Just In
- 35 min ago 20 വര്ഷത്തിന് ശേഷം ലംബോര്ഗിനി മാറ്റിയ ലോഗോ കണ്ടോ? ഒരമ്മ പെറ്റ അളിയന്മാരെന്നേ പറയൂ...
- 1 hr ago പുതിയത് അങ്ങനെയാരും വാങ്ങുന്നില്ല, പക്ഷേ സെക്കൻഡ് ഹാൻഡ് വിപണിയിൽ ഈ കാർ വാങ്ങാൻ ലേഡീസിന്റെ കൂട്ടിയിടി
- 2 hrs ago വൈബ്രേഷനില്ലാതെ കംഫര്ട്ട് ഓഫ്റോഡിംഗ്! ഇന്ത്യ കാത്തിരുന്ന അഡ്വഞ്ചര് ബൈക്കിന്റെ വില പ്രഖ്യാപിച്ച് സുസുക്കി
- 2 hrs ago ഉഷ്ണം ഉച്ചിയിൽ അടിക്കേണ്ട! കൊടും ചൂടിൽ ഓട്ടോമാറ്റിക് എസിയുമായി വരുന്ന ബജറ്റ് എസ്യുവികൾ ഇവയൊക്കെ
Don't Miss
- Movies മരുന്നിന് വേണം അത്രയും കാശ്, ബസോ ലോറിയോ കിട്ടിയാല് അതും ഓടിക്കും, കിഷോര് പറയുന്നു
- Lifestyle ആഗ്രഹങ്ങളും ലക്ഷ്യങ്ങളും സാധിക്കും; ഈ സൂര്യ ഗ്രഹണം അതിനുള്ള അപൂര്വ്വ അവസരം
- Technology കൈയിലെ ചെറുവിരലിന് ഒരു വളവ് ഉണ്ടോ എന്ന് നോക്കൂ! ഭയപ്പെടുത്തി 'ഐഫോൺ ഫിംഗർ', വീഡിയോ ഇതാ
- Finance എസ്ബിഐ അടക്കം മൂന്ന് ഓഹരികൾ വാങ്ങാം, നേട്ടം 25% വരെയാണ്, കൂടെക്കൂട്ടുന്നോ...
- News 'ചതിച്ചല്ലോ പൊന്നേ'; ഹൃദയം തകർത്ത് സ്വർണ വില, പവന് അരലക്ഷം തൊട്ടു, വില വിവരങ്ങൾ ഇങ്ങനെ
- Sports IPL 2024: ജ്യോത്സ്യനാണോ? ഒരു ഓവറില് നാല് സിക്സ് അടിക്കുമെന്ന് പ്രവചിച്ച പരാഗ്; പഴയ ട്വീറ്റ് കുത്തിപ്പൊക്കി
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
ഔദ്യോഗിക ഗാനത്തോടെ Punch -ന്റെ പുത്തൻ TVC പങ്കുവെച്ച് Tata
ടാറ്റ മോട്ടോർസ് ഈയിടെ 5.49 ലക്ഷം രൂപ എക്സ്-ഷോറൂം വിലയിൽ പഞ്ച് മൈക്രോ എസ്യുവി പുറത്തിറക്കി. ബുക്കിംഗിലെ ഡാറ്റ വെളിപ്പെടുത്താതെ, ടാറ്റ തങ്ങൾക്ക് പഞ്ചിൽ ഇതുവരെ ഏറ്റവും കൂടുതൽ ബുക്കിംഗ് ലഭിച്ചതായി പരാമർശിച്ചു.
പഞ്ചിന് ഒരു ഔദ്യോഗിക ഗാനത്തോടെ ടാറ്റ ഇപ്പോൾ ഒരു പുതിയ പ്രമോഷണൽ വീഡിയോ പുറത്തിറക്കിയിരിക്കുകയാണ്. പുതിയ ടാറ്റ പഞ്ച് TVC വാഹനത്തെ വിവിധ ഭൂപ്രദേശങ്ങളിലും രാജ്യത്തിന്റെ വിവിധ ഭാഗങ്ങളിലും കാണിക്കുന്നു.
