Just In
- 12 min ago എടാ മോനെ! ഇത് സൺറൂഫ് അല്ല സ്കൈറൂഫ്; ബെസ്റ്റ് ഇൻ സെഗ്മെന്റ് ഫീച്ചറുകൾ വാരി വിതറി XUV3XO
- 44 min ago സ്കോർപിയോ വാങ്ങാൻ വരട്ടെ, ഹ്യുണ്ടായി അടുത്തതായി അവതരിപ്പിക്കുന്നത് കിടിലൻ 7 സീറ്റർ എസ്യുവി
- 2 hrs ago ഇന്ത്യയ്ക്ക് സീൽ ഒരു ഡീലോ? തുടക്കക്കാർക്ക് ഉള്ളതല്ല BYD -യുടെ പുത്തൻ ഇവി; കാര്യങ്ങൾ ഇങ്ങനെ
- 17 hrs ago മോഡിഫൈ ചെയ്യുന്നതൊക്കെ നിങ്ങളുടെ ഇഷ്ടം, ഇൻഷുറൻസിൻ്റെ കാര്യത്തിൽ എട്ടിൻ്റെ പണി കിട്ടാതെ നോക്കണേ
Don't Miss
- News സൗദി അറേബ്യക്ക് ഇന്ത്യയില് മാത്രമല്ല, ചൈനയിലും വന് തിരിച്ചടി: കാര്യങ്ങള് ഏറ്റവും മോശമായ നിലയില്
- Technology ഒരു വർഷം പഴയതാണെന്നുകരുതി പുലി പുലിയല്ലാതാകുമോ! ഈ കിടിലൻ വൺപ്ലസ് ഫോണിന് 6000 രൂപ ഡിസ്കൗണ്ട്
- Sports IPL 2024: കോലി വിവാദം, പിന്നീട് അംപയറോടു ഗംഭീര് കലിപ്പ് കാണിച്ചതെന്തിന്? ഇതാ കാരണം
- Finance വീണ്ടും താഴോട്ടിറങ്ങി സ്വർണവില, മൂന്ന് ദിവസത്തിനിടെ കുറഞ്ഞത് 440 രൂപയോളം, ഇന്നത്തെ നിരക്കറിയാം
- Lifestyle ഭര്ത്താവ് നിര്ബന്ധിച്ചാലും ഭാര്യ ഈ 5 കാര്യം ചെയ്യരുത്; വിട്ടുവീഴ്ച ചെയ്താല് അടിമയായി ജീവിതം
- Movies സിബിനും ജിന്റോയും എപ്പോള് വേണമെങ്കിലും റെഡ് കാര്ഡ് വാങ്ങി പുറത്ത് പോകാം! വിന്നറിനെ പറ്റി സോഷ്യല് മീഡിയ
- Travel വോട്ട് ചെയ്യാൻ നാട്ടിൽ വരാം, ബെംഗളുരുവിൽ നിന്ന് ഏപ്രിൽ 25ന് സ്പെഷ്യൽ ബസ്, സമയവും റൂട്ടും
ടാറ്റയുടെ നേട്ടങ്ങളിൽ ഒരു പൊൻ തൂവൽ; ഇന്ത്യ ബുക്ക് ഓഫ് റെക്കോർഡ്സിൽ ഇടംപിടിച്ച് ആൾട്രോസ്
ടാറ്റ ആൾട്രോസ് ഇന്ത്യ ബുക്ക് ഓഫ് റെക്കോർഡ്സിൽ ഇടം പിടിച്ചു. 24 മണിക്കൂറിനുള്ളിൽ 1,603 കിലോമീറ്റർ ദൂരം പിന്നിട്ടാണ് പ്രീമിയം ഹാച്ച്ബാക്ക് റെക്കോർഡ് ബുക്കിൽ സ്ഥാനം നേടിയത്.
ടാറ്റ ആൾട്രോസ് ഉടമയായ ദേവ്ജീത് സാഹയാണ് തന്റെ കാറിൽ റെക്കോർഡ് റൺ കൈവരിച്ചത്. പൂനെ സ്വദേശിയായ സാഹ, സതാരയ്ക്കും ബെംഗളൂരുവിനുമിടയിലാണ് 24 മണിക്കൂർ റൗണ്ട് ട്രിപ്പ് പൂർത്തിയാക്കിയത്.
ഡിസംബർ 15 -ന് യാത്ര ആരംഭിച്ച അദ്ദേഹം അടുത്ത ദിവസം ഇത് പൂർത്തിയാക്കി. വാഹനം പെട്രോളാണോ ഡീസൽ വേരിയന്റാണോ എന്ന് ഞങ്ങൾക്ക് ഉറപ്പില്ല. ഈ വർഷം ആദ്യം പുറത്തിറക്കിയ മോഡലായതിനാൽ ഇത് ടർബോ-പെട്രോൾ പതിപ്പ് ആവാൻ വഴിയില്ല.
ഈ സുപ്രധാന യാത്ര നടത്താൻ അവസരം ലഭിച്ചതിൽ താൻ സന്തുഷ്ടനാണ്, കൂടാതെ ഇന്ത്യാ ബുക്ക് ഓഫ് റെക്കോർഡ്സിൽ ഇടം നേടിയതിൽ താൻ അഭിമാനിക്കുന്നു എന്ന് ദേവ്ജീത് സാഹ പറഞ്ഞു.
