Just In
- 37 min ago ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ
- 1 hr ago തള്ളല്ല, എക്സ്റ്ററിന് കിട്ടുന്നത് 33 കി.മീ. മൈലേജ്; തെളിവ് സഹിതം പുറത്തുവിട്ട് ഉടമകൾ
- 2 hrs ago മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
- 14 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
Don't Miss
- News വിവാഹാലോചന നിരസിച്ചതിന്റെ പക; ആലപ്പുഴയിൽ അഞ്ച് പേരെ വീട്ടിൽക്കയറി വെട്ടി, യുവാവ് പിടിയിൽ
- Sports IPL 2024: 42ലും കിങ്, ഒരൊറ്റ ഓവറില് ധോണിക്ക് ഫിഫ്റ്റി! അപ്പോള് നേരത്തേ ഇറങ്ങിയാല് എന്താവും?
- Travel ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ
- Lifestyle രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
- Finance കുറയാൻ മറന്നിട്ടില്ല, സംസ്ഥാനത്ത് സ്വർണവിലയിൽ നേരിയ കുറവ്, ഇന്നത്തെ നിരക്കറിയാം
- Movies 'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും'
- Technology ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
ടാറ്റയുടെ മൈക്രോ എസ്യുവിയുടെ നിർമാണം ആരംഭിച്ചതായി സൂചന; അരങ്ങേറ്റം ഉടനുണ്ടായേക്കും
കഴിഞ്ഞ ഓട്ടോ എക്സ്പോയിൽ ടാറ്റ മോട്ടോർസ് അവതരിപ്പിച്ച HBX കൺസെപ്റ്റ് അധിഷ്ഠിത മൈക്രോ എസ്യുവി യാഥാർഥ്യമാവുകയാണ്. മോഡലിനായുള്ള ഉത്പാദനം കമ്പനി ആരംഭിച്ചതായായാണ് പുതിയ റിപ്പോർട്ടുകൾ.
ബ്രാൻഡിന്റെ പ്രാദേശിക നിരയിലെ ഏറ്റവും താങ്ങാനാവുന്ന എസ്യുവി എന്ന ഖ്യാതിയോടെയാണ് HBX എത്തുന്നത്. ടിമേരോ എന്നായാരിക്കും വരാനിരിക്കുന്ന മൈക്രോ എസ്യുവി അറിയപ്പെടുകയെന്നാണ് സൂചന.
ജനപ്രിയ നെക്സോൺ കോംപാക്ട് എസ്യുവിയുക്കും ടിയാഗോ ഹാച്ച്ബാക്കിനും ഇടയിലായിരിക്കും ഈ കുഞ്ഞൻ മോഡൽ ഇടംപിടിക്കുക. ഇന്ത്യയിൽ മഹീന്ദ്ര KUV NXT, മാരുതി സുസുക്കി ഇഗ്നിസ്, വരാനിരിക്കുന്ന ഹ്യുണ്ടായി കാസ്പർ എന്നിവയോടാണ് HBX കൺസെപ്റ്റിന്റെ പ്രൊഡക്ഷൻ പതിപ്പ് മാറ്റുരയ്ക്കുക.
ആൾട്രോസിന് പിന്തുണ നൽകുന്ന എജൈൽ ലൈറ്റ് ഫ്ലെക്സിബിൾ അഡ്വാൻസ്ഡ് പ്ലാറ്റ്ഫോമിൽ ഒരുങ്ങുന്ന രണ്ടാമത്തെ മോഡലായിരിക്കും ടാറ്റ HBX. ബ്രാൻഡിന്റെ എല്ലാ മോഡലുകളെയും പോലെ തന്നെ ഉയർന്ന സുരക്ഷാ റേറ്റിംഗും കുഞ്ഞൻ എസ്യുവിയുടെ പ്രത്യേകതയാകും.
അതിനാൽ എൻട്രി ലെവൽ സെഗ്മെന്റിൽ ആകർഷകമായ ഒരു വ്യക്തിത്വം രൂപീകരിക്കാനും ഇതിന് കഴിഞ്ഞേക്കും. മൈക്രോ എസ്യുവിയുടെ ആദ്യ ബാച്ച് യൂണിറ്റ് വിപണിയിലേക്ക് എത്താൻ തയാറാണെന്നും റിപ്പോർട്ടിൽ പറയുന്നുണ്ട്.
ഡിസൈനിലേക്ക് നോക്കിയാൽ മൈക്രോ എസ്യുവിയ്ക്ക് HBX കൺസെപ്റ്റുമായി നിരവധി സാമ്യതകളുണ്ട്. കൂടാതെ ഹാരിയറിൽ അരങ്ങേറ്റം കുറിച്ച ഇംപാക്റ്റ് ഡിസൈൻ 2.0 തത്ത്വചിന്തയിൽ നിന്ന് ഇത് ധാരാളം സ്വാധീനം ചെലുത്തുകയും ചെയ്യും.
മോഡലിന്റെ മൊത്തം നീളം നാല് മീറ്ററിൽ താഴെയായിരിക്കും. പുറമോടി കൂട്ടാനായി എൽഇഡി ഡിആർഎല്ലുകളുള്ള സ്പ്ലിറ്റ് ഹെഡ്ലാമ്പ് ക്ലസ്റ്റർ, ഡ്യുവൽ-ടോൺ അലോയ് വീലുകൾ, ഉയരമുള്ള പില്ലറുകൾ എന്നിവയെല്ലാം ടാറ്റ വാഹനത്തിൽ കൂട്ടിച്ചേർക്കും.
അകത്തളത്തിലെ ഫീച്ചർ പട്ടികയിൽ ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റി, സ്റ്റിയറിംഗ് മൗണ്ട്ഡ് കൺട്രോളുകൾ, ലേയേർഡ് ഡാഷ്ബോർഡ് തുടങ്ങിയവ ഉപയോഗിച്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം അണിയിച്ചൊരുക്കും.
റെവോട്രോൺ ശ്രേണിയിൽ നിന്നുള്ള അതേ 1.2 ലിറ്റർ പെട്രോൾ എഞ്ചിനായിരിക്കും മൈക്രോ എസ്യുവിക്ക് തുടിപ്പേകുക. ഇത് 85 bhp കരുത്തിൽ 113 Nm torque ഉത്പാദിപ്പിക്കാൻ ശേഷിയുള്ളതായിരിക്കും.
അഞ്ച് സ്പീഡ് മാനുവൽ അല്ലെങ്കിൽ ഒരു എഎംടി ഓട്ടോമാറ്റിക് എന്നിവയായിരിക്കും ഗിയർബോക്സ് ഓപ്ഷനിൽ വാഗ്ദാനം ചെയ്യുക. ആൾട്രോസിൽ ലഭ്യമായ അതേ എഞ്ചിന്റെ ടർബോചാർജ്ഡ് പതിപ്പും മൈക്രോ എസ്യുവിയുടെ ശ്രേണി വിപുലീകരിക്കാൻ സഹായിക്കുന്ന ടോപ്പ് വേരിയന്റുകളിൽ അവതരിപ്പിക്കാനും സാധ്യതയുണ്ട്.