Just In
- 24 min ago ഇവനിങ്ങ് വന്നാൽ വിയർക്കുന്നത് ഹാരിയർ, ടെറിട്ടറി പിടിച്ചെടുക്കാൻ ഫോർഡിന്റെ ഈ എസ്യുവി
- 2 hrs ago കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
- 15 hrs ago പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- 16 hrs ago അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി
Don't Miss
- Sports IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത്
- Technology ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
- Movies ഞാന് വീണ്ടും വിവാഹിതയാവുകയാണ്, വരന് പോലീസ്! അദ്ദേഹത്തിന്റെയും രണ്ടാം വിവാഹമാണെന്ന് ദയ അച്ചു
- Lifestyle 900 വര്ഷം പഴക്കമുള്ള മമ്മി, 1000 തൂണുകളുള്ള ഹാള്; അത്ഭുതം ഈ രംഗനാഥസ്വാമി ക്ഷേത്രം
- News ഒരു കലക്കൻ പോസ്റ്റ് ഓഫീസ് പദ്ധതി; പ്രതിമാസം 9250 രൂപ വരെ സമ്പാദിക്കാം, ചെയ്യേണ്ടത് ഇത്ര മാത്രം
- Finance സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം
- Travel അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ
Polo & Vento മോഡലുകൾക്ക് പുത്തൻ മാറ്റ് എഡിഷൻ അവതരിപ്പിച്ച് Volkswagen
ഫോക്സ്വാഗണ് പോളോയുടെയും വെന്റോയുടെയും മാറ്റ് എഡിഷൻ ഇന്ത്യയിൽ അവതരിപ്പിച്ചു. പോളോ മാറ്റ് എഡിഷന്റെ എക്സ്-ഷോറൂം വില GT ട്രിമിന് 9.99 ലക്ഷം രൂപയാണ്. വെന്റോ മാറ്റ് എഡിഷൻ ഹൈലൈൻ ഓട്ടോമാറ്റിക്കിന് 11.94 ലക്ഷം രൂപയും വെന്റോ മാറ്റ് എഡിഷൻ ഹൈലൈൻ പ്ലസ് ഓട്ടോമാറ്റിക്കിന്റെ വില 13.34 ലക്ഷം രൂപയുമാണ്.
പോളോയുടെയും വെന്റോയുടെയും പുതിയ മാറ്റ് എഡിഷൻ ഒരു മാറ്റ് ഫിനിഷുള്ള ഒരു ഗ്രേ പെയിന്റ് സ്കീമിനാൽ പൊതിഞ്ഞിരിക്കുന്നു. റൂഫ്, ഫ്യുവൽ ക്യാപ്പ്, ഫ്രണ്ട് & റിയർ ബമ്പർ എന്നിവയുൾപ്പെടെ രണ്ട് കാർലൈനുകളുടെ പുറംഭാഗത്ത് കാർബൺ സ്റ്റീൽ ഗ്രേ മാറ്റ് ഫിനിഷും, അതേസമയം ORVM -കളും ഡോർ ഹാൻഡിലുകളും ഗ്ലോസ് ബ്ലാക്ക് ഫിനിഷോടെ പ്രീമിയം ലുക്കിൽ വരും എന്ന് ഫോക്സ്വാഗണ് ഇന്ത്യ വ്യക്തമാക്കി.
കോസ്മെറ്റിക് അപ്ഡേറ്റുകൾ
മാറ്റ് ഫിനിഷിനോട് അനുബന്ധമായി, ORVM- കൾ, ഡോർ ഹാൻഡിലുകൾ, റിയർ സ്പോയിലറുകൾ തുടങ്ങിയ ഗ്ലോസ് ബ്ലാക്ക് ഘടകങ്ങളാണ് ഫോക്സ്വാഗണ് പ്രീമിയം കോൺട്രാസ്റ്റിന്റെ സൂചന നൽകാൻ ഉപയോഗിക്കുന്നത്. പതിവുപോലെ, C-പില്ലറിനടുത്തുള്ള GT TSI ബ്രാൻഡിംഗ് നൽകിയിരിക്കുന്നു, ഇവ മാറ്റ് ഗ്രേ നിറത്തിലാണ് പൂർത്തിയാക്കിയിരിക്കുന്നത്.
മാറ്റ് ഫിനിഷ് പെയിന്റുകൾ വളരെ പ്രീമിയവും മനോഹരവുമാണെന്ന് തോന്നുമെങ്കിലും, അവ പരിപാലിക്കുന്നത് ഒരുപോലെ ബുദ്ധിമുട്ടുള്ളതും പൊടി നിറഞ്ഞ അന്തരീക്ഷത്തിന് കൂടുതൽ കൂടുതൽ കെയർ വേണ്ടതുമാണ്.
പോളോയും വെന്റോയും തങ്ങളുടെ ക്ലാസ്സ്-മുൻനിര ഉത്പന്നങ്ങളാണ്, അവതരിപ്പിച്ചതു മുതൽ ഇവ രണ്ടും തങ്ങളുടെ വിഭാഗങ്ങളിൽ പുതിയ മാനദണ്ഡങ്ങൾ സ്ഥാപിക്കുന്നു എന്ന് ഫോക്സ്വാഗണ് പാസഞ്ചർ കാർസ് ഇന്ത്യ ബ്രാൻഡ് ഡയറക്ടർ ശ്രീ. ആശിഷ് ഗുപ്ത പറഞ്ഞു.
