Just In
- 6 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 6 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 7 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 7 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- News മുക്താര് അന്സാരി അന്തരിച്ചു, ജയിലില് വെച്ച് ഹൃദയാഘാതം; യുപിയില് വന് ജാഗ്രത
- Sports IPL 2024: സഞ്ജുവിന്റെ ധൈര്യം അപാരം, ആ സാഹസം കളി ജയിപ്പിച്ചു! കിടു ക്യാപ്റ്റന്സി
- Lifestyle ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
- Movies നിനക്ക് പോയത് ഗബ്രിയില്, അവനെ മാറ്റി നിര്ത്തണം എന്ന് റസ്മിന്; ഗെയിം കളഞ്ഞത് വീട്ടുകാരെന്ന് ജാസ്മിന്
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
Creta -യ്ക്കും Seltos -നും വെല്ലുവിളിയായി Toyota-Suzuki പുത്തൻ എസ്യുവി അടുത്ത വർഷം എത്തും
ജാപ്പനീസ് ഓട്ടോമൊബൈൽ ഭീമന്മാരായ സുസുക്കിയും ടൊയോട്ടയും ഒരുമിച്ച് പുതിയ കാറുകൾ പുറത്തിറക്കാൻ ആഗോള തലത്തിൽ സഖ്യത്തിൽ ഏർപ്പെട്ടിരിക്കുകയാണ്.
ഇന്ത്യയിൽ, നമുക്ക് ഇതിനകം ടൊയോട്ട ഗ്ലാൻസ, ടൊയോട്ട അർബൻ ക്രൂസർ പോലുള്ള കാറുകൾ ഈ കൂട്ടുകെട്ടിൽ നിന്ന് വിൽപ്പനയ്ക്കെത്തുന്നുണ്ട്. മാരുതി സിയാസിന്റെ റീബാഡ്ജ്ഡ് എഡിഷനായ ടൊയോട്ട ബെൽറ്റ ഉൾപ്പെടെ വരും മാസങ്ങളിൽ വരാനിരിക്കുന്ന ഏതാനും റീബാഡ്ജ്ഡ് ഉൽപ്പന്നങ്ങൾ നിർമ്മാതാക്കൾ അവതരിപ്പിക്കും.
മാരുതി സുസുക്കിയും ടൊയോട്ടയും ഇപ്പോൾ ഹ്യുണ്ടായി ക്രെറ്റ, കിയ സെൽറ്റോസ് എന്നിവയെ നേരിടാൻ ഒരു പുതിയ മിഡ്-സൈസ് എസ്യുവി പുറത്തിറക്കാനുള്ള ശ്രമത്തിലാണ്.
പുറത്തു വരുന്ന റിപ്പോർട്ടുകൾ അനുസരിച്ച്, പുതിയ ഉൽപ്പന്നം വികസിപ്പിക്കാൻ ടൊയോട്ടയും മാരുതി സുസുക്കിയും ഒരു വർഷത്തിലേറെയായി ഒരുമിച്ച് പ്രവർത്തിക്കുന്നു. ഇരു നിർമ്മാതാക്കളിൽ നിന്നുള്ള ഡിസൈനർമാരും പ്രൊഡക്ട് ഡവലംപ്മെന്റ് ടീമും എഞ്ചിനീയറിംഗ് ടീമുകളും വരാനിരിക്കുന്ന പ്രൊഡക്റ്റിൽ ഒരുമിച്ച് പ്രവർത്തിക്കുന്നു.
ഇലക്ട്രിക്, ഹൈഡ്രജൻ ഫ്യുവൽ സെൽ വാഹനങ്ങൾക്ക് ഇന്ത്യൻ സർക്കാർ 26,000 രൂപ പ്രൊഡക്ഷൻ ലിങ്ക്ഡ് ഇൻസന്റീവ് സ്കീം പ്രഖ്യാപിച്ചിട്ടുണ്ട്. വൃത്തങ്ങൾ തരുന്ന വിവരങ്ങൾ അനുസരിച്ച്, ഇരു നിർമ്മാതാക്കളും ഈ ഫണ്ടിലേക്ക് ആക്സസ് നേടുന്നതിന് കൂടുതൽ അഗ്രസ്സീവായി പ്രവർത്തിക്കാൻ സാധ്യതയുണ്ട്.
