ഹ്യുണ്ടായി അൽകാസറിന്റെ കൂടുതൽ വിവരങ്ങൾ വെളിപ്പെടുത്തി 3D മോഡലിന്റെ ചിത്രങ്ങൾ പുറത്ത്

നിലവിൽ എസ്‌യുവിയുടെ മൂന്ന്-വരി പതിപ്പ് അനാച്ഛാദനം ചെയ്യാൻ കാർ നിർമ്മാതാക്കൾ തയ്യാറായിരിക്കുകയാണ്. അൽകാസർ എന്ന പേരിൽ അടുത്തിടെ ഔദ്യോഗിക ടീസറും രേഖാചിത്രങ്ങളും കമ്പനി പുറത്തിറക്കിയിരുന്നു.

ഇപ്പോൾ, ഔദ്യോഗിക വെളിപ്പെടുത്തലിന് മുന്നോടിയായി, അൽകാസറിന്റെ 3D മോഡലിന്റെ ചിത്രങ്ങൾ ഓൺലൈനിൽ ചോർന്നിരിക്കുകയാണ്.

ക്രെറ്റയും അൽകാസറും തമ്മിൽ വേർതിരിക്കുന്ന വ്യത്യസ്ത ഘടകങ്ങൾ ചിത്രങ്ങൾ സ്ഥിരീകരിക്കുന്നു. അപ്‌ഡേറ്റുചെയ്‌ത ഫ്രണ്ട് ഗ്രില്ലും പുതുക്കിയ ഫ്രണ്ട് ഫാസിയയും പുതുക്കിയ ഫ്രണ്ട് സ്‌കിഡ് പ്ലേറ്റും ഇതിന് ലഭിക്കുന്നു.

വശങ്ങളിൽ, അലോയി വീലുകൾക്കായി വ്യത്യസ്ത രൂപകൽപ്പനയും (ക്രെറ്റയുടെ 17 ഇഞ്ച് ചക്രങ്ങളേക്കാൾ വലുതായിരിക്കാം) ഒരു ഗ്ലാസ് ക്വാർട്ടർ പാനലും അൽകാസറിൽ കാണാം.

പുറകിൽ, ഉയരമുള്ള റൂഫും രണ്ട് ടെയിൽ ലാമ്പുകളേയും ചേർക്കുന്ന ക്രോം ബാറും അതിന് കുറുകെ 'അൽകാസർ' ലെറ്ററിംഗുമുള്ള അപ്പ്റൈറ്റ് ടെയിൽ‌ഗേറ്റും ലഭിക്കുന്നു.

ഇന്റർനെറ്റിൽ ചോർന്ന ചിത്രങ്ങൾ സൺറൂഫ് കാണിക്കുന്നില്ലെങ്കിലും, അഞ്ച് സീറ്റർ ക്രെറ്റയ്ക്ക് പനോരമിക് യൂണിറ്റ് ലഭിക്കുന്നതിനാൽ ഏഴ് എസ്‌യുവിക്കും കമ്പനി അവ വാഗ്ദാനം ചെയ്യുമെന്ന് ഞങ്ങൾ പ്രതീക്ഷിക്കുന്നു.

റിവേർസ് ലാമ്പുകൾക്ക് പകരം വലിയ ഫോഗ് ലാമ്പുകൾ ഉണ്ടെങ്കിലും പിന്നിലെ ബമ്പർ ഇരട്ട എക്‌സ്‌ഹോസ്റ്റ് ടിപ്പുകളുള്ള ക്രെറ്റ ടർബോയ്‌ക്ക് സമാനമാണെന്ന് തോന്നുന്നു.

ഹ്യുണ്ടായി അടുത്തിടെ പുറത്തിറക്കിയ ഔദ്യോഗിക ടീസർ സ്കെച്ചുകൾ പ്രകാരം, അൽകാസറിന്റെ ക്യാബിൻ ക്രെറ്റയുമായി സാമ്യത പുലർത്തും, പക്ഷേ ഇതിന് പുതിയ കറുപ്പും തവിട്ടുനിറത്തിലുള്ള അപ്ഹോൾസ്റ്ററിയും ലഭിക്കും. ആറ്, ഏഴ് സീറ്റർ കോൺഫിഗറേഷനുകളിൽ മൂന്ന് വരി എസ്‌യുവി ഹ്യുണ്ടായി വാഗ്ദാനം ചെയ്യും.

ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയ്ക്കൊപ്പം 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, വെന്റിലേറ്റഡ് ഫ്രണ്ട് സീറ്റുകൾ, പനോരമിക് സൺറൂഫ് എന്നിവ ഉൾപ്പെടെ ക്രെറ്റയുടെ അതേ ഫീച്ചർ ലിസ്റ്റ് അൽകാസറിന് ലഭിക്കാൻ സാധ്യതയുണ്ട്.

പവർഡ് ടെയിൽഗേറ്റ്, ഫ്രണ്ട് പാർക്കിംഗ് സെൻസറുകൾ, എസി വെന്റുകൾ, മൂന്നാം നിരയ്ക്കുള്ള യുഎസ്ബി പോർട്ടുകൾ, 360 ഡിഗ്രി പാർക്കിംഗ് ക്യാമറ എന്നിവപോലുള്ള അധിക സവിശേഷതകളും ഇതിലുണ്ട്.

അഞ്ച് സീറ്റർ ക്രെറ്റയുടെ 1.4 ലിറ്റർ ടർബോ-പെട്രോൾ (140 bhp, 242 Nm), 1.5 ലിറ്റർ ഡീസൽ എഞ്ചിനുകൾ (115 bhp, 250 Nm) എന്നിവ ഉപയോഗിച്ച് ഹ്യുണ്ടായി അൽകാസറിനെ സജ്ജമാക്കുമെന്ന് പ്രതീക്ഷിക്കുന്നു.

പെട്രോളിന് ഏഴ് സ്പീഡ് ഡ്യുവൽ ക്ലച്ച് ഓട്ടോമാറ്റിക് ട്രാൻസ്മിഷൻ ലഭിക്കുമ്പോൾ ഡീസൽ യൂണിറ്റിന് ആറ് സ്പീഡ് മാനുവൽ അല്ലെങ്കിൽ ആറ് സ്പീഡ് ടോർക്ക് കൺവെർട്ടർ ഗിയർബോക്സ് ലഭിക്കും. അഞ്ച് സീറ്റർ എസ്‌യുവിയുടെ 1.5 ലിറ്റർ പെട്രോൾ എഞ്ചിൻ അതിന്റെ ഏഴ് സീറ്റർ പതിപ്പിൽ ഫീച്ചർ ചെയ്യാനിടയില്ല.

മൂന്ന് വരി എസ്‌യുവിയുടെ വില ഡീസൽ, ടർബോ-പെട്രോൾ ക്രെറ്റ വേരിയന്റുകളേക്കാൾ ഒരു ലക്ഷം രൂപ കൂടുതലായിരിക്കുമെന്ന് ഞങ്ങൾ പ്രതീക്ഷിക്കുന്നു. ഏപ്രിൽ അവസാനത്തോടെ ഹ്യുണ്ടായി അൽകാസർ വിപണിയിലെത്തിക്കുമെന്ന് കരുതുന്നു. എം‌ജി ഹെക്ടർ പ്ലസ്, ടാറ്റ സഫാരി, മഹീന്ദ്ര XUV 500 എന്നിവയായിരുക്കും വാഹനത്തിന്റെ പ്രധാന എതിരാളികൾ.

Source: Hum3D