ഈ വിഭാഗത്തിലെ ഏറ്റവും കഴിവുള്ള വാഹനമാണ് ഏറ്റവും പുതിയ ടാറ്റ പഞ്ച്. പഞ്ച് മാരുതി സുസുക്കി ഇഗ്നിസ്, മഹീന്ദ്ര KUV100 NXT എന്നീ സബ്-കോംപാക്റ്റ് മൈക്രോ എസ്യുവികളുമായി ഇന്ത്യൻ വിപണിയിൽ മത്സരിക്കുന്നു.
ഒരു പുതിയ എസ്യുവി സ്വന്തമാക്കാൻ ആഗ്രഹിക്കുന്നതും, എന്നാൽ വാഹനത്തിന് വലിയ തുക ചെലവഴിക്കാൻ ആഗ്രഹിക്കാത്ത അല്ലെങ്കിൽ വലിയ ബജറ്റ് ഇല്ലാത്ത യുവാക്കളെയാണ് പുതിയ ടാറ്റ പഞ്ച് ലക്ഷ്യമിടുന്നത്. ടാറ്റ പഞ്ച് രൂപകൽപ്പന ചെയ്തിരിക്കുന്നത് കഴിയുന്നത്ര ഒരു എസ്യുവി മോഡലിൽ ആണ്.
ചുറ്റിലും ബോഡി ക്ലാഡിംഗ് ഉള്ള ഒരു മസ്കുലാർ ലുക്ക് വാഹനത്തിന് ലഭിക്കുന്നു. ഹാരിയറിൽ നിന്നും സഫാരിയിൽ നിന്നും പ്രചോദനം ഉൾക്കൊണ്ട മുൻവശത്തെ രൂപകൽപ്പന തീർച്ചയായും വാഹനത്തിന്റെ റോഡ് പ്രസൻസ് ഗംഭീരമാക്കുന്നു.
ഈ വിഭാഗത്തിലെ ഏറ്റവും വലിയ കാർ കൂടിയാണിത്. എന്നിരുന്നാലും, ടാറ്റ പഞ്ചിന്റെ ഉയരം KUV100 -നേക്കാൾ കുറവാണ്. എന്നാൽ മൊത്തത്തിൽ, പഞ്ച് റോഡുകളിൽ വേറിട്ടുനിൽക്കുന്നു.
ഇന്ത്യൻ വിപണിയിൽ ആൾട്രോസിന് അടിവരയിടുന്ന ALFA-ARC (Agile, Light, Flexible & Advanced) പ്ലാറ്റ്ഫോമിനെ അടിസ്ഥാനമാക്കിയുള്ളതാണ് ടാറ്റ പഞ്ച്. ടാറ്റ ആൾട്രോസിനെപ്പോലെ, ടാറ്റ പഞ്ചിനും ഗ്ലോബൽ NCAP -ൽ നിന്നുള്ള ഫൈവ് സ്റ്റാർ ക്രാഷ് സുരക്ഷാ റേറ്റിംഗും ലഭിക്കുന്നു. മുതിർന്നവർക്കുള്ള സുരക്ഷാ റേറ്റിംഗിൽ ടാറ്റ പഞ്ച് 17 -ൽ 16.45 പോയിന്റ് നേടി. കുട്ടികളുടെ സുരക്ഷയ്ക്കായി, പഞ്ച് 49 -ൽ 40.89 പോയിന്റുകളും കരസ്ഥമാക്കി.
താരതമ്യപ്പെടുത്തുമ്പോൾ, ടാറ്റ ആൾട്രോസ് മുതിർന്നവരുടെ സുരക്ഷാ റേറ്റിംഗിൽ 17 -ൽ 16.13 പോയിന്റും കുട്ടികളുടെ സുരക്ഷാ റേറ്റിംഗിൽ 49 -ൽ 29 പോയിന്റും നേടി. മറുവശത്ത് മഹീന്ദ്ര XUV300 17 -ൽ 16.42 ഉം 49 -ൽ 37.44 പോയിന്റുകളും കൈവരിക്കുന്നു, അതേസമയം ടാറ്റ നെക്സോൺ യഥാക്രമം മുതിർന്നവരുടെയും കുട്ടികളുടെയും സുരക്ഷാ റേറ്റിംഗിൽ 16.06, 25 പോയിന്റുകളും നേടി.