കമ്പനികളുടെ യഥാർത്ഥ പദ്ധതി ശക്തമായ ഹൈബ്രിഡുകളും മറ്റ് ഇലക്ട്രിക് പതിപ്പുകളും (ബാറ്ററിയിലും പെട്രോളിലും പ്രവർത്തിക്കുന്ന) നിർമ്മിക്കുക എന്നതായിരുന്നുവെങ്കിലും, ഇപ്പോൾ പൂർണ്ണ ഇലക്ട്രിക്ക് മോഡലുകളിലും ഫ്യുവൽ സെല്ലുകളിലും ശ്രദ്ധ കേന്ദ്രീകരിക്കാനാണ് പ്ലാനുകൾ. എന്നാൽ നിലവിൽ ഇതിനെ കുറിച്ചുള്ള ചർച്ചകൾ പ്രാരംഭ ഘട്ടത്തിലാണ്.
പുതിയ എസ്യുവി നിലവിൽ രണ്ട് നിർമ്മാതാക്കളും സംയുക്തമായി വികസിപ്പിച്ചെടുക്കുകയാണ്, ഇത് അടിസ്ഥാന പ്ലാറ്റ്ഫോമിൽ നിന്ന് വികസിച്ചുകൊണ്ടിരിക്കുകയാണെന്ന് റിപ്പോർട്ടുകൾ വ്യക്തമാക്കുന്നു.
ടൊയോട്ടയുടെ കർണാടക പ്ലാന്റിൽ നിർമ്മിക്കുന്ന ഈ വാഹനം ഇന്ത്യയിലെ മാരുതി സുസുക്കി ഡീലർഷിപ്പുകളിലൂടെയും ടൊയോട്ട ഡീലർഷിപ്പുകളിലൂടെയും വിൽക്കും.
നിർമ്മാതാക്കൾ ബേസ് ലെവലിൽ നിന്ന് വാഹനം വികസിപ്പിക്കുന്നതിനാൽ, രണ്ട് നിർമ്മാതാക്കളുടെയും നിലവിലുള്ള ആവർത്തനങ്ങളിൽ നിന്നും വളരെ വ്യത്യസ്തമായ സ്റ്റൈലിംഗ് നമുക്ക് കാണാൻ സാധിക്കും.
ഗ്ലാൻസ എന്ന പേരിൽ വിൽക്കാൻ ടൊയോട്ട ഇതുവരെ ബലേനോയിൽ വലിയ മാറ്റമൊന്നും വരുത്തിയിട്ടില്ല, അർബൻ ക്രൂയിസറിലും കുറച്ച് കൂടി ടൊയോട്ട ലുക്ക് നൽകുന്നതിന് ചെറിയ മാറ്റങ്ങൾ വരുത്തിയിട്ടുണ്ട്, പക്ഷേ മൊത്തത്തിൽ ഇതിനും ബ്രെസയിൽ നിന്ന് വലിയ രൂപ മാറ്റമില്ലാതെ തുടരുന്നു.
പുതിയ കാറിന്റെ വികസനത്തിൽ രണ്ട് നിർമ്മാതാക്കളും ഉൾപ്പെട്ടിരിക്കുന്നതിനാൽ, എസ്യുവിയുടെ രണ്ട് ആവർത്തനങ്ങളിലും വളരെ വ്യത്യസ്തമായതും സിഗ്നേച്ചർ ഡിസൈൻ ഘടകങ്ങളും നമുക്ക് കാണാൻ കഴിയും. വാഹനത്തിന്റെ ഡെവലപ്പ്മെന്റിന്റെ ചെലവ് ഏകദേശം 1,000 കോടി രൂപയോളമാണ്. രണ്ട് നിർമ്മാതാക്കളും ഒരുമിച്ച് പ്രവർത്തിക്കുന്ന ആദ്യത്തെ പദ്ധതിയാണിത്.
മിഡ്-സൈസ് എസ്യുവി സെഗ്മെന്റ് ഇതിനകം തന്നെ വളരെ തിരക്കേറിയതാണ്, പ്രത്യേകിച്ചും കുഷാഖ്, ടൈഗൂൺ തുടങ്ങിയ കാറുകൾ പുറത്തിറക്കിയതിന് ശേഷം വിഭാഗത്തിൽ മത്സരം മുറുകിയിരിക്കുകയാണ്. എന്നിരുന്നാലും, ഈ വിഭാഗം ഇപ്പോഴും ഭരിക്കുന്നത് ഹ്യുണ്ടായി ക്രെറ്റയും കിയ സെൽറ്റോസും ആണ്.