Just In
- 10 hrs ago ടിക്കറ്റില്ലാത്തവര് റിസര്വ്ഡ് സീറ്റ് കൈയ്യേറിയോ? ഇക്കാര്യങ്ങള് ചെയ്താല് മതിയെന്ന് റെയില്വേ
- 11 hrs ago വിദേശത്തുണ്ട് ഇന്ത്യയിലേയ്ക്ക് എത്തില്ല, പുത്തൻ സ്വിഫ്റ്റിൽ ഒഴിവാക്കാൻ സാധ്യതയുളള ഫീച്ചറുകൾ ഇവയൊക്കെ
- 11 hrs ago അതെന്നാ അങ്ങനെ? എഞ്ചിൻ കപ്പാസിറ്റി ഒന്നാണെങ്കിലും സ്കൂട്ടറിലും ബൈക്കിലും മൈലേജ് വ്യത്യാസം എന്തുകൊണ്ട്?
- 12 hrs ago ടാറ്റ ഇവികള് ഇനി ധൈര്യമായി വാങ്ങാം! ചാര്ജിംഗ് ടെന്ഷന് അകറ്റാന് പയറ്റിയ തന്ത്രം കണ്ടോ..
Don't Miss
- Movies കാത്തിരിപ്പ് വെറുതെ; സിജോ മടങ്ങി വരില്ല?; കാരണങ്ങൾ നിരത്തി നാദിറ; ആശങ്കയിൽ പ്രേക്ഷകർ
- News സമ്മര് ബംപര് അടിച്ചില്ലേ? നിരാശപ്പെടേണ്ട, വിഷു ബംപര് ഇതാ എത്തി; സമ്മാനത്തുക എത്രയെന്നറിയുമോ?
- Sports IPL 2024: 12 ഓവറില് എസ്ആര്എച്ച് 3ന് 173, മുംബൈ 3ന് 165! കളി മാറിയതെങ്ങനെ? വില്ലനാര്
- Lifestyle ഈ ബ്രേക്ക്ഫാസ്റ്റുകള് ഒരു കാരണവശാലും വേണ്ട
- Travel ഇതല്ലേ സ്വർഗ്ഗം! ഈ ജീവിതത്തില് ഇതൊക്കെയല്ലേ കാണേണ്ടത്; ജന്നത്ത്- ഇ- കശ്മീര് യാത്രയുമായി ഐആര്സിടിസി
- Finance മൾട്ടിബാഗർ പെന്നി ഓഹരി, ഇന്ന് കൂടിയത് 1.30 രൂപ, കുതിപ്പ് വരും ദിവസങ്ങളിലും തുടരും, കൂടെക്കൂട്ടുന്നോ...
- Technology ആധാർ അപ്ഡേഷൻ: സർക്കാർ സമയം നീട്ടിനൽകി; സൗജന്യമായി എന്തൊക്കെ അപ്ഡേറ്റ് ചെയ്യാമെന്ന് ഇതാ
വിൽപ്പനിയിൽ മാത്രമല്ല കയറ്റുമതിയിലും കേമനായി സെൽറ്റോസ്; 2020-21 എക്സ്പോർട്ട് കണക്കുകൾ ഇങ്ങനെ
കഴിഞ്ഞ വർഷം വാഹന വ്യവസായത്തെ വളരെയധികം ആശങ്കപ്പെടുത്തുന്ന ഒന്നായിരുന്നു. 2020 -ന്റെ ആദ്യ മാസങ്ങളിൽ വാഹന വ്യവസായത്തിലുണ്ടായ മാന്ദ്യം 2020 മാർച്ച് മുതൽ പൂർണമായും ലോക്ക്ഡൗണിനും വഴിയൊരുക്കിയതോടെ ആകെ വലഞ്ഞിരുന്നു.
അതിനു ശേഷം ആഭ്യന്തര വിൽപ്പന വേഗത്തിൽ വീണ്ടെടുക്കുമ്പോഴും കയറ്റുമതി സംഖ്യകൾ വിജയകരമായി ഉയർന്നുവന്നില്ല. 2020 ഏപ്രിൽ മുതൽ 2021 ഫെബ്രുവരി വരെയുള്ള കാലയളവ് കണക്കിലെടുക്കുമ്പോൾ കാർ കയറ്റുമതി 43.14 ശതമാനം ഇടിഞ്ഞു. പ്രായോഗികമായി എല്ലാ വാഹന നിർമാതാക്കളും നെഗറ്റീവ് വളർച്ച രേഖപ്പെടുത്തുന്നു.