ഇന്ന്, ജനക്കൂട്ടത്തിൽ നിന്ന് വേറിട്ടുനിൽക്കാൻ ആഗ്രഹിക്കുന്ന തങ്ങളുടെ വിവേകശാലികളായ ഉപഭോക്താക്കൾക്കായി രണ്ട് കാർലൈനുകളുടെയും ലിമിറ്റഡ് മാറ്റ് എഡിഷൻ മോഡലുകൾ പുറത്തിറക്കുന്നതിൽ താൻ സന്തുഷ്ടനാണ് എന്നും അദ്ദേഹം കൂട്ടിച്ചേർത്തു. ഉപഭോക്താക്കൾ ഡ്രൈവിംഗ് നന്നായി ആസ്വദിക്കുമെന്ന് തങ്ങൾക്ക് ഉറപ്പുണ്ട് എന്നും ഗുപ്ത വ്യക്തമാക്കി.
ഇന്റീരിയർ & ഫീച്ചർ ലിസ്റ്റ്
ക്യാബിനുള്ളിൽ, പോളോയുടെ മാറ്റ് എഡിഷൻ ഒരു ബ്ലാക്ക് നിറമുള്ള ഇന്റീരിയർ തീമും ചേക്കേർഡ് രൂപകൽപ്പനയുമുള്ള പരിചിതമായ രൂപത്തിലാണ് ഒരുക്കിയിരിക്കുന്നത്. ടോപ്പ്-സ്പെക്ക് പോളോയുടെ അതേ സെറ്റ് ഫീച്ചറുകളും ഇതിന് ലഭിക്കും. വാഹനം വാഗ്ദാനം ചെയ്യുന്ന ക്രീച്ചർ സുഖസൗകര്യങ്ങളുടെ പട്ടികയിൽ ഒരു മൾട്ടി-ഇൻഫർമേഷൻ ഡിസ്പ്ലേ, ഓട്ടോ-ഡിമ്മിംഗ് റിയർ-വ്യൂ മിറർ, ഓട്ടോമാറ്റിക് ക്ലൈമറ്റ് കൺട്രോൾ, കീലെസ് എൻട്രി, റെയിൻ സെൻസിംഗ് വൈപ്പർ, യുഎസ്ബി കണക്റ്റിവിറ്റി, ഫുട്വെൽ ലാമ്പുകൾ, ക്രൂയിസ് കൺട്രോൾ എന്നിവ ഉൾപ്പെടുന്നു.
ആൻഡ്രോയ്ഡ് ഓട്ടോ, ആപ്പിൾ കാർപ്ലേ, മിറർലിങ്ക് കണക്റ്റിവിറ്റി എന്നിവയോടുകൂടിയ 6.5 ഇഞ്ച് ടച്ച്സ്ക്രീൻ ഇൻഫോടെയിൻമെന്റ് സിസ്റ്റവും ഇതിലുണ്ട്. സുരക്ഷയുടെ കാര്യത്തിൽ, പോളോ മാറ്റ് എഡിഷനിൽ ഇരട്ട എയർബാഗുകൾ, ABS + EBD, റിയർ പാർക്കിംഗ് സെൻസറുകൾ, ഹിൽ ഹോൾഡ് കൺട്രോൾ, ഇലക്ട്രോണിക് സ്റ്റെബിലിറ്റി കൺട്രോൾ (ESC) എന്നിവ സജ്ജീകരിച്ചിരിക്കുന്നു.
എഞ്ചിൻ സവിശേഷതകൾ
മാറ്റ് എഡിഷൻ പോളോയ്ക്കും വെന്റോയ്ക്കും ഒരേ 1.0 ലിറ്റർ മൂന്ന് സിലിണ്ടർ TSI ടർബോ പെട്രോൾ എൻജിനാണ് വരുന്നത്. ഇത് 109 bhp കരുത്തും 175 Nm പീക്ക് torque ഉം നൽകുന്നു. ഈ എഞ്ചിൻ ആറ് സ്പീഡ് ഓട്ടോമാറ്റിക് ഗിയർബോക്സുമായി ജോടിയാക്കിയിരിക്കുന്നു. മറ്റ് TSI വേരിയന്റുകൾ ഒരു ഓപ്ഷനായി ആറ് സ്പീഡ് മാനുവൽ ട്രാൻസ്മിഷനും വാഗ്ദാനം ചെയ്യുന്നു.
ഫോക്സ്വാഗണ്-സ്കോഡ ഗ്രൂപ്പിൽ നിന്നും മാറ്റ് എഡിഷനിൽ പോളോയും വെന്റോയും മാത്രമല്ല പുറത്തിറങ്ങുന്നത്. ഇന്നലെ സ്കോഡ റാപ്പിഡ് മാറ്റ് എഡിഷനും ബ്രാൻഡ് പുറത്തിറക്കിയിരുന്നു. റാപ്പിഡിന്റെ മാറ്റ് എഡിഷൻ ടോപ്പ്-സ്പെക്ക് മോണ്ടെ കാർലോ എഡിഷനെ അടിസ്ഥാനമാക്കിയുള്ളതാണ്, ഫോക്സ്വാഗണ് മാറ്റ് എഡിഷനിൽ കാണപ്പെടുന്ന അതേ 1.0 ലിറ്റർ TSI ടർബോ പെട്രോൾ മോട്ടോറാണ് ഇതിൽ പ്രവർത്തിപ്പിക്കുന്നത്.