ആൾട്രോസും ടാറ്റ മോട്ടോർസിലെ വിശ്വസ്തരായ ടീമും ഇല്ലായിരുന്നെങ്കിൽ ഈ നേട്ടം സാധ്യമാകുമായിരുന്നില്ല എന്ന് അദ്ദേഹം വ്യക്തമാക്കി.
ഈ നീണ്ട യാത്രയിലെ അസാധാരണമായ പ്രകടനത്തിലൂടെ, ക്ലാസ് നിർവചിക്കുന്ന ഉൽപ്പന്നമാണ് ആൾട്രോസ് എന്നത് വീണ്ടും ഊന്നി പറയുന്നു. കാറിന്റെ റൈഡ്, ഹാൻഡ്ലിംഗ് എന്നിവ യാത്രയെ സുഖകരവും സന്തോഷകരവുമാക്കി.
ഇന്ത്യ ബുക്ക് ഓഫ് റെക്കോർഡ്സ് 2006 മുതൽ രാജ്യത്തെ എല്ലാ റെക്കോർഡുകളുടെയും ഒരു ട്രാക്ക് സൂക്ഷിക്കുന്നു. വിയറ്റ്നാം, മലേഷ്യ, യുഎസ്എ, നേപ്പാൾ, ഇന്തോനേഷ്യ, ബംഗ്ലാദേശ്, തായ്ലൻഡ് എന്നീ ഏഴ് രാജ്യങ്ങളിൽ നിന്നുള്ള ചീഫ് എഡിറ്റർമാരുള്ള ഏക ബുക്കാണിത്. എന്നാൽ ഇതിന്റെ സ്ഥിരീകരണ പ്രക്രിയ വ്യക്തമല്ല.
ഇത്തരത്തിലൊരു റെക്കോർഡ് കൈവരിച്ചതിന് ശ്രീ. ദേവ്ജീത് സാഹയെ അഭിനന്ദിക്കാൻ താൻ ആഗ്രഹിക്കുന്നു എന്ന് ഈ നേട്ടത്തെക്കുറിച്ച് ടാറ്റ മോട്ടോർസ് പാസഞ്ചർ വെഹിക്കിൾസ് ബിസിനസ് യൂണിറ്റ് ഹെഡ് വിവേക് ശ്രീവാത്സ പറഞ്ഞു.
തുടക്കം മുതൽ, ആൾട്രോസ് അതിന്റെ ആകർഷകമായ രൂപകൽപ്പന, മികച്ച സുരക്ഷ, ആവേശകരമായ പ്രകടനം എന്നിവയിലൂടെ സെഗ്മെന്റുകളിൽ പുതിയ മാനദണ്ഡങ്ങൾ സൃഷ്ടിച്ചു.
ഈ അപൂർവ നാഴികക്കല്ല് നേടുന്നതിനായി ദീർഘദൂര യാത്രക്കായി സാഹാ തന്റെ കൂട്ടാളിയായി ആൾട്രോസിനെ തിരഞ്ഞെടുത്തതിൽ തങ്ങൾക്ക് സന്തോഷമുണ്ട്.
ഈ നേട്ടത്തിലൂടെ, പാസഞ്ചർ വാഹന വിഭാഗത്തിൽ ആൾട്രോസ് മറ്റൊരു മാനദണ്ഡം സൃഷ്ടിച്ചു, ഇതുപോലുള്ള നേട്ടങ്ങളിലൂടെ, തങ്ങളുടെ ഉപഭോക്താക്കളിൽ വിശ്വാസം വളർത്തിയെടുക്കാൻ കമ്പനി ആഗ്രഹിക്കുന്നു.
മാരുതി സുസുക്കി ബലേനോ, ഹ്യുണ്ടായി i20 എന്നിവയുമായി മത്സരിക്കുന്ന പ്രീമിയം ഹാച്ച്ബാക്കാണ് ടാറ്റ ആൾട്രോസ്. 1.2 ലിറ്റർ നാച്ചുറലി ആസ്പിറേറ്റഡ് പെട്രോൾ, 1.2 ലിറ്റർ ടർബോചാർജ്ഡ് പെട്രോൾ, 1.5 ലിറ്റർ ടർബോചാർജ്ഡ് ഡീസൽ എന്നിങ്ങനെ മൂന്ന് എഞ്ചിൻ ഓപ്ഷനുകൾ ആൾട്രോസ് വാഗ്ദാനം ചെയ്യുന്നു.
ആൾട്രോസിന് ടാറ്റ ഇതുവരെ ഒരു ഓട്ടോമാറ്റിക് ട്രാൻസ്മിഷൻ വാഗ്ദാനം ചെയ്തിട്ടില്ല. എന്നിരുന്നാലും, കമ്പനി ആൾട്രോസിന്റെ ഒരു DCT പതിപ്പിൽ പ്രവർത്തിക്കുന്നു, അത് വരും മാസങ്ങളിൽ സമാരംഭിക്കാൻ സാധ്യതയുണ്ട്.
ടാറ്റ ഉടൻ തന്നെ പുതിയ സഫാരിയും ഇന്ത്യൻ വിപണിയിൽ അവതരിപ്പിക്കും, കൂടാതെ നിർമ്മാതാക്കളുടെ അടുത്ത വലിയ ലോഞ്ച് HBX -ന്റെ പ്രൊഡക്ഷൻ പതിപ്പായിരിക്കും. ബ്രാൻഡ് ഈ വർഷാവസാനം ആൾട്രോസിന്റെ ഇലക്ട്രിക് പതിപ്പും പുറത്തിറക്കാൻ സാധ്യതയുണ്ട്.