ഇന്ത്യയിലെയും അന്താരാഷ്ട്ര വിപണികളിലെയും ജനപ്രിയ വിൽപ്പന മോഡലായ ഫോർഡ് ഇക്കോസ്പോർട്ട് ഏറ്റവും കൂടുതൽ കയറ്റുമതി ചെയ്യുന്ന പാസഞ്ചർ വാഹനമായി ഒന്നാം സ്ഥാനത്ത് തുടരുന്നു. ഈ 11 മാസത്തെ എസ്യുവിയുടെ കയറ്റുമതി 37,846 യൂണിറ്റായിരുന്നു.
കഴിഞ്ഞ വർഷം ഇതേ കാലയളവിൽ കയറ്റുമതി ചെയ്ത 78,535 യൂണിറ്റിനെ അപേക്ഷിച്ച് 52 ശതമാനം ഇടിവാണ് മോഡൽ രേഖപ്പെടുത്തിയത്. എന്നാൽ 2019-20 സാമ്പത്തിക വർഷത്തിലെയും 2018-19 സാമ്പത്തിക വർഷത്തിലേയും പോലെ ഇക്കോസ്പോർട്ട് ഒന്നാം സ്ഥാനത്ത് തന്നെ പിടിച്ചുനിന്നു.
എക്സിക്യൂട്ടീവ് സെഡാനുകളെ സംബന്ധിച്ചിടത്തോളം, പ്രാദേശികമായി ആവശ്യക്കാർ ഏറെയില്ലെങ്കിലും, കയറ്റുമതി വിപണികൾ ഈ മോഡലുകൾക്ക് കൂടുതൽ മുൻഗണന നൽകുന്നു. കയറ്റുമതിയുടെ കാര്യത്തിൽ ശ്രേണിയിൽ ഹ്യുണ്ടായി വെർണ ഒന്നാമതെത്തി. 30,751 യൂണിറ്റുകൾ കയറ്റുമതി ചെയ്ത് മൊത്തത്തിൽ രണ്ടാം സ്ഥാനം മോഡൽ കരസ്ഥമാക്കി.
MOST READ: ടെയ്കാൻ 2020 മോഡൽ ഇയറിനായി സൗജന്യ സോഫ്റ്റ്വെയർ അപ്ഡേറ്റ് പ്രഖ്യാപിച്ച് പോർഷ
2020 ഏപ്രിൽ മുതൽ 2021 ഫെബ്രുവരി വരെയുള്ള കാലയളവിൽ നിസാൻ സണ്ണിയുടെ 23,563 യൂണിറ്റുകളാണ് കയറ്റുമതി ചെയ്തത്. കഴിഞ്ഞ വർഷം ഇതേ കാലയളവിലെ 59,759 യൂണിറ്റ് കയറ്റുമതിയുമായി താരതമ്യപ്പെടുത്തുമ്പോൾ ഇത് 61 ശതമാനം ഇടിവാണ് രേഖപ്പെടുത്തിയത്.
ഈ സാമ്പത്തിക വർഷം ഇന്ത്യയിൽ നിന്ന് കയറ്റുമതി ചെയ്ത മികച്ച 10 കാറുകളുടെ പട്ടിക ചുവടെയുണ്ട്.
Rank | Model | Apr-Feb 2021 | Apr-Feb 2020 | Growth (%) |
1 | Ford Ecosport | 37,846 | 78,535 | -51.81 |
2 | Hyundai Verna | 30,571 | 57,424 | -46.76 |
3 | Kia Seltos | 29,162 | 18,876 | 54.49 |
4 | Chevrolet Beat | 28,619 | 54,863 | -47.84 |
5 | Nissan Sunny | 23,563 | 59,759 | -60.57 |
6 | Volkswagen Vento | 23,526 | 45,085 | -47.82 |
7 | Hyundai Creta | 20,732 | 38,486 | -46.13 |
8 | Maruti S-Presso | 19,562 | 4,747 | 312.09 |
9 | Maruti Baleno | 19,136 | 32,483 | -41.09 |
10 | Hyundai Grand i10 NIOS | 15,861 | 24,482 | -35.21 |
Source: Rushlane
MOST READ: ടൈഗൂണ് മിഡ്-സൈസ് എസ്യുവിയെ അവതരിപ്പിക്കുന്ന തീയതി പങ്കുവെച്ച് ഫോക്സ്വാഗണ്
മൂന്നാം സ്ഥാനത്ത് കിയ സെൽറ്റോസാണ്, 54 ശതമാനം വർധനയോടെ 29,162 യൂണിറ്റാണ് വാഹനം കയറ്റുമതി നടത്തിയത്. കയറ്റുമതിയിൽ കിയ സെൽറ്റോസ് ഹ്യുണ്ടായി ക്രെറ്റയെ മറികടന്നു.
