Just In
- 8 min ago മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
- 11 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 13 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 14 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
Don't Miss
- Technology ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
- News ചൂട് കുറയില്ല, 10 ജില്ലകളിൽ മുന്നറിയിപ്പ്; നിരാശ വേണ്ട, ആശ്വാസമായി വേനൽ മഴയും..
- Movies കോടിക്കണക്കിന് രൂപയുടെ ആസ്തി... ആഡംബര കാറുകള് എന്നിട്ടും മക്കൾക്കൊപ്പം ഓട്ടോയിൽ സഞ്ചരിച്ച് നയൻതാര!
- Sports IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം?
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
ടെസ്ലക്ക് പിന്നാലെ ട്രൈറ്റൺ ഇലക്ട്രിക്കും ഇന്ത്യയിലേക്ക്; എത്തുന്നത് N4 സെഡാനുമായി
ടെസ്ലക്ക് പിന്നാലെ മറ്റൊരു അമേരിക്കൻ ഇലക്ട്രിക് വാഹന നിർമാതാക്കൾ കൂടി ഇന്ത്യൻ വിപണിയിലേക്ക് ചുവടുവെക്കാനൊരുങ്ങുന്നു. ട്രൈറ്റൺ ഇലക്ട്രിക്കാണ് രാജ്യത്തേക്കുള്ള പ്രവേശനം അടുത്തിടെ പ്രഖ്യാപിച്ചത്.
ട്രൈറ്റൺ ഇലക്ട്രിക് വെഹിക്കിളിന്റെ ഇന്ത്യയിലെ ആദ്യത്തെ ഉൽപ്പന്നം N4 എന്ന സെഡാനായിരിക്കും. 35 ലക്ഷം രൂപയുടെ പ്രാരംഭ വിലയാണ് മോഡലിനായി നിശ്ചയിക്കാൻ കമ്പനി ലക്ഷ്യമിടുന്നത്.
N4 നാല് വ്യത്യസ്ത വേരിയന്റുകളിൽ ലഭ്യമാകും. അതായത് N4, N4-S, N4-R എന്നിവയും അതോടൊപ്പം ഒരു ലിമിറ്റഡ് എഡിഷൻ വേരിയന്റായ N4 GT-യും ആകും ശ്രേണിയിൽ വാഗ്ദാനം ചെയ്യുക. ട്രൈറ്റൺ N4 ജിടിയുടെ ഉത്പാദനം വെറും 100 യൂണിറ്റായി പരിമിതപ്പെടുത്തുമെന്ന് കമ്പനി വ്യക്തമാക്കിയിട്ടുണ്ട്.
MOST READ: പുതുതലമുറ മാരുതി വിറ്റാര ബ്രെസ 2021 മൂന്നാം പാദത്തിൽ വിപണിയിലെത്തും
N4 ഇലക്ട്രിക്കിന്റെ എഞ്ചിന് രണ്ട് ബാറ്ററി ഓപ്ഷനുകളായിരിക്കും ട്രൈറ്റൺ വാഗ്ദാനം ചെയ്യുക. അതിൽ യഥാക്രമം 523 കിലോമീറ്റർ, 693 കിലോമീറ്റർ വരെ ഡ്രൈവിംഗ് ശ്രേണി നൽകാൻ ശേഷിയുള്ള 75 കിലോവാട്ട്, 100 കിലോവാട്ട് ബാറ്ററി പായ്ക്കുകളായിരിക്കും ഇടംപിടിക്കുക.
ലോകത്തിലെ തന്നെ മികച്ച മൂന്ന് വിപണികളിൽ ഒന്നായാണ് കമ്പനി ഇന്ത്യയെ കാണുന്നത്. അതിനാൽ തന്നെ ഇവിടെ ശക്തമായ വിപുലീകരണത്തിനുള്ള പദ്ധതികളാണ് ട്രൈറ്റൺ ഇലക്ട്രിക്കിനുളളത്.
MOST READ: പുത്തൻ കോമ്പസ് ഫെയ്സ്ലിഫ്റ്റിന്റെ വില ഫെബ്രുവരി നാലിന് പ്രഖ്യാപിക്കും
പ്രാദേശിക ഉത്പാദന യൂണിറ്റ് സ്ഥാപിക്കുന്നതും രാജ്യത്ത് ശക്തമായ ഉപഭോക്തൃ അടിത്തറ വികസിപ്പിക്കുന്നതുമെല്ലാം പദ്ധതികളിൽ ഉൾപ്പെടുന്നു. എന്നിരുന്നാലും ഇന്ത്യയിൽ വിജയിക്കാൻ ട്രൈറ്റൺ ശക്തമായ ഒരു ബ്രാൻഡ് നിർമിക്കേണ്ടതുണ്ട്. കാരണം താരതമ്യേന അറിയപ്പെടാത്തൊരു പേരാണ് ഇവരുടേത്.
ബാറ്ററികൾ, ഇലക്ട്രോണിക്, മെക്കാനിക്കൽ ഘടകങ്ങൾ മുതലായവ നിർമിക്കാനുള്ള സംയുക്ത സംരംഭത്തിനായി കമ്പനി ഇതിനകം ഭാരത് ഇലക്ട്രോണിക്സ് ലിമിറ്റഡുമായി (BEL) ചർച്ചകൾ നടത്തിവരികയാണ്.
ചർച്ചകൾ വിജയിക്കുകയാണെങ്കിൽ പ്രാദേശിക ഉത്പാദനം അനുവദിക്കുന്നതിനാൽ ട്രൈറ്റോണിന് വിജയികളാകാൻ കഴിയും. അങ്ങനെ പ്രാദേശികവത്ക്കരണത്തോടെ N4 സെഡാന്റെ വില പിടിച്ചുനിർത്താനും അമേരിക്കൻ ബ്രാൻഡിന് സാധിക്കും.
ഇന്ത്യൻ വിപണിയിൽ പ്രവേശിക്കാനുള്ള പദ്ധതികൾ കുറച്ച് വർഷങ്ങളായി ടെസ്ലയും ആസൂത്രണം ചെയ്ത് വരികയാണ്. കമ്പനി ഈ വർഷം ഇന്ത്യയിൽ പ്രവർത്തനം ആരംഭിക്കുമെന്നാണ് പ്രതീക്ഷിക്കുന്നത്. ട്രൈറ്റൺ N4 സെഡാന്റെ വിലനിർണയം ടെസ്ലയുടെ ഏറ്റവും താങ്ങാനാവുന്ന ഓഫറായ മോഡൽ 3 ഇവിയുമായി താരതമ്യം ചെയ്യാനും സാധിക്കില്ല. ഇതിന് ഏകദേശം 55-60 ലക്ഷം രൂപയാണ് പ്രതീക്ഷിക്കുന്നത്.