കരുത്തുറ്റ ആൾട്രോസ് ഐ-ടർബോ; ആദ്യ ഡ്രൈവ് വീഡിയോ

പുതിയ ഫീച്ചറുകൾ, കണക്റ്റഡ് സാങ്കേതികവിദ്യ, ഡ്രൈവിംഗ് മോഡുകൾ എന്നിവയുൾപ്പെടെ നിരവധി മാറ്റങ്ങളുമായിട്ടാണ് ടാറ്റ ആൾട്രോസ് ഐ-ടർബോ ഹാച്ച് ഇപ്പോൾ എത്തുന്നത്.

ഞങ്ങൾക്ക് അടുത്തിടെ ടാറ്റ ആൾട്രോസ് ഐ-ടർബോ പെട്രോൾ ഹാച്ച്ബാക്ക് ഓടിക്കാൻ അവസരം ലഭിച്ചു, കരുത്തുറ്റ പ്രീമിയം ഹാച്ച്ബാക്കിനൊപ്പം ചെലവഴിക്കാൻ കുറച്ച് സമയമെ ലഭിച്ചുള്ളൂ എങ്കിലും ഇതിനുള്ളിൽ വാഹനം ഞങ്ങളെ പൂർണ്ണമായും ആകർഷിച്ചു. പുതിയ ടാറ്റ ആൾട്രോസ് ഐ-ടർബോയെക്കുറിച്ചുള്ള ഞങ്ങളുടെ അഭിപ്രായങ്ങളും അനുഭവങ്ങളും ചുവടെയുള്ള വീഡിയോയിൽ പങ്കുവെക്കുന്നു.

പുതിയ ടർബോചാർജ്ഡ് പെട്രോൾ സ്റ്റാൻഡേർഡ് മോഡലിൽ നിന്ന് വേർതിരിച്ചറിയാനുള്ള ഏക മാർഗം ബൂട്ട്-ലിഡിന്റെ ചുവടെ വലതുവശത്തുള്ള ‘ഐ-ടർബോ' ബാഡ്‌ജിംഗാണ്. പ്രീമിയം ഹാച്ച്ബാക്കിന്റെ സ്റ്റൈലിംഗിന് ശരിക്കും അനുയോജ്യമായ ‘ഹാർബർ ബ്ലൂ' എന്ന പുതിയ നിറവും ടർബോ പെട്രോൾ വേരിയന്റിൽ ടാറ്റ മോട്ടോർസ് അവതരിപ്പിച്ചു.

XT, XZ, XZ+ എന്നിങ്ങനെ മൂന്ന് വേരിയന്റുകളിൽ വരുന്ന ടാറ്റ ആൾട്രോസ് ഐ-ടർബോയ്ക്ക് 1.2 ലിറ്റർ മൂന്ന് സിലിണ്ടർ ടർബോ-പെട്രോൾ എഞ്ചിനാണ് ശക്തി പകരുന്നത്. ഇത് 5500 rpm -ൽ 108 bhp കരുത്തും 1500-5500 rpm -ൽ 140 Nm torque ഉം ഉത്പാദിപ്പിക്കുന്നു. ഇത് ഒരു സാധാരണ അഞ്ച് സ്പീഡ് മാനുവൽ ഗിയർബോക്സുമായി യൂണിറ്റ് ഇണചേരുന്നു.