ടാറ്റ ആൾട്രോസിനു സമാനമായ ഒരു ഡാഷ്ബോർഡ് പുതിയ പുഞ്ചിന് ലഭിക്കുന്നു. പ്രൈമറി നിറങ്ങളായി ബ്ലാക്കും വൈറ്റുമുള്ള ഒരു ഡ്യുവൽ-ടോൺ തീം ഇതിന് ലഭിക്കുന്നു. ആപ്പിൾ കാർപ്ലേ, ആൻഡ്രോയിഡ് ഓട്ടോ എന്നിവയുള്ള ടച്ച്സ്ക്രീൻ ഇൻഫോടെയിൻമെന്റ് സിസ്റ്റം, മൾട്ടി-ഫംഗ്ഷണൽ ബട്ടണുകളുള്ള ഒരു ഫ്ലാറ്റ്-ബോട്ടം സ്റ്റിയറിംഗ് വീൽ, ഒരു ഓട്ടോമാറ്റിക് ക്ലൈമറ്റ് കൺട്രോൾ സിസ്റ്റം, ഒരു പുഷ്-ബട്ടൺ എഞ്ചിൻ സ്റ്റാർട്ട്/സ്റ്റോപ്പ്, ഫാബ്രിക് അപ്ഹോൾസ്റ്ററി, മറ്റ് നിരവധി സവിശേഷതകൾ എന്നിവ ലഭിക്കുന്നു. കൂടാതെ പുതിയ പഞ്ചിന് 90 ഡിഗ്രി തുറക്കുന്ന ഡോറുകളും സ്റ്റാൻഡേർഡായി ലഭിക്കുന്നു.
ഓൾ ന്യൂ ടാറ്റ പഞ്ചിൽ പെട്രോൾ എഞ്ചിൻ മാത്രമേ ലഭ്യമാകൂ. 1.2 ലിറ്റർ മൂന്ന് സിലിണ്ടർ നാച്ചുറലി ആസ്പിറേറ്റഡ് പെട്രോൾ എഞ്ചിൻ 86 bhp പരമാവധി കരുത്തും 113 Nm പരമാവധി torque ഉം സൃഷ്ടിക്കും.
ടാറ്റ ഒരു മാനുവലും AMT ഓട്ടോമാറ്റിക്ക് ഗിയർബോക്സും വാഹനത്തിന് നൽകും. പരുക്കൻ ഭൂപ്രദേശങ്ങളിലൂടെയും തടസ്സങ്ങളിലൂടെയും പഞ്ച് കടന്നുപോകാൻ അനുവദിക്കുന്ന പ്രോ-ട്രാക്ഷൻ മോഡ് പോലുള്ള സവിശേഷതകൾ ടാറ്റ വാഹനത്തിൽ കൂട്ടിച്ചേർത്തിട്ടുണ്ട്.
പഞ്ച് പ്യുവർ, അഡ്വഞ്ചർ, അക്കംപ്ലിഷ്ഡ്, ക്രിയേറ്റീവ് എന്നിങ്ങനെ നാല് വേരിയന്റുകളിൽ പഞ്ച് ടാറ്റ വാഗ്ദാനം ചെയ്യുന്നു. ഇവയ്ക്ക് എക്സ്ട്രാ ഫിറ്റിംഗ് പായ്ക്കുകളും ലഭ്യമാണ്. 21,000 രൂപ ടോക്കൺ തുകയ്ക്ക് വാഹനം ഓൺലൈനിലോ, ഡീലർഷിപ്പ് വഴിയോ ബുക്ക് ചെയ്യാനാകും.
ഓർക്കസ് വൈറ്റ്, അറ്റോമിക് ഓറഞ്ച്, ഡേറ്റോണ ഗ്രേ, കാലിപ്സോ റെഡ്, മീറ്റിയോർ ബ്രോൺസ്, ടൊർണാഡോ ബ്ലൂ, ട്രോപ്പിക്കൽ മിസ്റ്റ് എന്നിങ്ങനെ ഏഴ് കളർ ഓപ്ഷനുകളിൽ ചെറു എസ്യുവി ടാറ്റ വാഗ്ദാനം ചെയ്യുന്നു.