മോഡലിനെക്കാൾ വളരെ ബോൾഡ് രൂപം സ്വീകരിക്കും. അന്താരാഷ്ട്ര വിപണിയിൽ, പുതിയ വിറ്റാര കിയ സെൽറ്റോസ്, ഹ്യുണ്ടായി കോന, ടൊയോട്ട C-HR തുടങ്ങിയവയുമായി മത്സരിക്കും.
2021 -ൽ യൂറോപ്പിൽ അവതരിപ്പിക്കാൻ പോകുന്ന മൂന്ന് പുതിയ മോഡലുകളിൽ ഒന്നായിരിക്കും പുതിയ വിറ്റാര. മറ്റ് രണ്ട് മോഡലുകളിൽ പുതിയ ജിംനിയും ജിംനി എസ്യുവിയുടെ LWB പതിപ്പും ഉൾപ്പെടും.
2022 സുസുക്കി വിറ്റാര വലുപ്പത്തിൽ വളരും, കൂടാതെ ഔട്ട്ഗോയിംഗ് മോഡലിനേക്കാൾ ഉയരവും വീതിയും നീളവുമുള്ളതായിരിക്കും. കൂടുതൽ റാകിഷ് സിലൗറ്റ്, കൂടുതൽ പ്രമുഖ ലൈനുകൾ, വലുതും ആക്രമണാത്മകവുമായ ഗ്രില്ല് എന്നിവയുമായാണ് ഇത് വരുന്നത്.
എതിരാളികളോട് നന്നായി മത്സരിക്കുന്നതിന് ക്യാബിനും വലിയ മാറ്റങ്ങൾ ലഭിക്കുമെന്ന് പ്രതീക്ഷിക്കുന്നു. പുതിയ മൾട്ടിമീഡിയ സിസ്റ്റവും, ഒരു വലിയ ടച്ച്സ്ക്രീൻ ഡിസ്പ്ലേയും നേടാൻ സാധ്യതയുണ്ട്. പുതിയ ഡിജിറ്റൽ ഇൻസ്ട്രുമെന്റ് കൺസോൾ, വയർലെസ് ചാർജിംഗ് സിസ്റ്റം, മെച്ചപ്പെട്ട മെറ്റീരിയൽ നിലവാരം എന്നിവയും എസ്യുവിക്ക് ലഭിക്കുമെന്ന് പ്രതീക്ഷിക്കുന്നു.
നിലവിലുള്ള മോണോകോക്ക് പ്ലാറ്റ്ഫോമിലെ പരിഷ്കരിച്ച പതിപ്പിനെ അടിസ്ഥാനമാക്കിയായിരിക്കും പുതിയ വിറ്റാര ഒരുങ്ങുന്നത്, ഇത് കൂടുതൽ ക്യാബിൻ, കാർഗോ സ്പെയിസുകളും സൃഷ്ടിക്കാൻ സുസുക്കി എഞ്ചിനീയർമാരെ അനുവദിക്കും.
എന്നിരുന്നാലും, നിലവിലുള്ള 2,500 mm വീൽബേസ് എസ്യുവി നിലനിർത്തുമെന്ന് മാധ്യമ റിപ്പോർട്ടുകൾ സൂചിപ്പിക്കുന്നു. തെരഞ്ഞെടുത്ത വിപണികളിൽ എസ്-ക്രോസ് ക്രോസ്ഓവറിന് അടിവരയിടുന്ന സുസുക്കിയുടെ പുതിയ HEARTECT പ്ലാറ്റ്ഫോമിലായിരിക്കും വാഹനം നിർമ്മിക്കുന്നതെന്ന് പ്രതീക്ഷിക്കുന്നു.
എന്നിരുന്നാലും, അത്യാവശ്യ ഇലക്ട്രിക് ഉപകരണങ്ങളും ആധുനിക കണക്റ്റിവിറ്റി സവിശേഷതകളും ഉൾക്കൊള്ളുന്നതിനായി പ്ലാറ്റ്ഫോം വീണ്ടും എഞ്ചിനീയറിംഗ് ചെയ്യും.
1.4 ലിറ്റർ നാല് സിലിണ്ടർ ടർബോചാർജ്ഡ് പെട്രോൾ എഞ്ചിനാണ് 2022 സുസുക്കി വിറ്റാരയുടെ ഹൃദയം. നിലവിലെ മോഡലിലും ഇതേ യൂണിറ്റ് വാഗ്ദാനം ചെയ്യുന്നു. ഓപ്ഷണൽ ഓൾഗ്രിപ്പ് ഓൾ-വീൽ ഡ്രൈവ് സിസ്റ്റവും സ്റ്റാൻഡേർഡായി ഒരു ഫ്രണ്ട്-വീൽ ഡ്രൈവ് ലേയൗട്ടും ഈ എഞ്ചിന് ലഭിക്കുമെന്ന് പ്രതീക്ഷിക്കുന്നു.
10 കിലോവാട്ട് ഇലക്ട്രിക് മോട്ടോർ, 48 വോൾട്ട് ബാറ്ററികൾ, മെച്ചപ്പെട്ട ഇന്ധനക്ഷമതയ്ക്കായി റീജനറേറ്റീവ് ബ്രേക്കിംഗ് സിസ്റ്റം എന്നിവ ഉൾപ്പെടുന്ന മൈൽഡ് ഹൈബ്രിഡ് ടെക്കും ഈ എഞ്ചിനൊപ്പം ലഭ്യമാകും.
എൻട്രി ലെവൽ വേരിയന്റുകളിൽ 1.0 ലിറ്റർ മൂന്ന് സിലിണ്ടർ ടർബോചാർജ്ഡ് പെട്രോൾ എഞ്ചിൻ ഉൾപ്പെടുത്താം. പുതിയ വിറ്റാരയ്ക്കായി ടൊയോട്ടയുടെ സമ്പൂർണ്ണ ഹൈബ്രിഡ് സംവിധാനം സുസുക്കിക്ക് ലഭ്യമാക്കുമെന്ന് മാധ്യമ ഊഹാപോഹങ്ങൾ സൂചിപ്പിക്കുന്നു, എന്നിരുന്നാലും ഔദ്യോഗിക പ്രഖ്യാപനം ഇനിയും നടന്നിട്ടില്ല.
ഇന്ത്യയിൽ, അടുത്ത തലമുറ സുസുക്കി വിറ്റാര എത്താൻ സാധ്യതയില്ല. പകരം, ഹ്യുണ്ടായി ക്രെറ്റ, കിയ സെൽറ്റോസ്, ഫോക്സ്വാഗണ് ടൈഗൂൺ, സ്കോഡ കുഷാഖ്, എംജി ആസ്റ്റർ എന്നിവയുൾപ്പെടെ വരാനിരിക്കുന്ന മിഡ്-സൈസ് എസ്യുവികളുമായി മത്സരിക്കാൻ MSIL -ഉം ടൊയോട്ടയും സംയുക്തമായി ഒരു ഇടത്തരം എസ്യുവി വികസിപ്പിക്കുന്നു.
ടൊയോട്ടയുടെ DNGA പ്ലാറ്റ്ഫോമിനെ അടിസ്ഥാനമാക്കിയുള്ളതാണ് പുതിയ എസ്യുവി, അത് ടൊയോട്ട റൈസ്, ഡൈഹത്സു റോക്കി എന്നിവയ്ക്ക് അടിവരയിടുന്നു.