നാലാം സ്ഥാനത്ത് ഷെവർലെ ബീറ്റ് ആയിരുന്നു, എന്നാൽ മഹാരാഷ്ട്രയിലെ തലേഗാവ് പ്ലാന്റിലെ എല്ലാ ഉൽപാദന പ്രവർത്തനങ്ങളും കമ്പനി നിർത്തി. ഇതേ 11 മാസ കാലയളവിൽ 23,526 യൂണിറ്റുകൾ കയറ്റുമതിയുമായി ഫോക്സ്വാഗണ് വെന്റോയാണ് അതിന് താഴെയുള്ളത്.
ഇന്ത്യയിൽ നിന്നുള്ള കയറ്റുമതിയിൽ ഹ്യുണ്ടായ് ഗ്രാൻഡ് i10 നിയോസ് പത്താം സ്ഥാനത്താണ്, എന്നാൽ ഹാച്ച്ബാക്ക് കയറ്റുമതിയുടെ കാര്യത്തിൽ മോഡൽ നാലാം സ്ഥാനത്ത് നിൽക്കുന്നു.
ഈ പട്ടികയിൽ ഹ്യുണ്ടായിക്ക് ആകെ മൂന്ന് മോഡലുകളുണ്ട്, അതിൽ വെർണ രണ്ടാം സ്ഥാനത്തും, ക്രെറ്റ ഏഴാം സ്ഥാനത്തും, i10 നിയോസ് പത്താം സ്ഥാനത്തുമാണ്.
കഴിഞ്ഞ 11 മാസത്തിനുള്ളിൽ 19,562 യൂണിറ്റുകൾ ആഗോള വിപണികളിലേക്ക് കയറ്റി അയച്ച മാരുതി സുസുക്കി ഇന്ത്യ ലിമിറ്റഡിന്റെ ഏറ്റവും മികച്ച കയറ്റുമതി പട്ടികയിൽ ഒന്നാമത് എസ്-പ്രസ്സോയാണ്.
കയറ്റുമതിയിൽ 312 ശതമാനം വർധനയാണ് മോഡൽ നേടിയത്. 2019 ഏപ്രിൽ മുതൽ 2020 ഫെബ്രുവരി വരെയുള്ള കാലയളവിൽ കയറ്റുമതി ചെയ്തത് 4,747 യൂണിറ്റുകൾ മാത്രമായിരുന്നു.
ഏഷ്യ, ലാറ്റിൻ അമേരിക്ക, ആഫ്രിക്ക എന്നീ രാജ്യങ്ങളിലേക്ക് എസ്-പ്രസ്സോ കയറ്റുമതി ചെയ്യുന്നു. 19,136 യൂണിറ്റ് കയറ്റുമതിയോടെ ബാലെനോ ഒമ്പതാം സ്ഥാനത്താണ്. 2021 ഫെബ്രുവരിയിൽ കമ്പനി രണ്ട് ദശലക്ഷം വാഹന കയറ്റുമതി പൂർത്തിയാക്കിയതായി പ്രഖ്യാപിച്ചു.
ഗുജറാത്തിലെ മുന്ദ്ര തുറമുഖത്തുനിന്ന് എസ്-പ്രസ്സോ, സ്വിഫ്റ്റ്, വിറ്റാര ബ്രെസ എന്നിവയുൾപ്പെടുന്ന മാരുതി സുസുക്കി വാഹനങ്ങൾ ദക്ഷിണാഫ്രിക്കയിലേക്ക് അയച്ചു. ആദ്യ ദശലക്ഷം കയറ്റുമതി നാഴികക്കല്ല് 2013 സാമ്പത്തിക വർഷത്തിൽ നേടിയപ്പോൾ 1.5 ദശലക്ഷം മാർക്ക് 2016 സെപ്റ്റംബറിൽ നിർമ്മാതാക്കൾ കൈവരിച്ചു.